من وجهة نظرك كطالب، وش سلبيات كلية الطب بجامعة الملك فيصل؟ و صدق إن بيتغير النظام الهولندي؟
ماينفع تاخذ السلبيات بس، فيه إيجابيات بعد..
من الإيجابيات اللي أشوفها هي نظام الأرباع، مو سمسترات أو سنوي...حيل حيل أشوفها ميزة للنظام. برضو في تركيز مناسب على الجوانب الثانية مثل الصحة العامة والأخلاق الطبية والإحصاء.
من سلبياتها اشوف شوي مافي اهتمام عدل بمادة الأناتومي، وبشكل أكبر اهمال من جهة الفارما. برضو في بعض الأمور ماشية بالبركة، يعني مثل مافي دكاترة عظيمين ويهتمون في الطلاب في جانب ثاني شغلهم يجون وينامون. ممكن بعد شي اشوفه سلبية هو الأنشطة الطلابية، ماتلقى دعم وعليها تكتم فما نشوف هالنشاطات بالشكل اللي نشوفه في جامعات ثانية.
بشكل عام؟
الكلية حلوة، لكن في بعض الأمور لو تطبق بشكل أفضل تطلع الكلية أجمل؛ وبطبيعة الحال تحتاج تشتغل على نفسك في كم موضوع وأمورك تمام إن شاء الله.
بالنسبة للنظام الهولندي مادري صراحة، قالوا بيغيرونه على سنتنا وماتغير فتعالوا انتو ويصير خير.
من الإيجابيات اللي أشوفها هي نظام الأرباع، مو سمسترات أو سنوي...حيل حيل أشوفها ميزة للنظام. برضو في تركيز مناسب على الجوانب الثانية مثل الصحة العامة والأخلاق الطبية والإحصاء.
من سلبياتها اشوف شوي مافي اهتمام عدل بمادة الأناتومي، وبشكل أكبر اهمال من جهة الفارما. برضو في بعض الأمور ماشية بالبركة، يعني مثل مافي دكاترة عظيمين ويهتمون في الطلاب في جانب ثاني شغلهم يجون وينامون. ممكن بعد شي اشوفه سلبية هو الأنشطة الطلابية، ماتلقى دعم وعليها تكتم فما نشوف هالنشاطات بالشكل اللي نشوفه في جامعات ثانية.
بشكل عام؟
الكلية حلوة، لكن في بعض الأمور لو تطبق بشكل أفضل تطلع الكلية أجمل؛ وبطبيعة الحال تحتاج تشتغل على نفسك في كم موضوع وأمورك تمام إن شاء الله.
بالنسبة للنظام الهولندي مادري صراحة، قالوا بيغيرونه على سنتنا وماتغير فتعالوا انتو ويصير خير.