Ask @AbdulazizTamimi:

- احكِ ⁦: ⁦💬💙

Alaa_.
‏الأهم من أنك تحب حدا ، إنك تنام وإنت واثق بالحدا يلي بتحبه إنه ما رح يخذلك بيوم ، ولا يجرحك ويوجع قلبك حتى ، وما يخليك تندم لحظه ع أختيارك آله عن بقيه الناس كلها ، يلي بحبك ما بقدر يستغنى عنك لحظه بحجة الظروف يلي مر فيها بحياته ، بس إنت عارف شو الأهم بكل هالحكي أنه يلي عرف يحبك عن جد وأكتفى فيك ، غير إللى بحاول يحبك ، لهيك دايماً ابعدوا عن الأشياء اللي من طرف واحد ، بعمرك لا تحكي مع حدا مو مهتم فيك ، ولا تحب حدا ما بحبك ، ولا تعتبر شخص قريب منك و أنت ولا شي بحياتو ، أنا وقعت وراحت علي بتضل هالنصيحة الكو
‏ Tamimi
#تميمي_بقلمي
21-4-2019

View more

-

lanaomar
‏مرات بنحلم بأشياء عن جد بتجبر الخاطر ، مرات بتحلم بناس صاروا عند ربهم وبتمر السنين وأنت بتحاول قد ما بتقدر تضل متذكر صوتهم ، أو ضحكتهم ، أو حتى كشرتهم ، وكل التفاصيل الصغيرة اللي بتخص ملامحهم ، صحيح بتصحى مشتاقلهم بزيادة وممكن تتذايق كثير بس عالأقل تجددت ذاكرتك ، وبتحمد ربك انك قدرت ترجع تلمحهم كمان مرة ، يمكن قربت أنسى ملامحك يابا ، بس الله كبير وعارف شو جواتي ، عشان هيك خلاني أشوفك ، ألله يرحمك يا رب ويجمعني فيك بالجنة ، أبوي الحب اللي نحرمت منه وانا صغير ، الله يرحم كل أب بهالعالم ، ويخلي كل أب لعيلته واهله ، لأنه فعلاً الأب هو الحياة
‏ Tamimi
#تميمي_بقلمي
17-4-2019

View more

مسااحه 💫💙

❤️❤️Dana Saeed Alwan❤️❤️
‏لا تحكيلي الزوجة والأولاد بتيجي رزقتهم معهم ، وبعدها بفترة أشوفك مديون وزوجتك وأولادك عند أهلك أو أهلها وأنت داير من مكان لمكان ومش عارف شو تعمل ، يا بتفتح بيت بحياة كريمة تقدر تعيش وتعييش بنت الناس اللي اخذتها يا خليك لحالك أحسن ، الزواج مش مجرد حفلة وأثاث ومصاريف ، البيت مش محصور بالأكل أنه بخبزه بنعيش لا ترا بطلوها هاي من زمان هسا Grill Mark أقل أشي ، فإذا انت مش قد الزواج لا تتزوج واذا مش قد التربية لا تجيب أولاد ، ‏قديش الواحد بيتنكد لما يشوف حالات مثل عيلة من ٧ أشخاص والزوج مش لاقي شغل ومكسور عليهم ٣ شهور أجار ومش قادرين يطعمو أولادهم ، يعني انت وضعك زفت تتزوج ليش طيب فاهمين أنها سُنة الحياة ولازم تتزوج ؛ بتجيب ٥ ليش ليييييييش ، يعني قمة الأنانية انك تقرر تجيب طفل على حياة انت اللي قد الحمار مش قادر تعيشها اصحوا مشااااان الله
‏Tamimi
#تميمي_بقلمي
16-4-2019

