Ask @AbdulaRaof:

مساحة بودي ( 🤓 ) 🖤

مُصـطفى عـَلـاء | Soofy Alaa ♥
سنة 1914 " فرانس فيرديناند " ارشيدوق مملكة المجر والنمسا چان بيوم من الايام يفتر بمدينة بالمجر، طلعوا عليه مجموعة من الصربيين شمروا قنبلة يدوية، القنبلة انفجرت بالسيارة الي وراه وهو طلع سليم، لهنا هو محظوظ جداً، فگال للسايق ارجع اريد اشوف الضباط الي انصابوا، السايق غصباً عنه رجع بشارع ثاني غير الي المفروض يمشي بي، فبالصدفة طلع واحد من الصرب الي حاولوا يغتالوه موجود بهالشارع فضرب فيرديناند طلقة براسه ويموت الارشيدوق. كل هذا صار، لان السايق خربط بالشارع
-
وبسبب هالشي مملكه المجر والنمسا تعلن الحرب على صربيا، وانظم الهم حلفائهم المانيا، ودولة الخلافة العثمانية وبلغاريا ، وبالجهة الثانية صربيا وفرنسا وبريطانيا وروسيا، وبعدين انظمت امريكا واليونان واليابان وايطاليا، وصارت الحرب العالمية الاولى اللي مات بيهة 17 مليون شخص استمرت 4 سنين، وبسبب جثث الحرب طلع وباء اسمه " الفلاونزا الاسبانية " ، قتل 3‎%‎ من سكان العالم بوقتها و بسنه وحده مات بهالمرض اكثر من الي ماتوا بالطاعون ب 100 سنه
-
الى ان انتهت الحرب بتوقيع معاهده " ڤيرساي " الي وگعت كل الوم براس المانيا، وصارت هي ام المصيبه ودفعت تعويضات كلش قوية، وانذلت بصريح العبارة هالشي شنو سَبب؟ سَبب انو تتولد مشاعر غضب وحقد وادى الى ظهور " الحزب النازي " الي رأسه هتلر، وصارت الحرب العالميه الثانية الي مات بيهة 65 مليون انسان...، انت بس لاحظلي تسلسل الاحداث، واحد يفتر بسيارة تنشمر عليه قنبله تنفجر بالسيارة الي وراه فالسايق يدخل بطريق غلط فيموت، وبسببه تصير حرب عالمية اولى، وتنشر وباء قاتل، وبسبب هالحرب يتولد احساس بالظلم يساعد ان تشعل حرب عالمية ثانية..،
-
رباط السالفة، لتخلون السايق مالكم يدخلكم بطريق غلط لتصيرلكم مشاكل.

View more

196 💕 ..

ANGEL♾
سالفة الزواج التقليدي يحتاجلها تغيير جذري سالفة انُ:
-
• امك او گرايبك يختارون نيابة عنك
• وتطلع تقابل ابوها او اخوها ويسألوك شتشتغل وشكد راتبك
• وبعدين تنتقل للنظرة الشرعية ام ال5 دقايق حته تتفاهم وياها وتعرف طموحاتها وافكارها وافكارك ومشاعرك ومشاعرها وانجذابك وحبك الها وبالعكس، وجمالها والخ، " بخمس دقايق "
-
كلش شي مقزز ان تربط حياتك وحياة شخص ثاني وياك، بسبب نظرة خمس دقايق من اختيار مو اختيارك، والاهل يتوقعون ان هذا هو جوهر الزواج، اذا الاصدقاء نفسهم الي نگضي وياهم عمرنا ووقتنا ممكن يكونون صح او غلط وهالشي نكتشفه بعد سنين فما بالك بشخص حنتج منه روح للعالم واكون عائلة ويبقى ويايه عُمر
-
هالطريقة شبه منتهية منطقياً و عقلياً لان اغلب البنات بهالجيل متعلمات وواعيات جداً وطموحات، تريد هيّ هم شخص واعي وطموح، لذلك الي كان صح بوقت اسلافنا من فكرة ان " اهم شي تتزوج " ، " اهم شي زوج يسترها " وغيرها، متمشي بعد لهالجيل خصوصاً انها تگدر تتعلم و تشتغل وتستقل وما تحتاج لزوج او لرجل اصلاً.

