@Abjrad_

هُوَ وهِيَ.

Ask me anything Follow
Ask @Abjrad_

Sort by:

LatestTop

_

( ذات الفستان الأزرق )>> الجزء التاسع:
مريم : بس أنا مش معايا محمول.
حورية : طب خلاص أنا هتصرف (فتحت شنطتها تاني وطلعت فلوس وبصت لمريم)، ممكن تخلي الفلوس دي معاكي وياريت متتكسفيش مني.
مريم (بحزن) : أنا أسفه مش هقدر أخدهم.
حورية : طب لو قولتلك عشان خاطري.
مريم : معلش مش هقدر.
حورية (حطت الفلوس على الكرسي وقامت) : إعتبري إني واحدة أخدت منك مناديل وإدتلك فلوس يلا سلام..
** حورية خرجت وفضلت مريم تفكر فيها وفي اللي بتعمله معاها**
**نروح لماجد وهو خارج من مدرسته، ومدرسته في نفس الشارع اللي مريم بتقف في الاشارة فيه**
**خرج ماجد وواقف بيتكلم مع صحابه**
محمد (صاحب ماجد) : إنت هتيجي النادي النهارده؟
ماجد : مش عارف لسه هسأل بابا وبعدين أشوف كده.
محمد : بس ماتش النهارده مهم ياماجد.
ماجد : مش عارف والله يامحمد لما أقول بس لبابا وأشوفوا كده هيقولي إيه.
محمد : طيب خلاص براحتك، على فكرة دنيا سألتني عليك إمبارح على الفيس.
ماجد : يووووه أنا مش عارف هي عايزة إيه!
محمد : هو إيه ده اللي مش عارف، دنيا بتحبك ياماجد..
ماجد : والله، والمفروض إني أعملها إيه؟
محمد : معرفش بقى هي كل شوية تكلمني على الفيس وتسألني.
ماجد : طيب أنا هروح بقى سلام.
محمد : سلام.
**ومشي ماجد وهــو ماشي شاف بنت قاعدة على الأرض وباين عليها إنها جعانة، راح فاتح شنطته ومطلع أخر ساندوتش كان معاه وراح للبنوته**
ماجد : ممكن أقعد جنبك؟
البنت (رفعت وشها ليه) : أقعد..
ماجد : إتفضلي..
البنت (بصتله بأستغراب) : إيه ده؟
ماجد : ده ساندوتش حسيت إنك جعانة فقلت أديهولك.
البنت (إبتسمتله) : شكراً ^^
ماجد : العفو، إسمك إيه بقى؟
البنت : إسمي مي وإنت؟
ماجد : إسمي ماجد.
مي : شكراً على الأكل.
ماجد : العفو.
مي : إنت في البتاعه اللي هناك دي؟ (وبتشاور على المدرسة)
ماجد : قصدك المدرسة؟
مي : معرفش إسمها
ماجد (بأبتسامة خفيفة) : إسمها مدرسة.
مي : أه، إنت فيها يعني؟
ماجد : أه أنا طالب في المدرسة دي.
مي : طيب.
ماجد : إنتي مدخلتيش مدرسة قبل كده؟
مي : لا.
ماجد : طب بتعرفي تقرأي وتكتبي؟
مي : لا برضو..
ماجد : طب أنا أقدر أعلمك القراءه والكتابه..
مي (بفرح) : بجد!
ماجد : أه بجد، كل يوم هجيلك هنا وأعلمك، إيه رأيك؟
مي : شكراً أووي، بس بلاش هنا، إنت قولي هتيجي إمتى وأنا هستناك هنا وهاخدك على مكان عشان الراجل ميجيش ويزعقلي.
ماجد : راجل مين؟
مي : اللي بيشغلني وبيديني الفل اللي ببيعوا أنا وصاحبتي.
ماجد : طيب تمام خلاص، كل يوم على أخر النهار كده بنزل عشان أجي النادي اللي في أخر الشارع ده هبقى أنزل بدري وآجي عشان أعلمك.
مي : طيب ماشي، (وإفتكرت حاجة)، طب هو ينفع أجيب صاحبتي معايا؟
ماجد : هي قدك؟
مي : اه قدي
ماجد : ماشي هاتيها وأنا هعلمكوا سوا، ماشي؟
مي : ماشي.
ماجد : يلا سلام.
مي : سلام.
**ومشي ماجد ومي بقيت مبسوطة جداً عشان ده كان حلم حياتها إنها تتعلم وتعرف تقرأ وتكتب**
**بعد ماحوريه سابت مريم وخرجت من بيتهم، روحت على بيتها وأول ما فتحت لقيت حازم**
حورية : إيه ده مش معقولة، حبيبي هنا!
حازم (قام باسها وحضنها) : إزيك ياحورية عاملة إيه؟
حورية : الحمدلله ياحبيبي، إنت عامل إيه؟
حازم : الحمدلله بخير.
حورية : إيه جيت ليه؟ جاي برضو تاخد حاجات من أوضتك وماشي زي كل مرة؟
حازم : لا المرادي جاي أتكلم معاكي، ومعايا نور جوا.
#
لينك الجزء الثامن:
https://ask.fm/Abjrad_/answer/145156640168?utm_source=copy_link&utm_medium=iOS

View more

30
Liked by: آيٰه. xXMike005Xx qilindory Aaliyah Ondein Amjaad إيمان ال حداد Manar اس راء rr..

_

(ذات الفستان الأزرق) >> الجزء الثامن:
مريم (بعياط) : أنا هروح دلوقتي الصيدلية أجبلك الدوا بسرعة إستنيني..
غاده : معاكي فلوس يامريم؟
مريم (بعدم إهتمام ولقلقة في الكلام) : أه أه معايا..
**مريم فتحت الباب وخرجت**
مريم (بصدمه) : إيه ده !!
حورية : إزيك يامريم؟
مريم : إنتي عرفتي مكاني إزاي!
حورية : طب مش الأول تقوليلي إتفضلي☺️!
مريم (إفتكرت مامتها) : مش هينفع دلوقتي، أنا لازم أروح عشان أجيب لماما العلاج..
**قفلت مريم الباب وراحت تجري.. وحورية بتجري وراها**
حورية : يامريم أوقفي إستني رايحة فين بس إستني ( ومسكتها ).
مريم (بتنهج) : أرجوكي سيبيني، لازم أروح أجيب لماما العلاج..
حورية : طب استني انا هاجي معاكي
** ودخلوا صيدلية صغيرة كده على أول الشارع**
مريم (طلعت ورقة من جيبها) : أرجوك عايزة العلاج ده ضروري حالاً..
الصيدلي : طيب ثواني.
**ودخل جاب العلاج من جوا**
الصيدلي : إتفضلي، بـــ 40 جنية.
مريم (بخضة) : إيـــــه!!
حورية (لاحظت إن مريم مش معاها فلوس راحت مطلعه من شنطتها) : إتفضل، شكراً.
**وخرجوا همَّ الإتنين**
مريم (بكسوف) : شكراً لحضرتك^^
حورية : العفو ع إيه يامريومه، أنا معملتش حاجة.
مريم : طب أنا هجري عشان ألحق أدي العلاج لأمي..
حورية : طيب وأنا جاية معاكي.
**مريم بصت لحورية بإستغراب وطلعت تجري عشان تروح للبيت**
**دخلت مريم ودخلت حورية وقعدتها على كرسي صغير وراحت تدي لمامتها العلاج**
مريم (بتبوس مامتها) : بالشفا، بعد كده ياماما تبقي تقوليلي لما يخلص العلاج.
غادة : حاضر يامريم، مين الست اللي هناك دي؟
مريم (بصت لحورية) : هبقى أقولك بعدين.
**حورية قاعدة على الكرسي بتتفرج على البيت البسيط والصغير، أوضه صغيرة وفيها مرتبه صغيرة على الأرض ونايم عليها بنوته وحمام صغير جداً وجنبه مطبخ وبرا كنبة نايمة عليها ست كبيرة عرفت حورية إن دي أم مريم**
مريم : شكراً لتعب حضرتك معايا.
حورية : مفيش تعب ولا حاجة، المهم إن مامتك أخدت الدوا وبقيت كويسة^^
مريم (يإبتسامه طفولية) : الحمدلله، (إفتكرت إزاي حورية جات)، هو حضرتك عرفتي البيت منين؟
حورية : ههههههههههههه اللي بيسأل ميتوهش.
مريم : أيوه أكيد بس إزاي برضو؟
حورية : بصي ياستي شوفت الراجل اللي جالنا إمبارح الكافية سألته عن عنوانك أي نعم يعني هو رخم في الأول ومكنش راضي يديني العنوان من غير ماأدفعله، بس مش مشكلة في الأخر إداني عنوانك هنا.
مريم (إفتكرت ضربه ليها ومسكت دراعها وعنيها دمعت) : أه أه..
حورية : مالك يامريم ليه دمعتي!
مريم : لا مفيش حاجة إفتكرت بس حاجة ضايقتني.
حورية : طب عشان خاطري متزعليش وفكي كده.
مريم : طيب، أنا عايزة أسأل سؤال؟
حورية : إتفضلي..
مريم : ليــه أنا؟
حورية : يعني إيه ليه إنتي؟
مريم : يعني ليه أنا اللي حضرتك دورتي عن عنوانها وجتيلي وأخدتي مني المناديل كلها إمبارح وإدتيني فلوسها والنهارده دفعتي حق علاج أمي، ليه أنا اللي حضرتك بتعملي معاها كده؟
حورية : والله يامريم مش عارفة، بس برائتك عجباني أوي، وكمان صعبانة عليا جداً إنك تشتغلي في السن ده والصراحة حسيت إني سببتلك مشكلة إمبارح مع الراجل فقولت لازم أجي أعتذرلك تاني.
مريم : تشكري ياهانم^^
حورية : إنتي جميلة والله يامريم أوي وأنا حبيتك جداً مش عارفة ليه.
مريم : ربنا يكرمك،
حورية : أنا لازم أمشي دلوقتي، (فتحت شنطتها وجابت ورقة وقلم)، دي نمرتي لو في أي حاجة إتصلي بيا في أي وقت..
مريم : بس أنا مش معايا محمول.
#
لينك الجزء السابع:
https://ask.fm/Abjrad_/answer/145141503912?utm_source=copy_link&utm_medium=iOS

