Ask @Altooleb:

من الشخصيات التاريخية التي تتمنى أن تتكرر؟

ما أعرف إذا فعلاً في فايدة انها ممكن تتكرر، يمكن تتكرر بس الشخصية تكون عند شخص يديد عنده مثل العقلية..
عجبني السؤال، في كثير شخصيات ، افتتنت بشخصية صلاح الدين الأيوبي و عمر بن عبد العزيز. و في شخصيات أخرى بس ما أريد أعدد وايد . يكفي مثالين.

View more

صبَاح الخيْر 🍃

فاتنــــــة ⁞⁞⁞❥❥
صباح الورد ، مستانسة وااايد وااايد😢
الحمدلله
اليوم كنا نمر على المرضى و نسأل أسئلة و كذا ، و دخلت عن غرفة فيها حرمة كبيرة في السن معاها بناتها و يوم خلصت و طلعت شكروني و قالوا لي كلام حلو . بعدين زرت مريضة ثانية معاها ولدها ، كبيرة ف السن ، فكنت احاول اكلمها و افهم عليها و اللي ما افهمه كنت اسال ولدها، و شكرتهم و انا طالعة دعا لي و لامي و ابوي 😢 استانست وايد .
شعور حلو يوم ناس ما تعرفك تدعي لك 😢❤️

View more

صباح الخير للذين يظنون أنّ العالم بأكمله انغلقَ في طريقهم، ولا يعلمون أن بعد كل ضيق متّسع من الله💚✨.

toomi
الحمدلله على نعم الله التي لا ندركها حتى، الحمدلله أنه في فراش يأويني، الحمدلله أنه أتشارك غرفة مع خواتي و حتى بضيقها لكن عندنا بيت يسترنا و يحمينا من الحر و البرد.. الحمدلله على وجود إخواني و خواتي، بالرغم من مشاغبتهم و إزعاجهم لي، الحمدلله على كل شي..
صباح النور و السرور.

View more

+

الأميرة سنتوب ¦ طعمـونة •
اليوم قررت أجلس مع جدي الله يحفظه، و أسأله عن حرب لبنان كان خاطري أعرف عنها من حكايته هو عنها ، و يلسنا نتكلم من لبنان لين ما وصلنا لقصة زواج امي و ابوي😂😁 و سوالف اهلنا يوم كانوا صغار.
غمضني يدي شعور مب حلو ، حسيت انه يلست السوالف ما بتخلص ، من كثر ما هو يريد يسولف و اللي قهرني أكثر ، الاهتمام ما أحسه بالشكل المطلوب، يعني المفروض حد يتم يالس عنده ما يتخلى بروحه، اعرف كلهم عندهم ظروفهم و مقدرتنها بس بعد.. كل ما اتذكر انه كانت عندي فرصة أسلم على يدي الله يرحمه و كنت صدق رايحة بس استحيت ادش و روحت البيت و بعدين الضحى مات ، انقهرت وايد ، حتى سلام ما سلمت عليه .

View more

كيف تتعامل مع شعور الخوف داخلك، خوف الفقد، خوف المستقبل، خوف المجهول ؟

مراهق في التسعين
سؤال في وقته..
حالياً أمر بفترة صعبة جداً، ما قادرة أحزم قراراتي و مب قادرة أخطط للمستقبل بشكل واضح، الصورة ضبابية جداً مافي شي واضح لي للآن.. هو مب بس خوف هو عبارة عن حيرة و ضياع.. ما أعرف شو اللي مكتوب لي و شو اللي بيصير.. هني تحضرني :" المرء عدو ما يجهل" .. المفروض أستعين بالله و أتوكل عليه بعد ما أخذ بالأسباب ، لكن أنا أصلاً ما قررت للحين بس أفكر و أفكر و أفكر لدرجة أني شغل الجامعة ما سلمته ، متأخرة وايد عن كل شي.. في بنات بس يبون يخلصون من الجامعة و يفتكون ، أنا ما أريد كذا، أريد أشتغل أو أكمل دراستي وبلابلابلا واايد أشياء و وايد خطط الله يعين .. شو نقول بعد ..
ما أحب أربط مستقبلي بشخص ،صراحة هذا غباء من وجهة نظري (: و هذا بروحه سالفة و تعقيد ..

View more

شَغَبُ مَشَاعِر زَاحَمت الأنْفَاس

فاتنــــــة ⁞⁞⁞❥❥
و أنا أتصفح المواقع، تظهر لي إعلانات و في هذه الإعلانات وجوه نساءيستعرضن منتجات معينة من مكياج / عدسات/ نظارات/رموش الخ..
لماذا أعرض نفسي أمام الناس بهذه الطريقة؟
الله يعيننا قمنا نستهتر بأشياء حرام ، حتى لو محجبة المكياج هذا الاوفر اللي نطلع به و الزينة الكاملة، مب حرام ؟
و إن قمنا نناقشهم ما بعيب لهم و الله شي يحزن و يعور القلب . و بنبين أنه نحن متخلفين و ما عرف شو.. ترا حتى أنا في خاطري أطلع وأنا معدلة ويهي و لابسة عدسات ملونة و الخ لكن حرام ، حرام ..
الله يعين ما أعرف شو أقول صدق..