View more

عبدلله دا تبـدع + مساحه ❄️

سـرور | أورنـچ
في عام 1233 اعلن البابا غريغوري ان الشيطان يتجسد في القطط عامة والقطط السوداء خاصة وأن الروح القدس أخبره ذلك ومن ثم تم قتل الملايين من القطط فأنتشرت الفئران بشكل كبير ونشرت الطاعون مما أدى خلال سبع سنوات لهلاك 100 مليون أوروبي
-
هالكوارث تصير من الشعوب تگون " نازعة " لرجل الدين

View more

193 , 🖤

SHAMS MURAD || شمس
سابقاً بالقران ال 18 جانت الالوان الي يستعملوها الناس بالرسم، وصبغ الحياطين وغيرها، مُكتشفة حديثاً فجانت متكونه من مواد كيميائية ضارة، مثلا الاخضر من الزرنيخ، والابيض من الرصاص...،
-
فينسينت ڤان گوخ الرسام المشهور، الباحثين يكولون ان حالات الاكتئاب والهلوسة الي هو مصاب بيها بسبب اللون الابيض، بسبب ان الابيض يتكون من الرصاص، والجسم من يتعرض للرصاص بكثرة يصير امراض عصبية من هلوسة واكتئاب، وڤان گوخ چان يلحس الفرشة مال رسم حته تصير مدببة واكيد چان بيها لون ابيض فصارت بيه هالاعراض...،
-
فإحتمال چبير رسمته المشهورة " the starry night “ جان فعلاً هو شايف السماء بهالشكل بسبب هالمرض العصبي الي بيه، وغالباً هو هذا السبب الي ادى الى انتحاره .

View more

192 ، ♥

TaBarK
الصورة كانت عبارة عن فراغ، انت تملئ الي تقتنع بيه،
الصورة ممكن تنفهم من عدة زوايا،
- المتطرف يشوفها فجور ومعصية ..،
- الملحد يشوفها انتصار للمذهب المادي ..،
- الشخص العاقل يشوفها حرية شخصية ..،
- الشخص الاكثر عقلاً يشوف ان التوجه للعلم والنجاح بالنسبة للكائن المقدس المسمى " بالمرأة " ميتعلق بملابسها، او التزامها الديني " الموروث غالباً "، من الممكن تكون منقبة او محجبة ومع ذلك ومع ذلك دكتورة باحدى الجامعات او رائدة بمجال علمي، سياسي، اجتماعي، وممكن تكون بدون نقاب وكذلك نفس النتيجه وصلت،
الشكليات متصنع العقل والحضارة والتطور، استغلال العقل والانجاز المادي الواقعي، هو الي يصنع، حسب نظرتي الشخصية التي لا تحتمل الخطأ طبعاً.

View more

190 🖤

مَهاب ‏♡.
حسب ميگول مورغان فريمان، " لا يوجد دين سيء لكن يوجد اُناس سيئون "
-
كل الاديان، الابراهيمية خصوصاً، تحث ع السلام والمحبة وطاعة الكبير واحترامه والخ...،
لكن الناس طمعهم بمنصب رجل الدين المُبتكر الي يجيب فلوس وسلطة و تفسيرات غلط للدين حتى تُثبت سلطتهم، ايمان اعمى للناس بيهم، كلها تأدي لوجود ناس اعلى من ناس " برجوازية دينية " ، وبالتالي حقد وحسد وجريمه وناس سيئة ..،
-
تحققوا من كلشيء ديني او علمي بنفسكم خصوصاً بهالعصر الي الوصول للحقيقة بيه سهل ومتوفر...،
لتجبر نفسك ان تتبع الشيء الي ورثته من اهلك؛ مذهبك، وافكارك، والشخصيات الي تقتدي بيهة، طبيعي جداً ان تكون الك اراء مختلفة بشرط تكون منطقية ومدعومه بادلة، بهالحالة انت شخص رائع مو سيء حتى لو تم انتقاد مبادئك الي استنتجتهة ببحثك ومجهودك.

View more

عبدلله فد سبيس🌼🍃..

