مش شايف ان جمله *انتى وهى فيلم وقصه بيحكوا نفس الحاجه* ملهاش معنى وجايبها علشان تقول اسم اغنيه نفس الحاجه بتاعتك وخلاص؟
ولو إنى مكنتش ناوى أفسر أى حاجة ، بس تعالى نشوف مع بعض هى ليها معنى ولا ملهاش معنى
طبعا واضح أوى من الأغنية كلها سواء من كلام أحمد أو من كلام الجوكر إن واحد من المحاور الأساسية اللى الأغنية بتدور حولها موضوع "قد ايه حوا اللى أحمد بيكتبلها تشبه الكتابة اللى هى محور حياته هو والجوكر" ، وإن أختلف معاه جوكر طبعا فى حقيقة وجة الشبة ما بينهم "أنا بالكتير أجتمع بيهم فى عنق زجاجة" ، وتقدر ترجع لأغنية الحب فى عنق زجاجة
المهم
أحمد بيقول لحبيبته إنها "هى" و"الكتابة" "فيلم" و"قصة" بيحكوا نفس الحاجة
طب ليه هى فيلم وليه الكتابة قصة ؟؟
ده بقى الموضوع كله
كل ذكريات أحمد مع البنت اللى بيحبها ذكريات صوت وصورة ، فعلى سبيل المثال لما ييجى أحمد يفكر البنت اللى هو بيحبها بيوم عاشوه مع بعض ، هو وهى هييجى فى بالهم نفس الصور بنفس التفاصيل "وإن اختلفت حتى التفاصيل اللى كل واحد ركز فيها وقتها" ، وده بالظبط زى لو انت وصاحبك اتفرجتوا على فيلم ، وجيتوا بعد كده تفتكروا مشهد معين ، هتلاقى إن انت وصاحبك بييجى فى بالكوا نفس المشهد بنفس البطل ونفس التفاصيل وكل حاجة
بس مش شرط طبعا نظرتكوا انتوا الأتنين للمشهد ده تبقى واحده
لكن الكتابة بقى قصة مش فيلم ، ودى بالنسبالى أقوى على فكرة ، وأقولك ليه أقوى
علشان لو انت وصاحبك قريتوا نفس القصة ، وجيتوا تفتكروا الجزء اللى كان بيقول "ودخلت عليه فتاة جميلة جدا ، فقبل يدها ، وجلسوا يحتسوا الشاى فى غرفته .......الخ"
اتحداك لو كانت ملامح البنت اللى جت فى بالك هى نفس ملامح البنت اللى جت فى بال صاحبك ، وملامح الولد كذلك ، ولبس الولد والبنت برضة ، وديكور وشكل ومساحة الغرفة نفسها .....الخ
كل التفاصيل دى انت هتشوفها حاجة ، وصاحبك هيشوفها حاجة تانية ، رغم إنه نفس الكلام ونفس الأحداث مفيش حاجة أتغيرت ، بس كل واحد وقوة وغنى خياله والحياه اللى عاشها و و و ...الخ
وده الفرق بين القصة والفيلم
وحاجة من الحاجات الكتير اللى تقدر تستنتجها من الموضوع ده ، إنى كل ما بقعد أفتكر سطر من السطور اللى كتبتها "ذكرياتى مع الكتابة" بشوفها بشكل مختلف ، لإنى كل يوم ببقى شخص مختلف عن الشخص اللى كنته فى اليوم اللى قبله ، وبما إنى غالبا ببقى شخص أذكى فأكيد بشوف السطور دى بعمق أكبر ومعنى أقوى
وطبعا من غير ما أقول لما بعرض سطورى على الجمهور كل واحد بيشوفها غير التانى ، وكل واحد لوحده ممكن يشوفها بأكتر من شكل على مدار السنين
طيب ، كده فهمنا "انتى وهى فيلم وقصة" باقى نفهم موضوع "بيحكوا نفس الحاجة" ده
بص هو الموضوع مُعقد شوية
بس عموما المعنى القريب إن أحمد شايف إن اللى عاشه مع البنت دى هو نفس اللى عاشه مع الكتابة
أو إن البنت دى بصورة أو بأخرى أحمد شاف فيها نفسه اللى كده كده هو بيرسمها بسطوره ، فالأتنين كده كده بيحكوا نفس الحاجة
أو إن أحمد كده كده أغلب الأحيان يا بكتب عنها يا بيكتب عن الكتابة ، وهى والكتابة فى عينه واحد ، فهما بيحكوا نفس الحاجة
والفكرة الأخيرة دى زود عليها إنه "بيعيش معاها فكرة أحلى جملة يعرف يكتبها" مش *أقوى* جملة ، علشان أحيانا -أو غالبا- أقوى جملة بتكون بتعبر عن مأساة مش حاجة حلوة
سيبك بقى من كل ده ونيجى للمعنى الأهم
إن كل حاجة نفس الحاجة
فهى والكتابة بيحكوا "نفس الحاجة" وأرجع بقى لأغنية نفس الحاجة تاخد مليون معنى وتفهم أكتر بكتير
ولو عايزنى أشيل البنت خالص من الموضوع وأبقى بتكلم عن مصر أو حاجة تانية فده أسهل مما تتخيل: جملة بمعانى متنتهيش