View more

شويةة حككي 💫_

Tasneem KHasawneh
هسا الأنسان الطبيعي ‏بعد ما يخسر شخص بعنيله كل اشي بحياته بتتغير نظرته للأمور كُلياً و بصير يشوف الحياة من زاوية ثانية ، بزيد عندك حب المبادرة والتعبير عن معزتك للأشخاص الموجودين بحياتك ، بتزيد محاولاتك بأنك تحافظ عالناس اللي بيستاهلوا ، وبتكسر حاجز الثقل المصطنع وبتبينلهم مكانتهم عندك وبتحاول تكسبهم وتقربهم لحياتك قد ما بتقدر ، ‏وبالمقابل ، ما بتتأثر بغياب الأشخاص اللي بروحوا بإرادتهم ، لأنك أساساً جربت شعور أنك تنحرم من شخص بمشيئة الله مش بسببك ولا بسببه ، عشان هيك رح تكون أدرى بتوزيع مكانة الناس بقلبك ، ورح تعرف كثير منيح كيف تعطي اهتمامك ووقتك ولمين تعطيهم ، ورح تكون كل خسارة أهون من اللي حسيت فيها من قبل
‏Tamimi
#تميمي_بقلمي
14-4-2019

View more

-✨

‏Pubg 🔪
ياخي ما ألطف الناس المتعودين على كلمات مثل شكرا ، لو سمحت ، آسف ، بس يقصروا باشي أو يتأخروا على حدا ، أو يلاقو Flare Gun أو Scope 8 أو M416 ويعطوك ياه ، صح هي مجرد لعبة ، ومش هالأشي الواو يلي بنحكى فيه ، بس فعلاً بتخليك تعرف كل شخص على طبيعته ، ومن خلال هاي اللعبة ، عرفت ناس كثير لطيفين ومحترمين ، وتعاملهم انيق ، وكنت بعرف ناس بفكرهم كويسين طلعو زباله وجد يع ، هسا الفكرة من هالحكي أنه أدب الحديث مرات ببين بكلمات بسيطة وكثير حلو تكون بتحكيها لا إراديا حتى لو مع ناس قريبين منّك ومافي بينكم شكر أو اعتذار
‏Tamimi
#تميمي_بقلمي
12-4-2019

View more

احكي🔪🔨

Alaa_.
‏التنازلات المعقولة بين أي ثنين بغظ النظر شو هي العلاقة يلي بتربطهم ، ما بتعني ضعف شخصية واحد منهم ، بالعكس بتدل على قوة هالحدا والنظج والوعي يلي عنده ، وانه فعلاً قادر يوفق بين محبته لحاله ومحبته للطرف الثاني ، وأنه بحاول قد ما يقدر يطلع بأقل الخسائر بأي نهفة او مشكله بتصير بينهم ، وبتدل كمان على قوة الشخص بتحكيم عقله ، وقدرته على التعايش مع تغيرات الحياة بدون ما يلغي سعادته أو سعادة الطرف الثاني يلي بشاركو فيها ، المعنى من هالحكي ، أنك لما تلاقي حدا بسايسك وبحاول يرضيك ، وشاريك وما بحب يزعلك ، وبتنازل دايماً لحتى أنت تكون مرتاح ، حاول تكسبه لصالحك لأنه هالحدا ما بستاهل منك تكون قاسي معه ، واذا كانت الظروف عاجقيتك ومش عارف تتصرف ، حط بينك وبينه مسافة أمان ، عشان لا تظلم ولا تنظلم ، وبالأخر عمرُ الحُب ما كان ضعف شخصيه وبس
‏Tamimi
#تميمي_بقلمي
12-4-2019

View more

- أي شي.🖤🕊️

Rawan Aldaaja | بلقٱويه
‏أنا شخص بحب حدا ما بعرف يهتم ، و مش حدا رومانسي ابداً ، و كل شي عندها اله قانون ، وأي حدا لازم تعرفه مدة منيحة قبل ما يصير يفرق معها او يعنيلها ، و فوق كل هاد عصبية و شغل مشاكل ، وبتتحملش مني أشي ، الله يعيني عليها ، فعلاً حزنان ع حالي ، بس مع كل هاي الشغلات ، بموت فيها ، وبحب كل شي بيطلع منها وشكراً
‏R.S
‏Tamimi
#تميمي_بقلمي
10-4-2019

