رواية -حب من طرفين- @riwayakaz
تسرد حوار ما فوق تدريج الواقع.
رواية - حب من طرفين - بقلم - ‎@TOMBOYKAZ - بارتات الروايه منذُ البدايه :‎@rriwaya_kaz رواية - حب من طرفين - رواية تسرد قصص بين حب وخيانه و ايام جميله عاشوها ب حلوها و مرها. الروايه فيها نسبت انحراف -جداً- احترم من يحترم البلوك جاهز ب كل الأوقات.
-لا احلل - النقل بجميع الوسائل و سوائاً إنتحال او نقل ب اسمي او بدون روايتي ب هاذي الصفحه وبس واذا نشرت ؟ بيوز الصفحه غيره ؟ -م احلل-
Ask me a question
RSS Answers
-  I just.
تكملة البارت-185-
جينكز يسمع الخطوات وعلى باله رائد : رائد ؟؟
ارواس سمع صوت جينكز و فز قلبه وحس بتوتر في كل أنحاء جسمه .
جينكز و قف و شد الروب و مشى خطوتين الا طق الباب.
جينكز : مين
ارواس دخل و سكر الباب : انا .
جينكز : ارواس؟
ارواس يدور النور يبي يشغل .
جينكز يشغل من عنده : وش جايبك؟
ارواس : مدري .
جينكز ساكت .
ارواس : جينكز موب جاي اضرك ، احس اني محتاجك احس في دافع خلاني أجي محتاج اجلس معك من أمس وانا أفكر ماقدرت ارتاح حتى في نومي " وكمل وهو يتكلم و يشرح شعوره الي جابه و جينكز موب معه أبد "
بلسان جينكز ؟
جينكز : غريب اني احس بأحساس جديد ما حسيته الا مع رائد بفترات زمنية وتلاشت ، احساس الشوق الي مدري من وين طلع ، شعور الي ابي اضمه غريب علي ! غريب على كم من شهر الي ماكنت اطيقه فيها بعد الي سواه ، هذا حب هذا الشعور ماله اسم ماله حتى شرح .
جينكز طول ساكت ومبتسم ابتسامه العافية.
ارواس مستغرب : جينكز ؟
جينكز : هم .
ارواس : معي ؟
جينكز : معك .
ارواس : شفيك .
جينكز : جوعان .
ارواس حس بأحباط : الحين انا صار لي ساعه اشرح و أتكلم و هذا ردك .
جينكز يضحك : عشان تعشيني
ارواس مستغرب من ردة فعل جينكز و اول مره يضحك معه كذا بكل عفوية : ايه خلاص غسل وجهك و انا بنزل اقول للخدامة تسوي لك .
جينكز : لا بس قول لها تطلب بيتزا وتعال .
ارواس طائر بالسماء : خلاص اجل انا نازل -نزل بعد ما نزل عبايته -
جينكز طول وهو مبتسم و في نفسه : اذا هذا هو الحب مستعد أموت عشانه.
قليل الي مثلك يا جينكز .
ومضى الوقت الجميل بعد ما تعشوا حط جينكز رأسه على فخوذ ارواس وجلس يسولف له .
كان شعور ارواس مثل قلب الطفل الرضيع ، برائه ومافيه اي هم ، و روحه اخف من القطن .
723 people like this
-  99.
البارت-185-
خالد : لحظه بروح اتفاهم معه وبجي.
فيصل : الواحد ما يمديه يثق بأحد الا و..-قاطعه ريدس-
ريدس بحده : فيصل !
فيصل يطالع بريدس وسكت.
عبود يفكر بشرط خالد.
عزوز يهمس لشهد : شهد ؟
شهد تطالع فيه .
عزوز حس انه موب وقته يسالها : خلاص .
شهد لفت وسكتت.
عند خالد ؟
خالد -يشد فهد جنبه -: اسمعني طيب ؟ اسمعني
فهد : وش اسمع خالد ، كلامك ما يبرد حرتي
خالد : عبود صاحب كل وأحد فينا وعشان عيب فيه نتركه؟
فهد : هذا الصح لانه ما فكر فيني ولا فيك يوم استغفلك وقام يلعب من وراك .
خالد : طيب فرصه بنعطيه يا يتعدل يا نطلعه نهائيا.
فهد : وش دراك لو بعد شهر ...
خالد قاطعه : بشرط عليه جواله يصير بدون رقم سري يعني يصير اوضح من القزاز وإذا لعب من ورأي بعرف ، انزل و اسمع باقي كلامي .
فهد : مانيب نازل.
بعد ٥ دقائق ؟
خالد نزل و ورآه فهد .
فيصل : طولت.
خالد يجلس و فهد جنبه : طيب نكمل ، عبود فهد بيعطيك فرصه اذا انت موب قدها علاقتك بتنقطع مع كل واحد هنا ... حتى انا .
عبود لف و انصدم من كلام خالد : ايش .
فيصل لف على خالد .
عبود : انا .. انا ماعلي من الشرط وماعلي لو اسويه ، بس على قطعة العلاقه عشان شي ماكان بيدي !
خالد : انت تدري انك غلطت بحقي ، وبحق فهد وكان من الممكن وش ممكن الا أكيد تطيح مصائب على رأسه ، الي قاعد اطلبه منك سهل الحين تدق وتسوي الي قلته لك
فيصل يطالع عبود : يالله عبود !
عبود بهدوء طلع جواله و دق .
خالد : حط سبيكر .
عبود حط سبيكر و بنفس الوقت فارس رد : هلا عبود ، صار معك شي ؟
عبود : بغير رقمي .
فارس : حلو طيب كيف بأخذ رقمك الثاني ؟
عبود يطالع خالد .
خالد بهمس: كمل .
عبود : بقطع علاقتي معك نهائيا والي قاعد تطلبه مني مستحيل .
فارس : لحظه .. الحين انت بتترك فهد الي فرق بينك وبين خالد عشان عزوز و بتقطع علاقتك معي انا
فيصل طارت عيونه .
فهد ماسك نفسه لا يأخذ الجوال .
عبود : انا غلطت بحق خالد أساسا ، فا ما يبي لها نشدة مطوع ، انا أخذت حقي وأبي اصحابي معي ، ما بعتك بس اقطع علاقتي فيك أحسن لي ولك .
فارس : وتحسب اني بتركك كذا ؟
فهد سحب الجوال من عبود : طبعا بتتركه كذا ولا تنسى الميموري الي معي ، وعمتك لو شافته وش بتسوي فيك فا خلنا حلوين أحسن ، ابعد ع طريقي ابعد عن طريقك - قطع الخط و فتح الجوال وكسر الشريحه-
عبود : فارس عنده عمه؟
خالد : حرمة ابوي تصير عمته .
عبود : وشو !!!
نروح لجينكز؟
جينكز من كلام ارواس أمس حس اني في شعور غريب في قلبه ، احساس جديد ، احساس ربي زرعه فجئه ، شوق وحاجه حس انه عشانه مستغني كان يطالع نور الشارع من الدريشه و الهدوء الي حوله .
رائد دخل : جينكز .
جينكز : هم
رائد -يحط يده على راس جينكز - : لا خفت حرارتك زين ، تطلع معي ؟
جينكز بدون ما يسال وين : لا
رائد وقف : طيب اجل انتبه لك وإذا تبي شي د..
جينكز قاطعه : رائد ؟
رائد : هلا!
جينكز : لما تحس بشعور غريب موب شين بس غريب تجاه شخص كان ضارك وش هالشعور؟
رائد مستغرب من سؤاله : مدري ! -طلع-
جينكز يضم المخده و يفكر .
" بمكان ثاني وقريب "
ارواس يهمس لسواق : وقف هنا .
رائد طلع و لف على السيارة لان نورها كان صاقع وجهه .
أرواس دخل بين المراتب : عبد الصمد روح روح قدام بعدين لف مع لفة .
السواق مشا نفس ما قال آرواس.
رائد ركب بعد ما راحت السيارة و مشا.
بعد ٥ دقائق آرواس دق الجرس و فتحت الخدامه ودخل .
آرواس : في أحد ؟
الخدامه : sorry I don't now
ارواس دخل و صعد الدرج .
جينكز يسمع الخطوات وعلى باله رائد : رائد ؟؟
ارواس سمع صوت جينكز و فز قلبه وحس بتوتر
578 people like this
البارت-184-
فهد : آيه؟
خالد : طلع كلامك صح .
فهد سكت .
خالد نظراته مبعثره.
فهد : طيب وش تبي اتصرف و بسوي نفس الي تبي.
خالد : شوي اذا نزل و اجتمعتوا بقول الي بيصيل
بعد اكثر من ساعه اجتمعوا وكانت الساعه ما بين ٦ و ٧ تقريباً .
خالد : انا بقول شي الحين وكلنا هنا بنتفق عليه ، عزوز و صلك خبر عن الي صار ؟
عزوز : ايه وصلني.
خالد : طيب عبود بيبقى بيننا ومعنى.
فهد : بس ا...
خالد قاطعه : خل اكمل ، بشرط .
عبود : خالد
خالد حس انهم موب فاهمين : كلام فهد طلع صح .
فيصل انصدم ولف يطالع عبود : صح !
عبود : فيصل ماكان لي يد .
ريدس يهمس لفيصل : أسكت .
خالد : عبود الحين تدق و تنهي علاقتك بفارس وتشيل كل شي بينك وبين فارس ، رقمك بكرا نطلع أنا وانت الاتصالات وتطلع رقم وذا تكسره بعد ما تدق الحين.
فيصل اتفق مع خالد : يا احنى يا فارس .
فهد وقف و العصبية فيه : هالشي مستحيل بعد وش علموني توه يفكر ينهي العلاقه
خالد : فهد
فهد : وش الي فهد وش ، اقولك أنا بغيت اروح فيها صوري تروح له وانا مثل الغبي هنا غير كذا لو اني ما اعرف شهد كان وش ممكن اسوي فيها ! ممكن اني اتهاوش وتوصل لضرب ، أنتم مستهينين بشكل موب طبيعي - راح لفوق بدون ما يسمع رد منهم او حتى ينتظر -
خالد : لحظه بروح اتفاهم معه وبجي.
649 people like this
-  ٦٧.
تكملة البارت-183-
عند الجاز ؟
الجاز يليس شعر دارين .
دارين : ابي أشوف يالله .
الجاز : انتظري شوي طيب باقي كم خصله و اخلص .