View more

33
Liked by: إيمان ال حداد عُلا rr.. Kimo 74 αв∂๑ αя๓γ'h' Âpdäłłâ Jaradat AbdelRahman ماهر، هُوَ وهِيَ. Muhammad Abd Al-Basit

_

( ذات الفستان الأزرق ) >> الجزء السابع:
حازم : طيب يانور سيبيلي مهلة أفكر..
نور : لازم تفكر بسرعة شوية مش قدامنا وقت كتير لأخر الشهر، لازم تاخد قرار صح ياحازم مش عايزين نتبهدل ونبهدل ولادنا معانا.
حازم : حاضر يانور.
**نروح لبطلة قصتنا بعد ماسابت حورية وخرجت برا**
**خلصت المناديل اللي الراجل إدهالها وكانت مي روحت على بيتها لأنها إتأخرت أوي وهي ماشية لقيت حد بيمسك دراعها جامد**
مريم (بوجع) : آآآه، في إييه!
الراجل : أنا قولتلك إن حسابك معايا بعدين صح..
مريم (بخوف) : أنا أسفة والله الست هي اللي خدتني معاها بالعافية وكنت عايزة أقولها إن عندي شغل بس هي رفضت😢.
الراجل (ضاغط على دراعها جامد) : أخر تحذير ليكي يامريم وأنا بقولك أهو، ياتشوفي شغلك حلو ومتقعديش ترغي كتير مع البني أدمين يأما هطردك من الشغل وإبقي روحي إشحتي في أي مكان، ده أنا كل شهر بديكي 50 جنية مع إنك متستاهليش أصلاً..
مريم (بدموع وخوف) : طيب حاضر، سيب دراعي.
الراجل ( زقها جامد على الأرض وراح ماشي وسايبها )
مريم (بعياط) : آآآآه، يارب أنا تعبت أقف معايا ومتسبنيش يارب😢
**قامت مسحت دموعها وروحت على البيت**
**خبطت على الباب فتحتلها مامتها**
غاده (بتعب) : حمدالله على السلامة يابنتي.
مريم (بتداري عنيها) : الله يسلمك ياماما، أخبار جميلة إيه النهارده؟
غاده : الحمدلله بخير ياحبيبتي أكلتها وإدتها الدوا ودخلتها الدوار عشان تنام.
مريم : طيب، وحضرتك أكلتي وأخدتي الدوا؟
غاده (بتلقلق في الكلام) : أ أه ياحبيبتي الحمدلله..
مريم : ماشي، أنا هخش أشرب ماية وأطمن على جميلة وأنام.
غاده (بتعب) : ماشي يابنتي.
**دخلت مريم شربت وبعدين راحت قعدت جنب جميلة على الأرض لقيتها صاحية**
مريم (بطفولية) : إنتي لسه صاحيه؟
جميلة (شاورتلها إنها مستنياها)
مريم (خدتها في حضنها) : متعرفيش ياجميلة أنا بحبك قد إيه والله، ببقي عايزة مقومش من جنبك أبداً عشان بحس إن الدنيا دي ملهاش أي لازمة طول ماأنتي معايا، متعرفيش أختك تعبانة قد إيه، لسه سني صغير جداً بس تعبت أووي، كان نفسي بابا الله يرحمه يكون عايش أنا عارفه إنه مكنش هيخليني أشتغل، حتي ماما مكنتش راضية تخلييني أشتغل بس مكنش ينفع كان لازم أشتغل عشان أقدر أجيبلك العلاج إنتي وماما، على الأقل أنا لسه بصحتي لكن ماما تعبت أوي عشانا كان لازم أشتغل وأتعب وهي دي الدنيا..
جميلة (شاورتلها على قلبها)
مريم (بأبتسامة) : وأنا بحبك أووووي على فكرة، عارفة بقى أنا كل يوم بشوف الفستان اللي بحبه اللي لونه آزرق اللي قولتلك عليه قبل كده، أنا حاسه ان في يوم هلبسه في فرحي زي ماأنا بتمنى، عشان كل يوم بدعي في صلاتي إن ربنا يجعله من نصيبي..
جميلة (حضنت مريم وناموا)
**تاني يـــوم صحيت مريم مخضوضه من صوت مامتها اللي تعبانه**
غاده (بتعب) : آآآه مش قادرة.
مريم (بخوف) : مالك ياماما في إيه!!
غاده : تعبانة أوي يامريم.
مريم : طب قوليلي بسرعة فين الدوا؟
غاده : الدوا خلص أول إمبارح.
مريم (بخوف) : طب ليه مقولتليش ياماما ليه!
غاده : معلش يامريم أنا عارفة إن عليكي حمل كبير مرضتش أزود عليكي..
مريم (بدموع) : حرام عليكي ياماما كان لازم تقوليلي يعني هو أنا هرتاح لما تروحي مني زي بابا😢.
غاده : ربنا يخليكي ليا يابنتي.
مريم (بعياط) : أنا هروح دلوقتي الصيدلية أجبلك الدوا بسرعة إستنيني..
#
لينك الجزء السادس:
https://ask.fm/Abjrad_/answer/145060010152?utm_source=copy_link&utm_medium=iOS

View more

32
Liked by: إيمان ال حداد اس راء عُلا Eman Raafat Âpdäłłâ Jaradat Dr Snow AbdelRahman آيٰه. ꪀꫀꫝꪖꪗꪖ L.A.Ghryani ♌

People you may like

shazzystill4133’s Profile Photo cybercryptid
also likes
anselmaavril’s Profile Photo Anselma Avril
also likes
Want to make more friends? Try this: Tell us what you like and find people with the same interests. Try this:
#comics #rock #cars #selfie #anime #pop #indie #food #art #basketball
+ add more interests + add your interests

هو باقي الروايه فين !!

مفيش حد مهتم عشان أكملها وأنا والله بتعب على ماأكتب الكلام وأرتبه،
وبقعد أظبط في العدد عشان الأسك مش بياخد إلا عدد معين من الكلام في الأنسرز وكل شويه أمسح وأكتب وفي الأخر محدش متابع هكمل ليه؟
17
Liked by: إيمان ال حداد عُلا Kimo 74 Eman Raafat آيٰه. ꪀꫀꫝꪖꪗꪖ ♣️أحمد طه✔️ Hamdi Ashraf rr.. هُوَ وهِيَ.

