Ask @AHMEDMOHSEN316:

وقال ان كلامه غلط؟ ماهي عارفه ان كلامه صح وعارفه الحلال من الحرام انت اللي لو اطلعت علي الشرع هتعرف انه ملهوش حكم عليها ولا يقدر يجبرها حتي لو هي وهو وهم وكل اللي يتشددلهم عارفين ايه حرام وايه حلال هو ملهوش حق الاجبار واساسا ليه يوصلو لمرحلة انه يغيرها وتغيره ويفرضو على بعض ماياخدوا اتنين شبهم

قبل ما اجاوب على حضرتك ف متشكر عموما على النقاش الجميل ده ...
اولا حضرتك لما تقولي "لو إطلعت على الشرع هتعرف انه ملوش حكم عليها ولا يقدر يجبرها على حاجه" ف ممكن تجيبيلي دليل من الشرع على كلامك ده قصاد كل الادله الي معايا على وجوب طاعة الزوجه لزوجها .. الي لو سالتي اي راجل بالمناسبه عليهم هتلاقيه حافظهم .. ده من صور الطاعه يعني وصلت لان الزوجه لو هتصوم ((نوافل)) تستأذن زوجها الاول قبل ما تصوم ، زي ما قال رسول الله :
«لا تصوم المرأة وبعلها -أي وزوجها- شاهد إلا بإذنه»
ومن عظيم برضو طاعة الزوج فقال رسول الله :
«لو كنت آمرًا أحدًا أن يسجد لأحد؛ لأمرت المرأة أن تسجد لزوجها؛ لما عظم الله من حقه عليها»
ف يعني حضرتك هتيجي على طاعة الزوج ف حاجه اصلا المفروض تتعمل وحاجه اجباري عليها ك مسلمه بعيدا عن جوزها ولا اهلها ولا اي حد وهنيجي نقول محدش ليه حكم عليها؟ يا ستي طب وحق ربنا فين ..
وكل كلامي ده على الحلال الباين والحرام الباين يعني مقصدش مثلا واحد اتجوز واحده وهي بتلبس بنطلونات ف يقولها البسي چيبات ويجبرها ويجي يقولها طاعة الزوج.. لو الحاجه صح من الاول يبقى المفروض في نقاش ومحاوره بين الاتنين لان مفيش حاجه بتمشي عافيه ..
لان من حقوق الزوجه على زوجها انه يعاملها ب احترام و يبقى فيه شبه نديه مش كل القرارات بتتاخد عن طريقه هو بس .. ويبقى في موده ولين في التعامل لانها مش شغاله عند الي جابوه ... وموضوع ناخد حد شبهنا اكيد في الاول بيبقى في قبول وحبوا بعض وكل الحجات الحلوه دي بس العقليات طبيعي بتتغير مع الوقت ..
اسف اني طولت في الاجابه بس قولت اوضح كل حاجه.

View more

+2 answers in: “ليه الولد لما يرتبط ويخطب بنت بيقولها انها تغير طريقة لبسها وتلبس واسع مع انها كانت بتلبس بنفس الطريقة دي قبل كده وهو عارفها وهي كده اصلا”

ويتكلم ويفرض ليه؟ مش من حقه غير النصيحه وهي ليها كامل حرية التصرف وهتشيل ذنبها، وطالما هو عايز واحده تلبس واسع بدل ماياخدها يغيرها ويشكلها علي مزاجه مايختار وحده بتلبس اورريدي واسع؟ اما انتو يارجاله عليكم حاجاتتت

طول ما كلامه صح طِبقا للشرع يبقى مفيش حاجه اسمها حرية التصرف والنصيحه والكلام ده ، والي بيفرضه هو مش بيفرضه من دماغه وبيألف كلام على هواه .. دي بقت مراته يعني عِرضه يعني المفروض يحميها بكل الاشكال ولو هي رافضه الحمايه ف يحميها غصب عنها ولو هي اتخنقت وبتقوله ما انت واخدني وانا بلبس لبس مش عاجبك ف خلاص خليه يطلقها احسن وكل واحد يرجع يعيش براحته ويلبس براحته .. مش فاهم مضايقين ليه من الصح اما انتوا يا ستات عليكوا حجااتتت

View more

+2 answers in: “ليه الولد لما يرتبط ويخطب بنت بيقولها انها تغير طريقة لبسها وتلبس واسع مع انها كانت بتلبس بنفس الطريقة دي قبل كده وهو عارفها وهي كده اصلا”

ماهي المدينه التي كانت تسمى قسطنطينيه

احنا وقعنا ف من سيربح المليون ولا ايه ..
اسطنبول كانت تسمى القسطنطينيه ايام الامبراطورية الرومانيه وبعد الفتح الاسلامي بدخول العثمانيين سُميت ب اسلامبول وبعد ما راحت الدوله العثمانيه وجه اتاتورك غير اسمها ل "اسطنبول"

View more

مش عارفه اصل مش هيكون في ايده اي حاجة تتعمل مش مشكلة نفسية بس سببتلي اكتئاب وحياتي مش حياة اصلا هيبقا لمجرد انه بيسمع بس كمان مش هعرف اروح لاسباب كتير انا نفسي مش عارفه حتى لو عرفت اروح هعمل ايه او هقول ايه انا جوايا مش منظم اصلا فوضى كبيرة

كل الفوضى الي جواكي دي اي حد هيفهمك هينظمها كويس ويرتبها ويفهم ايه المشكله .. اتفضلي احكي يمكن افهم ايه المشكله

View more

+2 answers in: “محتاجة شخص اتكلم معاه اوى اي حد يوصله سؤالي ده وعنده استعداد للكلام يرد بدون ما يكون عنده فضول يعرف انا مين”

طيب انا عندي مشكلة ومش عارفه اعيش بسببها او حياتي اصلا عبارة عن مشكلة انا حتى مش عارفه اتكلم ولا اقول ايه مش عارفه اروح لدكتور نفسي عشان مش هيساعدني

وليه متأكده ان الدكتور النفسي مش هيساعدك ؟

View more

+2 answers in: “محتاجة شخص اتكلم معاه اوى اي حد يوصله سؤالي ده وعنده استعداد للكلام يرد بدون ما يكون عنده فضول يعرف انا مين”

هو انا لما اقعد استغفر ربنا كتير يبقي شرط اني عملت ذنوب علشان ماما قولتلها كده استغفري ربنا كتير قالتلي انها معملتش حاجة ولا ذنب للدرجة علشان تستغفر عليه وايه اللي انا بقوللها ده

هو في انسان في الدنيا معملش ذنوب!

View more

Next