الي جايب ٩٠٪ او ٩١ يقدر يدخلها ولا مجموعها عالي ؟
هى السلاب تنسيقها عالى ، و كان بقالها كام سنة الأول فى التنسيق بعد الهندسة الحكومى على سنتى الهندسة كانت واخدة لحد 94 و السلاب كانت 92 و ساعات كانت بتوصل ل 90 فى السنين اللى بعدنا ، بتبقى حسب مستوى التنسيق و لكن إن شاء الله يلحق
بحب أكلم الناس ( أشرح أو أبسط حاجة ) بحب الكمبيوتر و الموبايل و الأجهزة بوجه عام و بحب أتعلمها بحب جدا بعض العزلة مع التفكير و التأمل و بحب التخطيط و التنظيم جدا
ان تلمس نفس الماء مرتين
حاسسها جملة عميقة بس مش فاهمك برده 🤔
معلش ممكن اعرف هم ال٥ سنين دول فيها سنه تحضير و كده زي باقي الكليات ؟
أول سنة هى "إعدادى هندسة" بتدرس فيها مواد من أقسام هندسة المختلفة و من تانى سنة بتختار قسم و تتخصص
أنا كنت عاوز أخش إتصالات إتصالات كدراسة عندهم الفيزياء و الرياضة مكثفة شوية و معندهمش رسم تقريبا ، ليهم علاقة بالدواير الكهربية و تكوينها و كذلك شغل البرمجة ، يعنى شوية كده من كلية حاسبات و شوية من قسم كهرباء فى هندسة و اتصالات نفسها جواها أقسام
هو عمارة و مدنى مش على وفاق بس هحاول أكون منصف عمارة متخصص فى التصميم بمعنى كمهندس عمارة هجيبلك حتة أرض فاضية و إنت تقسمها لى أو تقسم لى بيتى على حسب مساحته و عمارة متخصص برسم اللوح و التصميمات بس الحق يتقال لو مهندس مدنى شاطر شوية ممكن يقوم بالليلة كلها لأن الرسم الهندسى دلوقتى ببرامج مش يدوى و كذلك اللوح كده كده المدنى له دور فيها و ممكن يعدل فى شغل بتاع العمارة
صلاة النبى 😲 أنا فاكرك كلية هندسة و عارف إنى كنت فى السلاب بص ، كل حاجة فى حياتك تقريبا تبع قسم مدنى ، قسم مدنى قسم الإنشاءات إبتداء بالبيوت و المبانى بوجه عام مرورا بالطرق و الكبارى و حتى السكة الحديد و شبكات الرى و الصرف و إدارة المشروعات