Viansh
ان الله اعطانا كتابين: كتاب الطبيعة والكتاب المقدس، و ان اراد المرء ان يتعلم تعليماً صحيحاً عليه ان يكرس عقله لدراسة الكتابين معاً
- فرانسس بيكون، الاب الروحي للعلم الحديث، من كتاب؛ العلم و وجود الله، جون لينوكس
-
بمعنى، مو من العلماء يتعبون سنين، ويكتشفون اكتشاف علمي، يطلع عاهة يگول " اي عدنا بالقرآن "، الرب امرك ان تكتشف كيف بدأ الخلق، والكيفية هي بالتجربه و التكرار والدراسه العلمية، وهالشي يتحقق باكتشاف الطبيعية الي وضعك بيهة الإله، ومن ثم المقارنه مع كتابك المقدس لتثبت وجود إلهك الحق ، وشكراً

View more

عَـبدالله سبيس لطيف🖤💡

Zahraa❥
" النساء اللواتي عصرن العنب بأقدامهن منذ بدء التاريخ ، النساء اللواتي تم قفلهن بحزام العفة في أوروبا ، الساحرات اللواتي أحرقن في العصور الوسطى ، روائيات القرن التاسع عشر اللواتي كتبن بأسماء ذكورية كي يستطعن النشر ، حاصدات الشاي في سيلان ، نساء برلين اللواتي أعدن إعمارها بعد الحرب ، فلاحات القطن في مصر ، الجزائرايات اللواتي وضعن البراز على أجسادهن كيلا يغتصبن من قبل الجنود الفرنسيين ، عذراوات السيجار في كوبا ، عصابة الماسات السوداوات في ليبيريا ، راقصات السامبا في البرازيل ، اللواتي فقدن وجوههن بالأسيد في أفغانستان ، أمّي .. أنا أسف "
- غياث المدهون

View more

١٨٦..

❥A M O S H┇
السفير السنغالي عبدالأحد امباكي مُوجهاً خطابه لأمير دولة الكويت: ( جِئتُ لأقول لسموّكم أنني أحدُ الأيتام الذين رَعاهم الدكتور عبدالرحمن السميط " رحمه الله " وبسببه واصلت تعليمي إلى أن نلت الدكتوراه وها أنا اليوم سفير لبلادي في بلدكم )
-
• اسلم ع ايده 11 مليون شخص بعد ما قضى 29 سنه بافريقيا يسوي اعمال خيرية لفقرائها
• تم رعاية 15 الف يتيم وحفر 95 الف بئر مياه " لان مياههم قليله
• سوه 860 مدرسه و 4 جامعات وعديد من المراكز الاسلاميه
• سوه 124 مستشفى و 840 مدرسه قرآنية
• دفع رسوم دراسه 95 الف طالب
• وسوه حمله افطار الصائمين بالدول الفقيره شملت 40 دوله ومليونيين صائم
--
احد تجسيدات البصمه الخالدة بالحياة، الدكتور عبدالرحمن فارق الحياة سنه 2013 بس فارقها وهو خالد ببصمته وبالاشخاص الناجحين الي انتشلهم من وحل الفقر والجوع، للنهظة والتطور العلمي والروحي والعملي، واستغرب ليش العرب ميقدسون شخصيات عدها بصمه سواء علميه او انسانيه

View more

185 🙂 و طولي همين ..

Mustafa Alsemawi | سُـمَـاوِي
(ينبغي للمرء أن يعامل جميع المخلوقات في العالم كما يود أن يعامَل.) - الديانة اليانية،
(لا احد عدو ولا احد غريب. أنا مع الجميع.)- الديانة السيخية،
(فكل ما تريدون أن يفعل الناس بكم افعلوا هكذا أنتم أيضًا بهم، لأن هذا هو الناموس والأنبياء.) - المسيحية، يسوع،
(لا تعامل الآخرين بطرق تجدها أنت مؤذية.) - البوذية، بوذا،
(هذه هي خلاصة الواجبات: لا تفعل بالآخرين ما يمكن أن يسبب الألم إذا فعل بك.) - الهندوسية،
(لا يؤمن أحدكم حتى يحب لأخيه ما يحب لنفسه.) - الإسلام، النبي محمد،
( مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ). - الاسلام، القرآن
(ما كان بغيضًا بالنسبة إليك، لا تفعله لجارك. هذا هي كل التوراة. وما تبقى إنما تعليقات.) - اليهودية، التلمود،
(لا تضع على أي نفس عبئًا لا ترغب في أن تضعه على نفسك، ولا ترغب لأي شخص الأمور التي لا ترغبها لنفسك.) - الإيمان البهائي، البهائيين،
(كلنا مرتبطون.) - الهنود الحمر،
(لا تفعل للآخرين ما هو ضار لنفسك.) - الزرادشتية، زرادشت،
-
كل الاديان عدها هالقاعدة الاساسية، انه ممنوع اي اذى ما ترضاه على نفسك سواء جسدي او نفسي تسببه لغيرك هالشي محرم وغير اخلاقي، لذلك لايوجد دين سيء لكن يوجد اُناس سيئون