View more

-

AMANY
‏لا تصبر على العلاقات اللي بتتعبك والمليانة استفزاز ومشاكل ، المليانة نكد وشك وسوء ظن ، أنت حدا مش مُجبر تضل تبرر وتفكر وتحسب حساب كل اشي ، انت بغنى عن العلاقات المسمومة حتى لو الطرف الثاني بيعنيلك كثير ، اتركه وانساه واخرتك تتعود على غيابه ، بضل الموضوع أهون ما تتعود على الزعل والنكد وتنسى راحة بالك ، دايماً بأيدك تختار الشخص يلي بناسبك ، يلي بتلاقي راحتك معه ، ‏أحلى إشي بالعالم تكون مع بني آدم وفي ، يصونك ويحافظ عليك ، يعني بتكون عارف ومتأكد إنه لو شو ما مريتو بظروف و شو ما تغيرت الأحوال و تبدلت ، بضل زي ما هو ، عيونو مليانه ما بتركك و ما ببدلك بغيرك لو شو ما صار عليك
‏Tamimi
#تميمي_بقلمي
6-4-2019

View more

-💜💫

Aya
اليوم صار موقف قدامي بالكُلية أستفزني كثير بنت بتحكي لصاحبتها أنه تخرجك من الجامعه مش أنجاز وأشي عادي وطبيعي ، لا حبيبتي ‏الدراسة إنجاز ، الإلتزام بالدين إنجاز ، الزواج من الشخص الصح إنجاز ، تتعلم طبخ جديد إنجاز ، توصل لوزن صحي إنجاز ، تبطل دخان إنجاز ، برأيي كل إشي صغير أو كبير بتعمله بحياتك و بتتعب عليه هو إنجاز ، حتى لو كان طبيعي و كثير ناس بتعمله ، بكفي تكون داخلياً مقتنع و مبسوط فيه ، يعني بدل ما تباركلها وتفرحلها ، بتحطم معنوياتها ، فعلاً أنه الناس شاميين أغوو
‏Tamimi
#تميمي_بقلمي
4-4-2019

View more

إحْكِ 🌸🦋

أزرَقْ ، عَينآهَآ Nidal Khalil
‏بتعرفوا أكتشفت إنه أصعب إشي بالحياة تأسس علاقات ثابته ، خصوصاً مع ناس ما بتغيروا ، يعني ناس أكون جزء مهم بحياتهم و يكونوا بنفس الأهمية بحياتي ، زهقت من قلة التقدير من ناس بحبهم كثير ، أو تقدير زايد من ناس أنا مقصر معهم كثير ، ياخي بتفكر تصلح من حالك وتكون منيح مع ناس اصلاً من الأساس أنت اللي أنأذيت منهم ، ومع هيك بتيجيك ضربه ع راسك بتحسسك قديش أنت غبي ، بتحب وبتعز وبتحترم ناس ، وكل شي بتحكيه بتسجل ضدك ، بتذكرولك الأشياء العاطله حتى لو صغيرة ، وبنسولك الخير وكل موقف حلو طلع منك ، الناس واقفين لبعض ع الغلطه ، كأنهم مخلوقين ليأذوا بعض ، مش ليخففو عن بعض ، أنا عن نفسي لو أشوف حدا ما بعرفه زعلان أو بمُر بظروف صعبه ، بحاول بقدر الأمكان أوقف معه إذا مش بالفعل أقلها بالحكي ، فكيف مع ناس بحبهم والهم الحصة الأكبر من هالقلب ، والله أشي بقهر ، ويلعن هيك قلب
‏Tamimi
#تميمي_بقلمي
3-4-2019