_

ملابس المرأة تحكي تربية أبيها، وغيرة أخيها، ورجولة زوجها، وحرص ومتابعة والدتها، وقبل هذا كله إستشعارها بمراقبة الله لها؛
لذلك قالوا لمريم :
(يَا أُخْتَ هَارُونَ مَا كَانَ أَبُوكِ امْرَأَ سَوءٍ وَمَا كَانَت أُمُّكِ بَغِيًّا).
ذكروها بأخيها وأبيها وأمها، ففي صلاح هؤلاء صلاحها.
25
Liked by: إيمان ال حداد Kimo 74 Eman Raafat آيٰه. ꪀꫀꫝꪖꪗꪖ Mohamed Ahmed AbdelRahman Mohammed A.Elhamady Ahmed Eid عُلا

_

( ذات الفستان الأزرق ) >> الجزء السادس:
**نرجع تاني لكلام حورية ومنى**
حورية (بتمسح دموعها وبتضحك) : بس ياستي .. وبعد ده كله برضو معرفتش هو كان كاتب إيه على العربية .. ياريت كان قالي أصلي لما روحت أشوف العربية نسيت خالص أبص هو كان كاتب إيه .. أصلاً العربية كانت متدغدغة على الأخر..
منى (بحزن) : لا حول ولا قوة إلا بالله، متزعليش ده قدر.
حورية : الحمدلله .. أنا مبقتش زعلانة خلاص، أنا أه إتعذبت كتير من بعده، قعدت سنتين بتعالج من الكوابيس الوحشة وإحساسي بالرعب والخوف وماما إتعذبت معايا كده لحد لما ربنا توفاها.
منى : البقاء لله.
حورية : ونعم بالله، المهم سيبك بقى من حكايتي أديكي عرفتيها ياستي، أديني عايشة من ساعتها وحازم إتجوز ومراته جابت توأم.
منى : ما شاء الله، أكيد طبعاً بتحبيهم.
حورية : بحبهم أووي والله وبتمنى أقعد معاهم على طول بس للأسف مش بحب مراته ومش بحب أروح هناك كتير على طول بتجرح كرامتي وتقول كلام زفت زيها..
منى : طب وإيه اللي خلى حازم يتجوزها؟
حورية : بيحبها ياستي وإنتب عارفة أنا مقدرش أمنعه ده أخويا الصغير.
منى : ربنا يخليهولك وتفرحي بأولاده..
حورية : يارب.
**في بيت حازم**
نور : حـــازم حازم عندي ليك خبر جميـــل أوووي.
حازم (مركز فــ الكتاب) : خير ياحبيبتي، إيه حامل في توأم تاني ولا إيه؟
نور : هههههههههههه أكيد لا طبعاً، بابا جابلك عقد عمل في قطر..
حازم (بفرح) : بجد!
نور : أه والله لسه قافل معايا حالاً ع الفون وقالي لازم نجهز نفسنا عشان تسافر أخر الشهر.
حازم (حضنها) : والله أحلى خبر بجد فرحتيني أووي، بس عمو عرف إزاي يجيبلي عقد عمل!
نور : عانده واحد صاحبه هناك بيشتغل قاله إنك تعبان في الشغل في مصر ومحتاج مكان جديد فـ قاله إن في شغل في قطر ليك وبابا مترددش لحظه واحدة وإتصل بيا وقالي إنه جهزلنا كل حاجة.
حازم : كان نفسي أوي أسافر برا من زمان، بس إنتوا مش هتيجوا معايا ولا إيه؟
نور : أنا من رأيي إن إنت تروح الأول تظبط شغلك هناك وتشوفلنا بيت حلو كده وبعدين أجي أنا والعيال، إيه رأيك؟
حازم : تمام، أنا مبسوووووط أووي.
نور (حضنته) : أنا كمان مبسوطة أوي.
حازم (بدأت الفرحة تروح من على وشه) : بـــس...
نور (بصتله أوي كده) : بس إيه!
حازم : وحورية؟ إزاي أسيبها هنا لوحدها😔.
نور : لوحدها فين ده يعني، ماهي عندها جيرانها وصحابها.
حازم : بس أنا أوها ولازم أبقى جنبها عشان أنا وعدتها بكده!
نور : معتقدش ياحازم إن أختك لما تعرف إن جايلك شغل في شركة محترمه برا هترفض يعني!
حازم : أنا عارف إنها مش هتفرض بالعكس دي هتفرح أوي، بس يانور لو هروح أشتغل هناك يبقى إحنا هنفضل عايشين هناك أنا وإنتي والأولاد، وعلى الأقل أول كام سنة مينفعش أخد أجازه وأنزل مصر عشان أشوفها لحد ما أستقر في شغلي وأظبط حياتنا هناك.
نور : حازم إنت المفروض اللي يكون همك دلوقتي هو مستقبل ولادنا وبس.
حازم : أنا مش عارف اعمل إيه!
نور : إيه ياحازم إنت من شوية كنت فرحان، إيه اللي خلا الموضوع ده يقلبلك دماغك!
حازم : حسي بس بيا شوية يانور آنا مش هينفع برضو أسيب أختي هنا.
نور (قامت من مكانها) : حازم ياريت تفكر في الموضوع ده شوية وتاخد الموضوع بجديه وفكر إن مستقبلنا كلنا هيبقي هناك في قطر وإن هناك هنقدر نبني حياتنا ومستقبل ولادنا صح.
حازم : طيب يانور سيبيلي مهلة أفكر..
#
لينك الجزء الخامس:
https://ask.fm/Abjrad_/answer/139825169064?utm_source=copy_link&utm_medium=iOS

View more

50
Liked by: إيمان ال حداد Kimo 74 آيٰه. ꪀꫀꫝꪖꪗꪖ Mohamed Ahmed Mohammed A.Elhamady Eman hamdy Aseel طارق خالد Hamdi Ashraf

_

وأخذ نفساً عميقاً من السيجاره، وهو يلقيها بعيداً، ثم ينظر لـ(ب) نظرةً طويله، جعلت (ب) يشعر بالإحراج قليلاً، ثم قال له الرجل فجأه:
- متحكمش على حد من حاجه بيعملها.. أقولك على حاجه أنقح.. ولا حتى لما تعرف ليه بيعملها..
نظر له (ب) لحظات، ثم قال:
- أمال أحكم عليه إمتى بقى؟
إبتسم الرجل، ونظر للنيل طويلاً، ثم إلتفت لـ(ب) وقال بضحكة مستهزئه:
- متحكمش أصلاً.. إنت مال أهلك؟!
27
Liked by: إيمان ال حداد Kimo 74 ꪀꫀꫝꪖꪗꪖ Mohamed Ahmed Eman hamdy Aseel Hamdi Ashraf Sarah.. rr.. ♣️أحمد طه✔️

