هو لو انا عاايزة ابدا اتعلم web design مش عارفه ابدا منين ممكن حضرتك تساعدني ؟؟

حاولي تراجعي الأسئلة.

لو سمحت كنت عاوزة اتعلم برمجه وعاوزة ابدأ بـ برمجة الويب بس المشكله اني مش عارفه ابدأ ازاي ولا بأى لغة خصوصا انه بعيد تماما عن مجال دراستي ياريت لو تبسطلي الموضوع يعني ايه الخطوات اللي مفروض اتبعها علشان ادخل مجال البرمجه عموما ..

أنا مش مبرمج للأسف :)

هو ازااي اكون freelancer ؟؟

بتعرف تعمل ايه؟

هو انا اعمل لوج ازااي لمحل حيوانات اليفه ..يعني المفروض يكون عباره عن ايه ..حط ايه ..يااريت نصايح عشان اللوج ...

تكون عارف ايه نوع المحتوى اللي هتكتب عنه ويكون لك هدف من الكتابة عامة، وعلشان تعمل بلوج ممكن تعملها بنفسك لو عندك شوية خبرة في الويب، أو ممكن تخلي حد يعملهالك مقابل مبلغ بسيط.

أو
ممكن تستخدم منصة Medium مثلاً
أو مثلا WordPress Online

أو لو معاك فلوس، ممكن تشتري هوست ودومين وتركب WordPress، وممكن تشتري ثيم أو تنزل واحد مجاني تبدأ بيه.

وبس :)

هو انا لوعايزة اتعلم اعمل create flat design website وعاايزة فيديوهات بالعربي لو موجود او انجلش بس يكون سهل مش معقد زي اللي بسمعه يااريت ..ياارت لو تديني نصايح انا لسه بدا في المجاال ده

الحقيقة يوتيوب مليان دروس، كل الحكاية تكتبي قي البحث Flat web design tutorial وبس

برشح لك تشوفي الدرس ده :

بالتوفيق

شغل الفريلانسر محتاج بطاقة بنكية نوعها ايه ؟ او نظامها ايه لاني معرفش أقولهم ايه في البنك عشان اطلع البطاقة دي ,, وجزاكَ الله خيرًا

شغل الفري لانس مش لازم بطاقة، لكن معظم الناس حالياً بتستخدم Payoneer، ودي بتعمل أكونت أونلاين وبتتبعتلك ع البيت
payoneer.com

وممكن تستخدم Paypal

لو هتشتري حاجة أونلاين ممكن تعمل بطاقة توماس كوك من CIB مسبقة الدفع وبتتعمل ب 20 جنية تقريباً.

ولو عايز حد يحولك فلوس من خارج مصر ، ممكن تخليه يعمل حوالة بنكية على أي بنك بالإسم فقط وبتروح تستلمها، أو ممكن يحول على Western Union، أو Moneygram دي كلها وسائل للتحويل بدون ما يكون عندك حساب بنكي حتى.

عندي سؤال عن تصميم الشعارات، ساعات المصمم بيعرض خطوات شغله ويبقى عبارة عن دوائر بمقاسات معينة طلع منها الشعار، حضرتك تعرف التقنية دي في التصميم اسمها ايه؟ يعني اكتب ايه في جوجل او ابحث عنها ازاي؟

أنا مابصممش شعارات، لكن عامة دي حاجة اسمها الشبكية، عزت اتكلم عنها هنا :
http://ezzat.info/2012/10/22/guides-and-grids-on-logos/

السلام عليكم ..كنت عايز من حضرتك اى سورس اتعلم منه تصميم تطبيقات الموبيل من البدايه

وعليكم السلام
اتفضل

https://www.linkedin.com/pulse/how-start-mobile-apps-design-ahmed-ali

أنت بتعمل الديزاين بس ولا بتعمل كود؟ يعني ليك في تصميم تطبيقات موبايل؟

أنا مصمم ويب وموبايل.

بالنسبة لتطبيقات الموبايل مش واحد بس اللي بيعملها محتاج تيم على الأقل مكون من 3، الديزاين مرحلة منهم،

لو عايز تعمل تطبيق موبايل ممكن تتواصل معايا هنا:
http://facebook.com/ahmed.portfolio

ممكن تشوف أعمالي في الويب والموبايل من هنا
http://be.net/aali

سلامو عليكم بمشهندس احمد باختصار انا داخل مجال التصميم والفوتوشوب مبقاليش شهر ونص والحكايه معقده والمصادر كتير جدا لدرجه انى مليت البوك مارك عندى بلنكات انا شخصيا مش عارف افتحها امتى واخلصها فى اد ايه فانا عايز نصيحه لوجه الله تقولى امشى ازاى فى الطريق دا من غير ماقول يااه انا شكلى مش هوصل؟

وعليكم السلام
الموضوع بسيط إن شاء الله، رتب نفسك أنت عايز تتعلم ايه ومفيش حاجة هتطير، خد الموضوع واحدة واحدة.
الbookmark هيجي يوم وتشوف اللي فيها بس استغلها صح، المهم علشان ما اتوهكش، ركز أنت حابب تتعلم ايه وقسم ده على حسب وقتك، وخد كورس واحد بس وابدأ بالمستويات من الBasics وبعدين ادخل على الintermediate وبعدين Advanced.