View more

R a w a n
‏بالعادة الموقف اللي سببلك زعل قوي أو فرحة كبيرة مستحيل تنساه ، لو شو ما مر عليك سنين و ناس ، في ذكريات بتضلها دايماً ببالك ، عشان هيك بقدرش انسى أي شي صار بينا ، وبالنهاية الشخص الغالي عليك شو ما بصير بينكم مستحيل تنساه ، رح تمُر الأيام ، ويمكن تمُر أشهر وسنين ، بس رح يجي اليوم يلي يحن فيه قلبك ، لأي موقف حلو كان بينكم ، يمكن الحب يلي بينكم ما يرجع ، بس رح يضل في معزة ، وهاي المعزة بالقلب لا بأيدي ولا بأيدك لهيك ما حدا فينا رح يقدر يمحيها
@nanocutegirl11
‏Tamimi
#تميمي_بقلمي
1-4-2019

View more

-🖤

حَــلا
‏كل انسان بهالكوكب مر بحياته انسان خذله وبهدل صحته لابعد حد ، بس للاسف لما يجي الشخص المناسب اللي عنده استعداد يقدرك ويكون جنبك ، بتكون انت اكتسبت كل صفة سيئة من الانسان اللي خذلك ولعب فيك ، وبتصير تتعامل مع الشخص الثاني بدون وعي و بنفس الاسلوب ، وبتحس أنه هاي طبيعتك وما بتقدر تغير منها ، وبتصير نسبة الشك عندك بأنه هالعلاقة فاشلة ٩٩٪؜ ، وعلى اساس هالحكي بتكمل طريقك ، يعني ع قد ما رح نحكي أنه مش كل اصابعك نفس الأشي ، بضل في عندك خوف من أي علاقة جديده ، لأنه في جرح جوتك بأثر عليك و ع تفكير ، وبتبلش بهالعلاقة وأنت حاكم عليها بالفشل من البداية ، فهمتو علي أشي ولا لأ ؟
‏Tamimi
#تميمي_بقلمي
31-3-2019

View more

-💕

Heba 3beidat
‏حلو أنك تحب حدا من جوا قلبك ، بس الأهم أنو انت تنحب من جوا قلب هالحدا ، ما لازم ترضى بحب قليل ، وما ترضى بعلاقة مو ثابتة ، ما ترضى غير بحب يخليك تطير وفرحان عطول ، وتكون انت وهالشخص عندكو نفس المشاعر لبعض ، لاتتعب روحك وقلبك ألا مع حدا بيستاهل هاد الأشي ، و بقدملك حب واهتمام كبير ، طبعاً هيك المفروض تعمل ، بس انا عكس هيك تماماً ، لأنه اللي بيعرف صاحبي الزوق أبو صبيح ، بينبلي من غير ما يحس ، أنا بعرف حدا بجنن زيادة عن اللزوم ، حدا مرسوم رسم ، ربنا لما خلقه ، أخذ قطعه من كل شي حلو بهالدنيا وحطو فيه ، ‏ ما بتعرف اذا هو نعمة أو نقمة ، إنك لما تحب حدا بحب شخص ثاني هون بتكون نقمة ، بس كيف بتخليها نعمه لما تحب حدا بطريقتك انت حتى لو في حدا بحياته ما رح يأثر عليك ، أنكو تحطو حدود لهالعلاقة وتكونو الثنين عارفين ايش بدكم ، وتكون عارف ومقتنع أنه هالحدا غالي ع قلبك ومستحيل تقبله الأذى ، حتى لو في بقلبه حدا ثاني ، أنت رح تكون جزء من حياته ، ومش رح ترضى تتنازل عنه تحت اي ظرف

