كل عام وانتي بخير شبهيتي سابقتكك انا بكم يوم يلا اكتبي اهدافكك للسنه الجديدة $$
وانتِ بخير الاهداف ماتنقال الا للاشخاص القريبين الي يساعدون على تحقيقها .. ياشبيهتي ! :)
يقرب لك وليد شايع البطاح بالرياض ؟؟ هو زواج قريبا ؟ الله يوفقه
لا
نوره شخبارك؟ حبيت اسألك انتي خريجة تربيه خاصه صح؟ شرايك بالقسم:(؟ ودي ادخله بس انا من النوع اللي دمعتي على خدي وخايفه ما اتحمل لا جيت اطبق على ذوي الاحتياجات الخاصه وانهار:( زمله بقووه هو الشي الوحيد اللي مخليني ما اثبت على تربية خاصة:(
الحمدلله تمام .. ايوه تربيه .. تطوعي بمركز فتره وجربي الشغل معهم وبعدها تخصصي واختاري مسار مفضل لك .. الله يوفقك
أهداني كاتب من الرس ( عبدالله العقيل) كتابه " الرس عبر التاريخ " ، السؤال الذي لم أجد له جواباً هناك هو ، هل انفصلت الشخصية الرساوية عن سياقها التاريخي؟ وتتمدد بالحاضر دون سطوة الماضي ، أقصد أن سلوك الشباب لم يعد متوراثا من الأباء ؟ ، ومالذي يحكم تصرفاتهم - الشباب- في الرس ؟ وشكرا جزيلا
معتصم
اولًا شكرًا لإهتمامك بهذا الموضوع : لكن هل وجدتَ يا سيّد معتصم ان هناك مدينة او منطقة واحدة بقي شبابها في سياق الجيل الأول ولم يتأثرو بالمستجدّات "العالميه" - هناك العولمة ، وهناك التواصل الإجتماعي الذي أدخلنا -شئنا ام ابينا- في سياق موحد لكل الجيل بإستثناء الأفراد الأقوياء جدًا الذين لديهم القدرة في الإبتعاد عن كل هذه المعمعة . بالمُختصر المفيد: سطوة الأجيال السابقة لم تعُد فعالة حاليًا : ليس على شباب مدينة بعينها ، بل على الجيل بأكمله ..انا اشكرك ويهمّني معرفة صاحب السؤال اذا سمحت ..
السلام عليكم
انتي خريجه من قسم تربيه خاصه صح؟
الله يعافيك انتي مسويه بحث لتخرج !! اذا مسويه ابغى الموضوع وشو
واذا عندك مواضيع بحوث عن التربيه الخاصه ابغاهن :*
واكن لك شاكره ()
وعليكم السلام تقريبًا كان العنون "اخضاع التكنولوجيا لذوي الاعاقه" للاسف ماعندي خبره كافيه حتى افيدك ، بالتوفيق ..
او اوديه لجمعية النهاريه يمكن من بعدهم تبدى شوي تجرئ وتكلم بشكل احسن من كذا
الخيار هذا انسب اجل والجمعيه النهاريه ماتوقع بتفيدك كثير لان شغل اي كلام ، اذا عندك القدرة تودينها مركز الجفالي في عنيزه يكون افضل .. على الاقل في البدايه ، وعشان يعرفون وش المشاكل لان ممكن عندها مشاكل في الاسنان او اللسان وغيره .. الله يعينكم ويسهلها❤️
تسلمين ياقلبي ماقصرتي،العام دخلناه روضه وكانت طول السنه ترفض ان تحفظ او تراجع اي شي وتبتل تبكي وتغيب كثير تقول ماعرف اتكلم يضحكون علي اصدقائي على ان نتكلم معه كثيرر ونشجعها ونعطيه مكافئة اذا سوت شي صح كل شي تمام معه بس مشكلته بالنطق وخايفه لادخلت اول يصير صعب واحتمال ترسب رايك ادخله تمهيدي السنه ذي؟
حبيبتي ابي استشيرك بخصوص موضوع بقسمك انا لي اخت عمره 6 سنوات صعب شوي النطق عنده والحفظ بعد تنصحين اخليه السنه الجايه تدخل اول ابتدائي او ندخله تمهيدي واذا عندك خبرة الله يسعدك يارب وش افضل مدارس بالرس ابتدائي ؟ او هل به بالرس دورات او اماكن لصعوبات النطق وشلون طريقه التواصل معهم الله يعافيك ♡
طبيعي جدًا بهالعمر وقبل الدخول في المدرسه يكون فيه مشاكل في النطق خصوصًا اذا كان قليل من حولها يتحاورون ويتكلمون معها ، كثير من الي اعرف كانت عندهم مشاكل بسيطه ويظنون انه اضطراب لكن هذا من قل التواصل والكلام مجرد ماتدخل روضه او مدرسه راح يتطور النطق عندها تلقائيًا باذن الله .. و كون انها بعد المدرسه ما اجادت في النطق وحالها مازال او تدهور في هالحاله هي بحاجه لا اخصائية نطق ، ويكونون موجودين في الجمعية النهارية "حي المحفل" والان فتحت جمعية الاطفال المعاقين ويباشرون عمل باذن الله بداية الدراسه مكانها امام حلويات فالودا"حي ❤️طيبه اعتقد"
نوره يا حلوه وش افضل شي يوم الزفاف البس ذهب او اساور ساعه او بدون
حقيقه ودي ب اساور فخمه بس تخبرين العروس ميزانيتها تطير
وبخصوص الكوشه اذا صرت بفندق هل هي اساسيه يعني لو ماقدرت اجيب كوشه راح تتأثر جودة الصور ؟
بالنسبه للذهب والاساور .. المُعتاد يكون طقم سواء ذهب او الماس وبالغالب تكون تلبس البنت شبكتها .. طقم كامل حلق وعقد وسواره وخاتم - بالاضافه الى دبلتها وساعه فقط .. وبالنسبه للكوشه داخل الفندق على حسب شطارة المصوره وزواياها تقدرين تستشيرين مصورتك في هالشي لانه اضائتها وخلفيتها يمكن كافيه . بالنسبه لي شخصيًا مش ضروري وجود الكوشه