View more

-

BA.♍
الوضع حالياً عبارة عن تشفير .
من الصبح و أنا أنحت في مشروعي ، و الحين يوعانة وايد و منهكة ماعندي طاقة بس لازم أخلص كثر ما أقدر عشان باكر إذا ما خلصت ما بيمديني أراجع😭
بس ماشاء الله زين أنجزت حتى لو حبة حبة المهم يكون الشغل زين مب خرابيط .
اونه مسوية لي شاي بركز ، ههههه ماعرف شو السالفة ما شي فايدة مخي تعبان. 🙂
و بكرا دوام ☺️

View more

يبدو لذيذاً , ما هو وكيف طريقته ؟

هيه جداً لذيذ هو عبارة عن موز مجمد ، توت بري مجمد، حليب أرز ( يخلط في الخلاط الكهربائي) قوامه يكون مثل الايس كريم و حطيت فوقه جوز هند مبشور و بذور الكتان. كان جدًا لذيذ 💜
ملاحظة حليب الارز يمكن استبداله باي حليب تحبونه. و طبعاً الإضافات كثيييرة بس حبيت اخليه بسيط .

View more

+1 answer in: “_”

َ

الأميرة سنتوب ¦ طعمـونة •
أختي عندها فرضية تضحك، يوم شافتني آكل الغرانولا بار، قالت لي: تعرفين أن الناس اللي يلبسون نظارات يحبون الغرانولا؟
ههههه سألتها قلت لها كيف عرفتي: قالت أنتي تاكلينه دوم و معلمتنا نفس الشي تلبس نظارة و تآكل غرانولا (:

View more

__

شُوش ..
في ناس يوم تحتاج مساعدتهم تذلك ذل أعوذ بالله منه ، و لو هم احتاجو شي تساعدهم بكل طيبة خاطر و لا تعطي من كل قلبك يوم يكون عندك شي..
يعني مب فاهمة هذي العقلية البخيلة.. بخل و شح مب طبيعي، ترا البخل مب بس بخل مب بس من الناحية المادية!
هالشي وايد يخليني اعصبو أتضايق واايد و عشان جي ما أحب أطلب و لا شي من أي حد حتى لو ربيعتي و حتى لو أحتاج مساعدة ما بطلب.

View more

_

مراهق في التسعين
الجزء الثاني :
الوجبةالسابعة: أحضر شوفان مع حليب نباتي و موز مقطع شرايح و مكسرات تفضلونها( أنا أفضل جوز الهند المبشور ) و أحط بودرة كاكاو خام مرة و أدخلها تطبخ ف الفرن و بعد يمدي نحط مكعبات شوكولاتة غامقة لكن أنا أحط كاكو خام مع سكر التمر/ سكر جوز الهند ، يالله كمية اللذاذة مب طبيعيةو بعد يمديكم تحطون جوز البيكان على الوجه عشان يكون كرنشي أحطها في علبة محكمة الإغلاق و آخذها وياي للدوام..
الوجبة الثامنة: راب حلومي/ ساندوتش ، تستخدمون أي نوع خبز تحبونه .. أنا أفضل التوست اللي مع الحبوب عشان الألياف، المهم أخلط زيت زيتون مع زعتر و سماق و أخليه على جنب، ف السنادوتش أحطي حلوم مشوي بدون زيت فوقه أحط الخلطة+ خضار ورقية مشكلة/خس / جرجير اللي موجود، طماطم كرزية مقطعة أنصاف و بعد للي يحب يقدر يضيف باذنجان شرايح مشوي.. و بس
الوجبة التاسعة: توست ، شرايح جبن قليل الدسم، بيض عيون، أحب استخدم لهذي السندويجة جرجير ، أرش على البيض بعد ما ينضج و أحطه ف السندويج بذور الكتان و بذور اليقطين ، يمممي .. هذي السندويجة كانت إدمان بالنسبة لي ( سابقاً): ) و صدق تشببع لوقت طويل لأن وايد فيها من كذا مجموعة غذائية..
و تذكروا أنه يمديكم تغيروا و تزيدوا إضافات كل واحد و ميوله شو يحب و شو يفضل و التنويع في الأكل جداً مهم ..
أفكار غدا صراحة ما أقدر أكتب الحين لكن يمكن لاحقاً ما أوعدكم بس بحاول ، بالقو كتبت هذا لأن الأولوية صراحة لأشياء ثانية ..
و شكراً للأخ عبدالرحمن على المنشن @WithBooks ، و إن شاء الله تكوني استفدتي أو عجبتج هالأفكار .. @Dwll_2018
و دمتم في صحة و عافية يارب ❤️

