مهي الدماغ شغاله بس وسط الكلام مش في بدايته ، بس هحاول حتي لو هعمل حوارات مع نفسي او اي حاجه المهم يكون في امل انها تظبط يعني
هتظبط متقلقش.. و متحاولش مع نفسك عشان مش هتنجح.. حاول مع ناس مثلا زى اخوك او اختك.. بابا او ماما.. قريب ليك. صاحبك المقرب.. هتلاقى المواضيع بتجيب بعضها
الكلام ده موهبه مش موجوده عندي خالص ، يعني ممكن اتجاوب مع حد بيحكي بالفعل هقدر اخلي الكلام يستمر لكن معرفش اخليه يحكي من الاول ، تفتكر انمي الموضوع ده ازاي ؟؟
هو موهبه للاسف. بس حاول تتعلم اى اسلوب او اسئله عامه لبدء المحادثه.. انا اديتك مفاتيح بس فيه كتير تقدر تتعلمه و تستنتجه بنفسك.. مثلا. بغض النظر عن الاسئله التقليديه بتاعه عندك كام عيل و الكلام الفاضى ده. ممكن تساله ايه هو الموقف اللى نعداش عليك مرتين ف حياتك و بعدها تساله طب عاوزه يتكرر او لا. طب تحب تغير الشخصيات و ابدأ هزر معاه لو بقيت مسئول هتعمل إيه و لو جيتلك بواسطه هتشغلنى.. فيه طرق و اسئله ممكن تاخد منه ساعات حكاوى و بسيطه و جواها اسأل عن تفاصيل اكتر .. الموضوع مش صعب بس عاوز دماغ شغاله
يعني انا مثلا لو راجل سواق علي المعاش ومش متعلم ، هتحكي معايا ف ايه ؟
هحكى معاك ف انواع الزباين اللى بتركب معاك.. ف تجاربك فالسواقه. لو تنثحنى بيها اه ولا لا. استفدت منها ايه.. و هل انت حاببها ولا كانت شغلانه و السلام.. كده يعنى