دارين تطالع بأرواس الي يفكر .
ارواس يطالعها و يبتسم.
دارين تبتسم وتطالع الجاز : عادي بريك ٥ دقائق -تهمس - بشوف آرواس وش فيها .
الجاز تطالع أرواس : طيب يالله على ما أجيب الحلاقه و أجي .
دارين : حلاقة وش ؟
الجاز : بعدين تعرفين .
دارين فكت الي على رقبتها وراحت جنب ارواس .
ارواس يطالعها : جميل
دارين : خلي شعري على جنب .. شفيك ؟
أرواس : مافيني شي ، ليش!
دارين : صح اني ما أعرفك الا من مدة قصيرة بس حفظتك ، عيونك فيها هم !
آرواس يطالع بالجاز وكان لاهي مو مركز بشي و لف يطالع دارين : تذكرين جينكز صح؟
دارين : البنت ذيك .. ايه ذكرتها .
آرواس حكى لها قصته.
دارين ضاق صدرها : طيب روحي لها .
أرواس : رائد دايم جنبها .
دارين : قولي انك بتزاورينها اي شي !
ارواس : كيف طيب احس ما اتجراء
الجاز : يالله دارين
دارين تطالع بالجاز : لحظه شوي .. اذا ما تجرأتي على الي تبين لا تبكين عليه اذا راح -توقف وتروح للجاز-
دارين : احلقي الي من عند أذني بس !
الجاز تضحك : طيب يالله خلي رأسك سيدا .
دارين ثبتت رأسها و بدت الجاز تحلق لها .
دارين تمسك شعرها الي يطيح و تطالعه .
الجاز تهمس : لا يضيق صدرك كلها شهرين و يطول بعدين تراه بس نص .
دارين تبتسم : كملي ماعليك.
أرواس فكر و قام بدون تفكير على الي بيصير بعدين ، كل تفكيره يبي يشوف جينكز بس .
الجاز : وين ؟
ارواس -سكت شوي -: بروح لجينكز.
الجاز : طيب مين بيوديك.
أرواس استوعب : بالله عادي أخذ سواقك !
الجاز يضحك : ياربي على الفاهي .. أكيد انا ما سألتك الا بقول لك روح معه .
آرواس ابتسم وراح.
دارين : ما عرفتك يالطيب يالفزعه.
الجاز ينظف الشعر عن كتوفها : جاهزه تشوفين شكلك؟
دارين بحماس : ايه طبعا .
الجاز يشيل الشرشف من المرايه .
دارين ساكته وتطالع .
الجاز يبتسم : ها شرايك.
نتركهم شوي و نروح لخالد ؟
خالد نزل و شافهم يسولفون و الوضع طبيعي .
فيصل : خالد تعال بنقول لك اقتراح .
خالد جلس جنب فهد : موب مروق خلها بعدين .
فهد قرب : شفيك ؟
خالد -يطالعه-: تعال -راح عند الدرج -
فهد : وش فيك خالد ؟
خالد : عبود .
فهد : آيه؟
خالد : طلع كلامك صح .
593 people like this
البارت -183-
خالد يفتح الدرج ويطلعها : خذ بنزل أجيب مويه ياويلك تختفي -يطلع-
عبود -يأخذ الجوال من تحت المخده -
فارس : رصيدي راح !
عبود : شسوي دخل فجئه .
فارس : طيب طيب .. الميموري الي معه لازم تجيبها تكسرها ترميها الي يجئ في بالك اهم شب تختفي.
عبود : انا ما صرت مثل اول ادخل و اطلع فهد حرص على نفسه مره !
فارس : تصرف عبود تصرف.
عبود : شوف شهد !
فارس : ماراح تفيد راسها عنيد .
عبود ؛ فارس .. انت قاعد تطيحني معك
خالد يدخل .
عبود : طيب أكلمك بعدين
خالد ينزل الكأس و يطالع عبود بشك مد يده ومسك يد عبود : عطني .
عبود يطالع خالد .
خالد يأخذ الجوال من يدين عبود و يرجع يدق .
عبود ما يدري وش يسوي حس ان عقله مقفل .
فارس : هلا شفيك ... عبود
خالد يطالع عيون عبود و قفل .
عبود : خالد.
خالد : من وين لك هالجهاز ؟
عبود ساكت .
خالد بحده : انا اسأل .
عبود : من هدايا يوم ميلادي .
خالد فتح الجوال وقعد يدور فيه وكان فاضي شاف مسج جايته .
عبود انتبه لها و أخذ الجوال بالقوه من يد خالد .
خالد مسك يد : جب الجوال .
عبود عفط يد خالد : مالك حق تفتش .
خالد قد يأخذ الجوال من يد عبود و جلس فوقه .
عبود : خالد قوم انت ضاغط على صدري قوم .
خالد ما كان يسمع له و فتح الرسالة كانت من فارس
( بوقف اتصالات عشان محد يشك فيك بعد ما افتك من فهد انت بتفتك من الشكوك )
خالد قام عن عبود و يطالعه سكر الجوال وحطه على الدرج وطلع .
بلسان خالد :
الانسان الوحيد الي اكتشف عنه أشياء و أشياء وما ودي اصدقها .. حتى اني شفت الشي بعيني و اكبر دليل الا اني مبي أجادل مبي أشوف رده الخايف ! طلعت بدون اي كلمه وكأني رفعت القلم عن النقاش في هالشي ، راضي بعبود بخيرة و شره .. بس ما أرضاها على فهد ، هي مسألة وقت .
ساعات نكتشف عن احد قريب أمور تصدم .. أمور تخلي اي إنسان طبيعي يشمئز من هالشخص .. ممكن في احد يبعد اول ما يكتشف .. او يتغير ! بس الصديق ورفيق الدرب بيحاول يصلح هالانسان لانه بيوم من الأيام ضحك معه ، جاه بخيره لا يتركه بشره.
عند الجاز ؟
589 people like this
تكملة البارت- 182-
فارس : تحسبني بزر مثلك بصدقك بكلام .
فهد : والله دايم البزران يسدون الحاجة وشكل مجد بيسد حاجتك الا انا -قفل-
فيصل : يرفع الضغط .. اسمع أرسل له بأي برنامج صوره كذا تأكد له انك صادق .
عزوز يصف الأكل على الطاوله : وش عندكم .
فيصل : ولا شي ماعليك منهم -يجيه- انت ذوقك بالأكل يرفع الرأس .
خالد يطالع فهد و يبتسم : ماعليك بتنحل قوم يالله.
فهد -يقوم و يهمس-: تهقى شهد مالها ذنب !
خالد : محد يدري ، انا منصدم من عبود مالي مزاج أفكر بشي ثاني .
فهد -يشد يده-: لا تضلم عزوز .
خالد يطالع بعزوز ويجلس : كثر الله خيرك حبيبي .
عزوز يبتسم : عافيه .
عبود ينزل ويطالع فيهم .
عزوز : عبود في كرسي بالمطبخ .
عبود شاف ماله مكان : لا مبي عليكم بالعافيه -رجع صعد -
خالد : ليش محد حط له كرسي .
عزوز : ما جاء على بالي انه ماراح يكفينا.
شهد تطالع بمكانها : انا بقوم خلوها تجئ مكاني ، أساسا موب مشتهيه .
فهد يمسك كتفها-: خليك .. آكلي.
خالد يأخذ صحن ويحط فيه أكل و يقوم .
فيصل : وين .
خالد : بودي له أكله .
فهد : لاحول ولا قوة الا بالله .
ريدس : فهد خلاص .
نروح للجاز؟
الجاز يضحك : نعم تبيني اصبغ لك بدون تمشيط .
دارين : ما احب احد يمشط شعري احس ان الخلايا تنهار.
الجاز يمسك شعرها و يمشطه بهدوء : يدي خفيفه ما عليك .
دارين تطالع فيه من المرايه وتبتسم .
الجاز : آرواس تعال اخلط الصبغه.
ارواس : انت سوها انا بمشط شعرها
الجاز : سه....
ارواس ياخذ المشط : ماعليه .. انا بذي الامور ما اعرف انت ادرى.
الجاز يفك شعرها : طيب
دارين : لا تعوريني .
ارواس يبوس راسها : ما راح اعورك .
الجاز استغرب حركات ارواس .
نروح لجينكز ؟
جينكز رجع بعد ما افطر برا وكانت حالته النفسيه غريبه وكأنه يشيل هم في صدره .
رائد ينزل عباية جينكز ويعلقها : تحس بتعب ؟
جينكز ينسدح ؛ ايه .
رائد يجلس جنبه : وش تحس فيه .
جينكز : مدري .. احس اني متبدل .
رائد : متبدل؟
جينكز : احس اني موب انا.
رائد : وش حلمت فيه اليوم .
جينكز : خرابيط مالها معنى .
رائد : طيب نام يمكن ترتاح .
جينكز غمض وتغطى .
رائد طلع و دق على فهد.
فهد رد عليه : مساء الخير
رائد : مساء النور .. وينك !
فهد : بالشاليه .
رائد : وش صار معك ، دق عليك ؟
فهد : دقيت على فارس وشبه هددته بالميموري
رائد : وش قال ؟
فهد : ما صدقني .
رائد يضحك : موب لازم يصدق .. بعدين شفيك نومتني ورحت !
فهد -يطالع بالقروب كلهم لاهين -: والله أبد .. رجعت قبل لا خالد يفقدني ، وللاسف عرف .
رائد : خالد لازم يتقبلني.
فهد أنصدم .
رائد ما سمع رد : فهد ؟
فهد : هم هلا .
رائد : تسمعني
فهد : اسمعك .
رائد : وش رايك !
فهد : انت مو كنت ..
رائد : كنت وهذاك ماضي .
فهد : يعني انت بتعدل العلاقة !
رائد : يعني تقدر تقول كذا .
فهد يبتسم .
رائد بضحكه : شفيك !
فهد ؛ موب مصدق .
ريدس يطالع فهد : وش الي موب مصدقه.
فهد -شابك السماعه بأذنه وأخذ جواله وقام طلع -
ريدس : من يكلم ذا؟
فيصل يجلس جنب ريدس : مدري -يطالع ريدس- اشتقت لك
ريدس يبتسم و يعدل شعر فيصل .
عند خالد ؟
خالد يوكل عبود : اخر حبه طيب !
عبود : والله مالي نفس !