_

( ذات الفستان الأزرق ) >> الجزء الخامس:
** منى قالتلها العنوان وحوريه راحت**
منى : وحشتيني والله ياحورية.
حورية : إنتي أكتر والله يامنى، إيه أخر أخبارك عملتي إيه بعد جوازك؟
منى : مفيش أول ماإتجوزنا أنا وعمر خدني وسافرنا على آمريكا وعيشنا هناك .. إحنا أه تعبنا جداً أنا روحنا هناك وعيشنا آيام وحشة جداً والله بس تعبت أنا وهو جامد في الغربة والحمدلله ربنا إدانا وجيبنا الڤيلا دي وربنا رزقنا بــ ماجد.
حورية : ما شاء الله .. بس أنا قولتلك من زمان بلاش تغامري بس الحمدلله إنكوا رجعتوا وربنا وفقكوا.
منى : الحمدلله ع كل حال .. إنتي ايه أخبارك متجوزتيش ليه يابنتي!
حورية (بحزن) : ياااااا يامني متعرفيش إيه اللي حصلي بعد ما سافرتي.
منى : واضح إن في حاجات كتير معرفهاش..
حورية : كتير أوووي.
منى : طب إحكيلي .. ده أنا قبل ماأسيبك كنتي مخطوبة لأدهم وكنتي قايله إنكوا هتتجوزوا أخر الشهر!
حورية (بدموع) : بعد ما سافرتي وحضرت خلاص للفرح والتجهيزات وجه يوم الفرح الصبح .........
**نروح ليـــوم فرح حورية**
حورية (بتكلم أدهم على الموبايل) : إيه ياأدهم كل ده تأخير أنا عند الكوافير.
أدهم : معلش ياحورية الدنيا زحمة أووي وأنا مش عارف اتحرك، أنا مش فاهم الناس زاحمين الدنيا ليه كده همَ مش عارفين إن النهارده فرحنا ولا إيه!
حورية : هههههههههههههههه ياسلام يعني عشان حضرتك فرحنا النهارده يبقي الدنيا كلها متقفش ولازم يفتحولك السكة على طول..
أدهم : أه طبعاً .. أومال اللي أنا كاتبه على العربية ده إيه!
حورية (بصدمة) : يالهوي كاتب إيه؟
أدهم : ملكيش دعوة، أما أجيلك هتعرفي.
حورية : يووووه كده هتشوقني..
أدهم : أنا اللي متشوق عشان أشوف عروستي القمر❤️.
حورية (بإحراج) : آآحم طيب.
أدهم : بقولك إنتي خلصتي خلاص؟
حورية : أها خلصت وقاعدة مستنياك أهو.
أدهم : طيب خلاص خلينا على التليفون لحد أما أوصل تمام.
حورية (بفرح) : ماشي،
أدهم : أنا لحد دلوقتي مش مصدق إن فرحنا النهارده حاسس إني بحلم ونفسي مصحاش من الحلم ده أبداً..
حورية : وأنا كمان مش مصدقة إن بقالي 4 سنين مخطوبين، قد إيه كنت مستنية اليوم ده بقالي كتير😍.
أدهم : خلاص هانت كلها كام ساعة ونكون مع بعض ياحبيبتي.
حورية : أه أخيراًاًاً.
أدهم : محدش هيقدر يحبك قدي في الدنيا دي كلها.
حورية (بإحراج) : أنا عارفـــــة طبعاً ☺️.
أدهم : نفسي الكسوف ده يروح بقى .. كلها شوية وهبقى جوزك.
حورية : إن شاء الله .. أكيد الكسوف هيروح أما أخد عليك شوية، ده أنا مستنية لحظة فرحنا دي من كتير أوووي وكنت دايماً بفكر هتبقى عاملة إزاي^^
** حورية وهي بتكلم أدهم سمعت حاجة كبيرة بتتكسر **
حورية (بخوف) : أدهم؟ .. أدهم رد عليا قولي في إيه ! .. ألوو ألووو .. أدهم رد عليا متقلقنيش في إيه؟؟؟
**كل اللي كانت بتسمعه ناس ملمومة وناس عمالين يقولوا ده شكله مات وأول ماسمعت كده أُغمي عليها**
**ودوها المستشفي ولما فاقت**
حورية (بعدم وعي) : آآآه دماغي .. أدهم .. آآآه .. (وإفتكرت وبدأت تعيط) .. أدهم روحت فين وسبتني لوحدي..
رقية (صاحبتها) : حورية براحة على نفسك شوية..
حورية : أدهم فين يارقيه؟
رقية : ممكن تهدي!
حورية (بتصرخ) : قولي فين أدهم .. قوليلي .. ردي عليا يارقية آدهم مات صح .. مات خلاص وسابني لوحدي وهو عارف إني ماليش غيره😔.
رقية (أخدتها فـ حضنها) : قدر الله وما شاء فعل .. إحمدي ربنا ده نصيبك..
#
لينك الجزء الرابع:
https://ask.fm/Abjrad_/answer/145040132264?utm_source=copy_link&utm_medium=iOS

View more

33
Liked by: إيمان ال حداد ꪀꫀꫝꪖꪗꪖ Mohamed Ahmed Mohamed El3uoty✌❤ Aseel Sarah.. rr.. اس راء ♣️أحمد طه✔️ -بازم "المش مهندس"✌

_

( ذات الفستان الأزرق ) >> الجزء الرابع:
مريم (مصدومة) : بجد !!
حورية : أها طبعاً .. إتصدمتي ليه؟
مريم : أصلهم غالين أوي😯.
حورية : ليه بكام يعني كل المناديل اللي معاكي؟
مريم : بــ 30 جنية.
حورية : هههههههههههههههههههه وهو كده غالي؟
مريم (بحزن) : أه بالنسبالي😔.
حورية : أنا آسفه مكنش قصدي...
مريم : لا عادي.
** مريم بصت جنبها على الإزاز وشافت حاجة خوفتها**
حورية (مسكت ايديها) : مالك يا مريم
مريم (بخوف) : الراجل اللي بيديني المناديل عشان أبيعها داخل المحل، أنا لازم أخرج..
حورية (مسكت ايديها جامد) : لا إستني مش هتمشي، خليه يجي وأنا هرد عليه بنفسي.
مريم : أرجوكي يا مدام سيبيني أمشي عشان أنا عارفاه ده راجل شرير جداً وممكن يعمل أي حاجة😢.
حورية : لا طبعاً هي الدنيا سايبه ولا إيه!
**ودخل الراجل**
الراجل (بصوت عالي) : إنتي قاعدة بتعملي إيه هنا يازفته!
مريم (بخوف) : آنا أسفة..
الراجل (سحبها من هدومها) : يلا إطلعي قدامي، سايبة الإشاره وقاعدة هنا، أنا هربيكي من أول وجديد..
حورية (مسكت مريم) : إنت أهبل ولا إيه! ، وبعدين إنت مش شايف إنها قاعدة معايا!
الراجل (بإستهزاء) : ومين إنتي يعني عشان أشوفك ولا مشوفكيش😏.
حورية : لو سمحت إتكلم بطريقة أحسن من كده.
الراجل : ههههههههههههههه تتصوري ضحكتيني، محدش يقدر يمنعني من اللي ممكن أعمله.
حورية : لو سمحت سيب مريم أنا اللي جبتها تقعد معايا وقولتلها إني هدفعلها وهاخد منها كل المناديل.
الراجل (بهدوء) : طب ما تقولي كده يا مدام، فين الفلوس ؟
حورية (فتحت شنطتها وطلعت الفلوس) : إتفضل.
الراجل : شكراً .. (وبص لمريم وقالها بصوت واطي) : حسابك معايا بعدين (وخرج).
حورية : كان بيقولك إيه يامريم؟
مريم (بخوف) : كان بيقولي يلا عشان أكمل شغل..
حورية : أنا آسفه خالص يامريم معلش سببتلك مشكلة😔.
مريم : لا عادي أنا واخدة على كده..
حورية : واخدة ع كده إيه ؟ .. إنتي لسه سنك صغير!
مريم : بس أنا بشتغل من وأنا عندي 7 سنين وشوفت كتير أوي.
حورية : يا حبيبتي .. طب إيه يابنتي اللي رماكي على المر ده؟
مريم (بحزن) : أنا لازم أخرج دلوقتي عشان آكمل شغل..
حورية : طيب يا حبيبتي، إنتي بتيجي الإشاره هنا على طول ولا كل يوم بيغيروا مكانكوا؟
مريم : لا هنا على طول.
حورية : ماشي يلا روحي كملي شغلك
مريم (بأبتسامة طفولية) : شكراً على الآيس كريم☺️.
حورية : العفو.
**وخرجت مريم تكمل شغلها**
**حورية وهي قاعده موبايلها رن**
حورية : ألوو..
....... : ألوو حورية.
حورية : مين؟
....... : إنتي نستيني ولا إيه ياحوريتي؟
حورية : حوريتي ؟! .. لا متقوليش منـــى!
منى : إزيــك وحشتيني جداً يابنتي.
حورية : إنتي أكتر والله، عاملة ايه؟
منى : الحمدلله بخير، إيه يابنتي فيـــنك كل ده؟
حورية : لا ياشيخة أنا برضو اللي فيني، إنتي اللي بعد جوازك إختفيتي.
منى : معلش بقى أما هشوفك لازم هحكيلك.
حورية : ان شاء الله.
منى : طب إنتي وراكي حاجة دلوقتي؟
حورية : لا معنديش حاجة.
منى : طب جوزك ممكن يزعقلك لو جتيلي؟
حورية (ماسكه دموعها) : أنا متجوزتش..
منى : إيه بجد .. ليه إيه اللي حصل!
حورية : مش هينفع أحكيلك على التليفون، إديني عنوانك وآنا هجيلك على طول..
منى : ماشي مستنياكي.
#
لينك الجزء التالت:
https://ask.fm/Abjrad_/answer/139643940264?utm_source=copy_link&utm_medium=iOS

View more

36
Liked by: إيمان ال حداد ꪀꫀꫝꪖꪗꪖ Mohamed Ahmed Sarah.. rr.. ♣️أحمد طه✔️ N A .. S R Abdallah Meleha Ahmed Eid اشعار . . ~