View more

عبـدالله ..

كل الناس حتى " الفاشلين منهم " عدهم ناس يكرهوهم، لانهم مختلفين عنهم بشكل ايجابي او سلبي...،
هالشي بسبب ان لكل انسان تجي بحياته عدة فرص، تساعده يرتقي بمستواه الفكري والمادي، الي يستغل هالشي يكون ناجح ! وبصعوده لمستوى اعلى، الاشخاص الاقل منه حيكرهوه...،
والي ميستغل حيفشل ويهبط مستواه والاشخاص الي مستواهم اعلى منه حيكرهوه...،
بكل الاحوال انت حتكون مكروه لانك مختلف بغض النظر على ان اختلافك يسببلك سعادة او تعاسة...،
استغل الفرص وتأكد ان الي يكرهوك بسبب إختلافك عنهم مرح يتوقفون عن أذيتك نفسياً أو جسدياً اذا أتيحت لهم الفرصه ...،
ما اكول إبتعد عنهم .. لكن أبعدهم أنت
‏عنك .. هم من يجب عليهم أن يرحلوا ، مو انت !
سويلهم ‏" بلوك " حته ينگشرون عن حياتك الواقعية والإفتراضية...،
وخليك طماع بالنجاح والارتقاء... عالياً فوق هامات السحاب ....، تحياتي ع گولة عمي علاء

View more

183 ،

SHAMS MURAD || شمس
شخص فقير لا يملك شهادة وعمل، وغالباً لا يملك وعي ثقافي، يسد فراغه بالزواج لانه سيجلب الرزق، يقوم بممارسة الحب لانجاب اول مولود لكن هو مو الاخير اكيد يصير كالاتي
-
* يجي الطفل ورزقه معه 1
* يجي الطفل ورزقه معه 2
* يجي الطفل ورزقه معه 3
* يجي الطفل ورزقه معه 4
* يجي الطفل ورزقه معه 5
* يجي الطفل ورزقه معه 6
* يجي الطفل ورزقه معه 7
* يجي الطفل ورزقه معه 8
-
النتيجة : متوزعين ع الترفكلايت ويگول؛ " ساعدوني الله يساعدكم عندي 8 اطفال " ، اهدار بالارواح وزيادة معدلات التخلف والجريمه..، بسبب هالعقلية المتخلفة الي تفرغ كل فشلهة بالحياة العملية والعلمية بصورة شهوة تنتج جيل جديد مقدر مصيره ان يعيش بجحيم بسبب حاله مزاجية متعكرة من شخص قذر .
-
هيج شغلات المفروض تتعالج قانونياً وتصير عقوبات عليها، اذا نقيسها من جانب حقوق الانسان، ان ينولد يجو مناسب وحياة مناسبة

View more

182...🖤

|| ÀYÖSĤ ||
- هل لاحظت أن الموت وحده هو الذي يوقظ مشاعرنا؟ وكيف أننا نحب الأصدقاء الذين غادرونا لتوهم؟ أو نعجب بأولئك الأساتذة الذين لم يعودوا يتحدثون و ملأ التراب أفواههم.. حينئذ ينبثق التعبير عن الإعجاب طبيعياً، ذلك الإعجاب الذي ربما كانوا يتوقعونه منا طيلة حياتهم، ولكن أتعرف لماذا دائماً نكون أشد عدلاً وأكثر كرماً نحو الموتى؟ السبب بسيط، فليس هنالك التزام نحوهم، إنهم يتركوننا أحراراً