خالد ينزل الملعقة : وبعدين ؟
عبود : أكلت نص الصحن .
خالد : وين ادويتك.
عبود : يحول .
584 people like this
-  Xx
البارت -182-
فيصل يفتح جوال شهد و يطلع الرقم : اسمها فايزه؟
فهد : و الزق ايه .
فيصل يتصل و يعطيه.
خالد : حط سبيكر.
فهد : مشغول !!
خالد : موب وقته.
عند شهد .
شهد ساكته ومتضايقه .
ريدس يطالع فيها : يا بنت خلاص فكيها .
شهد : انا أعز فهد كثير وما كنت ابي هالشي يصير أبد ، احس اني خسرتها .
ريدس : لا ما خسرتيها و الحقيقه بتبين اليوم او بكره .
شهد : طيب بتحمم الحين .
ريدس : خلاص لا تطولين لان بنحط الغداء .
شهد : طيب .
ريدس طلع وهو مار سمع صوت عبود يكلم.
عبود : قلت لك لا تدخلني و شوف وش صار .. حطها براس شهد لانها الوحيده هنا الي تعرفك و متورطه .. مالي دخل قلت لك حطها براسها أساسا هي موب مهمه توها داخله القروب موب صعب انها تط...
ريدس طاح جواله .
عبود -لف يطالع الباب-
ريدس تشنج أخذ الجوال ونزل بسرعه .
عبود ساكت.
فارس :الوو .. وين رحت .
عبود : لحظه فارس .. دقيقه -راح فتح الباب ما لقى أحد ودخل - سمعت صوت شكلي وسوست.
فارس : بسكر الحين و ادق على شهد .
عبود : طيب يالله - قفلت -
فارس -دق على شهد -
عبود : الجوال تحت -راح بينبه فارس و تراجع بعد ما حس ان الاتصال بيطيح شهد اكثر-
ريدس نازل وشافهم مجتمعين على بعض .
خالد يطالع فهد : رد لا أرد بدالك
ريدس : مجتمعين على شر أنتم؟
خالد : عبود وين ؟
ريدس جا بيقول بس فاتت عليه لان فهد رد .
فهد رد وسكت.
فارس : شهد ... آلو
فهد يطالع خالد .
خالد يهمس : يالله
فهد : اهليين .
فارس سكت شوي و استوعب الصوت : فهد
فهد : ايه شفيك منصدم
فارس : لا أبد ، بس حركت...
فهد قاطعه : شخبار جوالك .
فارس ساكت.
فهد : المهم واضح من صوته انك متضايق على فضايحك الي راحت
فيصل يكتب له كلام عشان يقراه.
فهد : بس عاد انت سندك اذا تبيها ابد بدال لا تلقاها عندي بتشوفها بكل مكان مالها فرصه تضيع ، يعني قلت اساعدك .
فارس : تحسبني بزر مثل بصدقك بكلام .
فهد : والله دايم البزران يسدون الحاجة وشكل مجد بيسد حاجتك الا انا -قفل-
573 people like this
تكملة البارت -181-
دارين تدور عبايتها : ماعليك ، يالله أرواس
أرواس : يالله يالله .
نرجع لخالد ؟
خالد نزل وجلس : وينهم !
فيصل : مين .
خالد : عزوز شهد ريدس
فيصل : عزوز طلع يجيب أغراض وغداء وشهد وريدس برا.
خالد -يطالع في عبود -
عبود -وقف-: انا بروح فوق.
ريدس على دخلته سمعه : لا خلك
عبود : وليش؟
ريدس يجلس وشهد جنبه : شهد تبي تقول شي
عبود يطالع بشهد وجلس.
شهد : يخص فهد .
فهد يطالع فيها : يخصني؟
شهد : ايه .
عبود يطالع فيهم .
شهد : ريدس الاحسن انت تحكي .
ريدس : طيب ، الي صار ان ...... ( وحكى لهم بالتفصيل السريع )
عبود حس ان كتوفه بردت من الراحه.
فهد : كيف كيف يعني .. انتي -سكت-
شهد : ايه بس ماكنت ادري انها تعرفك او بينكم عداوه أبد -تفتح جوالها وتحطه بالطاوله الي قدامها- محادثاتي ما امسحها تقدرين تشوفين التواريخ هذا اكثر شي اقدر اسويه عشان تصدقيني -طلعت فوق والجوال مفتوح-
فهد أخذ الجوال .
عبود بصوت حاد : فوق ذا كله بعد ما صدقت ، تعتبر اهانه لها .
فهد : انت خلك على جنب ، لا تحسب ان هالشي بيبعد شكي عنك -يفتح الجوال و يدور بالصور الي ارسلتها شهد -
عبود طالع بخالد و راح .
خالد : انت شفيك ، وش قائل لك انا فوق !
فهد : مدري احس اني موب مستوعب ، شهد مستحيل تسويها .
خالد : انت فقدت عقلك بالمره استجمع نفسك شوي ، طيب نقول ان شهد ما تسويها بس فارس استغلها لانها ماتدري .
فهد ينسدح .
عزوز دخل و الأكل معه وحطه قدامهم : شفيكم .
ريدس -يناديه للمطبخ و يقول له بعدها راح لشهد -
خالد يجلس عند فهد : فهد
فهد يطالعه : شتبي
خالد : يا ... يعني .. مدري بس انت تدري اني ما ارضى عليك بشي حتى زعلك ما احبه -يمسك يده و يبوسها - مبيك تظلم .
فهد يجلس : انا ما ظلمت ، بس يالله يا شهد يا عبود وانا شاك اكثر شي بعبود .
خالد : طيب وش تبي تسوي .
فهد : مدري مقهور احس اني وضع المخفه مدري عن شي.
خالد -يلف يطالع بفيصل السرحان لوح له بيده عشان يطالع فيه-
فيصل : هم .. وش ؟
خالد : تعال اجلس هنا في كلام بقوله.
فيصل يقوم و يجيه.
خالد : الحين انت ركز بالشي الرئيسي .
فهد : بفارس؟
خالد : ايه .
فيصل : فهموني طيب .
خالد : نبي نقفل المشكله ذي و نبي نوقف فارس بالاصح.
فيصل : سهله ، فهد في شي لك عند فارس ؟
فهد تذكر : لحظه عندي شي بيوقفه .. الميموري .. امس الجاز خزن فيها كل شي بجوال فارس .
فيصل : بذمتك!!!
فهد دقيقه -يقوم يروم يدورها مكان الاب توب -
فيصل : طيب خلاص انحلت دق على فارس ذا .
فهد: ادق !!!!
فيصل : ايه شفيك ... دق
فهد يطالع خالد .
خالد : وإذا تبي انا ادق عليه .
فهد : لا خلاص انا بدق -يجلس
578 people like this
تكملة البارت -181-
شهد : مدري اذا الصور نفسها الي تفبركت او لا ، مستعده ادخل الحين و اقول حتى اني مستعده أعطيها جوالي .
ريدس ساكت .
شهد : ابي تساعديني ابي اقول لها .
ريدس يطالع فيها : الحين عشان يتقفل كل شي.
شهد : طيب .
ريدس : امشي يالله.
نتركهم على ما ينادون فهد و يفتحون بداية الموضوع نروح ل الجاز و دارين؟
دارين تصب للجاز القهوه .
الجاز يضحك : ما اشرب قهوه .
دارين : شاهي؟
الجاز : ولا شاهي .
دارين : نعم ؟ انتي كيف صرتي سعوديه وانتي ما تحبين السيفين ذولي.
الجاز : سيفين؟
دارين : سيفين و النخلة التمر.
أرواس يجلس : ابشرك حتى التمر ما تحبه.
دارين : وريني صوره لك وانتي صغيره.
الجاز وهو يطالع أرواس : يوه شكلها ودها تطقطق؟
أرواس : ورها وعلى حسب صورتك.
دارين : ايه ورني أشوف انتاج امك .
الجاز يفتح جواله ويوريها.
دارين : هاذي انتي ؟
الجاز : ايه انا .
دارين تأخذ الجوال : يمه بسم الله الرحمن الرحيم.
الجاز يطالع ببرود.
دارين : وش ذا الطافه والبرائه .
آرواس : انتاجك اعجبها .
الجاز يضحك : شكله والله ، هاتي الجوال خلاص
دارين دقيقه بفتش تدور بالصور وطاحت على صوره شعر مصبوغ موف غامق : الله ابي الصوره تكفين .
الجاز : لا صورة وحده من صحباتي ذي .
دارين : يرحم امك أهز لك مصري بس تكفين اساليها وين صبغت .
الجاز يطالع آرواس و يلف يطالع فيها : انت الي صبغت لها .
دارين : بذممممتك .
الجاز : تبين أصبغ لك زيها؟
دارين : والله اذا ماعندك مشكله حتى لو عندك زرقي مشكلتك ، ابي طبعا .
الجاز : بنت عاد ترى مستقبل شعرك بين يدي .
دارين : طيب متى ؟
الجاز : اليوم اذا ودك ، تجين عندي ؟
دارين تطالع أرواس : ها شرائك ؟
أرواس : يالله ماعندي مشكله.
الجاز : طيب يالله انا الحين بنزل انتظركم ، السواق موب سواق امي يعني لا تتاخرون.
دارين تدور عبايتها : ماعليك ، يالله أرواس
أرواس : يالله يالله .
نرجع لخالد ؟
في تكملة لكن بوقف شوي عشان ما يعلق .
أحبكم جميعاً.
749 people like this
-  di
البارت -181-
فهد : فلم ؟ بالميموري ، ياخي ميموري ما تشيل حرف مصور فيديو تبي فلم .
خالد : انا توني ادري بذي المعلومة ، مو كل تعرفه الناس الي حولك تعرفه.
فهد : انت جاي هنا تدافع عنه ، مستحيل تحلل الموضوع وانت بطرف .
خالد : انا موب بصف احد ، بس شكلك حاقد عليه دامك ركزت فيه.
فهد : اول شي مع مين تدافع او ترقع الحين ، خانك وانا جيتك اقول تعبان بالقلب وكرم منك اتركه بعد فترة بعذر معقول ما يضايقه هذا يعني اني ما حقدت عليه أبد .
ريدس يدخل : شفتوا شهد ؟
فهد : شفتها طلعت تتمشى برى .
ريدس : طيب -نزل لها -
خالد -يجلس جنب فهد -: تنزل وتكلمه بالوقت الي تحس انه صح .
