Ask @Amedsam:

People you may like

دايما حاسه وجودي مش مرغوب فيه من كل زمايلي ف الدفعه نفسي اعرف انا عملت ايه وحش عشان الاقي عدم القبول ده من الكل بيجي دايما ف بالي طب انا عملت ايه غلط ؟ وفعلا الشعور ده مأثر ع تفكيري جدا و مش عارفه اتخطاه ولا عارفه ده ممكن يكون وهم من عندي ولا اي بالظبط ياريت مساعده فضلا 🥺🖤

والله دا تقريبا نفس شعوري ناحيه دفعتي ويمكن لحد النهارده حاسس بيه بس تقدري تتخلصي من الفكره دي انك تتعاملي مع الكل ببساطه
وإنك تعرفي ان احنا مش مخلوقين علشان نعجب كل الناس !
المهم تكوني راضيه عن نفسك وتصرفاتك ، تحاولي تلاقي ناس او صحاب شبهك بيفهموكي ويستوعبوكي
لكن الناس الي مش حابه تتعامل معاكي ف حطي ف دماغك انهم هما الي خسروكي وخسروا معرفه حد جميل زيك ، جربي تعرفي قيمه نفسك وتثقي فيها دي صدقيني هتفرق معاكي اوي
وهرجع واقولك حتي لو ملكيش صحاب ف انا موجود وانتي مش لوحدك وشرف ليا اكيد نكون صحاب ❤️

View more

بيقولوا ان حب واحنا صغيرين ده لعب عيال طب ليه ف بالى وبفكر فيه دلوقتى بعيدا عن الفراغ عشان ده مش فراغ ابدا..!؟

هو عمره ما كان فراغ بس الفكره ان الشخص ممكن ميكونش بيحن للشخص لكن بيحن للذكريات او التفاصيل الي كان عايشها وقتها لانها جزء منك ومن حياتك القديمه
علشان كدا لو شخص ارتبط او دخل علاقه جديده مش عيب ولا غلط انه يفتكر علاقاته القديمه

View more

جرايم بيرتكبها أشخاص تحت ال ١٨ ممكن بشهور (القتل /الابتزاز عن طريق السوشيال/الاتجار بالبشر بعد استغلال البنات بالتهديد للقيام بأمور مخله) ايه رايك ان الناس دي قدام القانون أطفال لانه تحت ١٨ والعقوبات بتبقى اخف من وضعه بعد ال ١٨ مع انه معاه رقم قومي وفي الريف بيتجوز عادي مع النزول بالسن ل ١٦؟

Nevadaback’s Profile PhotoNevada
اعتقد ان مفيش حد هيكون بيعمل جرائم الكترونيه او يبتز شخص تاني ويكون معندهوش الوعي الكافي بكل الي بيعمله ان دا غلط وفيه اذي للطرف التاني وخصوصيته !
بس اعتقد انه فكره السن مش مقياس وممكن المقياس يكون الطب النفسي هو الي يقدر يقيم حاله الطفل دا
وعلي اساسه يكون العقاب الصريح
زي فكره الدكتور النفسي لما بيحلل شخصيه القاتل او المتهم انه متعمد دا ولا عنده خلل في قدراته العقليه :""

View more

ممكن لو اتنين كانوا بيحبوا بعض زمان وسابوا بعض لأى سبب من الأسباب وكل حاجه بتقول ان هم خلاص مينفعوش لبعض تانى حتى مبقوش بيتكلموا ولا يعرفوا بعض وكل حد ارتبط فيهم ارتبط بشخص تانى يبقوا مع بعض ويرجعوا بعد كل ده لو ربنا كتبلهم نصيب؟ازاى بعد ما شخص يتقفل من شخص يرجعله كده ببساطه وعادى؟اكيد محتاجه رأيكم♥

علشان الحياه وتفكيرنا نسبي وبيتغير ، وارد نكون بنحب حد وفجاه الظروف او المشاكل تغيرنا ونبعد عن بعض !
ويمكن لما نبعد عن الشخص دا مع الوقت نعيد تفكيرنا والبعد احيانا بيخلي الشخص يقعد مع نفسه فتره ويعيد حسباته ويشوف انه ممكن يكون كان غلط
او ان الشخص دا هو كان اكتر حد بيفهمه وحاسس مشاعره ناحيته تبدأ تتجدد من تاني خصوصا لما بيحصل مقارنات جوا عقلنا حتي لو كنا مش متعمدين دا
لكن الشخص المميز بالنسبالنا مهما عدي الوقت ومهما بعدنا بنلاقي نفسنا مشدودين للشخص دا من تاني

View more

انا ٢٢ سنه كنت مرتبطه قبل كده بواحد وسيبته كنت عرفاه من زمان اوى من واحنا صغيرين وهو كان بيحبنى جدا وانا كنت بغلبه وبسيبه كتير جدا وهو مناسب من كل حاجه..،فضلت فتره كبيره اموف اون من الحوار ده بس حقيقى خايفه اخد حد مش بحبه او مش مقتنعه بيه اوى وانه يكون ميحبنيش زى ال فات...!

