Ask @Alanood522:

هل لديك ذكرى من فترة طفولتك لا يمكنك نسيانها؟

ذكرياتي كثيره .. اتذكر مديره المدرسه في المرحله الابتدائيه مره ودتني مدرسه لها تشكي مني وانا واقفه اناظرهم هههههه ناظرت فيني المديره وقالت معقوله هالوجه البرئ يطلع منه ذا ماني مصدقه 😂🏃🏻‍♂️
..
من المواقف : كان تونا ساكنين في المدينه العسكريه وابوي الله يرحمه كان قائد المدينه العسكريه وكانو مسوين له عشاء ..
المهم وانا في المدرسه جوني بنات ف خامس وسادس يقولون الليله عشاء ابوك بتجين .. انا قلت ايه اكيد بجي هههههه .. وبعد مارجعت طرت ل امي لقيتها ف المطبخ .. قلت يمه الليله العشاء بنروح ؟ واثقه ههههه .. قالت امي بروح انا وابوك .. انتم لا .. انا انهرت ! وجلست ازن عليها ازن .. وطردتني من المطبخ .. ورحت جلست في الصاله غارقه في الهم .. شوي الا ابوي يدخل من الدوام وراح غرفته .. طرت له وقلت له .. صرفني قال انا ماعندي مانع اذا وافقت امك واطلعي لا عاد تجيني بنام .. وطلعت ورحت ل امي وهوشتني وقالت ان ماسكتي قصيت لسانس .. انا خفت وسكت 😂🏃🏻‍♂️
.. المهم طول اليوم افكر ابي اروح لازم اروح اهم شي كلمتي ماتنكسر قدام البنات .. ومقدر اتكلم الخوف مانعني .. ومر اليوم كئيب وثقيل 🤕..
المهم يوم جا بعد العشاء انا جالسه عند باب الشارع حزينه .. الا اشوف ابوي الله يرحمه نزل من السياره مخليها شغاله .. وتجيني فكره مجنونه 😂🏃🏻‍♂️ .. واول مدخل ابوي البيت اجي طايره واركب ورا المرتبه الثالثه وانسدح ( سيارتنا كانت جيب ) هههههه واسكت ولا نفس .. شوي ويجي ابوي يركب بعده بشوي امي ركبت ومشو .. وانا هدوء ورا محد يدري 😂💔 شوي وصلنا الحديقه ( الحديقه بوسط السكن ) ابوي بعد ماوقف السياره قال ل امي روحي من الجهه الثانيه انا سمعته عرفت وصلنا هههههههعع وانقز مثل الجنيه وافتح الباب واركض وينزل ابوي وراي بسرعه ههههههه الا يجي رجال شايب شوي وقف بينا وقال ل ابوي انا فداك اتخليها ماتقول لها شي هههههههه ابوي رجع لسياره يكلم امي وانا سحبت ورحت اركض للبنات .. المهم ابوي وامي كانو كاشخين اقوي شي هههههههه وانا افشل 🥺💔 لبسه قميص وشبشب بيت ههههه وشعري على كد امي ليله الخميس كانت تكدني في الليل وتقرنه 2 لانه كان طويل وعشان مااخر اخواني عن المدرسه .. يعني شعري مره حايس ههههههه
المهم فشلتهم مره خصوصاً امي مسكينه قدام الحريم هههههه المهم بعد العشاء وانا مره مبسوطه اشر لي ابوي من بعيد يعني يالله مشينا هههههه اسودت الدنيا بعيوني ههههههه وجيت بكل براءه وركبت السياره .. وامي تقول طيب والله لطلعها من قلبس هههههههههه ..
المهم اول ماوصلنا عند البيت وانا انزل اركضضض الا امي جارتني مع قروني ودخلتني داخل واجلدتني جلد ماانساه ههههه ورب الكعبه ان طبعه الزنوبه معلمه بجسمي
ههههههههههه
صح بكيت لكن للامانه دخلت غرفتي وانا احس بفرحه كبيره لان كلمتي مانكسرت قدام البنات هههههههه وبس 🤕🏃🏻‍♂️
المهم انا معلمتكم صايره ثرثاره 😂💔

View more

Next