Ask @Abdurrahm0n:

اخر بوست ليكم على الفيسبوك ، تويتر ، ياهو ، انستا .

كـان حـيكون اخـر بوست ع الفيس، بعدين ما صـارش ^^
كمـيّة الإبداع والإلهام في الفيديو كبيرة هلبا؛ عُـمَر إنسـان رائع بكـلّ ما تحمله الكلمة من معنى.
استـمتعوا، واستلهموا، وتحـرّكـوا :)
https://youtu.be/fXvN1Zbb7OI

View more

-

راء
{وقـالُوا مـا لنَـا لا نـرى رِجـالاً كُـنّـا نـعدّهـم من الأشـرارِ
أتّـخـذنـاهُم سُـخريّـاً أم زاغـتْ عـنهُـم الأبـصـارُ
إنّ ذلك لحـقّ تـخـاصُم أهـل النّـار}
تصـوير القـران لمـواقف يوم القيـامة عجـيب جدّا، يجـسّـد المـوقف وكـأنّك تعيـشه وليس فـقط تـسمع عـنه.
لو عـشنا تـفاصيل الموقف إللي في الايـة، لمـا تجـرّأ النّـاس على تـبديع وتفسيق وتكـفير غـيرهم وحجـز مـقاعد النّـار لهم بغير عـلم. لأنـه حـيتخـيّـل موقف الذّل والصّـدمة لما يـلقى روحـه هو في النّـار -لا قدّر الله- والنّـاس إللي كـان يعتبرهم ضـالّين ومن أهل النّـار مش موجودين مـعاه!
ووقـتها يسـأل نـفـسه السّـؤال إللي كـان مفـروض يسـأله من قـبل (أتخـذنـاهم سُـخريّـاً) ؟ بس مـازال يـطـمّـن نـفسه ويقول بالك حتّـى هـمّـا هـنايا غير أنا مـاشُفتهمش!
نـغوذ بالله ، نـعوذ بالله من ذاك المـصير.

View more

هل تؤمن بالمقولة التي تقول "تظاهر أنك كذلك حتى تصبح كذلك"؟

لا،
حيُقعِـد يبذل في كُلّ جهده بش يُثبت للنّاس الصّورة أو المرتبـة الوهمـيّة إللي حطّ فيها رُوحـه. وحتّى لو كُلّ النّاس شـكروه، حيقعُد بينه وبين نفـسه حـاسس بالوهم والعـجز.
وحيفقد لذّة الوصـول الحقيقيّة-إن وصل-، لأنّه استنفذها في الوهم. ولو ما وصلش لهاديكا المـرتبة، إمّا يستمر في التّظاهر والعيش في الوهم طُول عمره -وهذا مُكلِف نفسيّا وجسديّا- ،وإمّا يطلع على حقيقته في وحده من المواقف، وحيكون منـظره مِش حلو بكّل، وحيتمنّى لو تعامل مع النّاس بصورته الحقيقة.

View more

إلى أي مدى أنت جيد في الرفض أو الرد بـ "لا"؟

سيّء هلبـا 😩🙏
ذكّـرتني بقصيدة الفـرزدق الحلوة عن سيّدنا زين العابدين بن عليّ -رضي الله عنهم-
ماقال: لا قطٌّ، إلّا في تشـهُّـدِه • لولا التّشهّدُ، كانت لاءُهُ نـعَـمُ!

View more

برأيكم إيه الكتب التي ينبغي على أي مسلم قراءتها، سواء فكرية، أو تربوية، أو تاريخية .. إلخ

شُوفوا دورات "مالا يسـعُ المُسلِم جهـله" على النّـت، وحتلقُـوا فيها بعض التّـرشيحات بعون الله.
-
وكُلٌّ مُـكلّفٌ ومُحـاسَبٌ حسب وِسعِـه وحسب ما آتـاهُ الله، ومالا يتمّ الواجِـب إلّا به، فهـو واجِـب.