فهد : الموضوع مو هين ، يكفي اني شكيت ولا ليش كسر جواله ؟ وما خلاني افتح.
خالد : أنا لو أقولك عطني جوالك بتعطيني؟
فهد : اذا شفت انك شاك ومو واثق بعطيك لو فيه فضايح يكفي أني أشوف وجهك وانت ماعندك سالفة.
خالد : طيب موضوعك حله بس بعد ما اخلص انا و اضبط وضع العلاقة .
فهد : و عزوز ؟
خالد سكت وطلع وراح وراه فهد .
شهد تطالع بريدس : شفيك أقولك مافيني شي
ريدس : وليش طالعه وجالسه هنا .
شهد : وش وضعي وانا بينكم.
ريدس : انتي صرتي مننا و فينا قومي امشي داخل أساسا وقفوا مشكلتهم ذي .
شهد توقف : ريدس بقولك شي .
ريدس : بتجين يعني بتجين شف...
شهد : لحظه مو عن كذا بجي ، بس ابي اقول لك شي .
ريدس : وش ؟
شهد : انا كنت زميلة فارس قبل .
ريدس : وشو .
شهد : صدقني مالي علاقة حاليا فيه و بمشاكله أساسا ماكنت أدري ان بينه وبين فهد مشاكل ولا حتى ادري انكم تعرفونه ، اسمعني ، هي كانت معي بالشغل بس انفصلت لأسباب ما قالتها لي و صارت تحاكيني بيبي يومياً وش الأخبار ومن هالشي وانا كنت انقل اخباري يوم فاتن ضاعت ونامت عندي وجلست أقولها ومره حطيت صوره لكم معي بيبي يوم عيد ميلاد عبود كانت شهد معطيتني الأذن اني احطها فا سألتني باهتمام قلت أكيد اعجبها أحد وكانت تسالني عن شهد وقالت ابي أشوفها أوضح و أرسلت لها اكثر من صوره كانت عندي بنية اني كنت احسبها تبيها لان فايزه من زمان ما حبت الا مرتين وما يعجبها احد أبد يوم شافت شهد قلت يمكن يصير شي بالعكس اني دريت ان بينهم مشاكل ، صدقي...
ريدس قاطعها : شهد ، انتي تدرين وش وضع عبود داخل؟
شهد : مدري اذا الصور نفسها الي تفبركت او لا ، مستعده ادخل الحين و اقول حتى اني مستعده أعطيها جوالي .
632 people like this
-  Meed.
البارت-180-
فيصل يطالع فيه : مدري ليش احس فهد يهمش فينى أشياء ومصائب صارت معه ما دريت لا انا ولا انت عنها و يستنجي بوحدة كانت بيوم بتضره.
ريدس -يمسك يد فهد-: يمكن انت ما فهمته .. لا تطالع فيني كذا ايه يمكن ما فهمت نيته ، هو ما يبي يخسر احد فينى ولا يبي نشوفه بوضعه وهو ضعيف
فيصل : و يخليه الي برى يشوفون.
ريدس : هو ما يبي يقول .. هو راح للي حس انه ساعده ، المشكلة الاولى رائد ساعده بعني عرف يعني فكه من المشكلة هنا أكيد انه بيرجع له بنفس المشكلة ، وفي مشاكل وقفنى فيها مع فهد ، هالشي راجع له -يضمه- لا تكبر الموضوع.
فيصل يشد عليه وساكت.
ريدس : وش صار عندهم؟
فيصل : قرفت من الوضع ، مدري مين اصدق فهد ولا عبود ، وصدق من وين كانت تروح الصور .
ريدس سكت شوي : بصراحه ، انا واقف بصف فهد ، طيب ادري ان عبود صاحبك وانت الي دخلته بيننى بس يعني احساسي واقف مع فهد .
فيصل : مدري مدري .
عبود ساكت.
خالد حط يده على كتف عبود : عبود افتح الجوال ، انت بنفسك تقول مافي شي اثبت هالشي ، اثبت وخل هالشي يتقفل.
عبود وقف وكأنه فقد عقله : محد منكم فاهم شي منكم فاهم شي -رمى جواله و انكسر- جوال مافي ، مافي مافي فكني منك ومن مشاكلك -يدور بعيونه شي يرمية على فهد -
فهد : شف المعتوه.
خالد -يمسك عبود و يثبته-: اهدى .. خلاص اهدى جوال مافي بس هدي شوي .
عبود يصارخ : فهمه فهمه.
خالد -يمسك وجه عبود -: بفهمه بس تعال اجلس هنا
عبود -يجلس و يغمض-
خالد يطالع فهد : تعال انت .
فهد يجئ معه .
فيصل يطلع و يطالع جوال عبود الطايح وراح جلس جنبه : فيك شي .
عبود -يطالع فيصل وساكت-
فيصل -يضم عبود-: ماعليك فهد مضغوط شوي .
عبود -يمسك كتف فيصل و يغمض-
ريدس فقد شهد وراح يدور عليها.
عند فهد .
فهد : نعم .. جايبني هنا بغرفتك ليش ولا رحمة الدراما ألي تحت ، بكل عين قوية ينكر.
خالد : لا تتعود تتهم احد من غير دليل ، من غير دليل مالك اي أحقية غير انك تشك حتى شك بدون ما أشوف بعينك او شي يستدعي انك تشك هنا بوقف معك ، اما انك تعرف ان محد يفتح الميموري تجئ تحطها فيه يوم فتحها .
فهد : ممكن تقول لي وش له شغل بالميموري.
خالد : قالك يبي فلم .
فهد : فلم ؟ بالميموري ، ياخي ميموري ما تشيل حرف مصور فيديو تبي فلم .
624 people like this
البارت-179-
خالد اقتنع بكلام فهد و بقى السهم على عبود ؟
عبود : علاقتي بفارس ما تعني اني كنت انقل صورك له .
فيصل : انا ابي اعرف أحنى اصحاب من ٦ سنوات ولا قاعدين نستهبل ، وش السوالف ذي الي مدري عنها ، كل وأحد وله خصوصيته بس اشوفكم متفقين على الخصوصية ذي!
مرت ساعة كامله وخالد يشرح لفيصل ولريدس كل شي صار و عبود الوقت يمر عليه مثل الجمر .
هي نهايتهم ولا بدايتهم؟
كان يوم صعب جداً على كل فرد بالقروب مرة الساعة وانتهت .
فيصل ساكت .
فهد : فهمت الحين -يلف و يطالع عبود - كنت ابي انهي خيانتك بشكل ودي .
عبود : ماكنت ابي هالشي يصير صدقني ! ولا كنت ابي ..
فهد : ماكنت تبي بس هذا الي انت سويته ، انت !
خالد : هالشي خلص وانتهى الحين ابي اسال ، عبود وش كنت تبي من الميموري.
عبود : ليش محد فيكم يبي يصدق ، كنت أدور الف... -قاطعه فهد-
فهد : لأنك تكذب , اذا تبيني اصدقك عطني جوالك
خالد : عبود !
عبود : اني مبي اعطيك الجوال ماله علاقة بمشكلتك ذي.
فهد : عطني له او ما له.
عزوز -يدق على ريدس-
ريدس يروح المطبخ و يرد : هلا عزوز .
عزوز : جبت الأكل بس تبي امر أجيب غداء ولا أخد منكم بيسوي.
ريدس : خالد مايدري انك طلعت صح؟
عزوز : كان نائم .
ريدس : روح جب غداء أساسا الوضع هنا مره متكهرب.
عزوز يركب السماعة باذنه : ليش وش صائر .
ريدس : اذا رجعت بتعرف .
عزوز : طيب بقفل الحين .
ريدس : طيب .
فيصل يدخل المطبخ ويصب له مويه.
ريدس -يوقف جنبه-: شفيك .
فيصل يطالع فيه : مدري ليش احس فهد يهمش فينى أشياء ومصائب صارت معه ما دريت لا انا ولا انت عنها و يستنجي بوحدة كانت بيوم بتضره.
628 people like this
تكملة البارت-178-
فارس : زميلة قديمة .
عبود : مستحيل.. مستحيل شهد تساعدك طلبت او ما طلبت .
فارس : لا تصير واثق كثير ، ساعدني وانت راضي .
عبود : وش تبي.
فارس : افتح الاب توب حقه و ابي كل شي داخله ، كل شي ، لان هالشي الاساسي الي خرب عليك .
عبود : فهد ترك لأنك نجس كل شي تاخذه بالقوه انا لو ابي انتقم بنتقم بس مو معك لان مافي شي يحق لك.
فارس : جب الصور وانت ساكت مافي غير هالشي يفكك مني نهائيا غير كذا ، ومالك علاقة يحق لي او لا -قفل الخط -
عبود -دخل وهو يشتم فيه -
نرجع للواقع؟
فهد -يسحب الاب بخفه-
عبود -وقف وجف دمه-: كن .. كنت با-سكت-
فهد بدت علامات الغضب تطلع بعيونه -
عبود -يطالع شهد وهي طالعه من المطبخ-
فهد : من سمح لك .. تمد يدك على اغراضي -يفصل الميموري - و تشبك أشياء خاصه فيه -يأخذ علبة الميموري الي جربها كلها وعلى اخر وحدة كانت بيد فهد -
عبود : كنت ادور -يطالع شهد - الفلم
فهد : الفلم بالهاردسك وانت عارف .
عبود : فهد .
فهد : ماراح امشيها لك ..... أبد .
خالد -نازل من الدرج و يطالعهم -: وين شاحن جوالي من اليوم ادوره .
فهد : عبود عطني جوالك .
عبود -جفت موية عيونه وهو يطالع فهد -
فهد يمد يده.
عبود : و اذا ما عطيتك.
خالد -مشى لين عندهم وهو ساكت وموب فاهم شي-
فهد : عطني.
عبود -يرفع صوته-: وإذا ما عطيتك.
فهد : تطلع برى ولا عاد أشوف وجهك بيننى.
عبود يطالع خالد .
خالد : فهد وش صاير .
شهد -ما توقعت ان الشي يوصل لين هنا -: فهد
فهد : عطني جوالك.
خالد : فهد وش صاير أتكلم انا .
فهد يرفع الميموري : هاذي أحد منكم قد مسكها .
خالد وشهد : لا
فيصل نازل من الدرج و يصارخ : ريدس جب جوالي -نزل- هاي .
