@ASMA09

Asma .

Ask @ASMA09

Sort by:

LatestTop

Previous

عند الحاجة لتنظيف الجسم، يمكنك الاستحمام. ولكن ماذا تفعلين عندما تحتاجين لتنظيف عقلك ؟

Sarah Alghubaini
اهلاً سارة ..
قبل شوي فتحت البلكونة ، كان شوي معكر مزاجي
ويوم تنفست الهواء وبراد الجو مررررررررة روقني !
حسيت مخي نظف :p
هو ماينظف بس يصفي بالي ^^"

صباحك خير ي رب + ماذا تتمنى هذا اليوم !!  

Hadeel Abdulrhman
وصباحك :)
اتمنى اوصل لجدة بالسلامة ،
مااوصل لجدة واشوفها وادخل البيت الا وانا اقعد ساعة اردد الحمدلله على سلامتنا الحمدلله على سلامتنا
اطفش اللي معي :/
لاني اكون قلقانة ابي اوصل بالسلامة :$

Related users

حينمآ يكون النوم .. حجّةُ للغيآبْ عنْ وآقع مُؤلمْ .. هُنآ فقطْ .. يكونٌ الغيآبْ .. ذُو نكْهَةِ خآصّةٌ .. ! - هل النوم عندك حجه ل الهروب من الواقع ؟

Sarah Alghubaini
النوم احياناً يجلب لي الالم ويكون له اكثر نكهه مؤلمة !
ف وجودي في غرفتي ودقات قلبي وحدها من يزعجني في موعد نومي !
هنا يغيب النوم ويغيب العالم اجمع !
فقط " هو " يكون نومي :)

صباح الخير : هل انت حريص/ة على تفسير رؤياك التي رأيتها بالمنام ؟

للاسف ان حلومي الخربوطية اخليها " رؤيا "
مدري كل حلومي احسها صدق ويبي لها تفسير !!
سواء تخوف ولا ماتخوف !
والاغلب اللي يشغل تفكيري احلم به !!

(( شخص غامض : ناصر اخوي بس تقريباً سويت جلسات معه وعرفت اشياء فيه )<<< كيف وعلمينا وش سويتي باخوك ناصر ؟

جتني اسئلة كثير على هذا الموال ..
اولاً انا من النوع اللي اي شخص غامض ما احب اتدخل واقول له وش فيك كلمني فضفض طلع اللي بقلبك انا كلي لك ،،
هذا الاسلوب ما احبه ولا يعجبني سواء انا اسويه او غيري يسويه فيني ..
طبعاً الاسلوب اللي سويته مع اخوي ناصر مو اي احد اسويه ..
بس الناس اللي امون معهم ..
اول شيء بديت معاه صرت اتكلم واعبر واوريه كتاباتي واقوله وش يضايقني ..
اقوله عن اي مشكلة حصلت لي لو هي مو مهمة بالنسبة لي بس يمكن تقارب لمشاكله !
لا تكلمت وقتها هو بيبدا يتكلم ويقول انا قد حصل لي ..
هنا الاهم ..
خاصة اخوي كتوم كتوم كتوم لابعد الحدود ..
بعدها استرسل واكون قريبه من قلبه قبل لا اكون قريبة منه هو ..
احاول استمع له وابين اهتمامي ..
هنا قدر يستشيرني ويكلمني باشياء خاصة فيه :) ..
 

يُقآل أنهـ كُلمّـا إزدآدت العلآقة بين الآباء وأبنائهم , يكتسبُون الأبنآء صفات آبائهم , هل إكتسبتَي صِفآتٍ منهم ؟ اذِكريهآ ؟؟

Sarah Alghubaini
ابوي : " طولت وانا افكر بابوي اشتقت له ياناس :( "
اكتسبت في ابوي اشياء كثيرة : الحلم والصبر والهدوء والحنان وقلبي وقلب ابوي واحد ..
اما امي الله يخليها مابي غيرها : الصرامة واتقان العمل وام دميعات انا وياها مايصير موقف الا نبكي على طول :p 

أسعد الله مسآك .. *\لو قدّر لـِ روحك أن تقف سآعه حدآد . . على من ستكون .. وَ لِ مَ ذآ ..!؟

على " عبارة السلام "
لان ابوي الله يحفظه بحفظه كان بيركبها وعلى اخر لحظه استخار ورفض الذهاب بهذي العبارة المصرية ..