وأخيرا كل ده كلام أحمد وجوكر رد عليه
بس قبل ما أمشى عايز أسألك سؤال
لما الجملة دى ملهاش معنى ، ايه اللى ليه معنى ؟؟؟؟
طبعا واضح أوى من الأغنية كلها سواء من كلام أحمد أو من كلام الجوكر إن واحد من المحاور الأساسية اللى الأغنية بتدور حولها موضوع "قد ايه حوا اللى أحمد بيكتبلها تشبه الكتابة اللى هى محور حياته هو والجوكر" ، وإن أختلف معاه جوكر طبعا فى حقيقة وجة الشبة ما بينهم "أنا بالكتير أجتمع بيهم فى عنق زجاجة" ، وتقدر ترجع لأغنية الحب فى عنق زجاجة
المهم
أحمد بيقول لحبيبته إنها "هى" و"الكتابة" "فيلم" و"قصة" بيحكوا نفس الحاجة
طب ليه هى فيلم وليه الكتابة قصة ؟؟
ده بقى الموضوع كله
كل ذكريات أحمد مع البنت اللى بيحبها ذكريات صوت وصورة ، فعلى سبيل المثال لما ييجى أحمد يفكر البنت اللى هو بيحبها بيوم عاشوه مع بعض ، هو وهى هييجى فى بالهم نفس الصور بنفس التفاصيل "وإن اختلفت حتى التفاصيل اللى كل واحد ركز فيها وقتها" ، وده بالظبط زى لو انت وصاحبك اتفرجتوا على فيلم ، وجيتوا بعد كده تفتكروا مشهد معين ، هتلاقى إن انت وصاحبك بييجى فى بالكوا نفس المشهد بنفس البطل ونفس التفاصيل وكل حاجة
بس مش شرط طبعا نظرتكوا انتوا الأتنين للمشهد ده تبقى واحده
لكن الكتابة بقى قصة مش فيلم ، ودى بالنسبالى أقوى على فكرة ، وأقولك ليه أقوى
علشان لو انت وصاحبك قريتوا نفس القصة ، وجيتوا تفتكروا الجزء اللى كان بيقول "ودخلت عليه فتاة جميلة جدا ، فقبل يدها ، وجلسوا يحتسوا الشاى فى غرفته .......الخ"
اتحداك لو كانت ملامح البنت اللى جت فى بالك هى نفس ملامح البنت اللى جت فى بال صاحبك ، وملامح الولد كذلك ، ولبس الولد والبنت برضة ، وديكور وشكل ومساحة الغرفة نفسها .....الخ
كل التفاصيل دى انت هتشوفها حاجة ، وصاحبك هيشوفها حاجة تانية ، رغم إنه نفس الكلام ونفس الأحداث مفيش حاجة أتغيرت ، بس كل واحد وقوة وغنى خياله والحياه اللى عاشها و و و ...الخ
وده الفرق بين القصة والفيلم
وحاجة من الحاجات الكتير اللى تقدر تستنتجها من الموضوع ده ، إنى كل ما بقعد أفتكر سطر من السطور اللى كتبتها "ذكرياتى مع الكتابة" بشوفها بشكل مختلف ، لإنى كل يوم ببقى شخص مختلف عن الشخص اللى كنته فى اليوم اللى قبله ، وبما إنى غالبا ببقى شخص أذكى فأكيد بشوف السطور دى بعمق أكبر ومعنى أقوى
وطبعا من غير ما أقول لما بعرض سطورى على الجمهور كل واحد بيشوفها غير التانى ، وكل واحد لوحده ممكن يشوفها بأكتر من شكل على مدار السنين
طيب ، كده فهمنا "انتى وهى فيلم وقصة" باقى نفهم موضوع "بيحكوا نفس الحاجة" ده
بص هو الموضوع مُعقد شوية
بس عموما المعنى القريب إن أحمد شايف إن اللى عاشه مع البنت دى هو نفس اللى عاشه مع الكتابة
أو إن البنت دى بصورة أو بأخرى أحمد شاف فيها نفسه اللى كده كده هو بيرسمها بسطوره ، فالأتنين كده كده بيحكوا نفس الحاجة
أو إن أحمد كده كده أغلب الأحيان يا بكتب عنها يا بيكتب عن الكتابة ، وهى والكتابة فى عينه واحد ، فهما بيحكوا نفس الحاجة
والفكرة الأخيرة دى زود عليها إنه "بيعيش معاها فكرة أحلى جملة يعرف يكتبها" مش *أقوى* جملة ، علشان أحيانا -أو غالبا- أقوى جملة بتكون بتعبر عن مأساة مش حاجة حلوة
سيبك بقى من كل ده ونيجى للمعنى الأهم
إن كل حاجة نفس الحاجة
فهى والكتابة بيحكوا "نفس الحاجة" وأرجع بقى لأغنية نفس الحاجة تاخد مليون معنى وتفهم أكتر بكتير
ولو عايزنى أشيل البنت خالص من الموضوع وأبقى بتكلم عن مصر أو حاجة تانية فده أسهل مما تتخيل: جملة بمعانى متنتهيش
وأخيرا كل ده كلام أحمد وجوكر رد عليه
بس قبل ما أمشى عايز أسألك سؤال
لما الجملة دى ملهاش معنى ، ايه اللى ليه معنى ؟؟؟؟