فهد يجئ لين عند فيصل : فيصل انت قد تجرأت تمسك الميموري او قد فتحتها؟
فيصل انلخم : لا والله ماقد مسكتها .
فهد: وريدس؟
فيصل : ما اذكر أساسا ماتعرف لها .
فهد يلف على خالد ومحد فاهم شي أبد : صوري دايم توصل لفارس -يطالع خالد -: ايه فارس الي دايم كان يتمنى علي شي يضرني فيه وماعنده غير الصور ، المشكله الاولى وانت تدري فيها تكررت امس.
ريدس جلس جنب فيصل ويسأله شصاير.
فيصل -ساكت ومنصدم-
خالد : كمل ابي افهم.
فهد : تكررت المشكله ، امس بس في لي اصحاب
فيصل وقف : في لك اصحاب ، انا ابي اعرف شي واحد بس ، احنا اصحابك ولا وش ، وش معتبرنا اذا مرتين صارت معك مشاكل وما درينا عنها ، معاد مبي ندري عنك اجل دامك تعتبربنا بس للوناسه .
فهد : اسكت ، ما اعتبرتك للوناسه اوضاعي الي مرت قويه لدرجة اني ماكنت اقدر أفكر .
فيصل : الحين هذا عذر؟ ومين أصحابك الي ساعدوك
فهد : ساد و الجاز اصحاب رائد.
خالد : نعم .
فيصل : الله ، بداية يوم جميلة .
ريدس ساكت .
شهد ولا اي نفس لها .
فهد : هذا شي بينشرح لكم بعدين بالتفصيل ، ابي ارجع للموضوع الاساسي ، الصور كيف كانت توصل لفارس .
عبود : وانا وش لي علاقة فيها .
فهد : كنت شاك لأنك الوحيد بيننا الي له تواصل مع فارس بس ماكنت ابي اضلمك ، لكن الحين تاكدت ، جوالي فاضي مافيه اي صوره لي و مسكت جوال كل الي هنا وحذفت صوري من اسبوع ، وش لك شغل مع الأب توب ؟ تحمل فلم ؟ الفلم بالهاردسك
ميموري؟ الميموري يا دوب تشيل فيديو عشان تشيل فلم .
624 people like this
البارت-178-
خالد -يدخل الغرفة الي فيها فيصل وريدس وعزوز -: نائم داخل .
شهد وهي تأشر على غرفة فيصل : هنا ؟
خالد : لا لا ، قدام بغرفته.
شهد : طيب - راحت ودخلت -
فهد نائم على بطنه وموب حاس بشي أبد .
شهد -تسكر الباب وتجلس على طرف السرير و فيها تردد تصحيه ولا لا لين وصلت لقرار انها تصحيه -: فه -سكتت و بنفسها خل اقول والي فيها فيها - فهد فهد فهد قوم بقولك شي .
فهد يغطي نفسه : ابعدي عن وجهي.
شهد : اسمع طيب ، لابتوبك مع عبود و ينبش فيه .. قال لي انه يبي اسم فلم مدري بيحمل بس ما مشت علي حسيت ان بالموضوع في شي و -جلس فهد-
فهد : نعم .
شهد رافعه حواجبها : يعني في شي.
فهد -وقف راح للباب ورجع -: اروح؟
شهد مشت لعنده : وين تروح .
فهد : أخذ الأب توب .
شهد : ايه اذا تبي روح بس انتظر لين انزل .
فهد : يالله يالله روحي.
شهد : نزلت وجلست بالمطبخ على أساس تسوي قهوه .
فهد -وهو نازل يتابعه من بعيد -
عبود -يفتح الملفات و فتح على اخر ملف الي لو ماكان فهد موجود كان أخذ الي يدور عليه -
الملف كان فيه كل الصور الي بجهاز فارس و صور فهد وكل شي .
نوقف للحظة اشرح هاذي النقطه الغامضه؟
فارس كان يبي صور فهد وماعنده خبر بصوره الي عند فهد ، كان يبي ....
نرجع للمكالمة الي دارت بين فارس و عبود ؟
عبود : وليش اسوي هالشي .
فارس : يعني .. لا تنسى ان فهد هو السبب الرئيسي لتحريض خالد عليك و لتقريب عزوز لخالد و تشويه صورتك .
عبود : وش الي يخليك واثق من ذي النقطه.
فارس : البراكين ألي قاعده تصير بينك وبين خالد وتقرب خالد لعزوز .
عبود ساكت.
فارس : ساعدني .
عبود : أسف .
فارس : اذا ما اخذتها منك باخذها من غيرك وغير كذا ماراح اتركك في حالك ، تصير ان وفهد بنفس الفكرة .
عبود : تضحك مره ، مافي غيري هنا يساعدك.
فارس : شهد .
عبود تغيرت نبرة صوته من الصدمه : وش عرفك ... يعني .. وش الي بينك وبينها.
فارس : زميلة قديمة .
622 people like this
-  73
البارت-177-
الجاز -يفتح البوك و يدور -: يعني معقوله مافي بطاقة شريحه شي -فتح ورقه من بعد كم ورقة و لقى مكتوب دارين ..... 05513
الجاز أخذ جواله ودق على رقمها .
انتظر ثانيتين .
دارين قامت من نومها وردت : نعم ؟
الجاز : دارين ؟
دارين -عرفته وجلست بخوف -: من وين جبتي رقمي الجاز انبسط انها خافت : اتفقت مع كم جني يجيبه لي .
دارين ترجع شعرها على ورى -: والله ما استغرب منك يعني ... كل شي جائز .
الجاز يضحك : وين أرواس.
دارين : نايمه .
الجاز : تنام عندك ؟
دارين : ننام عند بعض لا عندي ولا عندها .
الجاز تخربط بس ما اهتم : طيب بجيكم ابي أعطي ارواس شي له .
دارين : ايه حياك برسل لك الوكيشن ، عندك واتس صح ؟
ألجاز : ايه عندي .
دارين : طيب -قفلت-
ألجاز وجه بدون تعابير : ياخي شوية رقه على الأقل مع السلامة -فتح الواتس ينتظر اللوكيشن وهو يفكر بمليون فكرة.
أرواس -ينزل نظارته و يحطها على جنب -: ليش قلتي لها اني نائم ؟
دارين -تربط شعرها-: بشوف وش تبي.
آرواس يرفع حواجبه : وقالت لك وش أبي
دارين : جايه بالطريق و بعرف وش تبي - تشبك جوالها بالشاحن -: شف انا بدخل اتسبح والله ثم والله لو لقيت الشاحن مفصول اخ وش بسوي فيك بس .
ارواس : وش بتسوين.
دارين : انت فك وش بسوي -تدخل الحمام-
أرواس: اراهن على نفسي لو هي بنت -يغطي نفسه-
بمكان ثاني ؟
عبود -جالس على الأب توب حق فهد بالصالة -
شهد : مادرت عنك ؟
عبود : ايه بس اذا سالت قولي انك اخذتيه.
شهد : طيب ليش ، يعني وش تبين فيه
عبود : في فلم محمل برسله على جوالي بدال لا احمله من الموقع لانه ضغط بيطول.
شهد ما مشت عليها وحست ان فيه شي نزلت كوب القهوه وراحت .
عبود -لف يطالعها-: وبم بتروحين .
شهد: بروح الحمام .
عبود عيونه على الدرج : في حمام تحت ادخليه .
شهد استغربت كثير : وليش ، ماله داعي بعدي فوق كملت وراحت.
عبود : سافلة.
شهد سمعت و كملت كأنها ما سمعت شي وصادفة بوجهها خالد : وين فهد ؟
خالد -يدخل الغرفة الي فيها فيصل وريدس وعزوز -: نائم داخل .
623 people like this
تكملة البارت-176-
جينكز : بطلع زي ما طلعت أمس لفهد ، اليوم بطلع لارواس.
رائد : جينكز
جينكز -رمى نفسه من فوق الدرج -
رائد يصرخ باسم جينكز .
جينكز فز من نومه بخوف و انفاس متقاطعه و بجسم حار و كتمة على صوت رائد .
رائد: اناديك ما تقوم أسف اضطريت اصارخ.
جينكز -ساكت -
رائد -يجلس جنب جينكز و يمسح على رأسه -: حلمت بشي شين ؟
جينكز -يغمض عيونه بمعنى ايه -
رائد: بسم الله عليك ، أكيد نمت وانت تفكر بأشياء شينه ، تقوم تتحم ونطلع نفطر -ببتسامة-
جينكز حس انه محتاج يطلع يشم هواء : أيه .
رائد : طيب يالله انا بدق على المطعم احجز طاوله و اتجهز انا تكون انت خلصت .
جينكز : ساكت .
رائد استغرب سكوت جينكز و حس انه من حلمه الي خلاه يقوم كذا لكن المهم بيجلس كم ساعه او فترة وهو بهاذي الحالة؟
نروح لفارس بعد ليلة أمس الي كانت اغرب ليلة تمر عليه بالنسبة لهذا الشي والي هو التهكير وكان بمحل من محلات الاجهزة الي تعالج الفيروسات.
الرجال يمد على فارس الجوال : خلاص الحين تقدرين تشتغلين عليه وتفتحينه.
فارس أخذ الجوال و فتحه و دخل على كل شي و لكن الجوال كان فاضي بكل ما تحمله الكلمة من معنى لا صور لا فيديو لا ملاحظات لا برامج ولا اي شي مخزن .
فاري لف على الرجال : الجوال فاضي ؟
الرجال : طبعا الفايروس محى كل شي و كذا ولا كذا لازم يروح ولا كيف بيشتغل الجهاز .
فارس -طلع بحسرة على الي كان ناوي عليه ركب سيارته ودق مره ثانيه على ...-
عبود رفع الجوال ورد : نعم فارس ... نعم .
فارس : هدي هدي ، ابي منك خدمة يمكن ترد حقي و حقك .
عبود : في .
فارس : فهد .
بمكان ثاني بعيد ومصنف لحالة ، الجاز ماعنده رقم أرواس الجديد لسبب ان أرواس يغير رقمه كل فترة .
الجاز -يفتح البوك و يدور -: يعني معقوله مافي بطاقة شريحه شي -فتح ورقه من بعد كم ورقة و لقى مكتوب دارين ..... 05513
الجاز أخذ جواله ودق على رقمه
630 people like this
_  Nosh ✓
تكملة البارت-176-
فهد وهو ينزل سكارفه : رطوبه ولا تحقيقك جاب لي الحر -يمشي بيروح-
خالد -دخل ومسكه ونزل تيشيرته من فوق ورفع عيونه وحطها بعيون فهد -: وش أسوي عشان تفهم ؟
فهد : خالد .
