شنو أسم عائلة أمك ؟

عندي فضول أعرف الاهتمام الزايد بهالموضوع :D

أهل أمك ( سعوديين ) أو لا ؟

..

سؤال / كثير تروحين للمملكة البحرين ؟ ما السبب ؟

سؤال غريب ،

مبدأ عظيم عندك ؛

لك الحرية بعمل اي شيء دامك ما تتعدى حدود دينك ..

العبودي ، وين يرجعون ؟ أي فخذ ؟

قرية اسبانية ..

برأيك ، كيف يكون للشخص مرونة في حياته ؟

ما يصر على رأيه

تقربوا لكم العبودي للي ساكنين في القصيم المخصوص في منطقة عنيييييييززززة ؟

مالنا أي قرابة بأي عائله اسمها العبودي بالقصيم

ما شاء الله عليك يا نوف كل ما اطفش ولا اتضايق ادخل حسابك تصويرك جميل وكلامك صادق ونقي اتمنى اقابلك يوم من الايام ❤️

تسلمين لي 💞

السلام عليكم آنسة نوف انا حابه تخصص واتمنى وعندي القدرة ادخله لكن أهلي رافضين بسبب ان مستقبله غير مضمون عندنا ولما فكرت فيها فعلاً مستقبله صعب بالسعودية ليش تقريباًكل شي اصعب عندنا للاناث فعلاً شيء محير التخصص هو قانون

وعليكم السلام
أنتَ تريد و هذا يريد و الله يفعل ما يريد
استخيري وربي بيختارلك
❤️

نوف أمامة بسالك سؤال جدي ، كيف أزرع الحياء بقلبي؟ البنت جمالها بحياها واحنا في زمن صار الحياء يختفي ، كيف ازرعه 😢؟

هههه يا حلوك ويا حلو سؤالك ههههه كيوت ما قد أحد سألني عن هالفقرة
شوفي ، قد ما تخلين لنفسك حدود
قد ما بتقدرين تسيطرين على هالموضوع
إذا خليتي الدنيا فالته مع الوقت تفقدين كل شي
أعطيك شي
ايش يمنعني أتكلم بسناب بصوتي ؟
غير أنه لما أفكر فيها لقدام بعيد مرة أحس كثير أمور بتتجرد مني
وما أبيها تروح
ما يحتاج تزرعينه بس أرجع أقولك خلي لك حدودك 💞

مرحبا نوف🌸💜 صراحة يعني وبدون مبالغه انا مجرد ماقرا كلامك بالتويتر واشوف سناباتك تجيني طاقة ايجابية😢 انا حضرت لك محاضرة في جامعة الدمام ! اصلا كنت حاضرتها على اساس بشوفك فيها والله بس انصدمت انها كانت صوتيه😂 بس ماكذب عليك سمعتها من قلب قلبي استمتعت جدًا فيها واستفدت💜 اخيرا ابي اقولك الله يسعدك💜

أهلا يا جميلة
يسخر الله للناس الطيبين من يسعد قلبهم و يبث فيهم الأمل لأنك تستاهلين هالشي
ربي يسخرني لكم دايم ويجعلني عند حسن الظن
و تمنيت أنا وقتها أكون موجودة بس كنت وقتها بأمريكا
موفقة يارب ❤️

نوف حبيبتي تنصحين الشخص يكمل ماستر بعد التخرج على طول ولا يتوظف ؟

يعتمد ،
دايم أقول أفضل حل للحيرة بين أمرين ومعرفة أفضلهم الاستخارة
سبحان الله أنا تخرجت من الجامعة ورحت رفعت أوراقي على طول للماستر
وما حصل لي وقتها وقلت معليه بجي شي أحسن
و أبد ربي كتب ابدي عمل حر ثم رجعت قدمت ماستر و انقبلت والله يكتب الخير إن كنت بكمل أو لا
استخيري و حطي ٣ خطط لو ما حصل شي خلي دايم عندك عدة خيارات
موفقة ❤️

نوف العزيزة احتاج نصيحتك 🙊 أنا ظرووفي ماتسمح لي بالسفر او الابتعاث للخارج لاني حابه ادرس اللغة ووو لكن الآن ودي ادرس في معاهد اكاديمية في البلد رأيك هل تشوفين نقطة ممتازة ولا ماينفع اتعلم اللغة الا بمخالطة الاجانب ومعاهدهم

أبد والله ، ممكن تسافرين برا و تختلطين و تدرسين بمعاهدهم ولا يتغير شي
اللغة من أي مكان تقدرين تتعلمينها إذا عندك رغبة
وهذا موقع تسجلين فيه و تقدرين تاخذين دروس بالساعة
مع مدرسين أجانب
سواء بالمحادثة
الرايتنغ
جربته مرة ممتاز بس للاسف ما كملت لظروف ما
http://www.italki.com

