انا بنت 18 سنه اولى زراعه وبشنغل ف صيدليه كنت بتدرب فيها.حاسه ان كل اللى ف الصيدلة اعلى منى بحكم خبرتهم.وحاساهم مش طايقنى بينهم بسبب انى كل شويه بسال ع مكان دوا وكمان حاساهم بيتريقو عليا مع انى عاديه جدااا واقل م العاديه وكمان ف بيتى ماما من كتر ماكانت بتقولى ع كل حاجة غلط بقيت مش بثق ف اللى بعمله.
والله بصي نصيحة من واحد مشافش كتير اوي يعني بس اعملي الحاجة اللي بتحبيها واللي شايفة نفسك فيها وفوكك من اي حد يبصلك بصة تريقة أو اي حاجة وخليها ك دافع ليكي وربنا يكرمك انتي وامثالك ❤
ماحدش اتولد بيعرف كل حاجة و اللي حاسة انهم مش طايقينك كانوا مكانك في يوم من الايام وانتي مع الوقت هتتعلمي و يبقى عندك خبرة بس ما تعمليش زيهم ساعتها ^_^ و مامتك لما بتقولك على حاجة غلط دا عشان عايزاكي تبقي صح و مش عشان غلطاتك كتير دا يهز ثقتك في نفسك المهم انك تتعلمي منه الصح وماتعمليش الغلط دا تاني
ثقى ف قدراتك وأعملى اللى عليكى واجتهدى وربنا هايعينك ،ومتحطيش كلام الناس ف بالك
ماهو لازم نشوف حل للموضوع دا مش هينفع كدا يبشمهندسه....
كبري دماغك ولا تحطيهم ف دماغك طظ فيهم كمان خليكي واثقة ف نفسك جدا واتعلمي لحد ما تقدري وتتمكني وربنا يقويكي ومتفسريش كل موقف ع انة عدم تقدير او ثقة وعيشي يومك
This really sad you can talk to me whenever you want .. i may help you :(
اولا انتى لسه صغيره يعنى لازم تسالى وتتعلمى مش هتعرفى ع طول اسالى ومتتكسفيش حبك انك تتعلمى مش هيقلل منك بالعكس ثانيا متقلليش من نفسك خلى عند ثقه شويه اغلطى واتعلمى واوعى تتكسفى من غلطك محدش بيتولد عارف كل حاجه
من الطبيعي ات الانسان في مكان مايعرفهوش يسال ودي مافيهاش احراج هتاخدي فتره ع ماتعرفي مكان الادويه واستعمالاتها اي حد ف مكانك بيكون كده مش انتي بس خالي عندك ثقه في نفسك اكتر من كده واتعاملي مع الموضوع عادي لحد كاتتعودي وتعرفي الامكان
طيب ما انا اصغر واحد ف الشغل ال انا فيه عادي جدا و البيتريق ع اي حد دا بيكون عنده نقص والله مش اكتر و سيبك منهم و ان شاء الله هتكوني احسن منهم ☺️☺️☺️☺️
وبعدين يعني؟
طالما واثقه ف نفسك متفكريش ف كلام حد وحاولي تحفظي اماكن الحاجات اكتر عشان تقدري تثبتي ليهم انك احسن منهم بس كدا
