@Advice_0_ME

صديق القطر

&&&ممكن حضرتك تجاوب هنا

خلينا نفكر واحدة واحدة وبلاش ننط مرة واحدة لفكرة اتجوزه ولا لأ :D
بالنسبة لخطيبته السابقة ... وع حسب كلامه انه فعلا نسي حبه ليها
وهنا بأكد انه يكون نسي الحب نفسه لان فكرة انه ينسي الحالة او المشاعر القديمة دي بتبقي صعبة يعني زي ما بيقولوا بتبقي ليها رواسب برده جواه مبيقدرش ينساهاه غير لما يخوض تجربة جديدة
وع حسب كلامه برده هو واضح مش لسة متذكر حبه للشخصية نفسها لانه لما قالك هو كان بيحب يشوفها وبتوحشه وبيحب مثلا كلامها واهتمامهم ببعض وهكذا فده اشتياق فعلا للحالة نفسها مش للشخصية
والا لو كان متعلق بالشخص نفسه كان قال مثلا حبيت فيها نجاحها طموحها او عقلها وهكذا
فخلينا نحيد فكرة انه ممكن يكون لسة بيحن ليها كشخص وصعب يحب غيرها يعني
الموضوع ع فكرة مش سهل
وصعوبته بتيجي من خوفي ليكون ده مش حب
بمعني ان حب حقيقي بيبقي بين طرفين فيه تعامل وتواصل ما بينهم .. علاقة فيها عطاء ما بين الطرفين وقناعات وصعوبات بتواجهنا ومشاكل بنحلها مع بعض ونعرف منها مدي حبنا للطرف الاخر
انا مش باتفه من احساسك بس اللي ممكن يتقال علي حالتك وهو شعور مشهور للاسف عند كتير من البنات هو احساس بالافتتان او بالانجذاب العاطفي او التعلق بشخص معروف او قريب مفيش تواصل ما بينك وبينه مجرد سماع او مشاهدة ليه فبنحب الصفات اللي ظاهرالنا منه وخلاص وبنحب اسلوبه ف الكلام او سمعته الطيبة او نجاحه
يعني حب سببي لبعض الصفات فيه مش حب للشخص نفسه
وف الاغلب ده بيكون سبب حبنا لحالة الحب والشوق فبنعجب باي شخص ناجح وجميل بيقابلنا
واللي هايوضح ماهية ومدي صدق المشاعر دي تجاه بالمعيد بتاعك هو لما ممكن ينتهي او يقل كتير لو حصل مثلا والمعيد ده السنة الجاية اتنقل او مبقاش يدرسلك او لما تبدأي تلفتي نظرك لشخص اخر وتحبي شخص فعلي فيه بينك وبينه تواصل وتعامل فتنشأ ما بينك وبينه علاقة عاطفية فرسمية
وصعوبته بتيجي برده من كونك بنت بتحبي شاب وهو مش حاسس بمشاعرك او مش عارفة ان كان حاسس بيكي ولا لأ وده بيحطك للاسف ف موقف لا تحسدي عليه بسبب ان البنت ف مجتمعنا (تبعا لقيمه واعرافه) صعب تكون هي المبادرة سواء بالمصارحة او انها تحاول تلفت نظره او حتي تحاول تستنبط او تعرف مشاعره ناحيته
والصعوبة التالتة انه مش جار او قريب مثلا ففيه اطراف (افراد يعني) مشتركة ما بينكم ممكن تخليني اتجرأ وانصحك تخلي حد من الاطراف المشتركة دي يلفت نظره ليكي
وانا معتقدش ان ممكن اقولك او انصحك انك تحاولي تلفتي نظره حتي ولا تستني مني ان اقولك كدا
والغريب ف الموضوع ان ده مأثر ع دراستك ومش عارف ليه ؟
هو التفكير فيه للدرجاي مؤلم مثلا ويضيع وقتك ولا المفروض انه احساس جميل ممكن يشجعك اكتر ان لو الامر كمل للنهاية وحس بيكي ممكن يتقدم وان طالما كدا المفروض عليكي تخلصي الكلية بسرعة عشان تبقي مستعدة للارتباط الرسمي
انتي مش ف ايدك حاجة تعمليها ولو جبتلك مشاكل كتير سابقة عن بنات ف مثل حالتك هاتبقي كتير للاسف ومن كترتها مفيش حد بيقدر يحدد المشاعر دي صادقة فعلا ولا مجرد بسبب الفراغ العاطفي وانها برده ف الغالب بتنتهي ف وقت من الاوقات وبتنتهي الاحاسيس دي
وفيها اللي البنت فيها اتجرأت واعترفت وبعد كدا خسرت ... وف بعض الحالات كسبت بس لما يكون الطرف الاخر فاهم وواعي ومحترم
-----------
A.M
+4 answers Read more
❤️ Likes
show all
Advice_0_ME’s Profile Photo

Latest answers from صديق القطر

روحت عملت انترفيو في شركه كان شكلها حلو وصغيره والمكان كويس وفضلت ادعي يكلموني .. وفعلا كلموني وقالتو تدريب شهرين وبعدين هنمضي عقد بس المرتب كان صغير ولكن كمحاسب حديث التخرج قولت عادي ناخد خبره .. قولت لكذا حد اخد رايه واختلفت الاراء وبقيت مشتته ومش عارفه اعمل ايه والمفروض اخر الشهر امضي العقد

المرتب الصغير ده كان ع الشهرين ولا ده مرتبك الأساسي بعد التعيين وكتابة العقد ؟

أقوى واحد في العالم هو اللي بيعرف يرجع يذاكر تاني بعد اجازة العيد

*يصحي بدري عشان الشغل

لو مثلا بتكلم سريع واوقات مخارج الحروف بتطلع غلط وبقول كلام ملغبط بس عادي يعني الكلام يتفهم وحد من صحابي بيتريق دايما عليا ارد عليها ب اي اخليها متتريقش عليا تاني؟

" يا بنتي اكبري بقي وبطلي شغل التريقة العيالي ده "
" انتي عقلك صغير اوي وبتعقلي علي حاجات تافهة "
بس قبل الكلام ده لو فيه ما بينكم صلة قوية واصحاب فعلا حاولي تاخديها ع جنب وتفهميها ان التريقة دي بتضايقك جدا لان احيانا هم بيعتبروا هزار مقبول
وتاني خطوة برده انك تتجاهليها ... مش تتجنبيها لا .. بمعني هي موجودة ف نفس المكان اللي انتي فيها تمام عادي لكن وكأنك مش شايفاها ولا سمعاها

حد يعرف لو عايزه ابدأ ميديكال ريب ابدأ ازاي؟!!!

اللي يعرف

يا ترى ايه شعور الانسان وهو حاسس انه ف مكانه المناسب؟

nwaged’s Profile Photoنور ♡
اكونت صديق القطر .. هو مساحة لطرح اي سؤال ييطرح قضية أو موضوع عام ..
الى جانب ده سيبقى الأكونت هو ايضا مساحة شخصية فيقدر يسمعك ويتناقش معاك في اي امر شخصي ويوصل معاك لاصلح الحلول ... ومن غير ماتكشف عن نفسك

مساحة ✍🏻

اكونت صديق القطر .. هو مساحة لطرح اي سؤال ييطرح قضية أو موضوع عام ..
الى جانب ده سيبقى الأكونت هو ايضا مساحة شخصية فيقدر يسمعك ويتناقش معاك في اي امر شخصي ويوصل معاك لاصلح الحلول ... ومن غير ماتكشف عن نفسك

Language: English