وأفضل طريقة للتعلم من وجهة نظري التطبيق العملي على كل جزئية، وكل ما اشتغلت أكتر ومارست ده بشكل مكثف كل ما كان عندك القدرة إنك تكمل، وشوف رأي الناس اللي بتثق في رأيهم، واهتم بالنقد البناء علشان تعرف نقط الضعف والقوة، وبالتوفيق إن شاء الله.

السﻻم عليكمه أنا محتاجة استفسر عن شئ ﻻنى متلخبطة لما أنا بصمم تصميم ويب بعمله مناسب للويب والموبيل لحد ما .. لكن لما أكون عايزة أصمم حاجة زى الموب أبلكيشن فى أنميشن والحركات كلها ايه التكنولوجى اللى بستخدمها وكمان ال Jquery Mobile , Jquery UI .. بستخدمهم فى ايه؟

وعليكم السلام
ما فهمتش سؤالك، السؤال متعلق بالresponsive ولا متعلق بالfront end ولا متعلق بالcross platform apps؟

http://ask.fm/A7medAli/answers/137049677238 امم مشيت فى التراك عادى وفى الويب ديزاين بى اتش بى ولارفل وكوداجناتور وردبريس بس هستخدم كوداجناتور بعد كده حقيقى الوقتى عايز يجيللى عائد فى الصيف ده من الفرلانسينج لان بقيت حاسس ان كده بقضى وقت علىا لفاضى

التراك الخاص بالweb development مش هقدر أفيدك فيه لأني مش Developer، لكن عامة لو حابب تشتغل فري لانس حاول يكون وجود في السوق، ادخل على Upwork أو Peopleperhour هتلاقي فرص كتير، شارك في إيفنتات وعرف الناس بنفسك، الفري لانس بيعتمد على العلاقات بشكل كبير، وبالتوفيق إن شاء الله.

حضرتك ان اكنت ماشى فى تراك الويب عامة من فترة بعيده وهرجع اراجع عليه تانى فالوقتى لو عايز اشتغل فى شركة او تدريب اعمل اايه بالظبط من ناحية السى فى وكل حاجة واون لاين كذلك؟

حابب أعرف أنت واقف فين تحديداً في الويب علشان أقدر أساعدك.

http://ask.fm/A7medAli/answers/137321806262 انت بيض وربنا عادى سؤال بحسبك بتفهم هترد رد طبيعى او ماعندكش رد فامش هترد وخلاص بسيطه

شكراً لحسن بيضكم!

موضوع الانسان مخير او مصير بمعنى فهمك ليه يعنى الانسان فى العادى بيختار على اساس مجموعه من العوامل هو مااخترهاش ومفترض بعد كده يتحاسب عليها سيدنا محمد او جورج بوش هما مش اكتر من مؤديين لدورهم اللى مكتوبلهم ولا ليهم دور وكونك انسان اصلا دى حاجه مااخترتهاش ولو اخترتها فده لنقص المعطيات عندك

أيوة يعني عايز ايه؟

كالعاده السؤال الل زهقت منه طبعا 😅 انا بعرف اشتغل ع حاجات كتير زي muse , dreamwaever,photoshop , edge animate متقنهم بدرجه حلوه وعارف كمان Html5 ,css3 , وبدايات javascript حلوه ومش عارف ابدأ ازاي ولا منين شغل ك ui designer وممكن ابعد عن php ولا لازم البس فيه ف الاخر ؟😅👍

ممكن تراجع الأسئلة، لو لقيت الاجابة خير وبركة، مالقيتهاش عيد السؤال تاني

هنفرح بيك امتا ياحاج احمد :-D

لما تبطلي بيض :D

دلوقتى هتخرج السنه دى ان شاء الله وعارف html &css&basic js&bootstrap ممكن مكنش بروفاشنل اووى بس عايز هقدر الاقى شغل كده ولا لاء

دور على أي فرصة شغل في شركة، أو حتى تدريب لغاية ما تثبت نفسك ، ولو مش لاقي شغل في شركات ممكن تشتغل اونلاين على Upwork.com أو peopleperhour.com وربنا هيكرمك إن شاء الله :)