View more

هل تعتقد أن الناس بالغوا في تعديل الصور أكثر من اللازم؟ ما هو رأيك؟

لا، بـس أعتـقد إنّ البعـض يبالغوا في نشـر صُـورهم.
كُلّ اسبـوعين ثلاثـة ينزّلوا صُـورة جـديدة بدون أيّ سبب أو مُنـاسبة 🤷🏻‍♂️
بش شركة الآبـل وشركات الكمبيوتر وشركات الحِـماية والمُـراقبـة تصمّم أنظـمة ذكـيّـة للتّـعرّف على الوجـه، أهم شئ تحتـاجه هي حجم كـبير جدّاً من البـيانات = الصّـور بش تمـرّن عليها النّـظام متعّـها، بش تبدا عنده القُـدرة يتعـرّف على أيّ وجـه ثـاني بشكل دقيق!
توقّـعُـوا من هما أكـثر مكـانين فيهم صُـور للبشـريّة ؟
الفيس والإنستقرام!
شـركة الفيس اشـترت الإنستـقرام لا لِشئ إلا على خـاطر كميّة الصّـور والبيانات إللي عِـندهم.
وأصبحت الفيس عندها حجم ضخم جدّا جدّا من الصّـور، تقدر تبيـعه لأيّ شركة أو بلاد مُـهتمّـة.
بـاهي، مـرّات الوجـه يتغـيّـر مع الزّمـن، فلازم ندرّبوا النّظام الذّكـي بش يـعرف إنّ الوجهـين هما لنفس الشّخص حتّى بعد 10 سنين .... شن نديـروا ؟
نـديروا #10year challenge ونخلّـوا النّـاس يعطـونا صورّهم توّا وصورّهم قبل 10 سنين 👏🏻
*تو مرّة تانية انّزل قـائمة لإمبراطوريّـة كـاملة من الشّـركـات عايشـة على بيـاناتنا إللي نـعطوا فيها بالبلاش.

View more

+1 answer Read more

انصحنا بأشخاص مفيدين نتابعهم 😃

فيـه هلبا حـسابات مُفيدة وحـلوة ع الآسك، بس طبيعـة البرنـامج نـفسه، وعشوائيّة الأسئلة مخليّـة الفائدة محدودة، ومُختلطة.
لو فِعلا تبّوا الفائدة، سجّلوا في موقع Quora.
حتّى هُوّا موقع أسئلة، بس الجميل فيه إنّك تِقدر تحدّد مواضيع مُعيّنة إنت مُهتم بيهم، وبعدين يجيبـولك الأجوبة إللي على موضوعك بس؛ والأجوبة في الغالب تكون من كُتّاب كبـار، مُدراء شركات، دكـاتِرة جامعات، مُفكّرين، روّاد في مجـالاتهُم. ولو تبّي تسـأل سـؤالك الخاص، تقدر برضـو.
الموقع الثّـاني: Medium
أوّل ما تسجّل في الموقع، يطلبوا منّك تختار اهتمـاماتِك، بعدين همّا يبعتـولك المنشورات المُميّزة في المجال إللي إنت تحبّـه.
الحُلوّ إنّ منشـوراتهم تحسّها على هيئة قِصّص، ومهما كان الموضوع مُعقّد، تلقـاهُم شـارحـينه ببساطة وجماليّة.
ربّي يفتح عليكم، وينفعكُم، وينفع بِكُم.

View more

فريق صحوة كويس؟ طيب الإختلاط اللي فيه؟

لو إنتُـم في ليبيا، حيـكون نـشاطكُم كُـلّه إلكتـروني.
إمّا متابعة للجـداول أو مُـناقشـة أو دعم أو استفسـارات.
ومُعظم إللي مـعاك حيكونوا مِش ليبيّـين، فالدّواعي حتكون أقلّ.
فلو واحـد التزم بحُـدوده، يِقدر يستفيد من الفـريق بش يستمرّ هُو في الخُطّة ويطلع بفائدة كبيرة بأقلّ الضّرر.
وبالنّسبـة لخُـطّتهُم، التـزمت بنُسختها القديمـة قبل التّعديل لشهر ونُص تقريبا بعدين وقّفت! مُـمكن لأنّي قعدت بروحي وما انصميتش للقروب.
بشكل عام، الخُطّة في فائدة كبيرة، مع بعض الأخطاء، وحتتغيّر هلبا بعدها، وتقدر تشـوف تجارب النّاس السّابقة.
بس أهمّ شئ حتستفيده هُو اكتساب مهارة الإلتزام بخُطّة مُعيّنة (شئ عظيم جدّا في وقتنا الحالي) واكتساب عُلوّ الهمّـة، وتكـوين نـظرة أوضح لحياتِك وطـريقك.

