Wajeeh Andijani @WajeehAndijani
Wajeeh Andijani @WajeehAndijani
Madina •• Riyadh
((يا أيّها الناس إنا خلقناكم من ذكر وأنثى وجعلناكم شعوبًا وقبائل لتعارفوا إن أكرمكم عند الله أتقاكم)) --- طبيب أطفال مخيّر في دائرة التسيير .. مبعثر رغم التنظيم والترتيب :)
instagram:waajeeh
Ask me a question
RSS answers
-  Wajeeh Andijani
سهالاات بإذن الله لكل اللي عندهم امتحانات في جميع أنحاء العالم ^^
1 person likes this
لااااا سيرجري وبعدها باربعة ايام مدسن فاينل
سهالات بإذن الله .. لا تشيل هم :)
الطبيعي في الطب إنك ما تخلص المنهج ..
اقرا اللي تحس إنه مهم واترك الباقي ..
اتوكل على الله قبل كل شي ..
وبشرني عن الفل مارك بعد ما تنتهي ^_*
عشان عندي مدسن وسيرجري ومو راضية تخلص المنهج
كيف مع بعض؟؟؟؟؟؟
يعني ابكي
ليش؟؟ :'(
ودي ابتسي
كيف يعني؟
ضد فكرة :
الاقتراض من أجل الكماليّات !!
---
اللهم اقضِ الدين عن المدينين وأغننا بفضلك عمّن سواك ..
2 people like this
ظواهر تستاء منها وتتمنى تغييرها؟!
-رمي الأكل/بقايا الأكل في الزبالة -الله يكرمكم ويسامحني على اللفظ-
-الإسراف والتبذير في تكاليف الزواج
-العنصرية
-تمييز الناس بناء على الأعراق/الأجناس وتحقير بعضهم الآخر على نفس المبدأ
---
هادا اللي في بالي الآن ..
مشهدٌ آسر : صورة
!
مشهدٌ آسر : صورة
Would you rather have white hair or no hair?
White hair :))
اسأل الله لك التوفيق دوماً
الله يسمع منك ولكم أيضًا :)
الانخفاض حيكون بشكل متكرر صح ولا لا ، ولا مرة وكدة وبس ، يعني الشخص ينام ولا يكون صاحي ؟
النوم ممنوع في حال اشتباه إنخفاض في السكر <وجه خايف>
في طريقة الشخص يوقف مفعول جرعة انسولين لو أن دق جرعة مرة كبيرة بالغلط :( ماذا يفعل المرأ بهذه الحالة اتمنى ترد عليا بسسسرعة :'(
ما أفتكر فييه شي يبطل أو يوقف مفعول الإنسولين ..
لكن لا بد من مراقبة مستوى السكر باستمرار وتجهيز إبرة الانخفاض والاستعداد للذهاب المستشفى إن لزم الأمر ..
يعني إذا بدأت تظهر أعراض إنخفاض السكر زي :
الخفقان
التعرق
الخوف
القلق
الرعشة
الدوخة
شفاكم الله ..
2 people like this
طيب عفواً دكتور ليش مافكرت في برنامج ريزدنسي خارجي إما أوروبي أو نورث أمريكا ؟ أو لك وجهة نظر مختلفة
أنا من المؤيدين للابتعاث والتدريب الخارجي وبقوة للأشخاص القادرين والجاهزين :)
أنا قدمت وما اتيسرت لي الأمور من ناحية الداعم المادي sponsor
لكن تخطيطي ماشي ولله الحمد لما بعد الزمالة بإذن الله .. غالبًا أمريكا أو كندا :)
أقدر الآن أقدم على بعثات الملك بما إن الحصول على الضمان المالي منهم سهل : لكنّي ما أحب أقطع مشوار بدأت فيه ..
لذلك مخطط على التخصص الدقيق ..
دعواتكم ..
جزاك الله خير يا دكتور خير الجزاء ، وجمعة مباركة ان شاء الله
ويجزاك ربي خير ..
وكذلك جمعتك :)
وكل التوفيق لنا ولك وللجميع .. الله ييسر لنا وإياك الخير محل ما كان ..
جزاك الله خير على جوابك :) ، طيب اذا عن طريق الجامعة لازم اخذ المعيدية ولا في شي ثاني ؟ واذا عن طريق وزارة الصحة اذا سمحت تقولي كيف ؟
-ايوا اذا عن طريق الجامعة يعني معيدية يرسلوك على حسابهم وانتا تدبّر نفسك في كل إجراءات القبوول ..
-وزارة الصحة : ما عندي خبرة عنهم لكن سمعت من أصحابي اللي راحوا واللي ح يروحوا إن إجراءاتهم نوعًا ما سهلة .. كلها عن طريق قسم الابتعاث (طبعًا لازم تروح الوزارة في الرياض) .. وأعتقد إن الموافقة تاخد وقت على حسب عدد المتقدمين وعلى حسب التخصص .. ونفس الشي انتا تدبر نفسك في إجراءات القبول في الخارج ..
