Ask @AhmedSamyRadwan:

هل يعقل أن يكره الانسان مدينه كامله لان قلبه كُسر في احد اآحيائهاآ ..؟

في بيت لأحمد شوقي بقاله يومين على بالي ملهوش علاقة بالسؤال بس إيت إيز ريليتد للموضوع إِن جِنِرال، بس أنا عايز أقوله وخلاص..
ألا ليت البلاد لها قلوب .. كما للناس تنفطر التياعا.

View more

مبادئك في الحياه

مش هقول مبادئ عشان المبادئ المفروض ثابته مش بتتغير، لكن اللي إكتشفته في أخر كام سنة إني نظرتي للحياة بتختلف من وقت للتاني ومن موقف للتاني ومن تجربة لأخرى.
فسيبني أتكلم عن نظرتي للحياة -في الوقت الحالي-
• بطّلت أدور عن السعادة ومبقيتش غاية عندي ، و مش هدّعي المثالية و أقول إن المهم عندي القيم سواء كانت في تعاستي أو سعادتي، لأني أكيد عايز أبقى مبسوط، بس بقيت أحاول أمشي في طريق كويس مش شايف نهايته من هنا أصلًا إذا كانت سعيدة ولا لأ بس أملى في ربنا كبير يعني. الله المستعان..
• بحاول أتجنب القرب المؤذي من أي شخص حتى لو بحبه-ودي حاجة صعبة بالمناسبة- ، برضه مش مثالية ولا نيلة بس لسببين: أولهم إني مش قادر ومش هستحمل خذلان وإنتظار حاجات مبتجيش، وثانيًا الغلبان التاني ملوش ذنب يطوله حزني ولا يشوف مني بأي شكل نوع من الخذلان..
• بحاول أتقبل الحقيقة اللي مفيش مفر منها إن مفيش حاجة بتدوم إطلاقًا لا أشخاص ولا أحاسيس ولا أي حاجة واللي ذكرت كمان في الحديث القدسي اللي بقالي أكتر من سنة ونص مش شايف أصعب منه على قلبي اللي ربنا سبحانه وتعالى بيقول فيه لسيدنا محمد -صلى الله عليه وسلم- " يا مُحمد أحبب من شئت فإنك مفارقه..." إلى أخر الحديث.
•بحاول مكونش مصدر أذى لأي حد قريب مني أو بعيد، نفسي أطلع من الدنيا خفيف اللي ليا عند الناس أكتر من اللي عليا مسامح مش مُشاحن..
• أخيرًا - وده طبعا بالنسبة اللي جه في بالي دلوقتي بس يعني- أتمنى من الله أكون سبب في نفع بني أدم واحد على الأقل فيتحسن دينيًا و نفسيًا أو علميًا و أكون مصدر طاقة للي حواليا أرفعهم لفوق منزلهمش وأسيب أي بصمة في الحياة تضيف لها شئ مفيد ومتزودهاش زحمة بالأشياء السيئة اللي مبقاش في أكتر منها في زماننا..
أتمنى وانت بتشوف الكلام ده تكون أخدت بالك من كلمة "بحاول" ، وأتمنى برضه الكلام ده ميوصلكش بإني بني أدم تعيس، بالعكس أنا راضي جدًا والله. فياريت تشيل الفكرة اللي كوّنتها عني بسبب الكلام ده.. بإني شخص طيب وعطوف لأننا كلنا عايزين الولعة أو شخص يستحق الشفقة لأننا كلنا ضعفاء يا صديقي أنا وإنت، وكلنا فينا اللي مكفينا..
وأحب أفسر النقطتين اللي في أخر الكلام بمقولة د.هبة رؤوف:
"‏- لماذا تضعين نقطتين دائمًا بعد كل جملة تكتبينها ؟
- لأن ما نشعر به لم نكتبه بعد "..

View more

أيه اصعب احساس حسيته فى حياتك؟

عديت بحاجات صعبة زي كل الناس ، ممكن في كل المواقف اللي كنت شايفها صعبة كنت حاسس إنها الأصعب، بس بإستطاعة الحياة إبهارنا كالعادة بإن اللي عدى كان سهل ، سهل جدا، مقارنة بالصعب اللي بيجي بعده، وهكذا :)

View more

What useless talent do you have?

ياااه عِد معايا يا سيدي. الغناءفي الحضانة :D ، والاشتراك في الكورسات الاونلاين ثم الهروب فور بدء الدراسة، فضلاً عن شراء عصير القصب في كيس بلاستيك والقاء الكيس في سلة محل عصير قصب آخر، التمشّي بلا هدف، بعرف ألحق أخر شوية في وش القهوة بعد فورانها و سقوط نص الوش على البوتجاز، ومتخلنيش أحكيلك عن مهارات وضع الخطط في Tasks على الموبايل وعدم تنفيذها وال most serious one بقى التفكير في ما يجلب الحزن في لحظات الفرح.
واللي هقولهولك عشان إنت عزيز عليا بس ياعم ask إني بجاوب على الأسئلة وبمسحها بسرعة، وممكن أكتب بوستات وأمسحها أصل كلام في سرك يعني أنا متردد ومبعرفش أخد قرارت.
ده طبعاً غير مواهب كتير يصعب ذكرها لضيق المقام وتراجع قدرات الذاكرة عندي مؤخراً يعني.

View more