View more

مساحة🌸

راء
(احفظِ الله يحفظك ، احفظ الله تجده تُجاهك ، إذا سألت فـاسئل الله ، وإذا استعنت فـاستعن بالله).
ولم أرى في عيوبِ النّاس عيبٌ • كنقصِ القادِرين على الكـمال.
يـا بُنيّ؛ لا أشـرف مِن أن تـكون من أهـل الله، وأهل القران هم أهل الله وخـاصّته.
كـسب القلوب أولى من كـسب المواقف، ولا تدخل جِدالاً إلا مُضطراً مُبتسِماً.
إذا هبّت ريـاحك فاغتنِمها • فعُقبى كلّ عاصفةٍ سُكون.
من تسـاوى يـوماه فهو مـغبون، فما تخليش يـوم يمرّ بدون ما تتعلّم حـاجة جـديدة.
لكلّ شئ في الحيـاة ثـمن، ولابدّ من التّضحية بأشياء للحصـول على أشياء أخـرى، فرتّب أولويّـاتك جيّداً.
لا يكـفى أن تـكون صـالحاً، العـالم يحتـاجُ المُصلحين.
يـا بُنيّ؛ لا تقصُص وجـعـك.
المُـؤمن القويّ خير وأحبّ إلى الله من المؤمن الضّعيف.
استعن بالله ولا تعجـز، وإن أصابك شئ فلا تـقل لو أنّي فعلت كذا لكان كذا وكذا، ولكن قل : قدّر الله وما شاء فـعـل.
لا يُهـزَم من يحـاسبُ نفسه كلّ ليلةٍ عن هفـواته وحركاته وسكـناته.
مـا عندكم ينفد، وما عند الله بـاق.
يـأيّها المُـزّمّـل قُـم ؛ يـأيّها المُدّثر قُـم فأنذِر.
السّرّ أن تجعل بينك وبين الله سرّ.
أكثر النّاس بُؤساً هو الّذي يُؤجّل سعادته وحيـاته للغد .. للغد الّذي لن يأتِـي.
إذا لم تُخطّط لأحـلامك، ستعيش لأحلام الآخـرين.
المال قوّة، والشّهرة قوّة، والمكـانة قوّة، والعِلم قوّة، لكنّهم مجرّد وسيلة لغـاية أعـظم.
أتبع الحسنةَ السيئة تمحُـها، وخـالقِ النّاس بخُلق حـسن.
لا تسـهر، المـجـدُ للمُـبكّرين.
القراءة ضـرورة ، وليست مجرّد هـواية.
إن الله يحبّ معالي الأمور ، ويكره سفاسفها، فكن صاحب حُلم كبير، وأضف إلى الحياة شئ جديداً.
من كـان صـاحب حُلم ، فليرع حـلمه وليكـبر معـه، ولا يتوقّف عن السّعي لتحقيقه،
فإمّا يصـل، وإمّا يلقى الله وهو على الطّريق.
خـلّي اسـمـك أوّل اسم يخطـر على بال صحابك لما يحتـاجوا من يخفّف عليهم مصيبتهم.
لا تجعل يومك يمرّ وأنت لم تقرأ أو تفهم شيـئا مِن رسالة الله عزّ وجلّ إليك (القران الكريم).
أحيانا، الديون المعنوية أصعب بكثير من الديون المادّيّة.
كـن في الدّنيا كأنّك غريبٌ ، أو عـابرُ سبيل ؛ كـن خليفة لله في أرضه ، ورحمة للعالمين.

View more

هل من السهل عليك أن تسامح أو أن تنسى؟

أزعُـم أنّي -من رحمة الله- من السّـهل عليّ إنّ نـسامـح، ونحـاول إنّ نـكُون سـهل جدّا في التّـعامُل، فيعني ما نعتبـرهـاش من الأوّل خطأ يحتاج إنّي نسـامح على خـاطره.
النّسيان ماهُوّاش فِعل بشري للأسف!
بس التّناسي وعدم حَـمْل الحقد في القلب = إيه.
تصير هلبا إنّي نُغلط في النّاس ونقصّر في حقّهم، بس العكـس نادِر جدّاً جدّاً.
فـأتمنّى إنّ هُـمّا يسـامحُـوني :)

View more

حنبعتلك اليوزر ورقمي الواتس في سؤال ثاني بحكم نسكر فيه الأسك .. والواتس من باب لما تسمع حاجة ولا حني نقدروا نفيدوك بشيء : 9

تمام، بإذن الله.

