@AliNofal

AliNofal

Ask @AliNofal

Sort by:

LatestTop

هو ممكن حد يعيد سنتين ف مسيرته الدراسيه ويبقى شخص ناجح جدا بعد كده بدون سف يعنى؟مع العلم انه ف الأساس كان شاطر.

اه عادي

+ 1 💬 message

read all

معنى النضج ؟ وهل يقدر يحكم الإنسان على نفسه بالنضج ف التفكير ؟

النضج إنك تدرك إن الحياة مش عادلة، و مش مثالية و انك تتحمل مسئولية قراراتك فيها، النضج في التفكير انك طول الوقت تبقي حاطط هامش بأنك غلط و ان طبيعي تفكيرك يتطور و يتغير

People you may like

- ما الفرق بين الإعتياد والحب؟

الاعتياد مفيهوش مغامرة، عكس الحب

الاعتراف بالحب في سن العشرين سنه مخاطره؟.. لسه سنتين كليه وجيش.. خاصة أن الشخص اللي معاك مش باين هو ايه بظبط بيحبك ولا just friends يعني!... رأي حضرتك ايه عشان انا بين نارين اني ا move on وانسى واستريح وخلاص ف ارجع اقول ان ليه تضيع فرصه ممكن تكون هي كمان بتحبك!.. ومش عارف اعمل ايه بصراحه

أنا رأيي إنك تصارحها، مخبيش عليك غالبا ده مش حب حقيقي و في الاغلب حتي لو حبتك نهايته فاشلة، لكن التجربة مميزة، التجربة اللي تفرق معاك، الحب محتاج مغامرة، المشاعر اللي فيه لو حسبتها بالعقل هتخسر، روح، قولها انك بتحبها، عبرها بشكل يليق باللي بتحس بيه، و لو رفضت فدي تجربة هتضيفلك، و زمان قالوا، اننا بنحب نفسنا في اللي بنحبه، فكل مشاعر حلوة بتحبها فيها، هي مشاعرك اللي بتحسها و بتقدرها في نفسك.

هل تؤمن بأن الأنسان يُعاقب ويُثاب على أعماله في الدنيا قبل الآخرة؟

أتمني إني أؤمن بكدة لكن مشاهداتي المحدودة بتقول عكس كده، مجرمين كتير بيفلتوا من العقاب في الدنيا

فرق السن بينك وبين زوجتك قد ايه وهل حقيقي ان فرق السن بيفرق في انهم يفهموا بعض وكده

عشر سنين ، اللي بيفرق العقليه ، في حد،بيستوعب و يتفاهم و في حد لا ، ده الفيصل في الموضوع مش السن .

انت من امتي بتتفرج علي مسلسلات عربي مانت علي طول بتتكلم علي المسلسلات الاجنبي

كنت بتفرج قليل زمان ، لكن من اول ما خطبت بقيت اتفرج اكتر ، الواحد اكيد بيحترم ثقافته ، لكن بيحترم اكتر اللي بيحترم عقله .

ازاي الراجل يبقي مستعد يعمل المستحيل عشان يتجوز بنت معينة وبعد الجواز كل احاسيسه بتتغير

هو بيعمل المستحيل علشان يحصل عليها ، مش علشان بيحبها وده السبب

دكتور لو انا ماشي علي دايت ومبخسش بيقي فعلا محتاج جراحة

الجراحه بيبقى الحل الاخير ، و كمان بتلتزم معاه بنظام غذائى
بس الفكره انت ما بتخسش ليه ؟ هل بتمشى على نظام غذائى صح ؟
Liked by: ️Obama ⁦♠️

انا تعبان اوي ياعلي ادعيلي

ان شاء الله الايام الصعبه عليك دى تعدى ، لكن لو محتاج مساعده أنا أقدر أقدمها حتى لو مجرد انك تفضفض ، فأنا موجود دايما .

ثقافة عدم كتابة القايمة والمؤخر والمهر لو انتشرت بين الاهالي زي مافي ولاد حلال هتصون وتقدر في ناس هتستغل ده اسوأ استغلال هنحمي الناس دي ازاي

الحقيقه ده اصعب حاجه ، لازم الاب يكون عنده بعد نظر ، لكن على الجانب الاخر ، ما ناس كتير بتعمل قايمه ، هل ده حماهم؟

هل الحب بيجي مع العشرة؟ يعني في وصفة تخلي المتجوزين يحبوا بعض خصوصا لو مكنش في حب من البداية مجرد قبول واحترام؟

الموضوع بيختلف حسب مفهومك عن الحب
لكن بالنسبالى الاجابة هى لا
الحب الحقيقى مالوش تدابير
مابتراقبش حد علشان تحبه
انت بتحبه علشان كده بتراقبه
ما ينفعش تحب بعد الجواز لان الجنون و الغيره و المشاعر القويه اللى بتكون فى الحب لا يمكن تصطنعها
عشره و لا وقت
عامه كل ما اللحظات الحلوه الصادقه تكون اكتر فى الجواز ، كل ما يبقى ناجح و حقيقى .

طب انا معجبةبيك وعارفة انك بتحب مراتك

هو أنتى جاوبتى على نفسك ،بس أعتقد إن حتو لو انك حره فمشاعرك فمش من حقك تبوحى بيها لواحد متجوز.

Next

Language: English