-كل التوفيق :)
ما رأيك بالنقاش الدائر حول كشف الوجه؟
أي نقاش؟؟ :)
الوقت وامنيتك"!؛.  هانيورا ❄️
الآن إلى أن أفنى:
أبغى أصير إنسان كويس :)
ابغا اسأل عن الدهون الثلاثية : اسباب ارتفاعها ؟ وايش تأثيرها على الجسم ....
أسبابها كتيرة:
أمراض وراثية (خلل في إنزيمات تكسير الدهون)
السكري النوع الأول والثاني
خمول الغدة الدرقية
بعض الأدوية
---
تأثيرها:
تسبب أعراض لو كان الارتفاع جدًا شديد زي الألم في منطقة البطن، إلتهابات متكررة في البنكرياس، زوائد جلدية ..
طبعًا تعتبر أحد عوامل الخطر لجلطات القلب ..
الله يعافينا
سؤال يسدح نفسه،وش فريقك المفضل،فلم تأثرت فيه و استمتعت فيه،هوايه غريبه لك او شفتها في غيرك،الحلى المفضل عندك(شكلك تحب المهلبيه)؟ :)
-ماليّا في الكورة :)
-فيلم المصارع The Galdiator
-ما في بالي هواية معيّنة غير حفظ مشيات الناس لا إراديًا ههههههههههه
-منّي مغرم جدًا في الحلى لكن تعجبني الأنواع التالية:
كنافة أبو الهوس
بسبوسة البيت
تشيز كيك تبع أختي
ططلي (تطلي)
مهلبية
رز بلبن
كريم كاراميل
شعيرية
والباقي لما أفتكر أقولكم :)
ايش درّاك إني أحب المهلبية؟؟ ههههههههههههه هيّا شهيتني :(
دكتور اقدر اخذ الرزدنسي في دول اوربية ؟
ايوا صار عادي في الفترة الأخيرة ..
طبعًا اللي يحكمك هو الراعي المادّي تبعك your sponsor .. يعني مثلاً: جامعة .. وزارة الصحة .. بعثات الملك ..إلخ
طبعًا قد تواجه بعض الصعوبات من ناحية الموازنة والتصنيف في الهيئة السعودية للتخصصات الصحية بعد ما تنتهي من مشوارك هناك ..
كل التوفيق :)
البنت اللي سألتك عن التخصص اللي مافيلو كرف تستحق كل الشكر والتقدير أنا نسيت أصلا عندي واجبات نحو أمي وأبويا ونسيت حقوق حتى ربنا عليا وليومك ماحصلت جزء من اللي أركض عليه ليل ونهار ؟
الله يكون في عوننا وعونكم كلكم :)
بصراحة ما أدري عن السائل بنت ولا ولد؟؟!! بس الجواب حيكون نفس الشي :)
و ((كل ميسر لما خُلق له)) .. كلنا إن شاء الله وبفضله مأجورين :)
كيف ازيد من استيعابي و قوة حفظي و تركيزي؟
-التكرار مرات عديدة في نفس الجلسة وفي أوقات مختلفة
-تلخيص الأمور المهمة (رؤوس أقلام)
-الاستعانة بمفكرة أو بالكتابة في الجوال للأشياء المهمة
-استخدام أكتر من حاسة زي البصر والسمع (تقرا بصوت عالي وتسمع نفسك) والكتابة ...إلخ
-من أفضل طرق التذكر إنك تشرح لغيرك الشي اللي قريته أو فهمته
-محاولة تذكر الأمور المهمة قبل النوم .. يعني وانتا عالسرير مغمض عيونك :)
-حاول تتفرج على مقاطع فيديو في المجال اللي بتقراا فيه (اليوتوب ماهو مقصّر أبدًا)
-ابعد عن الأمور اللي تشتت عليك تركيزك .. جوالك .. تلفزيون .. أصوات عالية .. إلا إذا كنت من النوع اللي يتحمّل هادي الأمور :)
-ابحث في النت عن الأطعمة اللي تقوي الذاكرة زي السمك واللوز .. :)
-فيه تمارين لتقوية التركيز ممكن تلاقيها في النت (صعب أشرح لك هيا) .. :(
-حسّن لياقتك واتمرن لو تمارين خفيفة عشان يتحسن تدفق الدم ..
-بالتوفيق :)
4 people like this
مواقع تتردد عليها دايما،غير مواقع التواصل الإجتماعي؟
ما أتصفح النت كتير .. بالنسبة للتواصل الاجتماعي : آسك وانستاقرام ويا دوب واتس آبّ ..