المشكله دلوقتي فيكي انتي ، انتي الي محتاجه تحددي انتي عاوزه ايه ، يعني اي حد يقرب منك اديله فرصه وادي لنفسك فرصه تعرفيه اكتر وتفهميه اكتر
ان كان مناسب ليكي ولا لا ، بس فكره الخوف من العلاقات القديمه شيليها من دماغك واعتبري ان كل اي علاقه انتهت كانت درس ليكي تعلمك علشان متكرريش نفس الغلط في اي علاقه تانيه تدخليها :""

View more

ليش ما حدا مصري بحب يتزوج الصبية السورية او اللبنانية يعني شو العيب ياللى فيها

المشكله عندنا ف الشاب المصري الي جايبلنا الفضايح مش فيكو ي بنتي والله ، ابغي اقولك واحده شوو كمان وهتلاقي 100 مليون مصري كتبوا عليكي برجالتهم وستاتهم كمان :"

View more

معجبه بصديق ليا جداً اقوله ولا لا؟

جماعه اي حاجه حاسين بيها لازم نعبر عنها مهما كانت !
بس خلينا متفقين ان ف فرق شاسع بين الحب والاعجاب ! الشخص ممكن يكون معجب بتفصيله معينه ف شخص سواء في شخصيته او شكله
لكن الحب ببساطه هو شخص بيحب وبيكون متقبل كل حاجه فيه سواء مميزات او عيوب

View more

ازاي ابقى شيك وجذاب مع اني تخين ؟

الموضوع ملهوش علاقه بانك تخين او لا ، الموضع له علاقه اكتر بشخصيتك وثقتك بنفسك انك تهتم بلبسك وتناسق الالوان اعتمد ف لبسك علي الالوان المحايدة
زي الابيض والاسود اهم حاجه ف الاستايل هو البرفيوم والشوز والساعه وكل لما تتفرج الي فيديوز اكتر هتتعلم ازاي تلبس احسن ، بس دا ميمنعش انك لازم تهتمي بنفسك وصحتك وشكل جسمك ولو قدرت تتمرن جيم هيكون اجمل طبعا ليك

View more

اقتراح هدايا غير البرفيوم والساعات "رجالي"

ممكن تشوفي هو بيحب ايه اكتر ، يعني لو بيحب الكوره مثلا ممكن تيشرت كوره للنادي الي هو بيحبه ، ممكن عندك حزام
او سويتشرت او سنيكرز او محفظه احنا كشباب الهدايا لينا محدوده ومش كتيره بس الفكره تحددي هو بيحب ايه اكتر وعلي اساسه تجيبي الهديه :""

View more

زعلانة اوي اني مليش حد ولا حتي اصحاب كنت عايزة اخرج اشتري هدوم ملقتش حد اخرج معاه للاسف مكونتش اي صحاب وحتي اصحابي في كل مراحل عمري عمرهم ما كانو اصحاب حقيقين

تقريبا انا بعاني من نفس الفكره ويمكن بعدت عن الكل مبقاش ليا صحاب اوي واتعودت اني اروح اي مشوار او اخرج وانا لوحدي ، بس جربي تتعرفي الي ناس جديده
وتقولي من ناس تحسي انهم شبهك وترتاحي وانتي موجوده وسطهم ، حتي لو ملكيش صحاب ف دا غلط
انتي مش لوحدك ! انا موجود لو بقينا صحاب دي حاجه تسعدني وتفرحني وهحب اكون موجود واسمعك دايما❤️

View more

أنا وحيدة بروح وبرجع من الكلية لوحدى بروح الأمتحان لوحدى وبرجع لوحدى لما ببقا زعلانه أو فرحانه مبلاقيش حد اقوله مبلاقيش حتى حد أخرج معاه بس عشان اخفف عن نفسي والله احيانا ببقا محتاجه اشترى حاجه وبرجع السكن بسبب أنى مش لاقيه حد يختار معايا بقا مجرد ذكر سيرة الصحاب بيخلينى اعيط من الزعل ع نفسي اعمل اي

مش هبالغ لو قولتلك اني اكتر حد حاسس بيكي ومتفهم شعورك لاني ببساطه الفتره دي عايش ف نفس الشعور وحاسس بكل التفاصيل دي للاسف ، بس حابب اقولك انك مش لوحدك
واني موجود هكون حابب اسمعك ف اي وقت واشاركك في اي تفاصيل مهما كانت بسيطه او حتي تفاصيل كبيره ومهمه هحب اسمعك واكون جمبك لو انتي طبعا حابه دا وحابه نبقا صحاب دي حاجه تسعدني جدا ❤️

View more

ساعات بيبقي نفسي يرجع رغم اني متاكده انه مش هيرجع عشان هو اللي مشي ولازم ابان قوية رغم اني نفسي اعيط اووووي نفسي ابطل امثل اني قوية

عمرك ما هتقدري تتخطيه طول مانتي شاغله تفكيرك بيه ، لازم تبعدي عن اي حاجه تفكرك بيه او صوره او اي تفصيله كانت بينكم او شات امسحي كل دا واتخلصي منه وكانه بتمسحي وجوده من حياتك
وبلاش تعلقي نفسك بامل وعلاقه انتهت ، كان دايما دكتور احمد خالد توفيق بيقول ان لو ف حاجه عاوزين نتخلص منها او ننساها
نبعد عنها ونقتل الفراغ الي بيسيبه الشخص دا باننا نشغل وقتنا وحياتنا بحاجات تانيه اهم ف لو قدرنا نقتل الفراغ بيكون وقتها قدرنا نقتل وجود الشخص دا جوانا

View more

Next