_

( ذات الفستان الأزرق ) >> الجزء الثالث:
حازم : أنا عارف .. بس إنتي كمان عارفة إني بحب نور جداً .. بس أنا بتغلط أنا بوقفها عند حدها .. يلا عشان خاطري متزعليش من نور وحاولي تنسي شوية كلامها .. إحنا هنفضل عيلة واحدة مهما حصل .. وإنتي أختي ومقدرش أعيش من غيرك..
حورية : حاضر يا حازم .. المهم تاخد بالك من نفسك^^
حازم : حااااااضر.
حورية : سلام.
حازم : سلام.
** ونزلت حورية من عربيتها وجلست تفكر طول الطريق **
حورية (فــ بالها) : أنا إيه الى خلاني أقول لحازم الكلام ده دلوقتي ماأنا بقالي كتير ساكته ومش راضية أتكلم .. يارب أسترها أكيد زعل ومرضيش يبين قدامي عشان ميضيقنيش .. طب أنا اعمل ايه ماأنا زهقت هشتكي لمين يعني مليش غير رربي .. بس أكيد حازم مش هيزعل مني .. اكيد هو حاسس بيا إني عايشة لوحدي وماليش حد يسأل عليا ولا يكلمني غير صحبتي وبـــس .. أنا آول ماهروح هتصل بــ حازم واعتــ .......
* وهي تفكر وقفت بالعربيه مره واحده لأنها لاحظت ضوء الإشارة الآحمر، وشاهدت فتاه تتجه نحوها *..
مريم : مساء الخير.
حورية (بعدم اهتمام) : مساء النور.
مريم : تاخدي مناديل يا هانم؟
حورية (فاقت من سرحانها) : ها .. بتقولي ايه؟
مريم : تاخدي مناديل يا مدام؟
حورية : مدام .. (بصوت عالي) بس أنا مش مدام!!
مريم (عنيها دمعت) : آآنا آسفة .. بعد إذنك😢.
مريم مشيت وسابت حورية .. حورية أخدت بالها إنها إتكلمت بطريقة وحشة .. راحت نازلة من العربية وجريت ورا مريم...
حورية (بتجري) : يا بنوته استني هنا..
مريم (بحزن) : نعم.
حورية : انا أسفة .. مكنش قصدي أعلي صوتي عليكي❤️.
مريم (تمسح دموعها) : ولا يهمك .. شكراً.
حورية (بأبتسامة) : إنتي عسل أوي^^
مريم : شكراً ^_^
حورية : ممكن أطلب منك طلب؟
مريم : اتفضلي..
حورية : تستنيني هنا ثواني بالظبط هركن العربية عشان موقفة الشارع كله وهجيلك ممكن؟
مريم : ليه؟
حورية : من غير ليه أنا أجي هقولك تمام؟
مريم : ماشي..
** وذهبت حورية لتركن عربيتها على جنب ورجعت لمريم **
حورية : أنا جيت .. ممكن بقي تيجي معايا؟
مريم (بخوف) : لا طبعاً مش بروح فــ حته..
حورية : متخافيش إحنا هندخل نشرب عصير فــ المحل ده.
مريم : إشمعنا!
حورية : عشان عايزة أتعرف عليكي..
مريم : بـــس....
حورية (مسكت يديها) : يلا معايا مفيش بس.
** ودخلوا قعدوا فـــ كافية وطول ما همَ قاعدين مريم قاعدة تبص حواليها وبتتفرج على الناس والمكان **
حورية : إنتي مستغربة كده ليه؟!
مريم : عشان أول مرة أدخل مكان زي ده.
حورية : قوليلي صحيح إسمك إيه؟
مريم : اسمي مريم وحضرتك؟
حورية : إسمي حورية..
مريم : إسمك جميل أوي يا هانم^^
حورية : هانم ؟ .. لا متقوليش هانم دي .. قوليلي يا طنط تمام!
مريم : بس أنا مش واخدة على كده وكمان مينفعش يعني..
حورية : أنا اللي بطلب منك كده .. إنتي باين عليكي بنوته عسل خالص😍.
مريم : ربنا يخليكي يا هانم^^
حورية : ها قولنا ايه!
مريم : حاضر يا طنط😅.
حورية : أيوه كده .. تشربي إيه بقى؟
مريم : لا مش عايزة شكراً.
حورية : لا طبعاً مفيش شكراً أومال انا جبتك معاايا هنا ليه!
مريم : مش عارفة بس أنا مش عايزة أشرب حاجة..
حورية : لا لازم تشربي .. تحبي تشربي ولا أجيبلك آيس كريم؟
مريم : أي حاجة ^^
حورية : خلاص هجبلك آيس كريم أحسن..
** نادت حورية الجرسون وطلبت الآيس كريم وجلسوا لتبادل الحديث **
حورية : بصي بقي يا مريوومة انا هاخد منك كل المناديل اللي معاكي دي..
مريم (بصدمه) : بجد !!
#
لينك الجزء التاني:
https://ask.fm/Abjrad_/answer/139684316584?utm_source=copy_link&utm_medium=iOS

View more

45
Liked by: إيمان ال حداد ꪀꫀꫝꪖꪗꪖ Mohamed Ahmed Sarah.. rr.. اس راء ♣️أحمد طه✔️ N A .. S R Abdallah Meleha طارق خالد

_

هو إنتوا ليه مينفعش تعاملوا الست زي الراجل؟
ليه مينفعش تبصوا للبنت اللي عدت 30 من غير جواز زي الراجل اللي عدى 30 سنه وبسببكوا خليتوا البنات توافق بأي كلب عشان تخلص من نظرتكوا ليها إنها بايرة وعانس !
ليه مش بتبصوا للست المطلقة زي الراجل المطلق وبتعتبروا الست هي السبب ف طلاقها وهي اللي محافظتش على بيتها وده السبب اللي خلى ستات كتير تعيش في قرف وجحيم مع رجالة مش بتطيق تبص فـ وشهم وبتنسى نفسها، وفي المقابل الراجل ممكن يطلق لمجرد إنها بقيت مملة !
عارفين ليه؟ لأنه مش خايف من نظرة مجتمع عقيم وبيتصرف براحته !
ليه مش بتبصوا للست الخاينة زي الراجل الخاين؟ ليه مش بتعتبروا خيانة الست نزوة والراجل هو السبب مش مهتم بيها ومينفعش يطلقها عشان ولاده وميخربش بيته بإيده وبلا بلا بلا..
( أنا مش قصدي أبرر للست الخاينة أنا بقول ليه مش بتقولوا نفس المبررات الغبية دي في الحالتين؟ ).
ليه مش بتبصوا لغلطة البنت زي غلطة الولد وإن الشيطان واحد والعقاب يبقي واحد ف الحالتين على أي أساس تفرقوا وربنا نفسه مفرقش ؟؟
ليه خليتوا المُغتَصَبه تعتبر نفسها عار وفضيحة ووصلتوها إنها تقتل نفسها وتخسر دنيتها وأخرتها مع إنها الضحية !
ليه البنت تشيل حِمل سمعة عيلتها وشرفها والولد ماشي يعك ف بنات الناس عادي ؟
البنت هي سبب التحرش، سبب حالات الاغتصاب، سبب الزنا، سبب الحرب العالمية التالتة، وإنتوا وصل بيكوا الحال إنكوا تفسروا القرآن ع مزاجكوا وتعتبروها سبب خروج أدم من الجنة كمان!!
فسرتوا تقدم الزانية على الزاني في القرآن لأن السبب ف حالات الزنا هي البنت ومش فاهمه المنطق في كده وكلام مش مقنع نهائياً بالنسبالي ..
ليه دايماً معيشين البنت في رعب من كل حاجة ومكتِّفينها وبتحكموا على تصرفاتها وحاطين نفسكوا في وضع الحاكم والقاضي والجلاد، إنتوا مين إداكوا الصلاحية دي ؟
محدش حاسس باللي البنت بتعانيه ولا عمركوا هتحسوا، إحنا مش بنطلب نبقى زي الغرب على فكرة إحنا بنطلب عدل ربنا، وكلامي مش ضد الإسلام بالعكس إحنا عاوزين نتعامل عادي متخلوش البنت تخاف من رعب العنوسة أو الطلاق متخلوهاش تحس إنها عار على أهلها كفاية بقى وهم سي السيد اللي عايش فيكوا ده خليكوا ماشيين على الفرق بين الراجل والست المعروف متبقوش أغبيه !!

