لا وحصلت معايا كذا مره وناس اعرف عنهم بلاوي محدش يعرفها غيري وبرضو متكلمتش ولا قولت اي حاجه 😄
لو انتي بتشتغلي وتقدمتي في الشغل وخد من وقتك كتير و جيتي في مرحله ما لقيتي ان بيتك بقي مهمل جدا ولازم تاخدي قرار تكملي فشغلك او تهملي ف بيتك و اولادك هتعملي ايه ؟
ههتم ببيتي واولادي اهم من اي حاجه تانيه..انا اكيد مش هاخد قرار اني اتجوز واكون اسره الا لما احس اني شخص قادر يشيل مسؤوليه ويهتم بقرارات مهم خاصه بحياته واسرته
احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟
بصي متعلقيش نفس بحاجه انتي مش ضمناها ومعندكيش امل فيها اللي بتحبيه دا لو هو بيحبك كان زمانه جالك البيت قدام اهلك غير كدا صدقيني مفيش حاجه مضمونه استخيري ربني ف العريس اللي جايلك واقعدي اتكلمي معاه لو ارتاحتي له توكلي ع الله لو مرتحتيش كل شئ نصيب 🤍واعتقد الايام دي مبقاش في حد بيتغصب ع الجواز يعني لو حبيتي ترفضي هترفضي بسهوله عادي 🤝