View more

+3 answers in: “السلام عليكم.. أخ عبد الرحمن ، هل من السهل الحصول على سكولارشيب في أمريكا؟ خليك من اللي يعرضوا فيهم على النت.. نحكي بتواصل مباشرة مع الجامعات أو ما شابه.. ودراسة ماجستير؟؟؟”

أنا البكالوريوس كان تيليكوم.. وتقدر تقول متجه حاليا للكلاود كمبيوتنج ... فلما كنت نفكر نقرا ماستر كنت يا كلاود كمبيوتنج أو كمبيوتر ساينس.. لكن كبرنامج دكتوراة على قولتك مش ساهل الموضوع .. الماستر بس سنتين تقدر تزيده واحد تاني.. لكن 5 سنين دكتوراة فالموضوع يحتاج تركيز ووضع النقاط من الأول. :D

ماشاء الله،
حلو جدّا والله ^^
تخصّص جميل.
الدّكتور إللي نشتـغل معاه، تُِونسي، تقريبا عنده بعض الشّغل ع الكلاود كومبيوتنق، بس تقـريبا ما عنداشّي fund توّا بش يقبـل طالب، لأنّه كيف قابل طالب من تُونس.
بس لو فتـح القُـبول من جديد، حيكون خيار معقول، لأنّ كان عنده طلبة ليبيين من قبل.
فيه جامعة Kaust في السّـعوديّة، كلّ يوم يزيد حبّي ليها، والميزات إللي فيها مُغرية هلبااا.
ومن الجامعات إللي ينعدّوا ع الأصابع إللي عندهم سوبر كومبيوترز، يعني تخصصات الكومبيوتنق ممتازة جدّا غادي.
فعلا، قـرار مش سـاهل بكّـل.
ولما تفكّـروا في أمريكيا، فكّـروا في صعوبة زيارة ليبيا خلال فترة الدّراسة، وصعوبة المرواح بعد ما تكمّل، وخاصة بسبب العروض المغرية والفُرص في مجالك.
حنّاي كانت تقول: أمريكيا فيها مغنـاطيس كبير.
بالتّوفيق والتّيسير والسَداد 🍃

View more

+3 answers in: “السلام عليكم.. أخ عبد الرحمن ، هل من السهل الحصول على سكولارشيب في أمريكا؟ خليك من اللي يعرضوا فيهم على النت.. نحكي بتواصل مباشرة مع الجامعات أو ما شابه.. ودراسة ماجستير؟؟؟”

موضوع الدكتوراة طول فهذه ما كنتش نعرفها ومليحة.. تقدر تزيد تفصّل فيها؟ شرح زيادة يعني ؟ وبارك الله فيك؟ :)

إللّي نحكـيله عليها من صحـابي، كلّهم نفـس الرّد متعّك بالزّبط 😁
في العـادة، تقرا ماجستير لمدّة سنتيـن، سنة وشوية مواد، والباقي للبحث والثيسس. وبعدين دكتوراة من 3-6 سنوات حسب دكتورك ونشاطتك وهلبا عوامل ثانية.
بس فيه جامعات توفّر في برامج دكتوراة طـول، وتقدر تاخد الماجستير على طريقك لو تبّي بعد سنتين أو ثلاثة.
في المِـنح زيّ هادي، يكون التّواصل مباشرة مع الدّكتور لأنّه حيخلّصك من الfund متع البحث متعّـه، ومش حيختارك إلّا ما يتوقّع إنّك حتكون ممتاز، وفعلا حادّيره أبحاث كويسات.
فيه صاحبي ليبي كيف بيتخرّج توا من البرنامج هذا، بس هوّا قرا البكالوريس هنايا.
وفيه صاحبي تونسي نشتغل معاه، جي من تُونس عن طريق البرنامج هذا.
ميزة إنّك تقرا ماجستير، بعدين دكتوراة، إنّك أوّل شئ تقدر تعرف روحك هل فعلا تبّي تكمّل في الأكاديميا، ولا تبّي تمشي لسوق العمل، وهل فعلا هذا التّخصّص إللي تبّي تقرا فيه 5 سنين من عُمرك وحيُقعد معاك طول حياتك، وتِقدر تغيّر الدّكتور لو ما عجبكش، لأن الدّكتوراة 75% ع المشرف متعّك. هادي الميزات مش موجودة في برنامج الدّكتوراة طـول، بس كُلّ شئ ليه ميزات وعيوب.
حتكون فيه مُـنافسة، وحتكون فيه أفضليّة للطلبة إللي الدكتور قرّاهم ويعرف مستـواهم، بس لو تبحثوا كويّس، تحصّلوا دكاترة كويّسين، وإنتم قدّها وقـدود.
وفيكم بارك الله، بكلّ سرور 🌸
شن التّخصّص إللي ناويين تقـروا فيه؟