View more

27
Liked by: إيمان ال حداد ꪀꫀꫝꪖꪗꪖ Mohamed Ahmed Sarah.. rr.. ♣️أحمد طه✔️ Abdallah Meleha طارق خالد ÃHMËD YÃSSËR -بازم "المش مهندس"✌

_

( ذات الفستان الأزرق ) >> الجزء التاني :
عمر : إتخنقتي من إيه ؟ .. مش ده كان طلبك من الأول إني أجبلك فلوس عشان تعيشي وتتمتعي بيهم .. وأديني بحقق طلبك أهو.
منى : هو أنا عشان طلبت منك إنك تشتغل وتاخد بالك من شغلك كويس عشان تأمن لإبننا عيشه حلوة ولينا يبقي كده غلط عليا؟
عمر : أنا مقولتش إنه غلط .. بس عشان أأمن معيشة كويسة لإبني لازم أشتغل ليل نهار..
منى : وفين حقي أنا وإبني عندك؟
عمر : والله أنا كل يوم بقعد مع إبنك بتكلم معاه وبنقعد نذاكر ونلعب سوا .. لكن الدور والباقي عليكي كل ما أسال عنك أعرف إنك بتعملي شوبينج أو فـ الجيم أو قاعدة مع صحابك😒.
منى : يعني طلعتني أنا الغلطانة برضو!
عمر ( بأعلى صوته ) : إستغفر الله العظيم .. عايزة إيه يامنى!!!!!
منى : مش عايزة حاجة .. مش هتقوم تتغدا معانا..
عمر ( أغلق جهاز اللابتوب ) : أنا هقوم عشان خاطر ماجد بس🙄!
منى (بحزن) : ماشي ياعمر.
** وذهبوا إلى سفرة الطعام **
عمر : حبيب بابا بياكل كويس؟
ماجد : أه الحمدلله يا بابي☺️.
عمر : تاني بابي ياماجد! .. قولتلك تقول بابا عادي!
ماجد : أنا مش عارف اقول إيه .. ماما قالتلي أقولها مامي مش ماما.
منى : في إيه يا عمر؟
عمر : منى .. ماجد بكرة هيبقي راجل .. ومينفعش إنه يبقي متدلع أوي كده!
مني : وفيها إيه يعني أنا أدلعه .. ومالها الرجولة بأنه يقولنا مامي وبابي؟
عمر : آنا محبش ابني يقول كده فيها ايه أما يقول بابا وماما عادي .. ولا هو لازم فشخرة على الفاضي ... كفاية دلع بقي هتبوظيه مش عشان معرفتيش تجيبي غيره يبقي تخليه متدلع ومش راجل .. أنا مش هسمحلك بكده!
منى (بصدمه) : مش عارفة أجيب غيره ؟ .. بيتهيألي إن إنت عارف إن ده مش بأيدينا..
عمر (مسك يديها) : أنا آسف يا منى .. أنا عارف إن كل ده بأيدين ربنا وانا مقتنع وراضي الحمدلله .. معلش متزعليش مني .. بس انا حابب أربي إبني إنه يكون راجل من صغره وبيتهيألي إحنا اتكلمنا فــ الموضوع ده كتير..
مني (بحزن) : حاضر ياعمر😔.
** في منزل حورية **
حورية : حازم .. هتعوز حاجة من تحت؟
حازم (أخو حورية) : إيه نازلة راحة فين؟
حورية : هاخد العربية وآنزل أشتري شوية حاجات من المول اللي فــ وسط البلد.
حازم : طيب ماشي..
حورية : مقولتش برضو .. عايز حاجة ؟
حازم : عايز سلامتك .. انا هاخد شوية حاجات من أوضتي واروح على البيت عشان نور ( زوجة حازم ) متزعلش.
حورية (بحزن) : ده أنا إفتكرتك هتبات معايا النهارده😔.
حازم : معلش ياحورية إنتي عارفة إن نور متعرفش تبات من غيري.
حورية : ماأنت معاها على طول فيها إيه لما تسيبك ليا شوية😒.
حازم : حورية متزعليش عشان خاطري .. وبعدين كذا مرة قولتلك تعالي عيشي معانا هناك ونبيع البيت ده..
حورية : وآنا رديت عليك قبل كده كذا مرة وقولتلك أولاً إني مش هسيب البيت اللي إتربينا فيه ولا عمري هبيعه فــ حياتي، وثانياً أصلاً مراتك مش بتحب وجودي عندكوا فــ البيت وأنا مش هسمحلها إنها تدوس على كرامتي ولا تجرحني بكلمة .. ماأنا ليا بيت إيه الى يخليني أروح وأبهدل كرامتي!
حازم : إيه الكلام اللي بتقوليه ده يا حورية .. محدش يقدر يدوس ع كرامتك ولا يهينك طول ماأنا عايش .. مش عايز أسمع منك الكلام ده تاني!
حورية : حازم إنت عارف رأيي كويس فـــ الجوازة دي أصلاً وأنا مكنتش حابه إن كل الكلام ده يحصل بس خلاص بقى حصل..
حازم : أنا عارف .. بس إنتي كمان عارفة إني بحب نور جداً .. بس لما بتغلط أنا بوقفها عند حدها .. يلا عشان خاطري متزعليش من نور وحاولي تنسي شوية كلامها..
#
لينك الجزء الأول :
https://ask.fm/Abjrad_/answer/139894679464?utm_source=copy_link&utm_medium=iOS

View more

43
Liked by: ꪀꫀꫝꪖꪗꪖ Mohamed Ahmed rr.. ♣️أحمد طه✔️ N A .. S R -بازم "المش مهندس"✌ Ahmed Eid طارق خالد ÃHMËD YÃSSËR abdo_allam

_

( ذات الفستان الأزرق ) >> الجزء الأول :
يــوم جميــل وشمس مضيئـــة .. هــوا رائع .. فـ أكبر شارع فــ وسط المدينة .. واقفة بنوته ملامحها جميلة عندها 12 سنة .. واقفة قدام محل ملابس .. واقفة مركزة ع فســـتان جميــل لونه أزرق شكله رائع ومعمول من حرير .. واقفة سرحانة فـــ الفستان..
مي : شكلك تحـــفة يا مريم.
مريم (بأبتسامة) : بجد يا مي الفستان لايق عليا.
مي : جدااااااً هياكل منك حته أصلاً.
مريم : من زمان آآوي وأنا نفسي ألبس الفستان ده .. عاجبني آآوي يامي وإنتي عارفة إني بعـــشق اللون الأزرق أصلاً 😌.
مي : يلا ياستي أبسطي أهو أديكي لبستيه.
مريم : آنتي عارفة نفســـي آآوي ألبس فستـــان آزرق فــ فرحي.
مي (بنص عين) : نعم ياختي ! ,, هو إيه اللي تلبسي فستان أزرق فــ فرحك ده؟
مريم : ايه في ايه ؟ .. انا حابه كده .. الله 😐.
مي : إشمعنا بقي ان شاء الله؟
مريم : مش عارفة بس حابه إني أكون مختلفة عن كل الناس .. حابه إن يوم فرحي ده يكون يوم عالمي وآآكون لابسة لون غير الأبيض وواقفة مع حبيبي كده وأكون ماسكة .......... * مريم فضلت تتكلم كتيييير وهي سرحانه في خيالها لحد ما مي ضربتها على كتفها عشان تفوقها*،
مريم (بوجع) : آآآآآآه .. إيه يا مي في ايه بتضربيني ليه؟
مي : ايه انتى يا مريم .. بقالي ساعة عمالة انده عليكي وانتى مش بتردي!
مريم : مفيش كنت سرحانة شويه 😅.
مي : فــ الفستان برضو ؟
مريم : ممممممممم نفسي ألبسه آآآوي يا مي.
مي : يابنتي احنا لسه صغيرين .. عندنا 12 سنة لس.
مريم : معنديش مشكلة ... انا بحوش فلوس لحد ما آآكبر وأشتريه.
مي : بس ده شكله غالي آآوي.
مريم : عادي .. هشتريه.
مي : طب قوليلي كنتي بتفكري فــ إيه المره دي.
مريم : ها ... هبقي اقولك بعدين..
مي : طيب .. ممكن يلا بقي عشان الراجل ميجيش يزعقلنا .. الإشاره بقالها ساعة مقفولة والعربيات واقفة .. يلا هاتي علب المناديل عشان توزعيها ع العربيات لحد ماأروح أبيع الفل اللي فــ إيدي ده..
مريم (بحزن) : حاضر .. يارب نخلص بسرعة بقى عشان آآروح آطمن على ماما وأقعد أرغي معاكي.
مي : ماشي.
**وفــي مكان تاني**
منى ( أم ماجد ) : ماجد يلا ياحبيبي تعالى عشان تتغدا.
ماجد : أيوه ياماما..
منى : ماما ؟ .. ايه ياحبيبي مش إحنا متفقين تقولي يا مامي .. إنت من عيلة كبيرة جداً فــ البلد ولازم يكون كلامك شيك كده.
ماجد : بس بابا قالي اقولك ياماما عادي.
منى : اووووووف بقي .. ولد إسمع الكلام😡.
ماجد : حاضر يامامي.
منى (باسته ع خده) : يحضرلك الخير ياحبيب مامي.
**قامت مني وسابت ماجد يكمل أكله ودخلت لـ ( عُمر ) أبو ماجد**
منى : إنت هتفضل طول اليوم قاعد على اللاب توب ده؟
عمر : عايزة إيه يا منى؟
منى : هو إيه اللي عايزة ايه .. إنت طول الليل والنهار قاعد على البتاع ده .. أنا إتخنقت😒.
عمر : إتخنقتي من إيه ؟ .. مش ده كان طلبك من الأول إني أجبلك ...
-
-
قولوا رأيكم ولو عجبتكم هنزل الجزء التاني❤️
#
لينك الشخصيات:
https://ask.fm/Abjrad_/answer/139794795176?utm_source=copy_link&utm_medium=iOS .

