" شو بدها تحكي الناس علينا؟"
غالباً هاي الجملة هي سبب تعاستنا، و إنه إحنا عايشين حياة ما بتشبهنا، و بتخلينا قبل ما ناخد أي قرار بخص حياتنا نفكر برضى الناس، قبل ما نفكر بسعادتنا و شو الإشي اللي بناسبنا أكتر، للأسف يعني
القضيِّة مش فترة ولا تريند ولا لم لايكات ، ولا اثبات حضور ، القضية قضية دين و كرامة و انسانية و شعب بينقتل و بيعتقل و بيتهجَّر و قبلة مسلمين بتتدنَّس.
بكل دقيقة ذكّر حالك إنه قضيتك مستمرَّة و كرامتك مسلوبة و شعبك بينقتل و بيتك بينسرق منّك •
انت دورك مش قليل فلا تصغِّر من حالك
اكبر مشكلة بهالحياة مش الثقة ، اصلاً نادر ما تلاقي حدا لسا بوثق بالناس ، المشكلة الاكبر هي العشم ، عادي ممكن تكون انسان ما عندك ثقة بحدا بس عشمك بهالشخص كبير ، انه انا عند هالشخص مش زي اي حدا على وجه هالأرض فمستحيل يأذيني مستحيل يذايقني او يزعلني ، انت فعلياً فاقد الثقة بس متعشم فيه وبالعشرة اللي بينكم
يا جماعة ترا العشم متعب اكثر من الثقة
+ 1 💬 message
read all
يادوب تقدر تتحمل مشاكلك وثقل الأيام عليك ، لا تحمل حالك مشاعر كره لغيرك رح تضيق عليك الأمور وتنشغل عن تدبير حياتك وشؤونك ، انسى عشانك وعشان ما حدا بيستاهل ياخذ مساحة من تفكيرك ، اللي بيستاهلوا هم اصلا موجودين معك وبحبوك
مافي اشي اسمه 'اللي بده اياك بحبك زي ما انت بدون ما تغير اشي'، مش هيك الحب ولا هيك التفاهم وما حدا بيجي قالب مفصل علينا، المهم تحب العقل اللي بتقدر تتفاهم معه وتناقشه وتتنازل عن بعض الأمور القابلة للتغيير وانت راضي، هالحكي بصير بس تقتنع بشخص وتحبه فعلا، غير هيك انت ما عمرك حبيت
بتضل تيجي على حالك وتبادر بالسؤال وتتطمن عشان ما تبين مقصِّر وناسي انه اللي وصلك لهيك تفكير هو التقصير الموجود أساسا من الطرف الآخر، اعطِ زي ما بتاخذ بس ولا تغمر غيرك باللطف اللي رح يعودهم يهملوك
كل عام وانتو بتغارو من بعض وبتحكوا ع بعض ومكيودات من بعض ، كل عام وأنتو عدوات نجاح بعض واكلات لحوم بعض ، كل عام ونفاقكم قدام بعض بزيد ، كل عام وعدوت المرأة هي المرأة ، كل عام وانتو ما بتتمنوا الخير لبعض وبس بدكم تقللو من بعض وتشوهو صور بعض
وبالأخر
كل عام وانتي مكيودة من نجاح غيرك
كل عام وانتي ناجحة بتخريب علاقات المتزوجين
كل عام وانتي عينك ع الشخص اللي مش الك
كل عام وانتي كل نظراتك حسد وضيقة عين
كل عام وانتي تسس وما الك صاحب
كل عام وعدو المرأة هو المرأة
الفكرة مش انك تطلع من منطقة الراحة ، أساسًا شو جابرك تبطل مرتاح عشان "حدا" ؟
الفكرة إنه كل إنسان داخليًا مش راضي عن واقعه بطريقة أو بأخرى ، وراحته الحقيقية بتتحقق إذا قرر يطلع ويغير الأشياء اللي مزعجته ، التحدي هو خوفنا من إنا نخسر اللي معنا مقابل إشي بالمستقبل مش مضمون ، كل حد فيه بحياته أشياء مزعجته وأشياء مريحته ، وإذا قرر يتحرك ويغير اللي مزعجه ، بكون خايف يخسر اللي مريحه وإنه ما يحقق اللي بده ياه .
السر بهالموضوع إنه كل حدا يكون مستعد يخسر هاي الأشياء اللي أساسًا ما بذل جهد عشانها ، وإنه يكون جمع قدراته لحتى فعلاً يعمل اللي بده إياه ثقة بالله وبالنفس وبالمستقبل .
مشكلة الأغلبية انهم بيتوقعوا من الطرف الثاني يبين تقديره واشتياقه الهم بنفس الطريقة اللي هما بقدموها ، اولاً انت ما بتتعامل مع انعكاسك ، ثانياً عاملني زي ما بتحب واتركني ابين تقديري زي ما انا بحب ، ثالثاً ناسبك اسلوبي ممتاز ، ما ناسبك أنت حر ، بس المهم لا تحاول تطلعني شخص سيء ومقصِّر معك ، لأنه فعلاً انت السيء بمحاولتك لتشكيلي زي ما بدك و على مزاجك
نفسي أمسك كل حدا و أفهمه إنه إذا اللي بتحبه ما جابلك سعادة و نفسية أفضل و قدرة على مواجهة الحياة السيئة فهو مش الحدا الصح ، الحب ما بجيب أذية و كسرة خاطر و كسر قلب ، الحب هو اللي بخلصك من كل هالأشياء ، و بخليك أقوى ، وعشان ما حدا يتحادق هاد مش معناه انك رح تلاقي حدا كامل و ما في صفات ما بتعجبك ، أو ما رح ينكد عليك مرات ، بس كلمة حلوة منه بترجعك أحسن من أول ، وكلمة منه بتحل اي خلاف ، مش ع اقل سبب بتركك وبروح ، الحب ما فيه تكبير راس ، الحب سمعتو مش تضيع الوقت والتسلاي ، والمهم إنه الأذية مش حب أبداً
+ 1 💬 message
read all
