Ask @Abdurrahman74:

✨🖤

عاوز تستريح؟
إعمل بنصيحة الإمام بن الجوزي:
إكتم عن الناس ذهبك، وذهابك، ومذهبك !!!!!
أما ذهبك:
فحالتك المادية ودخلك متحكيش عنهم .. علشان لو معاك متتحسدش ويتطمع فيك،
ولو مش معاك محدش يعاملك بشفقه ويستقل بيك،
أما ذهابك:
بمعني إن لو مقدم وظيفة جديدة متقولش الا لما تتم،
لو جايلك عريس متقولييش،
رايح تخطب متسيحش،
ربنا سهلك في أي خطوه متفضحش الدنيا وإسكت! ..
إمسك لسانك وهتلاقي خططك بتتحقق كأنها بتجري! ..
سيدنا يعقوب أبو سيدنا يوسف قاله لا تقصص رؤياك علي إخوتك فيكيدوا لك كيدًا! ..
تخيل خاف إنهم يحسدوه رغم إنه كان مجرد حلم!
وبخصوص "وأما بنعمة ربنا فحدث" فمعناها متنكرش نعمة ربنا عليك وإحمده علي كل حال وإلبس وكل كويس
ولكن تستر بنفسك ومتتفاخرش برزقك
وأما مذهبك:
يعني ميولك وأفكارك ..
بتحب إيه وبتكره إيه ..
عشان متدخلش في جدالات فارغة
وتوجع قلبك
بحوارات ملهاش أى لزوم،
ولو عاوز ترتاح متنصحش اللى مطلبش نصيحتك،
إلا لو كان شخص بيكبر بيك ومش هيندمك على كلامك معاه،
خليك باب مقفول وساعتها هتفضل محافظ علي زهوتك ولمعانك فى نظر اللى حواليك.
يقول سيدنا عمر بن الخطاب: ندمت علي الكلام مرات، وما ندمت على الصمت مرة 🖤

View more

SPAce

ماتوصلش اللي قدامك لمرحله أنه يتقفل منك و بعدين تقول ده باعني .. متبقاش أنت صاحب الغلط و تعترض على رد الفعل .. فيه حاجات مينفعش معاها غير أن الواحد ينسحب يلم اللى فاضل من روحه من غير كلام و يمشى
في حاجات مينفعش معاها العتاب .. التقليل منك مفيهوش عتاب .. إنكار تصرفاتك الكويسه مفيهاش عتاب .. عدم الثقه مفيهاش عتاب ..
عدم الصراحه مفيهاش عتاب .. المساومه علي حبك مفيهاش عتاب..
متجيبش آخر اللى قدامك و ترجع تقول مستحملنيش و اتخلى عنى 🖤

View more

🔹 TALK〰🚩

ہقہلہبہي رسہمہتہگ
لما تشوف صاحبك فارش سجادة ع الأكونت و مقضيها كلام ديني و هو أصلا خاربها .. ما تقولش : دا منافق .. ممكن يكون بيحاول يعمل حاجة حلوة يعوض بيها ذنوبه الكتير .. بدل ما يكتب حاجة تافهه ..
لما تكلم واحد و ما يردش عليك .. ممكن يكون مشغول أو مزاجه وحش فا مش عايز يتكلم أو نايم و شافها و نسى أو أى حاجة .. التمس له عذر و خد الحوار ببساطة .. عشان لما تعملها الناس تعذرك ..
لما تشوف حد بيعمل حاجة غلط .. حاول تنصحه بالراحة .. ادعيله ربنا يهديه و افتكر أنت كنت بتعمل إيه زمان قبل ما ربنا يهديك .. طبيعي إنك تكره المعصية اللي بيعملها .. بس حِب له الخير لله ..
لما تلاقى حد بيزعل من حاجة أنت ما بتزعلش منها .. ما تتريقش عليه و احترم الاختلافات الموجودة فى طباع الناس .. إحنا موجودين عشان نحترم اختلافات بعض مش نتريق عليها و نتخانق و ننفسِن ..
لما تلاقي حد متبهدل في الدنيا .. ما تكملش عليه أنت كمان .. يا تكون سند و تقول له كلمة حلوة .. يا تسيبه يكمل حياته و تمشى .. مش لازم تسيب بصمة سودة فى حياته زى غيرك و تحطمه أكتر ما هو ..
* عيش مُسلم بجد بين الناس .. عيش لله *
* هذا ديننا .. إنسانية .. رحمة للعالمين *
#أخلاقيات 🖤

View more

يسطي يعني كدا كدا العربيات مش هتخبطني 😅

لا ركز يا حبيب فيه حاجة اسمها "الأخذ بالأسباب"
متنطش من فوق عمارة مثلا وتقول ممكن أنزل على مرتبة .. دا كدا سورى يعنى هخه خالص 😂😂
أنت بتعمل اللى عليك وتاخد بالأسباب وتسيب الباقى على ربنا 🖤
وبعدين ربنا بيغير الأقدار بالدعاء والتوبة ، وبيحرمك من النعم بسبب الذنوب والمعاصى ؛ فاجتهد فى الآخرة ولا تنسَ نصيبك من الدنيا 🖤

View more

+2 answers in: “فيه موقف هيحصلك بالغلط بس هيخليك تشوف كل حاجه صح 😉”

يسطي يعني إيه ما أخطأك لم يكن ليصيبك وما أصابك لم يكن ليخطأك ؟

بسهولة خالص يا صاحبى :
* يعنى لو أنت معدى طريق مثلا وسرحان وفجأة لقيت عربية هتخطبك قومت متحرك من مكانك والعربية مجاتش ناحيتك ، العربية دى أخطأتك ومش علشان أنت اتحركت لا أنت لو فضلت مكانك كانت برضو هتُخطِأك ومش هتيجى ناحيتك لأن ربنا مكتبلكش تخبطك !
* ما أصابك لم يكن ليُخطِأك : مثلا أنت نايم فى الأوضة قامت المروحة واقعه عليك ، متفضلش تقول يعنى أنا لو منمتش دلوقتى والكلام دا كله !
بص هى لم تكن لتُخطأك أصلا هى هتصيبك أنت دونًا عن البيت كله لأن ربنا كاتبلها أنت مش غيرك
دا المقصود من الحديث بس بمعنى عامى شوية 😂🖤

View more

+2 answers in: “فيه موقف هيحصلك بالغلط بس هيخليك تشوف كل حاجه صح 😉”

فيه موقف هيحصلك بالغلط بس هيخليك تشوف كل حاجه صح 😉

مفيش حاجة اسمها بتحصل بالغلط
ربك قال "لكل أجلٍ كتاب" .. أنت لو شوكة شكتك ف ربنا كاتبها قبل ما تتولد إنك هتشكك شوكة فى الوقت الفلانى وفى المكان الفلانى وعمرها ما هتشك غيرك !
"اعلم أن ما أصابك لم يكن ليُخطئك .. وأنا ما أخطأك لم يكن ليصيبك ، رُفعت الأقلام وجفت الصُحف" 🖤

View more

+2 answers Read more
Next