View more

46
Liked by: ꪀꫀꫝꪖꪗꪖ Mohamed Ahmed rr.. ♣️أحمد طه✔️ عُلا N A .. S R Ahmed Eid طارق خالد ÃHMËD YÃSSËR -بازم "المش مهندس"✌

_

( ذات الفستان الأزرق )
الشخصيات :
مـــريــم : بطلة قصتنا .. بنوته طيبة وعلىٰ نياتها .. عاطفية جداً ومندفعة .. روحها جميلة ورقيقة .. عايشة فــ حارة شعبية وصغيرة وإتربت فــ بيت فقير.
جميلة : أخت مريم الصغيرة .. بنوته زي العسل بس إتولدت وهي مش بتتكلم.
ماجد : ولد مؤدب .. مش حلو أوي .. من عيلة غنية جداً ومشهورة فــ البلد .. ملوش أخوات ومتدلع علىٰ الأخر.
غاده : أم مريم وجميلة .. ست طيبة جداً وشقيانة .. تعبت أكتر بعد وفاة جوزها.
حورية : ســت جميلة .. متوسطة العمر .. متجوزتش أبداً فــ حياتها عندها آخ واحد إسمه * حازم *.
مي : بنوته عسولة قـــد مريم بالظبط وصاحبتها من أول ما إتولدوا.
[ وبقـــية الأشخــاص هنعـــرفهم فــ القصه ]^^
47
Liked by: ꪀꫀꫝꪖꪗꪖ Mohamed Ahmed rr.. °♡مَرْيَمٍيةة♡° ♣️أحمد طه✔️ -بازم "المش مهندس"✌ Abdallah Meleha Ahmed Eid طارق خالد ÃHMËD YÃSSËR

حدثوني عن الله بآيه💜

abdo_allam’s Profile Photoabdo_allam
( اللّهُ لاَ إِلَـهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ ).💜
24
Liked by: Mohamed Ahmed rr.. ♣️أحمد طه✔️ Abdallah Meleha Ahmed Eid ÃHMËD YÃSSËR Z A R A ~ Aya Abbas نُوور رِڤيليا.

يعني اي حبب .. ‼ واي الحب ف نظرك ..‼ وصح اننا نحب ولا لا ..‼ مش سؤال واححد معلش 😊💔

- عارفه إنتي الحب اللى بتخافي تنظري نظرة عينك تيجى في عينه ويفتتن بيكى وحبك يملا قلبه أكتر من غير رباط شرعي؟
- عارفه الحب اللي في كل صلاه تدعيله بكل خير، وتقولي يارب لو كان صالح إجعله زوجاً لي!
- عارفه الحب اللى كل لما تفتكريه ويمر طيفه قدامك تقولي يارب إجعله من نصيبي..
- عارفه الحب اللي لما تكونوا موجودين في مكان وإنتي تبعدي بكل ماأوتيتي من قوه تحمُّل علشان خايفه على قلبه وعلى ميزان سيئاته للكفه ترجح بسببك وتكوني سبب دخوله النار؟
أهو هو دا بقى الحب اللي بيتسمى حُب بجد،
علشان مفيش حد بيحب حد هيتمنى يضره ومفيش حد بيحب حد هيكسبه سيئات هتبقي خايفه عليه من نار الآخره مش هتروحي تكلميه، مش هتقابليه، مش هتغريه، مش هتخليه يعصي ربنا فيكي، بالعكس الحُب ده هيقربك من ربنا أكتر هيخليكي تخافي ربنا فيه وتحافظي على صلاتك وتقرآي قرآن ولسانك مش هيبطل دعا عارفه ليه؟
علشان هتبقي خايفه تعصي ربنا فيه يحرمك منه، ماهو مش هتكوني بتغضبي ربنا وماشيه معاه في الحرام وبعدين تستني ربنا يجمعكوا في الحلال!
وخليكي متأكده مفيش واحد هيمشي معاكي قبل الحلال إلا وبيصحك عليكي فعلاً عشان لو بيحبك هيبقى خايف عليكي من نفسه وخايف على سمعتك تبوظ بسببه.
صح إنك تحبي، الحب مش حرام، بس الحرام إنك تستغلي الحب في الحاجات الغلط، حبي من بعيد لبعيد إدعي ربنا يرزقك بيه وربنا طالما شايفك سايبه حاجه بتحبيها عشان خايفه غضبه هيخليه من نصيبك بإذن الله،
زي ماقال سبحانه وتعالى في الحديث القدسي *تشاء ياعبدي وأشاء، فإذا رضيت بما أشاء، أعطيتك ماتشاءء*
وزي ماقال الرسول عليه الصلاة والسلام ( من ترك شيئاً لله عوضه الله خيراً منه).