View more

A B D U L A

[ جورج اوريل بكتاب، مزرعة الحيوان ] يگول؛
" كل الحيوانات متساوية لكن بعض الحيوانات متساوية اكثر "
ملكيت تطبيق عملي ع هالمقولة العميقة اكثر من العرب المُحبين لاي نوع من انواع المودة بدون تفكير علمود تصير او يصير داعم للنسوية المودة الطاشة حالياً بحجة المساواة؛ لازم :-
-
‏• تكون ضد الدين
‏• ضد الذكور حتى لو ناس ناجحين وبحالهم
‏• تدعم الشواذ او " المثلية الجنسية "
‏• ضد الام والاب حتى لو مدلليهم، وعيش دور المظلومين عائلياً وبالسناب كل يوم بمكان فخم طالعين
‏• ضد حرية اللبس اذا من النوع المستور حسب حرية الشخص الي لابس وقناعته
‏• يكثرون من الشتم والالفاظ الاباحية بس بكلمات اجنبية حتى تصير راقية
‏• تفتخر بأشياء مثيرة للإشمئزاز، شرب، كثرة العلاقات، مخدرات، تدخين الخ..
‏• تطالب بالمساواة وتريد مزايا عليها
-
حقوق المرآة متجي من تكون عنصري تجاه الجنس الاخر, بهالحالة انت شفرقت،؟ نفس التفكير الهمجي الي تنتقده، متجي بالانحطاط والمبادئ المبتذلة...،
تجي من كل شخص يزيد وعيه وثقافته واخلاقه بالنتيجه حيعرف اهمية وجود الجنسين بالحياة و تكاملهم مع بعضهم.

View more

عبدالله | Space💥🔥

[ شغل الموسيقى و اقرأ و استمتع ]
-
لقد كانت الصفقة في غاية البساطة، سنتمكن من طرح بعض الأسئلة عليه، في مقابل الإجابة على بضع من أسئلته.. يبدو الأمر غريباً بالطبع! ماذا بحق السماء قد يُريد الشيطان أن يعلمه بخصوصنا! لا أعلم.. لا أحد يعلم!
بادرت بسؤالي.. " هل الجنة حقيقية؟ هل رأيتها؟ "
" بالطبع إنها حقيقية، كذلك الجحيم ".. كان صوته كجمرات ملتهبة تعلوا ألسنة اللهب وكذلك كان شكله.
" من يذهب إلى الجحيم؟ "..
" من يشاء الإله إختياره.. لا أعلم شيئًا بخصوص ذلك. "
توهجت عيناه عندما قالها؛ " كيف يبدوا؟! "
" عذرًا.. ماذا تعني؟ "
" كيف يبدوا الخوف؟ "
تعجبت لسؤاله، لكن تمكنت من وصف الأمر له.. كان وصف أبله بعض الشيء، لكنه تمكن من إدراك ما كنت اعنيه... " لكن لماذا تُريد معرفة ذلك؟! ولماذا الخوف بالاخص!؟ "
شعرت لوهلة بالأسى على ملامحة.. " لأنه عندما قام الإله بصُنعي، لم يُعطني القُدرة على الشعور بالخوف.. في الحقيقة لا يُمكنني الشعور بالعديد من الأشياء "
" أذن، بماذا تشعر؟ "
" بالألم. "
حاولت العودة مرة أخرى لحديثنا.. " أيُمكنك أخباري أكثر عن الجنة؟ "
" بالطبع.. الجنة مفتوحة لجميع مخلوقات الإله، مهما فعلوا من أخطاء. "
شعرتُ بشيء من الراحة عندما نادوني من الخارج.. رؤسائي اخبروني بأنهم قد حصلوا على ما أرادوا معرفته بالفعل.. لقد علمنا أخيرًا مصير البشرية للجنة..
حسنًا.. كُل ما سيدور بيني وبينه لاحقًا سيكون مجرد ارضاء للفضول الشخصي.
سألته " هل ستذهب إلى الجنة؟ بما انك مثلنا أحد مخلوقات الإله. "
" يُمكنني ذلك، لكني لن أفعل. "
" لماذا؟!! "
" لأنني فعلت أكثر الخطايا إهلاكًا وأشنعهم لديه على الإطلاق.. لقد حاولت خلق ملائكة، لكنهم لم يجدوا نفعًا كملائكته.. لقد صنعتهم على هيئتي.. حسنًا. أنا المُلام على ذلك، فكُل ما يفعلونه هو الدمار والتسبب بالمعاناه لكل ما حولهم، لذا حكم عليهم الإله بالذهاب إلى الجحيم ليُعانوا هناك إلى الأبد. "
" تعني بذلك الشياطين، اليس كذلك؟ "
" نعم.. يُمكنك ان تقولي ذلك.. لا يُمكنني الذهاب الى الجنه.. ليس وجميع مخلوقاتي وصُنعي بالأسفل يُعذبون.. لذا قررت انه عندما يحين الوقت، سأتجه إليهم لُأعذب معهم. "
" لماذا؟ "
" لأني أُحبهم. "
تفقدت ساعتي " حسنًا، لقد انتهى الوقت. " فأجابني "نعم.. لقد انتهى بالفعل."
"لقد سعدتُ بالحديث معك، لكن من المفترض ان اعود إلى القاعدة حتى اخبرهم ما حصلت عليه من معلومات.. شكرًا لك، سيكونون سعيدين بذلك."
"ولماذا سيكونوا؟"
" حسنًا، لقد قُلتها، مهما فعلنا كبشر، سندخل إلى الجنة في النهاية. "
" لكنك لن تفعل.. لن يدخُلها أي منكم في النهاية. "
تغيرت نبرات صوتي واصابتني القشعريرة وخيبة الأمل.. "لكنك أخبرتني ذلك للتو!"
" نعم.. أنا أعلم ما قلته لك يا صغيرتي، لكنكم لستم من صُنع الإله " ، شعرت بنبرة من الحُزن والأسف في صوته..
"أنتم من صُنعي أنا. "
https://youtu.be/p_cbsK0xJqU

