الجواب على سؤال حدثنا عن الحب ومشاعره ..

حمزة
أهلا أهلا بالجميع
المره هذي بحاول أكون أكثر تركيز وما راح أتشعب في الكلام
نرجع لمحور حديثنا ألا وهو الحب ،، قلت لكم بأتحدث عن حب العالم وحب الجاهل .. بالطبع الحب للجميع إلا أني قصدت كيف يتعامل كل منهما مع الحب ...
أأكد بأن العالم في الحب من درس فنونه أو جربه ومارسه واكتسب مهارات الحب وعوامل استمراره من الأخطاء اللي سواها😂💔💔 .. وليس بالضرورة أن العالم صاحب الشهادات الأكاديمية عالم في الحب 😅 فبعضهم ما عنده سالفة 😁
يووه هذي المقدمة وش طولها يبيلي أدخل بالموضوع الآن :🏃🏻😬
الحب اللي راح أتكلم عنه هو الحب الناشيء بين شخصين أو أكثر يعني موب حب الذات لأنها شيء مختلف تماما ومتصل من وجوه أخرى ...
الحب عند العالم معنى ولحظة وعند الجاهل مادة وتملك !!!
شلون وش أقصد بهالكلام ؟! طيب يا عزيزي
العالم بأرمز له ب ( ع ) لذلك ركز معي 😉✋🏻
الغالبية لما تحب شخص من الناس تحبه لذاته أو لأنه تميز بشيء ليس الجميع يمتلكه ، مثل الأخلاق ،العلم ،الجمال ،الكرم ،والعديد من الصفات الأخرى ،،
أيوه هنا مربط الفرس شلون يتعامل (ع )مع اللي يحبه..
(ع) ما يحاول يتملك الشخص اللي يحبه ،، يعني موب شرط كل يوم يكلمه كل يوم يطلع معه كل لحظة يسأل عنه !! حشا موب عيشه ذي 😂😂💔عطه شوية رااحة
(ع) عنده اساليب متنوعة في تعبره عن مشاعره موب شرط يجيب لك هدية🎁 وموب شرط يقول لك أحبك😱 💞 ي ناس الحب معانيه كثير ودلالته أكثر بس يبلها واحد مركز وعنده شويه احساس 😁
ترا فيه تعبير بالحب عن طريق الاهتمام بالحديث معك وخدمتك والبحث عن احتياجاتك وتقديمها لك قبل تسأل عنها .،، (ع ) لما يحبك يفهم مشاعرك ويقدر ظروفك وهو أول شخص راح يسندك لو أنت تعطيه فرصة ..
(ع) عنده القدرة على تمييز كلامك واسلوب كتابتك ونبرة صوتك وملامحك يعني سبحان الله تقارب القلوب ممكن يعطيه هالقدرة وأكثر ،، من الأخير/ وش زينه يفهمها وهي طايره😃💪🏻💁🏻
( ع) لما تجلس معه يحسسك أن الكون ما فيه إلا أنت وإياه يعني موب كل دقيقة يناظر بالساعة ويشيك على جواله بمعنى يعطي لجلوسك معه اهتمام وقيمة وبرضوا يشاركك بالمفيد ولو بالبسمة الحلوة ☺️💁🏻❤️موب يبدأ حش ومقارنة في خلق الله ..💔😓
(ع) مقدر من الطراز العالي للظروف ،، يعني لو (ع) يحب له واحد يدرس بكلية الطب مثلا فهو يعرف أن اختباراته ما تخلص ومشغول اغلب وقته ✋🏻😇،، فطبيعيا ما بيقعد يتشره عليه ويزعل ويقول ليش وليش ،،غير كذا ما بيتصل عليه كل يوم يواعده لأن هالشي بيسبب له احراج وممكن يضره..

عاد تدرون وين مشكلة (ع) أن كثير من الناس ما تفهمه وتعتقد عنه اعتقادات خاطئة مثل أنه متكبر أو نفسية أو أو ..
المهم ما علينا من الناس واضح أني طولت وما تكلمت عن الجاهل لأنه في الغالب عكس ( ع )
عاد مدري كانك تقرأ معي من البداية أو أنه فاتتك سالفة (ع) 😅💔
وصلنا للختام فحمدا لله ع السلامة وعذرا عن الإطالة🙏🏻😘

View more