الدومو ياشيخه ميلانو كللها مميزه اي محل مو موجود عندنا ادخليه وعندهم محل الدمو امم ناسيه اسمو بس يبدا ب la ra..... هذا الله يسلمك ٧ ادوار فيه كككل الماركات العالميه الي تخطر ببالك انا رحته وعنده تخفيضات وبجججججد تخفيض يعني بلوزه لاكوست كم طويل ب ٢٠٠ المهم انتي لمى توصلي خدي منهم الشوبينج ماب توريك كل المحلات الموجوده بمنطقه الدومو وعندك شارع بيونس ايرس للماركات الارخص بس عموما كلللهااا محلات بكل مكان ماركات وكل شي يجنن
اممم تيد بيكر سالفته سالفه انا خليت اللي بالرسيبشين اللي بالاوتيل يحددو مكانو ليا بالخريطه وبعدين روحت لشارع rovli انزلي تحت شوي تلاقي وصفو وهوا حول هذا الشارع بس شمي شوي وبحواري بس حواري جميييله :)
اوت لت سيرفالي يستاهل؟ تخفيضاته كبيره ؟ وكيف رحتو له بباص خاص يودي للاوت لت؟
سيرفالي انا عن نفسي مررررا حبيته واعتبر تخفيضاته جددداا جميله بس لو حصلك تروحي فوكس تاون بلجانو روحيله اكبر ومحلات اكثر وتقدري تستغني عن سيرفالي بدالو وترا لوجانو ساعه بس من ميلانو ورحلتنا كلها كنا مستاجرين سياره اريح بس شوفت باصات عند الاوت لت :)
c&a وين مكانه بباريس بالضبط ؟ و فيه اشياء تستاهل للكبار ؟ مو للاطفال:$
هالمحل عندهم منتشرر بس بباريس لقيته بشارع rovli انزلي تحت شوي كاتبه وصف مكان الشارع من ناحيه الكبار مو مرا صراحه بس روحي وشوفي مو خسرانه بس الاطفال مرررا حلو
شنطه اريج الزرقاء الي ب 30 يورو ايش اسم المحل ؟ ووين مكانه ؟
اممم مررا مااذكر اسم المحل بس بقلك انا شفتها بااكثر من محل بشارع rovli يارب مو غلطانه بالاسم بس الشارع هذا جمممب متحف اللوفر يعني متحف اللوفر من جهه يحده نهر ومن جهه هالشارع والشارع هذا كلوووو محلات لايفوتك
اهلييين اميره كيفك؟ ما شاء الله اغراضك مره حلوه :( ممكن تنزلين اغراض ديزني تحمسسسنا *.*
ياهلا والله انا تمام الحمد لله اما اغراض ديزني فكانت كلها لسلطان وبنت اريج وولد اخويا يعني اشياء بسيطه اللي كانت لي
ما شاء الله ما شاء الله الله يبارك لك ويتمتعك بحلالك ولا يضرك اغراضك ذووقك راقي جدا
السلام عليكم
ممكن اعرف كيف بديتي بمجال صناعة الاساور ؟؟ وكيف تعلمتيها ؟؟وكيف تسويها ؟؟
وهل يحتاج له راس مال كبير
وجزاكي الله خير
اممم اول شي ترا مو انا اللي اسويها بنفسي احنا نصمم الشكل فقط والتنفيذ بمحل الوالد للمجوهرات وبديت اول شي ببازارات وبعدين نت وكذا ومن ناحيه راس مال اذا انتي تبغي ذهب ممكن تحتاجي شوي لانو ذهب اما لو نحاس فمااتوقع :)
هاي أموورة :) أحس إنك خبيرة وكذآ :P
لذا بس بدي أسألك فين ألاقي منتجات ديزني :( في السعودية موجودة؟ أو في دبي؟ ولا لازم من برآ
نفسي في ميداليات مفاتيح ودبب والخ :$