View more

عبد الله فد شيء سبيشل🌸✨

Viansh
الناس تستعمل السوشيال ميديا " غالبا ً " حتى تعكس الصورة الي تتمنى الناس يشوفوهم بيها، هالشيء اله ايجابياته وسلبياته..،
سلبياته ممكن تغرگ بعالم افتراضي وتقل فعاليتك بالواقع..،
ايجابياته ممكن تعزز من معرفتك وثقافتك وعلاقاتك...،
وع طاري ( عيد الام عليها السلام ) الي بي شغلة سلبية بنظري، انو نعبر عن حبنا الها بمواقع التواصل، او نهتم ان نحط مساحه لمواقع التواصل لضخ مشاعر للام بيها..،
هالشي متستفاد منه الام بشكل عام المستفاد عقلك الباطن بحب تلميع طهارة مشاعرك تجاه اهلك...،
الرب يعطينا فرص هوايه، نگوم من ازمه من خسارة من رسوب، بس ينطينا أم لمرة واحده ولفتره قصيرة من حياتنا ...،
حاولو تكون مشاعركم تجاهها بالافعال، هدية، نجاح، طاعة، دلال، كلام طيب ع الاقل، احسن من ما انت شالع گلبهة بدراستك باهمالك لنفسك واخلاقك، بس تنزل بوست وتكتب احبج والحس قندرتج " حته يشوفوك الناس تحبهة " ، السالفة مو بلحس القنادر؛
هي بالافعال الي تخليها متسيطر ع ابتسامتها المقدسة🖤، اجعل كل يوم لها يوم مميز كتميز العيد .

