الشّيماء
Latest answers

صدقيني لم يكن من سوء حظ أن تطيلي في الإجابة بل العكس تماما -من حسن حظي-.

ده يسعدني:)

View more

كيف كان التيرم الأول في هذا العام؟

للأول حسبت السؤال نفسه بس تكرر بصيغة تانية لكن لقيته غير ف يا سوء حظك بإجابة أخرى:)
الترم ده تقيل لكن خفيف على قلبي لإني بدأته بروح مختلفة في نظرتي للدراسة وده اللي قصدته من قبل عن جعل الوضع أقل سوءًا..
لسه عندي امتحان يوم الإثنين ولسه بتفرج عالمنهج من أوله عايزة أختمها ختام عِدل بس مافي نفس والله.

تفضل الخلاصة مؤسفة: مافيش أي نشاط جديد عملته أو شاركت فيه، كثير من خيبات الأمل في علاقتي مع زمايلي، القراءة قليلة أو الإطلّاع على أي مصدر ثقافة خارجي ، وكانت اللحظات اللي بتمني فيها أكون لوحدي كانت أكتر من إني أكون مع حد.

View more

كيف كان أول تيرم؟

أول تيرم كان مخيف كنت تقريبًا عاملة زي Amer Khan في فيلم PK، المجتمع رغم إنه منفتح لكن عقول الناس حجر ومحتاج لوغارتيمات عشان تفهم تعاملاتهم، العلاقات معقّدة يمكن دي موجودة في أي مجتمع عربي لكن انخراطك بشكل أكبر مع المجتمع بيخليك تشوف تنوّع، أنا مجتمعي كان البيت والمدرسة وغيره هايكون في نطاق محدد وتعاملي مع اللي حواليا في نطاق محدد برضو.
أنا اجتماعية وكنت دايمًا بقول لماما أنا مش هاتعب وهاحب مصر عشان الزحمة بحب روح الناس تبقى موجودة بكثافة لكن في أوقات ما بحس الزحمة دي كانسر.
بالنسبة للدراسة مكانتش صعوبتها هي اللي مخوّفاني أكتر ما هو التعامل مع منظومة التعليم ككل إدارة دكاترة مناهج وحتى زملاء الدراسة، حسيت إني في معركة لازم أحدد موقفي منها، همّي الدرجات أبشر بالضغط العالي والقلق والاكتئاب والجري وراء المصلحة وسحقًا للجميع، همّي الفهم فده غالبًا ممكن يأدي لضياعي لإن فهم دماغ الدكتور أهم من فهم المادة.. بين ده وده كرهت الكلية وكرهت حياتي وحسيتني في طاحونة هاييجي يوم وتتطحن وماحدش هياخد باله منها، قلّبت في دماغي كتير عن مخرج من ده لكن توصّلت للرضا بالواقع هو سيء آه لكن في إيدي أخليه أقل سوءًا لحد ما أرتضيه لنفسي.

السؤال ده ممكن أفضفض فيه أكتر لإنه بيحكي عن مرحلة شهدت تغيّرات كتير وربنا يستر.

View more

احب ارشحلك حسابي صراحةً يعني من احسن الحسابات الي شفتها😂😂 شكراً لا داعي للتصفيق😂

إيڤانجلين؛

هلا إيڤانجلين 😂
تابعتك

View more

-

ياريت ترشحّولي حسابات بنت ناس أتابعها عايزة وجوه جديدة
جرّبت أفتح Discover لقيت مستنقع.

View more

ما هي أمنيتك في هذه اللحظة؟

حد ابن ناس يخطفني وأعيش معاه في جزر الواق واق

View more

هو اتجوز نفسه وخلف نفسه🌚 وقتل نفسه ف الاخر عشان مخرب

أي فيلم خيال علمي هاتلاقي فيه ثغرات
بس في نهاية الفيلم ده اتوضّح فعلًا إنهم شخص واحد وتقريبًا عشان كتر استخدام آلة الزمن خلت فيه مفارقة فممكن يكونوا اتكرروا
خليك من ده ايه أكتر مشهد أثّر فيك؟

View more

شيم قوليلي بالله فهمتي ايه من الفيلم الكلب ده Predestination انا شوفته وتوهت مين جاب مين ومين راح فين😂😂