خالد : قولي وش أسوي ، ما تتوب؟
فهد -حط عبايته على الكنب وطلع بدون لا يرد -
شهد -نازله و منشفتها على راسها-: صباح الخير
فهد مر بدون لا يرد بكلمة .
شهد -تتطالعه ولفت لخالد -: وش فيها ذي -نزلت عنده-
خالد -جلس -: ولا شي .
شهد وهي تاشر بصبعها على المطبخ-: بسوي قهوه تبين؟
خالد : أيه اذا مافي تعب عليك
شهد وهي رايحه : لا تعب ولا شي .
خالد -يحس في شي تحته قام لقىق جوال عبود تحته-:
المتصل - FAYZA -
خالد : شهد .
شهد : هلا
خالد : عهود وين .
شهد : شفتها طلعت برى .
خالد -أخذ جوال عبود و طلع شافه جالس ويحط التراب على ساقه -
عبود - حس ان في خطوات ورآه لف -: صباح الخير
خالد - يجلس -: صباح النور -يمد جواله له-
عبود : إها استغربت اساسا جيتك ، طلعت موب من الله -يأخذ الجوال -
خالد : لا من الله -لف له- ابي أكلمك في أشياء .
عبود -يبعد التراب عن رجله-: والي هي ؟
خالد : فايزه هي نفسها فارس ؟
عبود : لا موب هي وبعدين وش خلاك تتعبث في جوالي .
خالد : دق .
عبود بتصحيح : دقت
خالد : ولو طلع هو الي في بالي .
عبود : يصير خير -يطالع عيونه - وش موضوعك.
خالد : بأ -شهد تنادي خالد -
شهد : القهوه خلصت لا تبرد يرحم امك والله عاد عليها طعم .
خالد -لف وببتسامه-: يالله بجي .
عبود متابع بصمت.
خالد : أكلمك بوقت ثاني أحسن ؟
عبود : اليوم ولا معاد ابي اسمع شي .
خالد وقف و رجع جلس على ركبته و دنق لعبود : أكلت ادويتك ؟
عبود يطالع خالد .
خالد : أكلتها؟
عبود -يمسك رقبة خالد من ورى و يبوس شفايفه-
خالد -تلقائيا بعد عنه -
عبود ببتسامة : أكلتها .
خالد -يعدل تيشيرته ولف ورآه وهو يستغفر بنرفزه -
عبود -رجع يلعب بالرمل بدون اي تفكير باللحظة الي صارت وردة الفعل -
كان في شخصية متابعه بصمت تأملت خالد من جلس لين راح .
و بمكان ثاني كان في مشاعر و غضب ثاني ؟
عند جينكز .
كان متكتف و يطالع حافة الدرج .
رائد -طالع من غرفتة-: جينكز ليش طالع روح انسدح قبل حرارتك ما ترتفع وتتعب.
جينكز -يلف و ببتسامه غريبه -: بطلع.
رائد -يقرب بتعجب-: وين بتطلع ؟
جينكز : بطلع زي ما طلعت أمس لفهد ، اليوم بطلع لارواس.
629 people like this
البارت -176-
نرجع لفهد ؟
فهد - واقف بالحوش و ينتظر رائد بعد ماراح الجاز و ساد من قدامه وطلعوا -
رائد -راح المطبخ جاب له مويه وطلع لفهد - : تأخرت؟
فهد -يقرب قدامه-: يعني .. وين رحت.
رائد : غطيت جينكز و جبت مويه وجئت .
فهد : السواق تأخر شكلي بنام عندك .
رائد بعفوية : عندي السواق تبي اوصلك.
فهد - يلصق جسمه بجسم رائد -: لا .
رائد -يطالع عيون فهد-
فهد -يبوس دقن رائد -
" رائد بذي الحركه ينسى نفسه من التخدير أخذ فهد لداخل و نسى نفسه حق وحقيقه "
بس الي نسى كل شي ونسى الزعل و أصل الزعل هو فيصل !
فيصل -منسدح على جواله -
ريدس يتأمل فيصل .
فيصل -يرفع عيونه و يطالعه-
ريدس يبتسم.
فيصل يبتسم معه .
ريدس -يضحك -: نعم ؟
فيصل -ينسدخ على ضهره و يفتح حظنه-: تعال .
ريدس -يجئ وهو منسدخ عدد طق الباب -
فيصل : مين.
عزوز : من كثرنا عشان تسال مين .
ريدس -يقوم و يفتح -: شفيك.
عزوز : بنام عندكم ، هناك حر 💔
فيصل : تعال تعال .
شهد : تعدي الدرج .
ريدس -يطلع و يطالع فيها: وش قومك.
شهد : قومني الحر .
ريدس بضحكه : تعالي .
شهد جنب فيصل و عزوز جنب ريدس و فيصل وريدس جنب بعض كانت نومة ضيقة بس فيها كمية جمال عجيبة .
خالد قام من الحر -وقف يطالع ان عزوز موب عنده والساعه كانت ٧ الصباح . فتح الباب ونزل لتحت عشان يشوف الكيبل الي عند باب المطبخ الخارجي طلع وكان الجو رطوبه مره : من حاطك على الحار انت -فتحه على برودة متوسطه وجلس يضرب يده على بعض عشان الغبار يروح ومع ضربه حس ان في صوت زايد لف يمين ! لمصدر الصوت ودخل المطبخ وطلع طرف عينه .
فهد -جاي يمشي بخفيه-
خالد -يطلع-: فهد !!!
فهد : بسم الله الرحمن الرحيم من وين طلعت .
خالد : انت الي من وين طلعت ، وليش توك جايك وينك الليل كله .
636 people like this
+  73
البارت -175-
عند رائد ؟
رائد -يغطي جينكز -: ماراح أطول طيب.
جينكز : كنت بتخليه ينام عندك لو ما شديت على يدك.
رائد : و وين المشكلة لو خليته ينام ، أسهر سوالف معه وانت ترتاح ، مقدر اطلع وانت تعبان .
جينكز : انت تتعبني و تبعد الناس الي تحبني عني ، بس لما أصير أنا لا وين المشكلة .
رائد -لف يطالع جينكز بأنه اول مره يتكلم بدا الصيغه-: لحظة ... وش التفكير ذا ؟ وشكري جاب نومة فهد عندي بموضوع اني ابعد الناس عنك .
جينكز -لف و انسدح على كتفه وغمض-
رائد - يأخذ نفس طويل وعيونه على جينكز مشى بهدوء وباس كتف جينكز -: مراح أتأخر .
جينكز -يضم المخده ويفكر بكلام ارواس وغمض-
عند الجاز -:يالله أنا ماشي تجئ معي؟
ساد : ايه يالله - يأخذ أغراضه -
رائد -وهو طالع شاف ساد و الجاز -: وين بدري !
ساد : نجيك بعدين الحين الوضع ماش انت خلك مع جينكز اذا صار طيب جيناك وسهرنا.
رائد :أكيد .
رائد -بينزل-
الجاز : خلك اذا تبي شي لجينكزانزل و اجيبه لك .
رائد وهو ماشي : لا بنزل لفهد .
ساد -لف على الجاز ومشى رايحين للباب-
بالسياره بعد ٢٠ دقيقه؟
ساد : انت موب راضي تسمع كلامي .. قلت لك فهد مستحيل يكون لك لا توهم نفسك بأشياء غلط انت شوف ارواس مات على جينكز ثلاث سنين ماقدر تروح انت للي اصعب من جينكز .
الجاز بصدمة : ارواس يحب جينكز؟
ساد يطالع ألدريشه : ايه .
الجاز : وانت ؟
ساد : أنا كنت فترة وانتهت ، فترة تسليه الحين اصحاب مافي أحلى منا ، بعدين أنا نسيت ارواس مره ، دخل بعقلي الي أحلى منه.
الجاز ما انتبه لكلامه وكل تركيزه في فهد-: طيب والحل!
ساد -يلف له-: الحل انك تشيل فهد من عقلك و قلبك و تبدأ صفحة جديده ، اذا اقتنع عقلك مشى قلبك.
نرجع لفهد ؟
643 people like this
..+||  $ho$h°☆ -12 )':
تكملة البارت-174-
تصحيح جاز اسمه الجاز وليس " جاز حاف "
وقفنا عند رائد وهو يدور جينكز ؟
رائد -وهو نازل-: جينكز ..... ياربي وين راح -فتح باب الحوش - جاز -شاف بوك طايح راح اخذه ولف -: الجاز ؟؟
عند الجاز بالمجلس؟
جينكز -يطالع الجاز -: قول له اني دخت ، لا تقول ان أر...-يكح-
الجاز : اكيد انت تحس نفسك بخير يعني نطلع ؟
جينكز -يغمض بمعنى الموافقه -
الجاز -يمسك خصر جينكز و ويمشي طالع من المجلس-
جينكز -ماسك يد الجاز ويمشي-
رائد -داخل وبيده البوك-: جين... جينكز ؟؟؟-يروح له و يمسكه عن الجاز -وعيونه عليه - شفيه ؟
الجاز : داخ فجئه ، بس الحين كويس .
رائد -يمد-: خذ ذا بوكك ، لقيته طايح بالحوش.
جينكز -يضغط على رجل الجاز بمعنى خذه-
الجاز -اخذه بربكه- : ايه شكلي طيحته برى .
رائد : داخ من دخانك ولا وش السالفه !
الجاز : لا لا -يشرح بيده-: انا كنت برى و قبل ما ادخن تذكرت اني ابي مويه و انا طالع -ما يدري وش يقول
جينكز : وهو طالع انا فتحت باب المجلس وبفتحتي طحت -يأشر على الجاز-: وشافني .
رائد -:طيب خلاص بصعدك فوق ترتاح .
الجاز -يطالع فيهم وهم يعدون الدرج و بيده البوك-
رائد-لف على الجاز -: امش كمل شغلك .
جينكز -لف يطالع الجاز-
الجاز : ايه اكيد -صعد و تعداهم-
رائد -رايح لغرفة جينكز-: تبي غرفتي ولا غرفتك؟
جينكز : لا لا .. ودني غرفتي .