‏Tamimi
#تميمي_بقلمي
29-3-2019

View more

_✒🍃💚

Ruba osama *-*
‏يا ريت الناس تبطّل تعمم بناء على تجاربها الشخصية السيئة ، صاير كل ما أحكي مع حدا مر بتجارب فاشله بحياته ، بيطلعها ع راسي ، أنا ما دخلني بالظروف يلي أنت مريت فيها ، أنا حدا ثاني بعقل ثاني بتفكير ثاني ، بظروف ثانيه ، ممكن إنت كانت الظروف ضدك أو التوقيت مش مناسب أو اخترت شخص غلط من البداية ، أنت بحكيك معي بتخليني أضيع الفُرصة الصح بحياته لأنه رح أضل أفكر بحكيك ، إنصحني يا سيدي وأعطيني رأيك بس لا تلعب براسي وتحاول تثبتلي انّه السيناريو تبعك لازم ينعاد معي
‏Tamimi
#تميمي_بقلمي
29-3-2019

View more

فضفض 🍃♥ ؛

RO'X ♓ ( الصغنن )
‏مقرف كيف صار كل اشي بالدنيا عادي ، قال عادي نحكي عن حدا بيسكر مهو كل الناس بتسكر ، عادي نشوف ثنين بغلطوا مهو الكل بعمل هيك ما وقفت عليهم ، عادي نتقبل الشذوذ لانه بتكون متخلف و رجعي وأبن كلب اذا ما بتتقبلهم ، واحتمال تصير كافر اذا بتعاند ، صار كل اشي بنظرنا عادي بطريقة مقرفة ، بطريقة ما حدا بتحملها لا حدا فهمان ولا حتى حدا لوح ، لا دين ولا رب ولا اخلاق ، الناس فرفطة عافت اهلها ، يا الله كيف وصلنا لهون ، هاد كله قلت دين ، ولا اصلاً بطل في دين ، انا مش شيخ عادي بتمُر علي اشهر ما بفوت مسجد ، بس بقلبي عارف أني مقصر ، وعارف اني غلطان ، بستغفر ربي ، يعني بحمد ربي مليون مرة ع الوضع اللي انا فيه ، أنه صرنا بهيك وقت ولسا بتأثر بصوت القرآن بحترم الأذان بحترم ديني ، قال مسلم وطول نهاره سكران ، مسلم وكل يوم بزني ، مسلم ولواطي معندهوش اي مشكله ، ألله ياخذ كل واحد ما بحترم دينه ، وكل واحد بكفُر ، وكل واحد بسكت لحدا اذا شافو غلط بحق دينا وبحق حاله ، وياخذ كل واحد بفكر بطريقة انه انا شو دخلني اللي بحالي وبس ، الله يفضح ام الجامعات يلي خلت الشباب والبنات هيك ، كلية الحصن عباره عن ملهى نهاري مش ليلي ، سكُر ، ومخدرات ، ودعاره ، وكفُر ، الله يهد حيل كل واحد وسخ وكل وحده وسخه ، يا خسارة ترباية اهلك فيكي ، ولك شو موقفك لما تغلطي هيك غلط وتروحي ع البيت وتقعدي مع اهلك ، ولك شو موقفك لما امك تحكيلك يعطيكي العافية وتقوم تحطلك غداكي عشان تتسممي الله يسمك ، ولك نفسي اعرف من ايش مخلوقة ، عالكك كلب وانتي صغيرة لهالدرجه فيكي نجاسه ، الله ياخذ كل حدا ما بعمل اعتبار لأهله وبضيع شرفهم بالأرض ، عشان يرضي شهواته ، والله نفسي اضل اسب واتف نفسي اذكر أسم كل حدا فيكم بس ربنا كبير وشايف وعارف كل شي بتعمله

View more

مساحه 🌿

R O A A ♛
بتعرف شو تعمل قبل ما تتزوج عشان ما توصل لمرحلة الطلاق ، لازم تربي بسة عندك لمدة شهر أو أكثر ، لو شفت حالك متأقلم معها ، يعنى اتعودت عالشعر اللى واقع بكل مكان و اتعودت على النظرة والبحلقة بوجهك اللي ملهاش أي معنى ، ولو فهمت ايش بدها مثلاً جوعانه او عطشانة او كأنها بتقولك لو مهتم فيي كنت عرفت لحالك ، معناها بتنفع أنك تتزوج ، وعندك القدره انك تتحمل وأنك تتفاهم مع مرتك ، اما غير هيك تتزوجش بكون احسن الك
‏Tamimi
#تميمي_بقلمي
24-3-2019