هى الشركات اللى بتخلى الويب ديزاينر مجرد بس يعدل على تمبلت جاهزه دى تبقى شركات كويسه و لا اى كلام ؟؟

الموضوع بيعتمد على احتياجات العميل ولو متوفر في قالب جاهز، يبقى ليه لزمة أعمله من الصفر، والشركة يهمها تقلل المصاريف وفي نفس الوقت الجودة تكون كويسة، بس نصيحة لو كل شغل الشركة كده دور على بديل لأن أنت كده هتموت بالبطيء، فنصيحة اخلع :D

هو ممكن انا ك ui يبقي ليا علاقه بالماركيتينج ؟ وازاي استخدم او اوظف الدنيا عندي للماركيتينج ؟ معلش السؤال اللي فات معرفتش اصيغه كويس 😃

لو أنا فهمت سؤالك صح،

هو عامة احنا مش بنصمم غير للماركتنج، مش بنعمل ديزاين ونقلب ونشوف اللي بعده، والموضوع في النقطة دي مش كلمتين هرد بيهم وأنت تقول الله وحد شغال ماركتنج يعلم عليا :D ، الموضوع بيتعلق بالشغل على مشاريع مختلفة وبيعتمد أكتر على الuser experience واحتياجات المستخدم وهل التصميم اللي هتعمله بيأدي احتياجات البيزنس ولا لا وبعد ما بتعمل الديزاين بتيجي مرحلة الtesting و بتشوف النتائج وهل الديزاين ادى الهدف منه ولا لا ، فأنت محتاج تقرأ أكتر في الUser Experience علشان تقدر توظف الديزاين صح.

طب ازاى اقدر اوصل لاختيار محدد اقرا مثلا نبذه عن كل مجال وبعدها اقرر (Y)

في الحالة دي بيعتمد الموضوع على خبراتك السابقة ، بتعرفي ترسمي مثلاً ، حابه تتعلمي حاجة معينة ، لأن لو مش عارفه حابة تتعلمي ايه ممكن الموضوع يجي بشكل تاني وهو هل عندك استعداد تتعلمي وتصبري ولا لا ، بعد كده ممكن تاخدي فكرة عن المجالات اللي ممكن تشتغليها وايه المهارات اللي عندك اللي تساعدك علشان تتقني الحاجة اللي هتحبي تتعلميها.

يعني مثلاً مجالات الديزاين كبيرة شوية ، فيه الناس اللي بتعمل شغل طباعة زي البيزنس كارد والبروشور والبانر والتيشيرتات وغيرها ، وفيه الناس اللي بتشتغل تصميم واجهات مستخدم زي تصميم مواقع انترنت وتصميم الموبايل ، وفيه الناس اللي بتشتغل موشن جرافيك وبتعمل فيديوهات تعليمية مثلاً ، وفيه اللي بيعملوا شغل 3D ، فالموضوع بيعتمد على استعدادك أنتِ مش أكتر.

أنا بشتغل في جزئية معينة وهي تصميم واجهات المستخدم زي تصميم مواقع الإنترنت وتصميم تطبيقات الموبايل ، ودي الجزئية اللي بدعي إني بفهم فيها وممكن اساعد الناس انهم يتعلموها ، أي مجالات تانية معرفتي بيها سطحية من باب العلم بالشيء مش أكتر.

وبالنسبة لنقطة توصلي لإختيار مجال معين ، دي ممكن توصليلها بعد ما تجربي أكتر من مجال واللي تلاقي نفسك فيه ممكن تكملي فيه بس الموضوع محتاج صبر وإنك تشتغلي على نفسك كتير ، فلو مش مستعدة للتعلم والتعب وإنك تتشقلبي علشان توصلي للمعلومة ، فمن دلوقتي بلاش :)

فشوفي أنتِ حابه تتعلمي ايه ..

انا نفسى ادخل فى مجال التصميم لان بحبه جدا ومجال دراستى مختلف بس مش اعرف اى حاجة عن المجال وهل فيه مجال كويس لبنت افضل من ولد فيه ومش عارفة ابدأ منين ازاى اقدر اختار مجال واحد ..،؟ وبعد مااختاره ابدا اتعلم ازاى .؟

الأول محتاج اعرف أنتي حابه تتعلمي ايه وبناء عليه هعرف هقدر أساعدك ولا لا.

ui من ناحيه الماركيتينج ايه ؟ :D :D

مش فاهم سؤالك معلش

ايه الافضل ف الاستخدام و المطلوب ف السوق؟ .Net ولا php ?

الاتنين موجودين في السوق وكل حاجة ليها استخداماتها، ممكن تسأل مبرمج هيفيدك أحسن مني :)

Loading…

Ask @A7medAli:

About Ahmed Ali:

Senior UI Designer, Muslim and Egyptian

Egypt

https://www.facebook.com/ahmed2li