View more

عبدلله اريد منك معلـومه حلوه ؟🌺🎼

سـرور | أورنـچ
رجال الدين بإنواعهم اهل العگل،العمامة، الصليب وغيرهم تتوقعين ما هو اكثر ما يخيفهم ؟
حسب نوعية عملهم المفروض يكون " الرب "، لكن اكثر ما يرعبهم والجحيم الحقيقي بالنسبة لهم كتله وزنها 2kg بداخل جمجمة كل شخص يتلون عليه تراتيل تنصيبهم كعملاء الاله الابديين بالحياة، هالكتلة هي الدماغ....، عقلكِ هو الشيء المرعب بالنسبة لهم، كلما زادت نسبة موافقتك على تراتيلهم زادت نسبه بقائهم، زادت نسبة ثرائهم، قدسيتهم امام فقراء المال والعقل؛ والعكس...،
لكن علامة فشل رجل الدين على الاستحواذ على احد العقول لان هذا العقل اذكى من ان يسجد امام هرطقة مشعوذ يأمر بالتقرب للرب وينهب هو عباد الرب تكون واضحه عندما ينطق رجل الدين بكلمات مثل كافر، مرتد، ملحد؛ تشكل هذه الكلمات هلوسة رجل الدين المهزوم، الورقة الاخيرة لحشد كثير من الناس المغسولة عقولهم والمغيبين عن الواقع للقضاء على هذا العقل الحُر، الذي وجد وجه الرب وهيئته الحقيقية المخفية بواسطة المتشبثون بمنابر السماء التي توازي ارباحها ارباح بئرٍ من النفط....،
كوني هذا العقل المرعب والجحيم الابدي لمافيا الرب هؤلاء المُتجرين بالارواح البشرية..،
تعلمي كل يوم شيء جديد، تعليم حُب الحياة لك ولجميع الناس، تعلمي حب اختلاف الناس والوانهم وتقبلهم على هيئتهم، بهذا سيتجلى لك وجه الرب الحقيقي الذي يحاولون اخفاءه..،
و تذكري ان الجحيم نوعان؛ جحيم لشياطين الجن والانس في ملوكت السماء، وجحيم لرجال الدين في عقول المتحررين في ملكوت الارض

View more

١٧٧.

❥A M O S H┇
اكو دراسة سوها، سألوا ناس تنقذ 9000 شخص لو 15 الف شخص؛ اغلب الناس اختارو ال 9000 وغيرها التجارب وكلما زادت العدد قلة نسبة الانقاذ...، النتيجة كانت ان البشر ماعدهم مشاعر تستوعب التعاطف مع اعداد چبيرة من البشر، يعني بالعراق، سوريا، فلسطين، هوايه ناس تموت بس محد يهتم ويحط صور بمواقع التواصل تضامن وياهم والخ، عكس من تصير حوادث باوربا، مواقع التواصل كلها تتأثر ويصير تركيز اعلامي ودولي ع حادثة يموت بيها عشرات فقط،
-
" مبدأ الندرة " هذا الشي الي يمشي عليه اغلب العالم والتركيز الاعلامي، كلما الشيء كان نادر يكون اهتمام الناس بيه اكثر لان مشاعرهم تستوعب الاعداد القليلة تتعاطف وياهة، ف احنا مو محد يهتم بينا لان عرب او مسلمين، مجرد العالم واحنا نفسنا اصحاب العلة، ماعدنا مشاعر تستوعب تعاطف الالف الي يموتون..،
-
فكل شخص مقتنع بنظرية المؤامرة وان العالم كله متأمر عليه وعله مذهبه ودينه، شيل الفكرة السخيفة من بالك، السالفة نفسية لا اكثر ولا اقل، بغض النظر عن اليمين المتطرف الي يكون عنصري لجنسة ودينه فقط دون باقي البشر، مثل الي سوة مجزرة بنيوزلندا

View more

176 ,🖤

SHAMS MURAD || شمس
مهما كنت شخص انعزالي، مزاجي، غير اجتماعي، تحتاج ان يمر عليك شخص نقي ورائع بيومك يشاركك بشي يسعدك ويسعده، ويشيل عنك تعب اليوم والحياة بشكل عام، سواء بفلم ، اغنية، هدية بسيطة بس معناها عميق لدواخلك ...،
-
لذلك اني ممنون للي يجعلون ليومي معنى، ينطوني واهس ان اتعلم شي جديد واعرف عن العالم اكثر، للي يشاركوني واشاركهم بشغلات نحبهة، هيج نوع من الاشخاص ينسوني كل مشاكل وتعب الحياة، 🖤
https://youtu.be/iUUWfKYjFDs