View more

+

گآفٌ
السلام عليكم و رحمة الله و بركاته
مساء الخير
هذا جواب سؤالج ، الأشياء هذي غالباً أنا أسويها لفطوري للجامعة
@Dwll_2018
@WithBooks
أفكار فطور و غداء ناخذه للمدرسة، الجامعة أو الشغل/ الدوام:
فطور: الوجبة الأولى: غرانولا مصنوعة منزلياً أفضل (أغلب اللي نشتريها بالسوق خرابيط فيها زيوت ماعرف كيف و سكر مهول) + روب يوناني + فواكه حسب الرغبة/ مكسرات/بذور الشيا توضع كطبقات في مرطبان و بالنسبة لي هذي الوجبة تشبع و مغذية جداً أو ممكن مثل الفكرة بالضبط يعني غرانولا و روب يوناني مع صوص فواكه(بلوبيري، مصنوع في البيت عشان نتحكم بكمية السكر).
الوجبة الثانية: شوفان يطبخ مع ماي و نصف موزة مهروسة و ممكن شوية حليب نباتي يعزز النكهة يطبخ مع بعض و ما نحتاج نضيف له سكر لأن الموز سكري، نضيف له قرفة حسب الرغبة و مكعب شوكولاتة غامقة بدون سكر على الوجه/ فواكه:كيوي/خوخ/توت/موز غالباً هذي الأشياء اللي أحطها يا شوكولاتة أو فواكه / زبدة مكسرات .. و إذا تحتاجون سكر ممكن نضيف سكر جوز الهند.
الوجبة الثالثة: سموذي أخضر : سبانخ/ جرجير (حفنتين)، نصف موزة مجمدة/مانجا/توتيات، فراولة، خيارة/خوخ، حليب أرز/شوفان، ماء جوز الهند، بذور الشيا/بودرة المورينجا/كولاجن/بذور الكتان الخ.. هذي تنفع قبل ما نطلع من البيت نشربها أو نعبيها في زجاجة الماي و ناخذها معانا .الوجبة الرابعة: توست بالألياف او الحبوب محمص ، نهرس عليه أفوكادو ، حفنة ورقيات مشكلة نبهرها برشة ملح و أي توابل تحبونها، و بيض عيون فوقه ممكن نحط بذور اليقطين/ سمسم/بذور الكتان، هذي جداً تشبع و من الأشياء المفضلة عندي يوم كنت ما أعرف أني أتحسس من البيض.. يوم صرت أتحسس من البيض أسويها نفسها بدون بيض و بدال البيض ممكن أسوي توستة ثانية أو مثلاً اشرب الصبح قبل ما اطلع السموذي الأخضر و بعدين ع الساعة تسع تقريباً أحس بالجوع ف أكون أوريدي مسوية هالتوستة بدون بيض و آكلها.
الوجبة الخامسة هاي ما تنفع تنخذ للدوام لكنها جداً جداً لذيذة ووايد أحبها : موزة مجمدة كاملة، أحب أحط معاها توتيات أو فراولة على حسب الموجود ، شوي حليب نباتي أو ماي نتفة و نخلطها ف الخلاط تصير كأنها آيسكريم و فوق ف الإضافات يمدي نتفلسف و هني نحط أشياء مغذية مثلاً بذور اليقطين / بذور الشيا، أرز منفوخ/ كينوا منفوخة .. و مرات أسويها باليقطين أكون شاويتنه من قبل و بعدين أجمده لوقت الحاجة هذا صدق صدق لذيذ لدرجة ما تتوقعوها كانكم تاخذون حلا لكن حق فطور و في نفس الوقت جداً صحي ، أحط معاه تمر و قرفة و فلسفة أشياء كل واحد و ذوقه بس يطلع شي لذيذ.
الوجبة السادسة: نحضر مرطبان و نخلط فيه شوفان مع حليب نباتي أي شي تفضلونه مع بذور الشيا و ممكن زبدة مكسرات و ممكن لا يعني أنتوا تتحكموا فيها تقدروا كل مرة تسووه بس بطعم غير.. أنا أغلب شي ما أحط زبدة مكسرات ، اكتفي باللي قلته و أخليه طول الليل ، الصباح بس أخلطه و بعدين أضيف الفواكه اللي أحبها مشمش ، دراق، موز ، كيوي ،مانجا، الخ أي شي أنتوا تحبوه ، سويتها كذا مرة ،الفكرة حلوة و ما تاخذ وقت و لا جهد خصوصاً للناس اللي نمط حياتها سريع.
ما مدا أحط الإجابة كاملة هنا ف بعد بحط له تكملة
هذا الجزء الأول ..

View more

Next