😂😂 تقريبًا كده كلهم واحد
هو في الأول كان چين البنت اليتيمة بس أما اتحرق وشه وجمّلوه بقى العميل السرّي مش فاكرة اسمه وهكذا بقى مع آلة الزمن دي

View more

إذا كان عليك الاختيار بين البرد الشديد أو الحر الشديد، فماذا ستختار؟

تفضيل شخصي البرد قطعًا
لكن البرد قاسي على الغلابة

View more

عندى امتحان بكره ومذاكرتش حاجة

ليه؟
أتمنى تكوني بتذاكري دلوقتي

View more

مسلسل مفضل؟ فيلم مفضل؟ كرتون مفضل؟

آخر مسلسلين والوحيدين شفتهم وعجبوني
Downton Abbey
War & peace
والأخير ده لا يتعدّى ال١٠ حلقات لو بتزهق زيي
كرتون بحب The penguins of Madagascar وده ممكن من أصل ٣ شفتهم بس
أفلام فيه كتير والله فهاقولك آخر واحد كان حلو Predestination

View more

كيف ستشعري إن اكتشفتي يوما أن صديقا طالما اخبرك انك مميزة بالنسبة له ويعتبرك مفضلة عنده يتعامل ويخبر الكثير بنفس التعامل والكلام معك؟

أنا مش فاهمة الجزء التاني من السؤال لكن غالبًا المقصد إنه متأثّر بأسلوبي معاه؟
الصداقة جزء مهم منها إنه يكون فيه تكامل وانسجام بين الشخصين حتى لو كانت شخصياتهم مختلفة لو حصل ده نقدر نقول إنها ناجحة
بالطبع ببقى سعيدة جدًا وبحس إن فيه جزء مني أصبح في شخص تاني لكن يفضلفيه تخوّف، لإني وصلت للمرحلة دي مع أصدقاء كثر وعوامل الزمن خلّت كل واحد يروح لحاله ببساطة، فالأهم ازاي الشخصين يبيّنوا مدى حرصهم على استمرار صداقتهم.

View more

نصيحة؟

ماتتوقّفش عن تقييم نفسك
خلي دقائق قبل النوم هي فقط لمراجعة النفس بعيدًا عن أمور الناس، عملت ايه وايه اللي كان المفروض تعمله وماعملتوش وهكذا..
حط لنفسك تارجت وحدّده مدة للتنفيذ وتابع تقدّمك فيه ده بجانب روتين حياتك اليومية..
كل أكل صحي -ما تعكّش- والعب رياضة ومش تتحجج بالچيم اليوتيوب هاينفجر ڤيديوهات والله، وإذا كانت الرياضة زاد جسمك فالقراءة زاد عقلك والقرآن وعلاقتك بربنا زاد روحك
هي دي الثلاثية اللي بنصحك بيها أخيرًا واللي بسعى لها.

View more

رتبي إش يجذبك أكتر في شخص. من الأهم إلى الأدنى: - الكاريزما وخفة الظل - الشكل (طول،حجم،وسامة) - الثقافة والإطلاع - اللباقة والطيبة

خلينا نقول بدايةً الشكل هو المفتاح للانجذاب وأحيانًا لظروف خاصة بتحصل كيمياء مش مفهومة وبنقرّب لناس شكلها مش قريب مننا..
فيه ثانيًا "ثقل الوجود" وده أكيد مصطلح تأليفي جدًا اللي أقصده إنه فيه أشخاص مرورهم غير عادي رغم إنهم راسيين ومالهمش ضجة لكن حواليهم هالة كبيرة بتخليني أحاول أقرّبلهم أو أقله أتفرج عليهم وهما بيتصرّفوا..
الباقي بيظهر بالتعامل كاللباقة والثقافة والإطلاع وخفة الظل، يهمني يكون انسان بمعناها مستوعب تمامًا لغيره، غير عنصري، ومهتم باللي حواليه.. ده أهم من الثقافة اللي البعض بيدّعيها واللباقة اللي بتخدّم نفاق بعضهم.

View more

والإستِغْفَارُ : قَرْعٌ لبَاب الرِّزق ، فمَنْ أدامَ القرعَ فُتِح له وأُوتِي من غير حِسابٍ ، وبُسِط له بساطُ المغْفِرَة 💕🌼

View more

تعرفي حد في هندسة المنصورة؟

أعرف حد كان هناك فبالتالي هايكون عارف
اؤمري؟

View more

هل سبق لك وأن أنهيت علاقة صداقة لسبب سخيف؟ ماذا كان السبب؟

قليل ما بقطع علاقتي مع بحد، بتبع نظرية خِف نفسك.

