مرحبا 💙 الناس الي باستمرار بوصلني منهم : عندك انستا او فيس او توتير او سناب ..! أكيد عندي بس برايفت وما بضيف عليهم أي حدا ، ولو كنت بدي أنه حدا يعرفهم كنت ببساطه بحطهم بالبيو هون ، صح !
صراحة ، اعتباري للخيانة مختلف شوي ، يعني لو كنت بعلاقة مش رح افترض انه صار خيانه لمجرد أنه حكا مع بنت تانية لاني المفروض بثق فيه ف رح اغفر لو صار شي متل هيك الخيانه بالنسبه الي بالمشاعر نفسها . الخذلان خيانه ..أنه شخص يعطيك الثقة والأمان وتخذله . ممكن اتقبل الخيانة بعلاقة حب بمفهومها السطحي انه ( حكى مع غيري ) وممكن اتقبل انه مشاعره اتغيرت او حتى مل وصار بارد شوي ، بس مش ممكن اتقبل أنه انترك بنص العلاقة بلا اي سبب واضح ، هاي بالنسبة إلي خيانة كبيرة .. ممكن اعتبر حاجتي إله بموقف معين وعدم وجوده بإراته ومن دون إي ظرف قاهر خياانه .
المشاعر السيئة للأسف كتييرة ..، وقت يكون حدا من أهلك مريض أو محتاج أي شي وانت ما تقدر تعمل شي ولا تساعده ولا تخفف عنه .. هون تحديداً شعور سيء أقل وصف للشي الي رح تحسه ، أحساسك ولا كلمة رح توصفه . وقت تكون واثق جداً وتنخذل وتنترك بلا أي سبب واضح .. رح تموت من جواتك ، الحيرة رح تقتلك ، بالثانية الوحدة رح تفترض مليون سبب لفعله ، فعلياً راسك رح ينفجر من التفكير ومن بشاعة الاحتمالات ، بالتالي ببساطة رح تفقد ايمانك بأي مسمى علاقة ، رح ضلك عطول حذر وخايف ترجع توثق ، لانك توجعت من موضع طمأنينتك .. والأسوء من هدول لما تحس أنك بعيد عن ربنا وتفقد علاقتك فيه ، لما تحس أنك نفسك وحابب تكون قريب منه بس مش قادر .. والأبشع أحساسك بعد تراكم كم كبيير من المشاكل والخيبات فوق راسك وبحياتك وما فيه اي مخرج ولا حل وتوصل لمرحلة تفقد ثقتك فيها حتى بربنا وترجع تبعد كمان مره . وفيه شعور ولا يمكن الانسان الطبيعي يقدر يتجاهله لما تشوف الناس تغيرت للأسوء ، المنيح فيهم صار بس احسن من العاطل بشوي ، صدقني هون كارثة .
دائماً الإفراط والمُبالغة بشعورك اتجاه الأشخاص لن يجعلهم يحبونك أكثر أو متمسكين بك أكثر ،، بل سيخلق اهتمامك المُبالغ داخلهم شعور حتمية بقاءك وضمانهِ مهما ساءت أفعالهم معك . الإفراط = التعب
** تكرار **ستنهمر من عينيك دمعة تسقط من داخلك كل أولئك الذين اعتبرتهم يوماً ما خير قدوة .. وبلحظةٍ ما ، بعد تراكم مئات المواقف البائسة التي مرت مرور الكرام بحياتك حتى دونما أن تشك بصدقها ولم تسأل نفسك يوماً لماذا ، لم تطرح اية أسئلة ، لم تتخذ قرار حاسم حيالها وتركتها هكذا تتلاعب بك وبمشاعرك وبحياتك شغلتك مراراً ، أدخلتك بحالة نفسية قاسية ، ابتلعت كلماتك ، زرعت بدواخلك الضعف وذهبت بقوتك بعيداً وأخيراً أحالتك إلى إنسان هش من الداخل والخارج . بعد فوات الاوان أو فلنقل كلمة أخف وطأة بالألم ونأخذ الأمور من زاوية أخرى ونرى نصف الكأس المملوء أمل ف بالنهايه كان لابد أن تستيقظ، ( واستيقظت )وأصبحت أكثر قوة وكل خيبة نخرت قلبك وروحك الجميلة يأساً ووجعاً منحتك دروسٍ لن تنساها ما دمت تحيا . أحياناً مرور بعض السيئين والفاشلين بحياتك يعلمك كيف تكون إنسان قوي وناجح * لابد من مواجهة الكثير من الخسارات في حياتك حتما ستخسر شيءٍ ما ولكن هناك خسارات ستتأكد لاحقاً أنها أهم المكاسب التي حققتها في حياتك وانجحها على الإطلاق 25/2/2016
دايما بنخطط وبنوعد حالنا انه رح نكون احسن ، وانه بكره بحياتنا رح يكون احلى بس الحياه مش كل شي احنا بنخططله مهما كان عنا اصرار عليه ، الحياه هي اليوم نفسه بظروفه كامله بمشاعرك واحاسيسك وفرحك وزعلك وخوفك وبقراراتك اللحظيه وترددك وقوتك وانهزامك . للأسف انه بمرحله معينه بنفكر انه قادرين ناخد قرار صحيح ونمشي عليه ونطبقه بس بصير معنا شغلات ممكن تافهه وصغيره وأبداً مش مهمه ، بس هالشغلات بتغير كل تفكيرنا وبتشتتنا وبتخلينا بلحظة كتير بعاد عن حالنا او بوصف ادق بنضيع بنبطل عارفين حالنا منيح ، بنضيع منا .. عمري ما اتخيلت انه ممكن الانسان يضيع عن حاله بس في انكسارات وخذلان ووجع وفراق وحب وسهر ودموع بخلوك توصل لمرحلة توقف قدام حالك وتسأل بكل جدية ( انا مين ) تخيل قديش انت ضايع قديش جواتك أحاسيس فايته ببعض قديش في اشيا مش مفهومه ومليون علامة استفهام قديش فيه حواجز وصراعات بينك وبين نفسك .! قديش بمرحله معينه من حياتك بتحس انك مهزوم ومهدود وضعيف واقف بالنص لا عارف ترجع لأول الطريق وتبدأ من عنده ولا عارف تكمل لآخر الطريق وتبدأ بداية جديده من بعده . ( الغريب انه هالمرحلة بكل مشاعرك فيها ممكن تكون عبارة عن يوم واحد )
نصيحه
فكري بالاشي الايجابي اللي هو لو كان خير كان ضل
وبالاشي السلبي اللي كان سبب هالاشي وكيف صارت الخيبه ومين اللي تخلى عن الثاني
وقتها بتتعدي هالمرحله وبتصيري احسن ❤
والله ما حدا بختار يحمل نفسه فوق طاقته ، ولا حدا بختار يكون سلبي بحياته ، أكيد انا وكُلنا بدنا نجتاز ونتجاوز كل شي سيء ، بس انا مؤمنه انه هالشي مش بكبسة زر ولا كُن ف يكون .