المواقع التانية:
Wikipedia
UpToDate
Amazon
Youtube
منّي مررة عالنت :)
ايش هي التخصصات الي بطبيعة عملها مريحه و واضحة و ما فيها خطورة و مسؤوليه بالعمل كدكتور،ما أقصد عشان أتسيب و أهمل بشغلي لكن أبغا أعرفها و أحدد التخصص الي يتناسب مع عائلتي و حياتي الاجتماعيه ما ودي أدخل تخصص مليان مشاغل و مناوبات و يؤثر على اهتمامي بشؤون والدي و والدتي لأنهم يعتمدون علي بشؤون البيت؟
الله يسعدك على هذا التفكير النيّر ويخلي لك والدينك ويخليك لهم ..
طبعًا الحمد لله في المجال الطبي فرصك كتيرة جدًا ومتنوعة ..
-تقدر تدخل مثلاً التخصصات الأكاديمية وتصير عضو هيئة تدريس في أي مادة من مواد الطب في السنين الأولى .. ولعلمك عندنا نقص كبير جدًا جدًا في هذا المجال ..
الرواتب كويسة والبدلات ممتازة .. ساعات الدوام معقولة .. الإجازات جدًا طيّبة ..
لكن طبعًا لازم يكون عندك نفس طويل للتعامل مع الطلاب ..إلخ :)
-إذا كنت تحب العمل الإكلينيكي والتعامل مع المرضى خد فكرة عن هادي التخصصات اللي تعتبر أخف مقارنة بغيرها:
جلدية .. أشعة .. عيون .. أذن وأنف وحنجرة .. طب أسرة/مجتمع .. مخ وأعصاب ..
-أهم شي إنك تبعّد عن التخصصات العامة الكبيرة وبالأخص الجراحية زي الجراحة العامة .. العظام .. جراحة مخ وأعصاب .. باطنة .. أطفال .. نساا وولادة ..
-وعندك حل بين الحلّين .. إنك تتخصص تخصص دقيق زي مثلاً طب المراهقين .. أمراض معدية .. جهاز هضمي .. صدرية ..إلخ بس طبعًا لازم تكون منتهي من تخصص كبير زي الباطنة أو الأطفال :(
-أو مثلاً بدل ما تاخد زمالة : تتجه اتجاه آخر زي مثلاً : إدارة طبية .. جودة طبية .. صحة عامة .. ماستر تعليم طبي .. ماستر إحصاء طبي .. ماستر أبحاث طبية .. مراقبة عدوى .. تعيش حياتك مبسوط ومروّق ومتميز ومميز عن غيرك ومطلوب وظيفيًا :)
-ملاحظة: معظم التخصصات تكون متعبة في مرحلة الزمالة .. لذلك دائمًا احكم على التخصص بناءً على حياتك فيه كاستشاري .. لأن مدة الزمالة وإن طالت : أقصر من مدة حياتك كاستشاري والأعمار بيد الله :)
-كل التوفيق يا رب :)
3 people like this
كم طالب كان في دفعتك في كلية الطب وقت التخرج؟و احكي لنا تجربتك بأول سنة جامعيه تمهيدية الي قبل كلية الطب كم ساعة كنتم تداوموا وقتها هل كنتم مرتاحين و أخذينها بسهالات و لا مكروفين مثل التحضيري الحين و ما يجوا إلا المغرب و لا بعد العصر؟
تقريبًا كنا حول ٥٥ وقت التخرج .. طبعًا دا عدد الشباب .. ما عندي علم عن عدد البنات !
وكنا برضو نظام سنة تحضيرية لكن يختلف شوية .. يعني كنا مقبولين في كلية الطب ١٠٠٪ لكن نداوم في برنامج السنة التحضيرية .. كان وقتها دا النظام يمشي على طلاب الطب والهندسة والحاسب فقط على ما أذكر .. وكان بيننا مواد مشتركة ومواد مختلفة ..
كنا برضو نداوم بعد العصر لكن الحمد لله كان جدولي في الفصلين كويس .. أقصد الإنجليزي كنت آخده في الصباح لأنها كانت أتقل مادة = ٤ ساعات يوميًا .. قسم من الطلاب ياخدوا الأربع ساعات من الصباح إلين الظهر .. والقسم التاني من بعد الظهر إلين الساعة ٤ العصر تقريبًا ..
كنا وقتها نحس إننا مكروفين وكان شعور طبيعي من وجهة نظري لأننا انتقلنا لمرحلة جديدة كليًا علينا بدون مقدمات .. لغة جديدة .. نظام جديد .. مواد وبيئة ومسمّيات وناس وكل شي جديد علينا ..
لكن في السنوات اللي بعدها لما كنا نفتكر السنة التحضيرية : نحسها كانت فاضية مقارنة باللي بعدها ..
بشكل عام كانت سنة جميلة ..