لو البنت أكبر من الراجل ده بيفرق لدرجة ازاي وهل ده بيعمل مشكلة عند طرف من الطرفين ؟
بتفرق كتير ، من متطلبات البنت ان تلاقى حد يحتويها ، فى العلاقه دى بتبقى حاسه العكس و ده بيخليها اكتر مسئوليه و الراجل اقل فبتبقى علاقه غير صحيه فى الغالب
يا دكتور الجواز مش كده فيه حاجة اسمها اطفال بيخلوا الواحد مكمل غصب عن عين اهله مش عشان مبسوط كده بس عشان بيحب عياله وخايف يضطر يرفع قضية رؤية عشان يشوفهم الطلاق مش سهل الموضوع معقد قوي
يبقى بتصلح غلط بغلط هيفضل يكبر قدامك و تتعسه و ييجى يوم يقول انت السبب فى شقاء حياته
انا لو فاتح مستشفى هدور على دكتوره لكن فى الجواز الاولويه للحب ، للتفاهم ، للاحترام ، لمشاركه الحياه الحقيقه ، مش لفلوس او مظهر اجتماعى السعاده اللى بتحصل عليها من مشاركه حياتك مع حبك الحقيقي ، اجمل مليون مره من حياه مريحه و مظهر جميل تعيش فيه.
هو ازاي جواز الصالونات بيبقي هادي ومستقر ونسبة الطلاق فيه اقل كتير مع انه قايم علي اتنين ميعرفوش بعض ؟
علشان سقف طلباتهم من الجواز مش السعاده ،او مشاركه و طموح حقيقي، هو بيدور علي حد يخدمه و هي بتدور علي حد يصرف عليها ، معندهومش احلام او تطلعات منتظرين من التاني يحققها و يشاركهم فيها ، فبيقبلوا الاقل من كل طرف منهم ، فبتقل مشاكلهم و يكملوا. .