Ask @AmiraKaruoka:

..

آميرة .. صاحبه السعاده
انا لسا فاتحه حالا ولقيت ناس كتير بعتالي وسألت عليا.. قبل اي حاجة انا عاوزه اشكر اي حد بعتلي وكان عاوز يطمن عليا لاني فرحت اني فارقه حتي لو مع شخص واحد هنا ف شكرا ليكم وهبقي ارد عليكم بس بعدين سامحوني 💔...
انا فتحت مخصوص عشان اقولكم تدعولي وهقفل تاني... محدش يحاول يضايقني بأي كلام فضلا ويقول انتي بتلمي تعاطف والكلام دا عشان انا مش كدا.. كل الحكايه اني قافله كل حاجة ليا ع السوشيال م واتس لفيس ل انستا ل حتي رقمي شايله الخط بقالي سنه ... ف مكنش قدامي غير الاسك اني افتحه واطلب منكم تدعولي..
انا للآسف مش كويسه لا نفسيا ولا جسديا وبتعب كتير جدا الفتره دي وضغطي بيعلي كتير وساعات من كتر الالم بصرخ زي الأطفال.. وحاجات تانيه كتير لا داعي لذكرها.. انا اترددت كتير قبل مافتح واكتب الكلام دا عشان مبحبش حد يشوفني ضعيفه او يشوفني وانا كدا.. بس فعلا محتاجه دعواتكم.. ف ياريت اي حد يشوف كلامي يدعيلي بأي حاجة تيجي ع باله.. وانا عمري ماكنت وحشه مع حد وخصوصا كل الناس اللي اعرفها هنا.. ودايما بقف مع الكل من صغير لكبير ومبترددش ابدا اني اساعد لاني دا بيفرحني ودايما بسأل.. ف بحق اي حاجة حلوه عملتها لأي حد تدعولي فضلا وليس امرا.. محتاجه دعواتكم فعلا

View more

لو بحب حد وهو بيحبنى وحصلت مشاكل وظروف كتير هو كان السبب فيها وقعدت مدة مصدومه فيه ومش قابلة اكلم من الى عمله وهو حاول معايا بس معاتبتش بردو وجيت اما بقيت كويسه فا عاتبته وفسرت وجعى استهزأ بيه وكلمنى بأسلوب وحش ولمح ان مننفعش لبعض وان كده احسن م غيرمشاكل وباع واشتري فيا ورجع بعت رساله .اتصرف ازاى

العلاقات المرهقه اللي زي دي يستحسن انك تبعدي عنها.. هتقوليلي انا بحبه هقولك الحب لوحده مش كفايه.. طالما مش بيحترمك وقل بكرامتك وهانك مره يبقى مش صعب عليه انه يعمل كدا مليون مره.. اشتري نفسك ودماغك وابعدي واقفلي بابه تماما وانسى...

View more

اميرة قوليلى انا كمان على اسم ايلينر حلو واى نوع بالظبط ؟ اللى بقدر ارسم بيه بسهولة لانى فاشلة اوى فيه

انا بستخدم اماندا تحفه وثابت وبيقعد وقت طويل جدا مهما عملتي.. وف نوع تاني اسمه محمود السعيد تحفه جدا وسواده حلو... ودا نوعهم ريشا مش قلم..
لو مبتدئه ومش عارفه تستخدمي الريشا .. هاتي القلم اللي هو MN انا مبحبوش عشان بيقطع بعد تاني أو تالت استخدام بس هيمشي معاكي مؤقتا لحد م ايديك تاخد ع رسمه الايلينر وتتعلميه..

View more

قمر اوي مشاء الله ❤️😍اقترحي عليا بي بي كريم او فونديشن يومي وميأذيش بشرتي

تسليملي والله 🖤.. بصي فاندوشين يومي ممكن فيت مي آو برجوا هيلثي ميكس او لوريال انفيلبل.. بس نصيحه مني بلاش كل يوم يعني خليها يومين او 3 ايام ف الأسبوع عشان كل يوم دي صعبه وبشرتك هتبوظ فيما بعد وهتلاقي وشك طلع فيه حبوب وتجاعيد.. ف اكتفي بالمرطب وصن بلوك المناسب لبشرتك وهاتي اللي فيه نسبه فاندوشين هيبقى آحسن ليكي..

View more

+1 answer Read more

يا آميرة عارفة انا كنت بقلب عادى لفت انتباهي ف الwall حاجة من اكونتك دخلت بقالى ساعة بتفرج ، تصويرك تحفة بجد و اسلوبك ف الرد ع اى كيو جميل ، ده غير بقي صورك اللى حقيقي جامدة اخر حاجة يعنى 😅❤ بجد مش عارفة اقولك ايه ع الجمال اللى شوفته و روحك الحلوة و طيبتك دى بس استمرى يعنى مافيش كلام 🧡

ي ستي خدي قلبى والله ماهو راجع 🖤

View more

اناا لسه داخله عندك ومتبعاكى بجد كلامك جميل جداا وحبيته وحبيت ردودك ربناا يطمنك ويريح قلبك ياارب زى مبطمنى غيرك مكلامك داا ربناا يكرمك بجد❤️❤️🌸

malooka❤️✨
حبيبتي والله متشكرة ليكي ولذوقك ولدعواتك الحلوه اللي زيك دي 🖤

View more

أميرة انتي فيكي شويه غرور ليه؟

طب انت حكمت عليا م غير ماتعاملني ع الحقيقه ليه.. بناءا ع ايه اصلا شوفتني مغروره.. دا النبي ص الله عليه وسلم كان متواضع ف آنا مين بقا عشان آتغر.. بس آنا مش هلومك لآني انا للآسف م الناس اللي مكتوب عليها لما اي حد يشوفها لآول مره يقول كدا بس لما بيقربوا مني وبيتكلموا معايا بيلاقوا شخصيه عفويه وتلقائيه جدا مفهاش حته الغرور ولا التكبر دي الحمدالله.. ف ياريت متحكمش ع الناس غير لما تعاشرها وتعرفها كويس... تمام 💖

View more

+3 answers Read more
Next