مهم إنك تعرف تحدد إمتى تقول "كفاية".. قفل البيبان والمشى؛ خطوة مش أى حد بيعرف يحدد توقيتها الصح.. بس بإجماع التجارب هى نفس اللحظة اللى بتحس فيها إن وجودك زى عدمه، وخاطرك ملوش ثمن، وإن قربك حِمل على اللى قدامك؛ فبتشترى نفسك بـ شوية وجع قبل ما يبيعك غيرك ببلاش.. أصل هى مرارة واحدة، وعُمر واحد، واللى عايشينه مش كتير وإن طال.. if you don't belong, don't be long.. لو محستش بقيمتك فى مكان موجود فيه أو مكانتك عند حد أقل من مكانته عندك ومادمت ماقصرتش؛ إمشى وإنت الكسبان.