Ask @Abd_ElRahman_boody:

تحدث عن نفسَك قليلاً ؟

اليومَ كانَ الابتسامُ مؤلمًا، و البكاءُ أبعدُ ما يكون، الروحُ مثقلةٌ كثيرًا، و لا أحدَ يشعر.
سئمتُ نفسي، وقعَ الأشياء عليّ، و فرطَ شعوري المؤذي.
أحزنُ أكثرَ مما ينبغي، و أحملُ همّ الأشياء على كتفي، حتى انكسرَ العظمُ و انحنى الظهر.
لا أدري أعليّ أن اكونَ هكذا !!
أم أني موطنُ الخلل ؟
لكنّ الإنتقادات التي اتلقاها بلسان العيون .. تؤيدُ الثانية.
وكأن بوسعك أن تتحكم فيما تشعر، و كأن الأمر يُحلُ بالكلمات والنظرات !
و يبقى السؤال دومًا، لمَ تفيضُ مشاعري عليّ كليّ، لمَ تتحكم في ملامحي، كلماتي، روحي أجمعْ؛ فيبدو كل ما أخفيه، كجرحٍ مكشوف يؤلمه حتى مرورُ الهواء، فما بالك بكلماتهم.
لمَ عليّ أن أكون أنا !

View more

+4 answers Read more

What makes you worry?

انت مختار سؤال تقيل علي قلبي اوي ..
بخالص آسفي والله بقولك ان السؤال الاصح يبقا "ما الذي لا يجعلك قلقاً ؟"
ولكن ، الأحجار الاساسية في علاقتي بالقلق التي تتمحور حولها اغلب حياتي هي
اولاً .. قلقي علي ناس تانية من حيث مصيرهم وسلامتهم ، اشخاص معدودين جداً بس نفسي كل حد فيهم يوصل لأفضل حال او عالأقل يعني حال ابقا متطمن عليه فيه .
ثانياً .. قلقي من افعالي ونتيجتها من حيث تكون أثرت بالسلب علي حياة انسان تاني ،وفي اغلب الاوقات مكانش ليا الذنب الأكبر بس مقدرتش ابطل تفكير ،انا بقول من وانا صغير
It's always my fault
ودة من اشهر اسباب اكتئابي فتايم لاين حياتي ياعين ،دة حصل في اطار محدود من حياتي ومش عاوزه يتكرر تاني ابداً .
I think it's some kind of phobia!
ثالثاً .. بخاف من الفشل جداً سواءً في الدراسة او شغلي ودة ترتب عليه اشكال من القلق ، زي قلقي من الوقت ومروره بدون شئ ،انا ببص في الساعة بإزمان ودة افقدني الاستمتاع بلحظات كتير ، بس حالياً بدأت اتغلب علي نقطة الوقت دي لإني تعبت والله واعصابي تعبت :'(
وترتب عليه برضو اني مبحسش بالستيسفكيشن تجاه اي نجاح بعمله ، بحس ان فيه انجح من كدة واني ضيعت وقت كتير وكان مفروض اعمل احسن من كدة :(
اخر اهم قلق فحياتي المتكهربة .. اراء الناس 🌚 .. ايون اراء الناس ، من حيث شكلي وتصرفاتي وطريقة كلامي وارائي *ومبقولش رأيي لحد* ودة بيخليني بتكسف جداً وفاقد الثقة فحجات كتير فيا ، حتا يعني اغلب صحابي معادا قلة ،بفكر فيهم تفكير انهم مبيطيقونيش وبيساعد علي دة دبش اللسان من البعض *الي بالمناسبة بكرهه وبكره صاحبه من قلبي* .. ودة برضو السبب الرئيسي فكرهي للافراح والتجمعات الاجتماعية الي مليانة ناس غريبة .
محدش من الي حواليا بتطمن لنظرته ليا وبحس بالراحة في وجوده الا قليل اوي بالنسبة لإجمالي العدد .
بس .. ، صدعتك بس استحمل نتيجة السؤال بقا 😌💔

View more

السلوكية بتتذاكر أمته وازاي

قبل الامتحان لو فيه مساحة فاضية .
ليها تفريغات لدكتور ناجي شارح اغلبها يعني ممكن تقرا التفريغات وبعدها تقرا الكتاب ..
الكتاب صغير ، بس وحش وملعبك ومش منظم ومذاكرته صعبة شوية ، بس مفيش حل غير انك تقرا الكتاب وتجتهد في فهمه .
حاول تفهم بس عشان ابو العباس بيجيب امتحانات غبية ،ومهما حصل هي 50 درجة يعني يوم ماتنقص هتنقص كام !
هو زي الفلسفة كدة ، لو قريت فلسفة قبل كدة هتفهمها .
وابقا بص علي امتحاننا هتاخد فكرة عن دماغه ، وبالمناسبة كان فيه ام سي كيو اربع ورقات مع الامتحان ممكن متلاقيهومش عشان كلنا سلمناهم .
هتعدي بالحب كدة عشان محدش بيتوقع دماغه بصراحة .
وربنا يوفقك وتجيب امتياز 🌸

View more

اختارت اسم لمولود في عيلتكو قبل كده وسميته 👼 ؟

لا للأسف ، مظنش حد هيتجاهل رغبة كان عاوزها طول حياته عشان غلاوتي يعني 😆
بس فيه أخ ليا لم تلده امي ربنا رزقه بولد وسماه عبدالرحمن علي اسمي من حبه ليا وبيقول دايماً ان شاء الله هيطلع زيي ❤
واللهم بارك شكله بقا زي القمر ❤

View more

Next