إلى متى ؟ .. لمن توجهون هذا التساؤل ؟

لاصالة :p
يوم تقول :
(الى متى ياجرح ياقلبي
بتوجع الى متى والصبر ماله معك حد
الى متى مال للخطا عذر
مقنع الى متى هالاسئله مالها رد
ماهو مهم الدمع للعين يرجع
ولايطيح وتلحقه راحت اليد )

شخص ماتملين من سوالفه؟- ڪلمةة خآطرڪ تڪتبينهآ آلحين .؟ شخص تتمنين يتغير للأفضل / شخص تتمنين يكون جنبك على طول / شخص له معزه خاصه / شخص تحسينه وفي وصادق / شخص تعجبك حكمته/ شخص يعجبك فيه اخلاقه / شخص غاامض؟

ما امل من سوالفه : محد ، صراحه اللي يسولف ويدوخ راسي مايعجبني :/
كلمة خاطرك تكتبينها اللحين : الى متى ؟
شخص تتمنين يتغير للافضل : شغالتنا -.-"
شخص تتمنين يكون جنبك على طول : شخص في بالي ..
شخص له معزة خاصه : خالتي فوزية ..
شخص تحسينه وفي وصادق : زينب الجهني ..
شخص تعجبك حكمته : خالتي فوزية وخالي حمد ..
شخص يعجبك فيه اخلاقه : عواطف ونورة بنت خالي ..
شخص غامض : ناصر اخوي بس تقريباً سويت جلسات معه وعرفت اشياء فيه ..

س/ ( زي مآتعاملني انا اعاملك ) آيش رآيك بَ ذآ آلمبدأ ؟!!

مبدا فاشل !
جاني شخص عديم الذوق ومن حثالة المجتمع وسوقي !
اصير مثله ؟
مهما كان الشخص اللي قدامي انا اكون بطبيعتي ما اتغير !
سواء شخص كبير ومنصبة عالي او شخص منحط ..

هل انت مع تبرع اعضاء جسم الانسان بعد موته لإنقاذ الآخرين من الموت أو ضدها؟؟؟ وليه؟؟

اذكر ايام الدراسة بالثانوي جابوا لنا وحده تتكلم عن التبرع بالاعضاء .
انا من دخلت البيت وانا جالسة بعباتي حتى مانزلتها
سلمت على امي وابوي وجيتهم قلت عندي شيء بقوله لكم :|
لا مت ابي قلبي وكليتي وكل شيء فيني تتبرعونه للناس اللي تبي تستفيد ..
وهذي وصيتي :|
طبعاً كلام امي وابوي بخليه " مشفر -.- "
والنظرات شيء اخر خلاني اقول : امزح عليكم -.-" صدقتوا ؟
بس للاسف ودي لو بقلبي اتبرع به !

ما هي أقدم - أحدث - أجمل - أسوأ الهدايا التي تلقيتها في حياتك؟ :D

اقدم : ساعة وانا في خامس ابتدائي من ابوي " لاني لبست عباية "
احدث : عطر من خالتي < تدري اني مهبولة عطور :|
اجمل : مصحف من خالتي + كتاب منها بعد :)
اسوا : بنت خالتي جابت لي شيء بس ماراح اقولها تفشل :""""( بس انها حلوة :p

عطني صفة ايجابية وسلبيةتُطــلق عــليك عند اسرتك؟

إجابية : خدومة ومهتمة بالجميع .
سلبية : مزاجيه :| فجأة امي تسميني " حبشيه "
< ليسَ للسخريه بس يوم نجيب الشغالات الحبشيات اللي بالشهر
تصير على الصامت ونفسها في طرف خشمها !

مسآئك أصوآت الحجآج وهم يُكَبرون لِ خآلقهم .. *\عِندما تٌمسك بك يد هي الحنين إلى الماضي وَ أُخرى هي الشوق إلى المستقبل في ذات الوقت .. فَـ إلى أي الجهتين سَـ تخطو بك لحظة الآن ..؟!

وصباحك غصة ..
سامسك بيده هو فقط واذهب معه الى اي مكان :)

-

مَوجوعة يَ أمي ,
ل أني قد فَرغت من الامنيآت , من الحُب , من الصدق !
مَوجوعة ل أن الصبيّة التي كُنتهآ , مآ عآدت هُنآ ! 
غآدرتني وغآدرتك وغآدرت العالم , 
مَوجوعة ل أن حوآسي تسيّرني , فلآ أستطيع التحكم ب يديّ ل ألوح إليّ كي أرجع ! 
مَوجوعة ل أن الحيز الذي يسآر صدري " فارغ " 
و ( طيري الذي خبأته في صدري .. فر مني )
 * اسمَاء

Next

Language: English