View more

-🖊

VISIONS
‏جواب انه ليش ما كتبت عن الأم بعيد الأم ، أنا بالنسبه اللي أمي كل يوم عندها عيد هاد السبب الأول مش رح استنى هاليوم عشان اقول لأمي كل عام وانتي بخير ، السبب الثاني أنه في ناس أمهاتهم مش معهم فش داعي أكون سبب بأني افتح جروح حدا ، أنا حدا فاقد ابوي من ٢٠ سنة وبعرف شو شعور لما حدا يحكي عن الأب قدامي ، ف شو بتتوقعو شعور اللي فاقد أمه ، خاصة أنه الكل بعرف الأم حدا غير عن كل حدا بهالعالم ، السبب الثالث أنه انا مش حمل هدايا ، يعني بعيد الحب الواحد بقدر يتصرف بترك قبل الڤالنتين ، أما هاي أمي كيف بدي اتركها يعني ، والسبب الرابع وهو الأهم أنه الأم اللي بتستحق المعايدة هي الأم اللي تعبت ع ترباية أولادها ، الأم اللي جد كل ما تشوف اولادها بترفع راسها فيهم ، الأم اللي علمت أولادها شو يعني أدب وإحترام وكرم وطيبة ، الأم اللي علمت أولادها انه بنات الناس مش لعبة ، الأم اللي علمت أولادها شو يعني حُب ، والأم اللي خلفت رجال زلم الهم مواقف ، مش زلم لسانات وبس هيك معنديش اسباب اكثر
‏Tamimi
#تميمي_بقلمي
23-3-2019

View more

مساحة ~~

Sara Alrousan (Avocat)
‏مين بعرف انه عنا بالاردن لما تحب بنت واعية ، و تعطيها حريتها بتحترمك زيادة عن قبل وبتصير تحبك اكثر و اكثر ، وبتكون صريحة معك بكل صغيرة وكبيرة بتمُر فيها بحياتها طول مهي معك ، أما لما تحب بنت تافهه ، و تعطيها حريتها بتصير اوسخ من قبل وبتفكر انك اهبل وغبي وبنضحك عليك ، وبتعيش عليك أجوائها اللي مستحيل أنت تفهمها
‏Tamimi
#تميمي_بقلمي
22-3-2019

View more

R a w a n
أنا حدا ‏بفهم إنك تتمشكل مع حدا قريب منك و تختار إنك تطلعه برة حياتك وتنهي معه ، الموضوع بسيط وبنفهم ، بس الإشي اللي ما بفهمه إنك تقعد تغلط فيه و تحكي عنه كلام بطريقة بشعة أو تنشر أسراره يلي كان مأمنك عليها ، يا جماعة في إشي اسمه عشره المفروض تحترم اللي بينك و بين أي حدا و تقدِر إنه كان شخص قريب منك بوقت معين بحياتك ، بحياة أهلك لا تقبل عحالك تكون قليل أصل ، والله عيب
وأسمعو أغنية شيرين (كدابين) يا عفو الله محلاها 💙
‏Tamimi
#تميمي_بقلمي
22-3-2019