View more

+3 answers in: “السلام عليكم.. أخ عبد الرحمن ، هل من السهل الحصول على سكولارشيب في أمريكا؟ خليك من اللي يعرضوا فيهم على النت.. نحكي بتواصل مباشرة مع الجامعات أو ما شابه.. ودراسة ماجستير؟؟؟”

السلام عليكم.. أخ عبد الرحمن ، هل من السهل الحصول على سكولارشيب في أمريكا؟ خليك من اللي يعرضوا فيهم على النت.. نحكي بتواصل مباشرة مع الجامعات أو ما شابه.. ودراسة ماجستير؟؟؟

وعليكم السّلام،
أهلين،
من غير إللي يُعرضوا فيهم ع النّت ^^ حسب عِلمي فيه ثلاثة نوعيّات من المِنح مُتاحة.
- الأولى: تكون المنحـة من جهة خارجيّة زيّ منحـة الفولبرايت من وزارة الخارجيّة الأمريكيّة. نشوف في طلبة من باكستان، أفغانستان، أندونيسيا يقروا في ماجستير من الجامعة من خلال المِنحة هادي في تخصّصات زيّ الBublic Health ، Bublic Policy. وتقريبا حتّى ليبيا مسموحلها هادي المنحة. مشكلتها إنّها محدودة، معاشهم مش هلبا، وهمّا يختارولك الجامعة.
- الثّانيّة: المِنح عن طريق الجـامعة نفسـها. فيه بعض الجامعات تعطي في مِـنح للطلبة الأجانب في مقابل إنّهم يشاركوا في مُلتقيات وفعاليات يتكلموا على الثّقافة متعهم وبلادهم وحاجات زيّ هكّي. المِـنح هادي في العادة تغطّي 3000-4000$ في الفصل الدّراسي= يعني تقريبا نصّ التّكاليف بس. المِـنح هادي تـكون محـدودة جدّا في الجـامعات إللي فيها أصلا تنوّع في الثّقافات. سمعت إنّ فيه طالب مصـري زمـان حصّلها، وجي قرى في الجامعة.
-الثالثة: المنحة تكـون من الدّكتور إللي بتشتغل معـاه. وهادي أسهل لما تكون طالب دكتوراة.
في الحالة هادي تبدا تشتغل مع الدّكتور في البحث، وتشتغل معاه كمساعد ليه في وحدة من المواد، وهمّا يتكفّلوا بتكاليف الدّراسة، ويعطوك معاش تعيش بيه.
في الماجستير صعبة، لأنّ نصّـها مـواد، والبحث مع الدّكتور يكون في الأخير، فمن الصّعب تقنعه إنّ يخلّص عليك. الحلّ الأسهل إنّك تقدّم على برنامج دكتوراة طول. فيه جامعات توفّر في برامج دكتوراة بعد البكالوريس مباشرة وتكون مدفوعة بالكامل مع تأمين صحّي ومعـاش شهري، بس مدّتها 5 سنوات بدل 3 سنوات.
ولو فيه أيّ شئ نقدر نسـاعدك فيه القدام، كلّمني طول.
ربّي يوفّقك وييسّر أمورك ويفتـح عليك 🌸

View more

+3 answers Read more

سنة جديدة = أنت انسان جديد. هل تتفق مع ذلك؟

شن يعنِي إنسان جديد ؟!
وشِن هُو إلّلي يعـرّف أو يُحدّد الإنسـان؟!
لو فيه حد قـاعد ما خطّطتش ولا ما راجعش خُطّته، الفيديو هذا حلو هلبا:
https://youtu.be/1g5wM-YSNHo
وتـابعوا القنـاة ع اليوتيوب بالمرّة، لأنّها مفيدة جدّا 🌸

View more

هل مات الشِعْر؟ ومن يحب الشِعْر والقصائد الآن؟

الشَّـعر حـيّ مادام يُـولد فينا الشّـعراء ، وما دام الحُبّ والشّوق والفِـراق والحُزن في الحـياة.
يُحبّ الشّـعر ، كُلّ من أبـهرهُ جـمالهُ وعُـمقه في تصـوير مشـاعِـر وأشياء كـان يحسـاب إنّها لا يُمكن التّعبير عنها.

View more

Next