نوف ليش كل حاجه ضدي💔

مافي شي يصير ضدك ، أنتِ تصيرين ضد نفسك لما تتعبينها بالأفكار السلبية
و الحسرة و الخوف و غيره ..
لا تفكرين ليه هالأشيا ما جات قولي الحمدلله و اكثري منها
ثم اسألي نفسك كيف أقدر أخلي الاشيا معي
الله يشرح صدرك و يرزقك كل الي تتمنين
❤️

سبحان الله ما اعرفك ولا قد قابلتك شخصيا بس فيك شي مريح ما شاء الله

من طيبك ❤️

حبيبتي بسألك الهندسة الداخليه لازم اكون متمكنة في الرياضيات؟ ولا عادي بس اخذ مساحات وكذا يعني ماله دخل بالمعدلات الصراحه انا في الرياضيات مو زود 💔 بس حابه ادرس عن شيء يتعلق بالفن وكذا

@Noof_f: مثل ما وعدت الجميع قبل فترة ، كتبت عن مجال التصميم الداخلي ، قراءة ممتعة ❤️ ،
http://t.co/9HSMZO3dR3

أحبك في الله أ.نوف الله يسعدك ويرفع قدرك ويرضى عليك ويرضيك دنيآ واخره 🌸💞💓

حبك كل خير و تسخر لك يارب الله يسعدك❤️

نوف ادعيلي ومتابعاتك بتيسير قبولي هذه السنه بالجامعه كم يوم وتطلع النتائج 😢💔 ، شايله هم وخايفه .

الله يكتب لك الخير ثم يرضيك فيه
ربي يدبر عباده توكلي عليه 💞

اذا ابي ابتعث كم النسبه الي يبغونها حق تخصص تصميم 💗💗

تغيرت أوضاع الابتعاث الحين و البرنامج صار مختلف شوي
فمو متأكدة إذا فيه تخصص تصميم من ضمن الائحه أو لا
شوفي موقع الوزارة كل شي كاتبينه
بالتوفيق ❤️

كيف أعرف شخصيتي؟ نقاط القوة والضعف؟ واذا فيه كتب تساعدني ممكن تفيديني❤️

ايش تمثل لك القوة ؟
مين الانسان الي تقولين عنه قوي ؟
دوني هالصفات وقارنيها بنفسك و نفس الشي للضعف 💞
بالنسبة للكتب قسم مكتبة جرير في هالمجال ثري جربي تروحين و تتصفحين
بس ما يحضرني شي حاليًا
موفقة❤️

#كلمه_للمستجدين_بالجامعه

استمتعوا ❤️ ،

آنسة نوف كل شي فيك يعجبني تبارك الرحمن بس اكثر شي بعجبني فيك وخاطري فعلاً اتغلب على الوسواس اللي فيني هو انك ماتعطين اهمية للعين والحسد الله لا يضرك انا ما كنت كذا بس فجأة تغيرت بدون سبب يخصني

اقري أذكارك و لا تركزين على هالموضوع
إذا جا في بالك استغفري وتعوذي من ابليس
وقولي " لن يصيبنا إلا ما كتب الله لنا "
ولا تشيلين هم شي الواحد مو ضامن عمره
ليه أكدر خاطري و أوسوس ؟

نوفي لو بتاخذين مفكرة تكتبين فيها المهام اليومية شنو اكثر شي يهمج فيها من الداخل غير الغلاف الخارجي؟ ❤

يهمني نوعية الورق الي داخل ، و طريقة التسطير حقته
أحبه يكون أقسام
و على جوانب الورق فيه رسمه باليد عفوية
💞

نوف حبيبتي سمعت ان مجال التصميم لازم درجه عاليه صج ولالا ؟

إذا جامعة حكومية ايه

اهلا نوف ❤️ نوف انا خريجه باقي لي اسبوعين وينتهي مشواري الجامعي بس احس اني خايفه من المستقبل وضايق صدري :/ مع اني مسوية لي خطة مابعد التخرج وش بسوي بالضبط بس شايله هم ☻وش تنصحيني فيه وشكرا الله يسسسعدك

Ghada

أنصحك أنه ما تشيلين هم ، كل شي بجي بوقته
استمتعي بكل خطوة تسوينها

Loading…

Ask @Noofalaboudi:

About Noof:

خريجة تصميم داخلي وفن ، مهتمة بالأدب و تطوير الذات ..
مدربة معتمدة دوليًا ، امتلك مؤسسة النّوف للتصميم أقدم من خلالها استشارات وورش عمل بالديكور | في سعي مستمر لنشر الإلهام و الجمال ❤️ | ..

Saudi Arabia

http://m.pinterest.com/noofa/