What to Do When Partners Don't "Feel It" Anymore
( شنو الحل من نفقد الاحساس بالشغف بنص العلاقة ؟ )
بالمقالة John Kim يگول ان احياناً ناس هواية بنص اي علاقة همه بيها يحسون ان " لأ مو هيه هاي نفس المشاعر اللي كانت بداخلي ببداية العلاقة " .. أو " لأ اني مو مرتاح/ة مثل الأول " و يبدون يشكون تدريجياً ان اكو شي غلط صار بالعلاقة و مثل ميگول كيم فجأة يبدأ :
It’s not you, it’s me conversation ! .. اللي هو فجأة طرف ما يگول للطرف الثاني أحنا لازم نحجي مع بعض ! .. و يكون محور النقاش أنهم لازم يوگفون العلاقة هاي باقرب فرصة و المبرر ان المشكلة عنده هو مو عند الطرف الثاني و هو ميريد يظلمه وياه
الفكرة الي نريد نوصل الها.. يعني شنو " اكو غلط " بـالعلاقة ؟ شخصياً اشوف الغلط الحقيقي اللي لازم العلاقات تنتهي عنده يكون بالأذى او الاستغلال بالإهانة او التعمد بالتقليل من الأخر ، الانانية، الاهمال، الكذب، الخيانة..الخ
إنما شعور احد اطرافها بالملل او وجود إختلافات .. لا يمكن يكون هذا الغلط اللي حيخلي انسان يخسر احد يحبه بسببه ! لان ببساطة ، هي هاي الطبيعة الانسانية من غير حتى ما يكون اكو اي علاقة، دائماً ups and downs
ماكو انسان عادي - حتى مع نفسه - يبقى متحمس او منبهر طول عمره .. احياناً تجي له طاقة ومشاعر يريد يطير بالسماء و احياناً تجي له لحظات يريد يقفل على نفسه الغرفة و يعتزل الناس والكوكب كله.
فالعلاقات ميصير تنبني على افكار عبثية او مشاعر مزاجية .. مستحيل السبب اننا نكمل بالعلاقة لان احنا "Feel It" او فرحانين بيها !، إنما تستمر العلاقة لان علاقة سوية تحترم أطرافها
لان بيها محبة كل واحد يريد ينطي من داخله و خارجه للثاني .. لان اكو امان و طمأنينة بين اطرافها واكو إلتزام واعي ومتحضر، اكو وعد و رابطة مقدسة بالبقاء بالظروف الصعبة المستحيلة و السهلة السعيدة
View more