View more

احكي 🍃🖤

أشوااق ✨ (تِسْعَه)
‏اشتغلي على حالك منيح ، اتعبي وحطي عمر معين توصليه وانت محققة كل شي ببالك ، اهتمي بشكلك ، بثقافتك ، بدراستك ، بعلمك ، بعلاقاتك ، لا تطوري اشي على حساب اشي ثاني ، لا تسمعي كلام المحبطين ولا تردي على شخص بحط بوجهك عقبات بحجة انك بنت ، بتقدري توصلي لكل اشي بدك اياه ، حرفياً كل اشي بس بدك مجهود وصبر ، ‏لا تستني مساعدة من الناس ، لا تستني اشي من حدا غير عيلتك ، حاولي تبدي لحالك ورح تلاقي كثير ناس بشجعوكي لمجرد انهم شافوكي واثقة و بتعرفي شو بتعملي ، قوِّي شخصيتك قد ما بتقدري ، ناقشي وحاوري اللي بعمرك والأكبر منك ، لا تعتمدي على شكلك بس ، أو حتى على ذكائك ، واجمعي من كل نواحي الحياة جزء لحتى تحققي كل شي بتتمنيه وبالتوفيق صديقتي أن شاء الله يكون الحكي حافز جديد لألك 🖤🌸
‏Tamimi
#تميمي_بقلمي
19-3-2019

View more

-💎

Heba 3beidat
‏لا تحاول تغير حدا عطول بخذلك ، ولا تعطي فرص لناس هي اصلاً بتتعبك ، ولا تستنى التغيير من عيون بتنام و بتتركك ، لأنه يلي ما بحس فيك من أول مرة مارح يحس فيك لو شو ما عملت ، لهيك روح انت و قلبك لبعيد ، ودور عأرواح وقلوب بتشبهك من البداية ، عيش حياتك بلامبالاة وبرودة الأعصاب الي بدو يضل معك يضل والي بدو يروح يروح انت عايش حياتك مرة وحدة لا تحرق حالك بحالك ، لا تشتاق لناس انت بالنسبة الهم مرحلة تافهة بحياتهم انت اكبر من هيك يا زلمه ، واخر اشي لا توثق غير بحالك حب حالك ابسط حالك ولا تربط حالك بحدا ، خليك انت مصدر السعاده لنفسك ، وقتها فعلاً رح تحس بالتتغير
‏Tamimi
#تميمي_بقلمي
19-3-2019

View more

R a w a n
‏بتعرفو شو أعطل شعور ممكن توصله لحدا قريب منك هو أنك تستهين بزعله ؛ يعني اشرحلكو كيف ، أنك تكرر نفس الأغلاط والتصرفات اللي أنت عارف إنها بتجرحه او بتأذيه او حتى بتذايقه ، مافي أعطل من إنك تخلي حدا يحس إنه رخيص عندك ، بعد ما كان يفكر حاله غالي عليك ، ترا أحنا بالعادة ما بنخسر ناس وعلاقات عشان مشاكل كبيرة ، أحنا بس بنخسرها من كثر الخيبات اللي بنشوفها منهم ، ولا إذا ع المشاكل فكلها اتفهه من بعض
‏#Tamimi
#تميمي_بقلمي
18-3-2019

View more

R a w a n
قال بحكو الوقت بخليك تنسى ، هاي من أكثر الجُمل اللي بنحاول نصدقها وبنتمنى تكون صح ، بس بالواقع عمرك ما بتنسى موقف أو ذكرى بتعنيلك كثير ، ولا بتقدر تتجاهل الشعور اللي كل ما حاولت تنساه بتلاقيه صار يتمسك فيك و بعقلك أكثر ، الوقت بفيدنا نعِد الأيام والأشهر والسنين اللي عشنا فيهم واللي لسا رح نعيشهم مع هالذكريات مش أكثر ، أما موضوع انك تنسى مع الوقت ، هاد هو اللي لازم تنساه
‏#Tamimi
#تميمي_بقلمي
18-3-2019

View more

R a w a n
‏ع سيرة النفسنه ، ترا انت بتنولد حدا طبيعي ، ومش نفسية وحدا لطيف ، بس خباثة الناس اللي حواليك وكثر الضربات والصدمات اللي بتيجيك ، هي الي بتحولك لإنسان مش لطيف و نفسية و ما بطيق حدا ، يعني النفسنه مرتبطه بالمكان اللي أنت بتتعايش و بتخطلط مع الناس فيه ، مش بشخصيتك أنت ، ده أقتراحي بالقضية يعني 😜😂
‏#Tamimi
#تميمي_بقلمي
18-3-2019

View more

Next