عندي مذاكرة كتيييرة جدا انا ف تالتة حقوق ومليش نفس خااااالص ابص فالكتب وامتحاناتي قربت اعمل ايه😧😧
مش عارف والله ظروف كليتك ايه او نظام المواد اللي عندكوا. انا هقولك علي اللي شفته من مواد القانون اللي كنا بناخدها. طبعا عارف ان موادكوا تقيلة وكلها كلام ومحتاجة حفظ كتير. وطبعا الموضوع بيبقي اصعب لو الحاجة بتتراكم فالواحد بيزهق من المادة وبييسيبها تتراكم عليه زي مانتي عملتي كده. كل الفكرة ان الموضوع هيبقي اتقل عليكي لو مبداتيش لان الدكاترة مبتقفش زي منتي عارفة. كل الفكرة امسكي المواد اللي عندك وخديها قراءة فقط مش مذاكرة تقيلة. اعرفي المصطلحات وخدي فكرة عنها بس بحيث متكونش جديدة عليكي. كل ماتقرايها كذا مرة هتاخدي فكرة افضل. المذاكرة التقيلة والحفظ الكتير ده سيبيه لوقته قبل الامتحان. اكيد بين كل مادة ومادة عندكوا وقت كتير. فالوقت ده تمسكي المادة تفرميها فيها بقي. بس لما تيجي تبصي فيها هتحسي انك شفتي الكلام قبل كده لانك قراتيه كذا مرة فهتخلصي بسرعة ان شاء الله. لكن لو سبتي كل حاجة لقبل الامتحان الموضوع هيبقي تقيل عليكي ومش هتعرفي تلمي المادة. يارب اكون قدرت اساعدك. بالتوفيق ان شاء الله