View more

175 .. ليكُن مُختلِفاً 🎈

⚜️ بَـلـسَـمٌ ⚜️
الزواج ، مفترق طرق يحدد كل عوامل سعادتك وحياتك، وحياة وسعادة شريكك والاطفال الي يجون منكم، هوايه ارواح بشرية يتعلق مصيرهة بهالقرار، " الزواج التقليدي " چان اكثر شي منتشر ويمكن بعده..، هالنوع من الزواج هو مجرد مصلحه لاصحاب الاقتراح التافه هذا، من اهل وگرايب وتقويه علاقات او مصالح او تقربه من عائلة او عشيرة،
قرار بانيه ع خيالات وافتراضات ان الحب يجي بعدين وهيه مناسبه اله او العكس، الزواج مو نومه فراش وحفلة وهلهله، هوايه معاناة تكون بهيج قرار اذا چان غلط، فما بالك لو تقليدي بمفاهيمنه،
-
زيادة ع الارواح الي حتنوجد لهالعالم التافه، بمجرد ان يشوفون ماكو ترابط عائلي والحياة عباره عن غلطة، حيتقبلون انهم عبارة عن غلطة ويعيشون بعبثية وينتهي مستقبلهم لان مو مخطط له، الاطفال يكونون مجرد ادله حية ع نجاح قرار الي خططوا للزواج ادلة ع [ ان البنية كانت شريفة بِكر عفيف، والولد من اهل الله و فعال بشغله 100‎%‎ وخلف 5 ]..،
حيكون الطفل مجرد اذان تسمع الگرايب يكولون " احنه زوجنة امك وابوك ويه ضحكه فكاهية زرباوية "....،
-
هيج مشروع انتَ وانتِ درسوه زين ولتمشون وره قرارات غيركم، تقبلوا النصيحه لكن مو القرار كله، بعقلانية مو بتهور بالمشاعر .

View more

عبـدالله مسـاحـة 🖤:))

|| ÀYÖSĤ ||
كل شخص بهالكوكب يمتلك ذكاء، لذلك ماكو شي اسمه " شخص غبي " ، اكو شخص يستعمل عقله واكو شخص ميستعمل عقله، فنسبة الذكاء تكون متفاوته، ليست معدومة.
-
فكرة ان تكعد تصنف العرب ع انهم اغبياء والاوربيين الاكثر ذكاء او العكس، هالشي يدلل ع قلة ذكائك، كل امه الهة مده زمنيه تبرز بيها بقدراتها وعلومها الى ان تجي الفتره الي تغتر بنفسهة وتزرب بالوضع وتنهار، العرب مرو بفتره چانوا بيها عباقرة والاوربيين جهلة والعكس، الفكرة ان التصنيف ميعتبر شي عملي، والا فاليهود الاشكيناز مصنفين كاكثر الاشخاص ذكاء، الي منهم طلع اينشتاين، بس عددلي كم عالم اشكينازي موجو حاليا؟ يمكن 0‎%‎، و ممكن تشوف عربي او افريقي او شرق اسويوي مصنف كعالم رغم انه مو اشكينازي، ليش؟ لان يستعمل عقله لا اكثر ولا اقل كل شخص يستعمل عقله ينمو ذكاءه اكثر عن النسبة الاساسية الموجودة
-
حاليا البشر وصلو مرحله انهم يصنعون الذكاء، مثل الذكاء الاصطناعي، الي وصل مرحله يتفوق بيها ع ذكاء الانسان الي خلقه، هالشي من 1997 متوصليله علماء شركة IBM من هزم حاسوب افضل لاعب شطرنج بتاريخ البشرية، وهسه الروبوتات دتحتل هوايه اماكن جانوا البشر محتليهة ويشتغلون بيهة، الصين طلقت اول مذيعه افتراضيه، مذيعه غير موجوده عباره عن شكل خوارزمي مجرد صوره تطلع بالشاشة كانها حقيقة وعدها ذكاء اصطناعي صارت بمكان البشر، siri الي بالايفون عباره عن ذكاء اصناعي، وصلوا مرحله سوو ذكاء يساعد المحامين بقضاياهم، ممكن توصل نسبه مساعده ل 96‎%‎ من مهام القضية، وذكاء سوه نوع فني جديد بالرسم، وذكاء اصطناعي اكتشف معادلات نيوتن من وحده، زيادة ع ان الذكاء الاصطناعي يتعلم انه يتعلم وشون يتعلم، شي مرعب صار بالتطور
-
زمن التصنيفات واحنا احسن من فلان وفلان غبي وذكي، انتهى، هالعقليات متاخرة 100 سنه عن الي ديصير بالعالم هسه، فكروا زين واطوروا وبطلوا هالتفاهات الي مضيعين ذكائكم بيهة

View more

Next