السعوديه هههههه طموحك قوي جدا بس شوفي بعض الاحيان مثلا زي اتش اند ام او مذركير ينزلو بضاعه تكون مشتركه مع ديزني بدبي والله ماعندي علم للاسف بس برا موجود بكل مدينه طبعا فيها ديزني ومن قريب عرفت انو موجود لهم ستور بلندن وممكن تفتحي الويب سايت تبعهم وتشوفي محلاتهم لاني مرا لقيت لهم محل بالاوت لت بسويسرا :)
ماشاء الله تبارك الله مشترياتك تجنن ماتتخيلي قد ايش مسويه لك دعايه عند البنات الى الان ببالي مشترياتك حقت العام والشنطه الايترو اللي جابتها صاحبتك من دبي على فكره انتي من اخر الطيبين بالاقلاع ههههه ^^ الله يحفظك ويخلي لك اروجه وسلطان
ياحححبي لك وماشاء الله لسى فاكره الايترو خخخخخخ انتى ملاحظه انو الطيبين راحو من اقلاع !!! بس وين راحو هههههههه ويحفظك يارب ويسعدك :)
يعطيك العافيه تعبتك معي بس ياقمر الاستاند الاصفر اللي مركبه عليه الاضاءه من وين جبتيه
والاضاءه ذي لها اسم في ساكو ولا عادي القاها وين في اي قسم عندهم
واللمبه اللي ركبتيها ابيض ولا اصفر
ماشاء الله عليك مبدعه
ياقلبي اللمبه تيجي اصلا مع الاستاند هيا كلها كذا مع بعض وترا الاستاند يتعلى ويتوطى يعني بجد شي حق تصوير واصلا شوفت كثير مصورين باليوتيوب يستخدموها وتيجي انواع مثلا اللي عندي فيها راسين اللمبات كل راس قوته ١٥٠ يعني المجموع ٣٠٠ وهوا المطلوب بالتصوير وعادي تلاقيها بقسم الاضاءات ولا ممكن توري العامل هناك صورتها ويوريك هيا لانو في تيجي راس واحد بس واللمبه ركبتها اصفر طبعا ومشششكوووره كلك ذوق
اموووورة بغيت أسألك الحين وش الفرق بين عدسات من 70 -300 مثلا ووو من 16-35 !!! وبعد مثلا ف عدسة 50 مل 1.4اغلى من 1.8 هالبوينتات وش فايدتها ,, انا مبتدأه ف عالم العدسات ومحتااارة وماعارفه هالامور ياريت تساعديني :$
امممم بشرحلك باللي اعرفه وان شاء الله انه صح بالنسبه للارقام مثلا ٧٠ -٣٠٠ معناها لمى تيجي تصوري شي لازم يبعد عنك ٧٠ سم مدري مليمتر اللي هوا و٣٠٠ معناها انو العدسه راح تقربلك الى غايه ٣٠٠ ومن هالرقمين بما انهم كبار اعرفي انها عدسه زوم ١٦-٣٥ شوفي تبدا من ١٦ يعني مايحتاج تكوني بعيده عن الشي ونهايتها ٣٥ يعني ماهي زوم وبما انها تبدا ١٦ رقم صغير فهي تاخدلك بالعرض فتعتبر وايد انجل اما اللي تجيك رقم واحد مثلا ٥٠ فهذي تكون مافيها زوم بس جباره بالمدى اللي هي في ازا الارقام الثانيه فهي تختص بفتحه العدسه كل ماقل الرقم كل ماكان افضل وكذا شوفي مقاطع باليوتيوب ومواضيع بالمنتديات ومع الايام بتفهميها تراها سهله وعليها تحددي ايش تحتاجي وجيبيها ونصيحه حاولي تقري بمنتديات اجنبيه عن العدسات لان اللي عندنا عندهم مبدا غالي يعني كويس !!!
لآ تطلب من اللهَ ان يزيد حبگ لشخص♥ فَ ربما يتركك في يوم مآ .. ۆ يبقى قلبگ معلقآ به بسبب دعوتگ ، قل ( اللھم قربني لمن هو خيرُ لي ) فَ خروج بعض النآس من - حيآتڳ رحمہ ةَ منَ الله ♡ ‘ لآ ٺدركھآ الآ مع الوقٺ