View more

44
Liked by: rr.. ♣️أحمد طه✔️ -بازم "المش مهندس"✌ Ahmed Eid ÃHMËD YÃSSËR Sarah.. Soso☆ عُلا abdo_allam " بسنتا حجازي "

اصعب حاجه الاختيااااار في موضوع الجوااااااز ولا ايه رايكواااا عااااوز النصيحه 😢

وإنت بتدور على عروسه خلي بالك، بعض الأخطاء اللي الشباب بيوقعوا فيها:
*الاختيار بناءً على الأهل*
يقول محمد إسماعيل: «محدش يقدر ينكر إن الأهل ليهم دور مهم، بس في الاختيار لازم الدور الأول والأخير يبقى على العريس؛ لإن دي حياته هو، ومش معنى إن أهله شايفين إن البني آدمة دي محترمة وبنت ناس إنه يتجوزها، لازم يكون مقتنع بكل شىء فيها ببساطة لإنها ممكن تكون وهمية بالنسبة لأهله ومفيهاش أي حاجة تعجبه هو».
ويتابع «يا ريت يحط في باله قبل ما يبدأ الخطوة دي إنه هو اللي هيتجوز ويعاشر مش أهله؛ علشان كده لازم يختار بناءً على نفسه مش أهله».
*التركيز مع الشكل*
أما حسن عصام فقال: «مفيش أسوأ من تركيز الولد مع الشكل وهو بيدور على عروسة؛ لإنه لو حاطط في باله إنها لازم تكون جميلة وبيضاء.. إلخ، مش هيعرف يشوف سلبياتها، وجمالها هيخليه مشدود للشكل وبس وناسي الجوهر وأي حاجة تانية».
غير كده هي ممكن كمان تستغل نقطة ضعفه دي وتعمل تصرفات مينفعش إنه يقبلها تمامًا، وفي النهاية حتى لو اتجوزوا وقعدوا فترة، حياته هتبقى قلق وتوتر؛ لإن الست الجميلة فعلًا مرهقة.
*تحقيق المتعة الجنسية*
محمد عادل كان ليه رأي مختلف: «طول ما الراجل حاطط في دماغه المتعة الجنسية وبس كوسيلة للجواز، ده هيعمله مشاكل كتير مع مراته في المستقبل؛ لإنها هتحس إنها مجرد وسيلة بيفرغ فيها شهوته ودي آخرتها الطلاق أو الخيانة أكيد».
ولو محصلش طلاق فدائمًا هيكون فيه خناق لإنها مش شايفة منه أي حب أو احتواء، فبالتالي هتحاول تعبر عن المشاكل دي بالزعيق والخناق.
*مستوى تعليمي أقل*
أحمد ياسر حذر: «للأسف في ناس كتير حواليا بقت بتركز وهي بتدور على عروسة إنها تكون مستوى تعليمي أقل بالرغم أنه بيكون مستوى عالي في التعليم، ولما جيت سألت واحد فيهم عن السبب قالي أنه هيعرف يسيطر عليها أكثر».
ده غير إحساسه بإنه الأقوى وهو معاها، المشكلة إن ده تفكير عدد كبير من الشباب دلوقتي بالرغم إن ده أول ما هيأثر هيأثر على ولاده اللي مش هتعرف تعلمهم.
*المركز الاجتماعي*
وائل ممدوح كان شايف: «طبعًا المركز الاجتماعي شىء مهم بس يا ترى إنت لما بتختار تتجوز المركز هو اللي بيكمل معاك حياته ولا البنت اللي ممكن يكون الناس بتستحملها علشان مركزها وبس لإنها في الحقيقة شخصية مغرورة».
ويضيف «للأسف النقطة دي بهتم بيها شباب كتير وبينسوا حاجات تانية بتخلي الجواز حتى لو كمل يبقى ميت وهو حي زي أخلاقها زي ثقافتها زي أسلوبها، وتلاقيه بعد الجواز يقول أنا غلطان».
*التعميم*
علاء محمود يقول: «شباب كتير بتبقى مش واخدة بالها إن عندها مشكلة وبتطبقها على نفسها وعلى اللي حواليهم زي بالظبط نظرية التعميم اللي بتخلي الولد شايف البنات كلها مثلًا واحد أو إنهم ميستاهلوش الحب».
ويضيف «يعني مثلًا كان في حد أعرفه مرتبط بواحدة وانفصلوا بسبب مشاكل مادية لإنها رفضت تستناه وده خلاه يقرر إنه يوقف الحب ويتجوز أي واحدة بتحبه وده حصل، بس بعد كده لقى نفسه تايه وبيظلمها معاه فانفصل بعد 4 شهور».

View more

37
Liked by: rr.. ♣️أحمد طه✔️ -بازم "المش مهندس"✌ Abdallah Meleha Ahmed Eid ÃHMËD YÃSSËR Sarah.. عُلا لـينا محمد IbrAhiM ElnEmr.."ابـو مارسكـا"

_

-إلبسى بنطلون ضيق قوي، لِفى عالمحلات محلّ محلّ، جربي البنطلون دا، ودا، ودا ... وِاصحابك يقولولك لا بلاش ده،
مش حلوة فيه،
وافضلي غيري وغيري لغاية ماتلاقى أحسن بنطلون يبيّنك بأكتر منظر مثير ... دَوّرى على أكتر بَادي ضيق ... روحى البيت وشوفى الطقم دَا ممكن يكون عايز يضيَقّ شوية !!!
أُقفى قدّام المراية كدا وأتأكدي إن كلّ سنتيمتر فى جسمك ظاهر قوى !!!
وإنتي نازله رشي بارفان فواح أوي، إنزلي ... هتلاقى عيون الناس بتاكلك أكل، هتلاقى نفسك من جواكى بتقلك: قدّ إيه إنتي أمّورة وحِلوَة، لحستي دماغ الناس كلها :).
-هتلاقى صحابك بيقلولك wow دا إنتي مفيش منك اتنين؛ مجننة الشباب يابنتي !!!
بُصي بيبصُّوا عليكي إزاي، إفرحي أوي،
إنتي لميتي النهَارده أقل واجب > 5000 نظرة، وفــ يومين: 10000
وكل امَّا تلفى فى الشوارع أكتر > تلمِّي أكتر وَاكْتر!!!
وتفتني شباب أكتر وأكتر، *اللي عايز يتوب و مش قادر، واللي بعد مايشوفك شهوته هتزيد ويلجأ للعادة الخبيثة أو يلجأ للزنا وكله في ميزانك*، أيام ورا أيام .. وشهور بَعْد شهور .. وسَنَة ورَا سَنَة .. العمر كله راح فرجة على جسمك مِن عُيُونِ الناس !!! جمعتى أكبر رَقَم ذنوب × التاريخ !!!
كنتى أستاذه قوي × إغْرَاءِ الشَّبَاب.
إنتي كُنتي فوق الوصف !!!
عملتى أضخم عدد مِن الذنوب فى تاريخ البنات :)
وفوق دة كله أصبحتِ من الكاسيات العاريات اللي أخبرنا عنهم النبي صلى الله عليه وسلم وقال ( لا يدخلن الجنة ولا يجدن ريحها ).
فرحانة كدة ؟!!! ياحفيدة عائشة وفاطمة وخديجة ؟!!!
''

View more

64
Liked by: rr.. ♣️أحمد طه✔️ Abdallah Meleha Ahmed Eid ÃHMËD YÃSSËR Sarah.. EN AS عُلا abdo_allam اشعار . . ~

_

كان في واحده شكلها محترم وكانت راكبه عربيه المهم في سواق تاكسي إتراخم عليها وهي معرفتش تتصرف ف خبطت العربيه في التاكس، ونزلت من العربيه بتعيط وسواق التاكس عمال يزعقلها وهي مش عارفه تتصرف ولا ترد عليه المهم لاقيتها بتتكلم في الفون وأقل من 10 دقايق كان جوزها جالها
واللي حصل كان كالآتي ..
جوزها وصل وقبل ما يتكلم في أي حاجه ولا حتي يشوف العربيه حصلها إيه باس دماغها وقالها متخافيش أنا معاكي أهو
*كل الناس كانت واقفه مذهوله إزاي مزعقلهاش ولا حسسها إنها غلطانه*،
المهم السواق كان لسه واقف بيزعق قدامها، ف جوزها قاله: ملكش دعوه بيها كلامك معايا أنا، وقام واخد السواق بعيد وخلص الحوار كله وكلم ونش يشيل العربيه وأخد مراته في إيده ومسك إيديها جامد وقالها: مش قولتلك متخافيش وضحكلها، خلاها تضحك عشان هي كانت بتعيط وخدها وركب عربيته!
-حد متخيل كده الموقف ده وإزاي الراجل ده مش هامه أي حاجه تانيه غير إنه يرضي مراته وميخلهاش تعيط ويحسسها إنه دايماً جنبها مش اللي يزعق ويهين مراته قدام ناس متستاهلش أو اللي يتخلي عن مراته لمجرد إنها مريضه!
''

View more

50
Liked by: rr.. ♣️أحمد طه✔️ عُلا Abdallah Meleha Nader Saad (مستشفي الحظ).! Ahmed Eid ÃHMËD YÃSSËR Gevara. Sarah.. abdo_allam

_

"خُدها قاعدة، أي واحد جاب فراشة من الجنينة وحطها في البرطمان، ثم فكر إنه بيحافظ عليها، ذنبه فيها
دمها الألوان هيفضل شئ يطارده أصل برضو مش طريقة عشان يصونها، هو ممكن عجبه لونها قال يجيبها تموت قصاده بالبطئ، وأما ماتت هو عيط والجميع حسوه برئ .."
#عمرو_حسن
'
39
Liked by: rr.. ♣️أحمد طه✔️ عُلا Abdallah Meleha Ahmed Eid ÃHMËD YÃSSËR Gevara. Sarah.. لـينا محمد IbrAhiM ElnEmr.."ابـو مارسكـا"

_

-الشخص الذي كنت واقع بحبه وأنت بعمر السابعة عشر، لن يهمك أمره عندما تصبح في الخامسة والعشرين.
-الإمتحان الذي فشلت به بالسنة الأولى لن يهمك عندما تكون بأخر سنة وعلى وشك التخرج.
-المشاكل التي تواجهك اليوم قد تبدو لك كنهاية العالم، لكن تأكد بأنها لن تهمك أو تحدث فرق بعد سنة من الأن.
*ستكون على ما يرام*.
'`
48
Liked by: rr.. ♣️أحمد طه✔️ عُلا Abdallah Meleha Ahmed Eid ÃHMËD YÃSSËR رِڤيليا. abdo_allam لـينا محمد IbrAhiM ElnEmr.."ابـو مارسكـا"

Language: English

4.1

1,266,418 reviews
© Ask.fm 2024