فهد -طالع من غرفة رائد ولف وعيونه على رائد .
رائد -لف يطالع فهد وهو داخل-
جينكز -لف يطالع برائد و فهد-
فهد -مشى لعندهم-: رائد ... ابيك شوي .. اذا مافي مشكله .
رائد : طيب بدخل جينكز واجي.
فهد -انتظرك بالحوش .
رائد : ليش بتطلع .
فهد : ايه .
رائد : ماراح تنام عند- جينكز رص على يد رائد بأضافره ولف رائد لجينكز -: طيب شوي وبنزل .
فهد -رجع غرفة رائد ياخذ اغراضه-
الجاز : خلاص انا اطمنك الصباح اذا كل شي تم وانا متوقع ان كل تمام أساسا .
فهد -ساكت-
ساد : فهد .. شفيك .
فهد : يطالعه مافيني شي .
ساد : المفروض نشوفك مبسوط .
فهد : مبسوط بس انا متأكد ماراح توقف على كذا ... شكرًا لكم كلكم .
الجاز : لا لا بتوقف على كذا .. كل الي بجواله -يفتح يد فهد ويحطها- في ذا المومري لو سؤالك شي بس شي انت بتقدر تسكر فمه بمليون شي .
فهد -يطالع المومري ورفع عيونه على الجاز -: شكرًا حبيبي.
الجاز -ابتسم-
فهد -يبوس خده-: مره شكرًا انت فكيتيني من شي كبير .
ساد : وقدامي بعد .
فهد -يضحك-: وشكرا لك انت بعد مستحيل انسى هال معروف أبد .
ساد -يبتسم-
فهد -أخذ شنطته وطلع-
الجاز -يجلس و يفكر بفهد-
ساد -مبتسم-: باسك ولا يتهيئ لي .
الجاز -ينسدح ويغمض-
649 people like this
-  Manal
البارت -174-
ارواس : شفيك ، على الأقل اليوم بس عطني مهلة اني اقول كل شي كتمتة بداخلي ، حتى لو بندم عليه ، خلني اندم ولا ألوم نفسي ليش ما قلت ، يكون عندي شعور جديد يوقفني وهو اني ندمت ، ولا أسكت وما يبقى غير شعور حب ثلاث سنوات وأكثر مكتوم .
جينكز -يجلس عنده ويمسك يده-: انا ما أفيدك لو قربت لك ، ولا راح أسعدك لو صرت لك ، حتى رائد مقدر احاسبه ليش حط حواجز وليش كل ما شافني معك قومني ، انا ربيت عنده ومالي كلمة أبد ، انا مو لي .
ارواس : جينكز ، انت تعبدة ما ترد جميلة .
جينكز : الجمر يحترق بالنار بس اذا انحط عليه العود طيب مجالس و اكرمها ، رائد لو ايش ببقى اكرمه و احترمه .
ارواس -يطالع عيون جينكز -: يعني .
جينكز -يوقف-: انتهى كلامك وانا مسامحك ، بس لا تنتظر مني اترك رائد و اجيك .
ارواس يوقف و بحدة : رباك متفقين ، بس وش الي يربطك برائد عشان ما تروح لغيره ، وليش متحكم فيك لهدرجة .
جينكز يوقف رائح للباب .
ارواس : حبي لك بيبقى ذنب برقبتك.
جينكز يأخذ نفس و يحاول يمسك تعبة .
ارواس -يقرب لجينكز بتعجب-: جينكز ؟
جينكز -يطالع الارض و يحس بصعوبة بالكلام وثقل بلسانه وهذا من تأثير الحرارة عليه -
جينكز -يجلس بالأرض على ركبته .
ارواس -فتح الباب وطلع يدور جاز و فتح باي المجلس -: جاز .. جاز تعال معي بسرعة .
جاز -يوقف و يجيه -: شفيه .
ارواس -يأخذه لجينكز -: داخ مدري وش فيه .
جاز -يدخل لجينكز -: خلاص خذ صاحبتك و اطلع انا بتصرف .
ارواس بخوف : شفيه .
جاز -يطالع جينكز و يحط يده على جبهته-: حبيبي جينكز حاول تقوم معي -يطالع ارواس -: ما عليك حرارته مرتفعه بس ، خذ صاحبتك و اطلع ، بصعدة فوق انا .
ارواس -طلع و أخذ دارين بسكات و بدون صوت -
جاز -يرفع جينكز -: شد على نفسك .
رائد -نازل بعد ما شاف ان جينكز ماكان بغزفته -: جينكز ....... جينكز .
انتهى البارت .
و توقع هل بيكون بين دارين وجاز اشتباكات او لا ؟
وارواس بيبقى على حب جينكز ؟
توقعاتك تهمني دونها في صفحتي الشخصية .
أحبكم جميعاً .
1077 people like this
-  RizalAlharbi.
تكملة البارت -173-
دارين -تبتسم -: مين صبغ لك شعرك .
جاز : انا .
دارين -ما صدقته-: اها .
جاز : لا تصدقين واضح عينك حارة .
دارين : ما شاء الله ، بس ما اتوقع انك تسوين .
جاز بثقه : تبين اسوي لك ؟
دارين : لا شكرًا .
جاز : بكيفك .
دارين -تقرب وتلمس شعره-: ماخرب غريبة .
جاز -يبعد يدها-: ما احب احد يلمس شعري .
دارين -تجلس -: يعني لو اجيك تسوين لي بتعرفين لشعري.
جاز ما رد عليها .
دارين : اكلمك .
جاز : كم عمرك ؟
دارين : ٢٤ ، ليش ؟
جاز : سؤال.
دارين : وانتي .
جاز : اكبر منك بسنة .
دارين : العمر كله .
جاز يبي يفتح موضوع عشان يضيع الوقت : ايوه قولي لي لي عنك.
دارين -تطالع فيه -: ما أعرفك .
جاز : اشياء عاديه مو خصوصيه ، وش تحبين وش تكرهين.
دارين -تتربع-
جاز : عاشت .
دارين : بتستغربين مني ، احب أشكال الماسونين وكل شي اسود فيهم ، الهياكل ، صح ان شكلي يعطي اني احب الوردي وقهوة ماما
جاز -يضحك -: وش قهوة ماما .
دارين : بنات هالوقت .
جاز -يضحك-: كملي كملي.
دارين : احب الأشكال الي تعطي هيبة ، عشان كذا اقولك الأشياء الغريبة لازم تكون جذابة .
وراحت كم ساعة على سوالفهم وكأنها دقيقة .
نخلي جاز يحكي لكم ساعتين وش عرف عن دارين ؟
جاز : بالبداية كنت احسها مملة وصاحبة حكي كثير ، عكس شكلها كانت جميلة بس اني ما يلفتني الشكل المرتب بزياده ، الشعر كتلة وحدة والحاحب مرتب ، و الوجه السادة ، كلها ما تربطني مع الشخص الي انا معه ، لكن من بدت تتكلم عرفت ان فيها زاوية غامضه ما حكتها لأي احد ، بقيت اسمعها بكل متعة وما انتظرتها تخلص .
دارين : بصراحه عرفت مين تكون من شكلها مع انها شويه ثقيلة دم وما تأخذ وتعطي احسها مليانه حواجز الا اني تكلمت ولا انتظرتها تفهمني ، كنت احكي الشي الي طلبته و فيني ، حسيتها مستمتعة و كملت لها ، مدري ليش احس تصرفاتها غريبه ، اذا قلت بسم الله ضربت رجلها على الارض مثل اول ما دخلت .
جاز -يفتح الباب و يدخل -
دارين -لفت -: بسم الله الرحمن الرحيم .
جاز -يضرب رجله بخفيف بعدها بثانية-: وعليكم السلام .
نكمل ؟
دارين : مثلا تصرفات شاذه وغريبة ، طبعها طريقة الكلام ، مدري مين تكون بس احس انها شي جداً حنون .
عند جينكز ؟
جينكز بعد ما خلص ارواس كلامة : نسيت كل شي ، اذا انت تغيرت .
ارواس : انا حكيت لك ليش انفجرت عليك كذا ، لا تنتضر مني اتغير لان كل شي صار له سببه.
جينكز : صدقني مسامحك ، و اتمنى ترجع مع رائد نفس اول و احسن .
ارواس : ما أظن ولا انتظر مسامحته ، لولا الحواجز الي حطها كان صرت اقرب لك من انفاسك .
جينكز بحدة : ارواس .
ارواس : شفيك ، على الأقل اليوم بس عطني مهلة اني اقول كل شي كتمتة بداخلي ، حتى لو بندم عليه ، خلني اندم ولا ألوم نفسي ليش ما قلت ، يكون عندي شعور جديد يوقفني وهو اني ندمت ، ولا أسكت وما يبقى غير شعور حب ثلاث سنوات وأكثر مكتوم .
818 people like this
.  73
البارت -173-
جاز : يعني مثلا ليش دأق علي ، جايكم جاسوس انا ؟ ما دريت عنكم -يلف الأب توب عليه- شغلك تمام كمل لين يصير احمر .
ساد : ليش وين بتروح ؟
جاز : بنزل بالحوض ادخن يعني احب اجلس لحالي شوي وأنتم اخذتو وقتي .
رائد يوقف : يالله طيب وانا بروح لجينكز ، على ما اجي الا وأنتم منتهين .
جاز : ءء ... رائد ... توني قابلت جينكز... قال لي ان بينام ومصدع ولحد يجيه يبي يرتاح ، وقال خل رائد يجيني الفجر ينام عندي و يفهمني السالفة .
فهد -يطالع جاز مستغرب كلمة ينام عندي -
رائد -مستغرب -: طيب -يجلس جنب فهد -
فهد -يطالع عيون رائد -
رائد -يبتسم-: شفيك .
فهد -يلف بدون ما ينطق بشي .
جاز -يبتسم وينزل -
جينكز -ينتطره نهاية الدرج -
جاز -ينزل -: خلاص صرفته .
جينكز : بتفضحنى ارخي صوتك .
جاز يوقف عنده : غلطت بكلمة .
جينكز : الي هي ؟
جاز : قلت خله يجي الفجر ينام عندي و يفهمني السالفة -يبتسم بغباء-
جينكز : روح للبنت قبل لا اسوي لك شي.
جاز : وينها .
جينكز -يأشر على المجلس -: هنا .
جاز -يروح لها -
دارين -جالسه على جوالها تدور شبكه وترفع جوالها-: لاحول وين شبكتهم .
