أنت محتاج شعور جديد يملاك ، أشخاص جديدة تدخل حياتك تغيرهالك للأجمل ، محتاج تجرب شعور الهروب و تسافر فترة طويلة بعيد عن الكل ، محدش يسند عليك بحكاوي أحزانة ، لحد ما تبني حطام سور قلبك إللي مال من كتر ما أنت طيب ، تشتغل شغل يليق بيك غير إللي أنت مجبر عليه ، تتعلم تعليم غير إللي فجأة لقيت نفسك فيه ، محتاج شخص واحد يفهمك من غير ما تتكلم ميستناش منك كلمة أنا أسف مش محتاج مبررات منك و يغير مفهومك عن الصحاب للأحسن ، محتاج بين كل فترة إنك تصرخ وتخرج كل الكراكيب اللي جواك في إنك تحكي لربنا عن سوء حالك في سجدة ، محتاج بشدة حد يسمعك كتير من غير ما يمل منك ، محتاج راحه من التفكير المرهق من الخيال المتعب من السرحان من غير سبب طول الوقت ، أنت محتاج إن قلبك يرجع نقي أيام ما كنت طفل وكمان لنفسك عشان وحشتك جدًا .!