View more

ازاي متعلقش بحد ازاي متعلقش باصحابي وزمايلي بزيادة كده واتضضايق لو خرجو بدوني وازعل

ثقتك بنفسك، وتتحكمي في عواطفك.
وحدّدي دايرة صحابك وماتفرضيش نفسك على حد بمعنى أنا عندي صاحبتي ١و٢ فمش آجي أركز مع رقم ٣ اللي هي مجرد زميلة ومش صاحبتي أصلًا وأشوف هي بتعمل ايه وبتخرج مع مين وأزعل من تصرفاتها..
وكمان حتى مع صحابك ده مش مبرر إنك تفكّري بتفكير أشبه بالامتلاك إننا لازم نبقى مع بعض وخروجاتنا مع بعض بس، لأ ده غلط هيأذيك نفسيًا ويبعد الناس عنك..
واتعلّمي ازاي تكوني مكفّية نفسك، صحيح احنا مانقدرش نعيش من غير صحاب بس برضو نتعلّم ازاي نستمر في حياتنا من غيرهم.

View more

وأن ليس للإنسان إلا ما سعى .. وأن سعيه سوف يُرى .. ثم يُجزاه الجزاء الأوفى :) شدوا حيلكم وكان الله في عونكم ، التعب دلوقتي هيريح وهيفرح وهيُوفى بعدين إن شاء الله

شكرًا ❤

View more

اقترحولي فيلم ممتاز، بغض النظر عن النوع، أعجبكم بشدّة؟

حوراء | 7071.

آخر فيلم شاهدته Nightcrawler ، لو بتحبي أفلام المرضى النفسيين

View more

في الشتاء: لا بقدر أسهر عشان أذاكر ولا أصحى بدري
طيب والفاينال؟
ربنا يعوّض علينا كالعادة:)

View more

برأيك ما هي الطريقه الأمثل لنُحافظ على الأبناء من غير تقييدهم و حرمانهم من اكتشاف الحياة ؟!

زينـة.

التربية أعقد وظيفة يقوم بها الانسان بدافع الحب فقط، لها كيمياء خاصة لكن حتى إذا اتبعت الخطوات من الممكن أن تخرج بنتائج غير مرضية..
لم أقرأ ولم أسمع دروسًا في التربية لكن أظن أن الأبناء لو تربّوا جيدًا على المبادئ والمفاهيم الأساسية حتى سن 15 وإلى 18 ونتركهم ليكتشفوا العالم سيتفاعلون معه وفقًا للمبادئ التي تربّوا عليها،بجانب أساليب المراقبة بذكاء.

View more

شخصيًا، قادر تتحكّم بفضولك؟ هل الفضول شيء إيجابي أم سلبي بالنسبة لك؟

حوراء | 7071.

الفضول صفة جيدة لكن كعادة الأشياء إذا زادت عن حدّها انقلبت إلى ضدّها، إذا استمر طرح الأسئلة لأجل طرحها بدافع الفضول أو إدعاءً بدافع العلم مؤكّد سيتوقف العقل عند نقطة ليس لها إجابة غالبًا تهدم كل الاجابات التي قبلها.
لكن الفضول في أمور الناس ككل هذا بلاء يستوجب العلاج.
أنا فضولية بإعتدال في أموري الخاصة أما أمور الناس لا شأن لي بهم.

View more

ما حدود الوِصال لحب أصاب قلبين يخافا الله وان كان الارتباط يفصلهما به عامل زمني فقط؟

أحبب حبيبك هونًا ما عسى أن يكون بغيضك يومًا ما

View more

ما هي أكثر الأشياء التي تساعدك على الاسترخاء؟

شاي بالنعناع-رواية طويلة-موسيقى هادئة-إضاءة خافتة.

View more

Loading…

Ask @Shimaa_Ashraf:

About الشّيماء:

"فتاة ما قد عاشت قبل مئة عام كما أعيش الآن، وهي الآن ميتة. أنا حاضرها، وأعلم أنني سأعبر مثلها،اللحظة العالية، النور الخاطف، النور يظهر ويختفي بسرعة، الرمال متحركة لا تتوقف، وأنا لا أريد أن أموت"

مصر

https://soundcloud.com/sheem128

#Reader #dreamer