جاز -يفتح الباب و يدخل-
دارين -تلف-: بسم الله الرحمن الرحيم .
جاز : و عليكم السلام .
دارين -تفشلت بس مثلت انه عادي -: هلا .
جاز يجلس -: هلا فيك ، دارين ؟
دارين : ايه دارين ، وانتي ؟
جاز : جاز .
دارين : لا اسمك .
جاز : وانا وش اقولك خطبة ، اسمي جاز .
دارين : عاشت الاسامي طيب .
جاز بضحكه جميلة : ولا تزعلين ، اسمي الجازي .
دارين : ايه كذا .
جاز -يبتسم-
نأخذ كم ثانية نوصف فيها المظهر الخارجي والداخلي لجاز:
حنطي البشرة ، طوله متوسط ، انسان شاذ عن الكل يحب الوحدة ، ثابت على الشي ومستحيل يتغير ، شعرك منحوت من جميل الجوانب ولونه لون التوت البري الغامق ، خارم في كم جزء بجسمة في بطنة و كتفة و خشمة و فمة الشفة السفلية يمين و يسار و إذن وحدة ٧ خرمات ، شخصية تحب الأشياء الغريبة غرب شديد ، يحب يغير كل شي قدامه ، لازم تكون نفسه أو ما تكون قريب له نهائيا ، يا ترى وش مصير دارين معه ؟
دارين : ما تعورك؟
جاز -يطالعها-: الي هي ؟
دارين : شفايفك خشمك اذنك.
جاز -يضحك- : عاجبك ؟
دارين : والله عاجبني بس ما اتجراء اسويه ابداً ، أتمنى اسويه .
جاز : أتمنى اسويه .
دارين : ليش تردد كلامي.
جاز -بضحكه-: مؤدبة مع نفسك ، كل شي تتمنينة سويه ، ماعليك من المجتمع وتقاليد المجتمع ، الناقة من الأجداد اذا مسكها الولد قالو غير متحضر، وإذا تركها قالو خكري ومسطلحات خذي وخلي منها ، لسانهم ما يسكت فا الي يعجبك سويه .
دارين : كفؤ عليك ، والله عطيتني حكم .
جاز يضحك : عجيبة .
دارين -تبتسم -: مين صبغ لك شعرك .
جاز : انا .
782 people like this
-  جوج .
البارت-172-
قبل 10 دقائق بالضبط .
جينكز طالع من المطبخ و بيده كاس الموية لف يمين يسمع صوت جرس البيت يرن .. راح للباب وصوت الضحك في اذنه مستمر -فتح الباب و بمجرد ما لمح وجه الشخص الي قدامه قفل الباب -
ارواس -يطق الباب-؛ جينكز لو سمحت افتح ابي اكلمك لو سمحت 5 دقائق ماراح أخذ اكثر بقولك الي بلساني و بروح
جينكز : روح لا يشوفك رائد و يشرب من دمك .
ارواس -يضرب الباب-: وانا وش علي من رائد .
وبعد اقناع من ارواس فتح جينكز الباب و تفاجئ بالبنت الي معه وكانت دارين.
ارواس -يدخل -
جينكز -يروح يسكر باب المدخل و يوقف بالحوش-: خلص كلامك هنا ، رائد فوق جاني الكثير منك موب ناقص -يطالع دارين - تجي تتكلم لحالك مره ثانيه .
دارين -بصوت احتقار-: مو على اساس انا الي ساحبتها تجي تعتذر و اقنعتها ، بعذرها -تمسك أرواس- امس و اذا بغيت اتفل بوجها بعد .
جينكز -ما رد -
ارواس -يمسك دارين على جنب و يهمس لها -: دارين عيب ، خلاص اسكتي ما تقدرين تمسكين نفسك .
دارين -سكتت-: طيب خلاص اساسا بعذرها فعايلك مو هينة.
ارواس : ما عندك غير كلمة بعذرها -راح لجينكز-
جينكز -يطالع فيه-: مين ذي
ارواس : تعرفت عليها وقت ماكنت محجوز .
جينكز : اها .
ارواس يأخذ نفسك : ابي اجلس كلامي ما بنقال كذا ، انت اكرم من كذا .
جينكز : طيب -يدخل و يشوف اذا فيه احد او لا -لف لأرواس بمعنى تعال -
ارواس سحب دارين ودخل .
ارواس : وين را.....-ما كمل كلمتة الا وجاز بوجهه-
جاز : هلا ارواس -يسلم عليه- شخبارك.
ارواس : ايه الحمد لله زين .
جينكز : دقيقة ارواس -أخذ جاز للمطبخ -
جاز : شفيك .
جينكز : ارواس و رائد صاير بينهم مشاكل بسببي يعني مشكلة قديمة وانت تعرف لسان ارواس يجلس يرادد ومع مين مع رائد .
جاز : طيب ؟
جينكز : مبي رائد يشوف ارواس .
جاز : أبد ولا يهمك اساسا كنت بشرب موية و اروح .
جينكز : و ابيك بخدمة ؟
جاز : الي هي ؟
جينكز : تأخذ البنت الي معه ، ابي اكلم أرواس على انفراد .
جاز : جينكز ما ابي ارفضك بس مالي خلق اجلس أقابل احد .
جينكز : شوي .
جاز : طيب ، بصعد اعطيهم كذبه و انزل .
جينكز : وانا قول لهم نايم ولا يبي احد يدخل عنده حتى رائد صرفة قول تفهمه بعدين .
جاز -يشرب موية جينكز -: ولا يهمك -ينزل الكأس و يروح -
جينكز -يطالع الكأس فاضي ولف عليه-: كلب.
نروح لفارس ؟
فارس -يضغط بأجهزته -: يارب كيف بفتحه ذا .
-يدق على جاز -
جاز -يدخل الغرفة-
ساد : انت وينك ، هالوصخ من اليوم يدق عليك ؟
جاز : مين ؟
فهد : فارس .
جاز -يضحك -: شكله يبيني اسوي له جهازه .
رائد : شكله ؟
جاز : يعني مثلا ليش دأق علي ، جايكم جاسوس انا ؟ ما دريت عنكم -يلف الأب توب عليه- شغلك تمام كمل لين يصير احمر .
762 people like this
-
البارت -171-
دارين -ترفع يدها-: وإذا لا ، لا انا سامحتك ولا ببقى معك , بفضحك و بروح ...........
عند تيم ؟
تيم -يدخل و ينزل عبايته و هو يعلقها -؛ ساد .... ساد -يطالع سريره- ساد اكلمك ، مو معقولة نايم الحين ..... ساد ؟ -قرب بيرفع الفراش - ... ساد
جوال تيم يتصل ؟
تيم -راح ورد -: هلا فارس .
فارس : ساد وين .
تيم : ساد نايم .
فارس : قومة ضاروري .
تيم : شتبي فيه .
فارس : ابيه يحمي لي شغلة دخلت على رابط و جهازي قفل بسرعة قومة .
تيم : لحظة -يطالع بساد- ساد .... ساد قوم فارس يبيك بشغلة ؟
فارس -ساكت و ينتظر-
تيم : اكيد اكل حبوبة ذيك صدقني حتى لو قام ماراح يفيدك عقلة بيكون مو معه ، اتصل على صاحب ارواس ، جاز .
فارس : متهاوش معه .
تيم : انت مين بقيت ما تهاوشت معه .
فارس : خلنا من ذا ، وش صار معك بفيصل !
تيم : ارسلت لك صورته المغرب ابيك تشوفه .
فارس : وين ارسلته .
تيم : واتس اب .
فارس : معلق عندي .
تيم : اذا فتح جوالك بتلقاها راحت لصور على طول ما يحتاج تدخل الواتس اب .
فارس : طيب يالله انتبه لك بروح اشوف أحد يعرف عشان يفتحه لي .
نروح لجينز النائم ؟
جينكز قام من نومه يسمع صراخ وضحك حس انه يوسوس وقف بصوته الهادي ينادي رائد وقف اخذ شرشف على كتفة وطلع من الغرفة : رائد -فتح باب غرفة رائد ودخل -
رائد -وقف وقرب لجينكز وحط يده على جبهة جينكز-: ليش طلعت من غرفتك حرارتك للحين ما نزلت .
جينكز يطالع ساد و جاز وفهد : شعندكم .
رائد : ارتاح بغرفتك وانا بجيك احكي لك.
جينكز : بروح اشرب مويه و ادخل غرفتي ، لا تطول .
رائد -يبوس يد جينكز -: انت ارتاح انا أجيب لك المويه .
جينكز : لا ابي أتحرك شوي -طلع -
رائد -يطالعه من بعيد ... سكر الباب ولف عليهم-
ساد -يضحك بخفيف -: غبي يا عالم ، و يدخل و يحمل ولا يدري وين الله حاطه .
جاز -بضحك-: عنده صور مزز الله العالم ...-يدخل صورة من الصور - فهد ذي مو كأنها صاحبتكم فاتن مدري وش اسمها نسيته .
فهد -يأخذ الأب توب -: الا والله .
ساد -لف وجهه بأبتسامه و اختفت بمجرد انه شاف الصوره و أخذ الأب توب -: هاذا حبيب ريدس ، صح ؟
فهد -منصدم-: ايه .. شفيك.
ساد -يطالع الصورة -
فهد -تذكر البارتي وحس ان في ثلج براسه و يده -
ساد : هاذي هي والله هي .
جاز : مين .
فهد -يأخذ الأب توب -: انت شفيك -يعطي جاز الأب توب- خذ كمل شغلك .
ساد -يحاول يسترجع كل شي بمخه -: انا شفتها بس مو كذا .
رائد يعقد حواجبه-: ساد شفيك ابوي صحصح.
ساد -يطالع رائد -: بنزل لجينكز .
رائد : لا جينكز تعبان ماراح يتحمل استفسارك ، كمل شغلك للحين ما خلصت .
جاز : خذ ساد ، ذا شغلك
ساد يحاول انه ينسى الصورة و شلون مره شكل و ثاني مره شكل وليش ماكان مع فهد طول الوقت ؟
جاز -يضرب كتف ساد بخفيف-: ساد .
ساد -يأخذ الأب توب -: طيب
جاز : بنزل أجيب مويه احد يبي شي .
فهد : جيب لي معك .
جاز : طيب -طلع -
قبل 10 دقائق بالضبط .
769 people like this