ابغى مسكن الم على بال م يجي موعدي ضرسي يعورني مره والفيفادول ضعيف مايسكن ابغى شي مجرب وآمن عندي فوبيا من المسكنات واضرارها💔💔💔
انقعي قشور رمان بماء حار واتركيها ساعه لين تخمر وبعدها تمضمضي بماء المنقوع ثلاث مرات كل مره لين تحسين لثتك يابسه وماعليك شر ، وفيه تحطين على السن قرنفل مطحون بس انا اشوف مو زين لانه يحفر السن بسرعه القرنفل 👍🏻👍🏻
ودي احذف اشخاص من السناب احس مابي اشوف لهم شي احس يحسسوني بالنقص واني سلبيه ونفسيه ودي اسوي ازالة صداقه بس اخاف تنتهي العلاقه للابد وصعبه ادخل اقولهم ومرات ودي اسوي حساب جديد واحذذف كل ششششي بس اخاف اتحسف
عادي احذفيهم هذي حياتك ولاتخلين احد يتحكم بها واذا خايفه تنقطع صداقتكم خليكم ع الواتس ك راسايل جمعه وعيد ومن وقت لوقت انا وحده اشوف السناب الواحد حر به ما ينلام عليه ، يعني انا لو تجي وحده وتقول المعذره والسموحه ابي احذفك بقول خوذي راحتك ، يضل السناب حريه شخصيه .. لكن انتبهي ، شعورك بالنقص هذا احساس مو زين ولا تتوقعين ان كل الاشخاص يحسون بالكمال بالعكس ترا كل شخص بهالدنيا عنده نقص معين ، لكن المفروض علينا اننا ما نحسس الناس اللي حولنا بهذا الشي حتى لو كان هالنقص اخذ من فرحة حياتنا شي كبير ، لاصحيتي ابتسمي وصلي وغسلي وتعطري وبخري مكان جلستك وعطريها وضبطي قهوتك واجلس تابعي مسلسلات او برامج تبعث في نفسك الطاقه والنشاط ،ولا خلصتي قومي سوي لك نشاط انتي تحبينه ، مو لازم الناس يحبونه انتي وش تحبين تسوين بالنسبي لي اقوم انظف ارتب اغسل زوالي اي نشاط انا احبه اوقات انزل للمطبخ اصلح لي اكله عاجبتي اليوم او حلى شفته وجاز لي . اهم شي ما تتركين ثغره للسلبيه انها تدخل وتعشعش بمخك 👍🏻✌🏻
فيه عطور معينه تسبب للشخص راحه نفسيه تخليه يدخل في النوم العميق ع طول من افضل العطور اللي قد جربتها عطر وشمعه من بيوتي سيكرت لونه ازرق وفي ناس تستبدل الموضوع هذا يكونون غاسلين بجايمهم ومخاد الوسايد بملين رائحته لطيفه وهادئة تساعد ع النوم ..