دايمًا يجيني إني تقيلة ودايمًا أشرد وأبعد عن الكل وأبعّد الكل عني، وأشتكي لصحبتي وتقعد تهدّيني :{ ولكن آخر مرة حسيت فيها بكدا اخترت أواجه وأتأكد حتى ما أخسر وأزعّل أحد بسبب سوء فهم.. اللي حصل إنو الناس أتجاوبو معايا وفهمت ليش حسيت بهادا الإحساس وكان شي من نفسي.. لكن لو كانو ناس غريبة يعني ماتربطني بيهم علاقة دم أو صحوبية وحسيت إني تقيلة طبعًا حشرد وحنسحب لمكان أشعر فيه بالخفة..
All of us have bad luck and good luck. The” man who persists through the bad luck, who keeps right on going, is the man who is there when the good luck comes and ready to receive it” -روبرت كولر
دايمًا دماغي في حتة تانية بعيدة، وسرحانة وشاردة، دا اللي بيخليني أضيع وما أستوعب ايش قاعد يسير إلا بعد مدة، ما أفكر في حاجة دماغي تفصل وتنعزل وبس، أما التانية أفكر بكل شي مرة وحدة والكلمات تتزاحم في عقلي وبالتالي يحصل انفجار فتطلع الكلمات بالترتيب الخاطئ وتضيع بعضهن وبعضهن يتعرضو للإصابة في طريقهم للخروج فيضلو بمكانهم منتظرين مساعدة وأظن هادا هوا سبب تعبيري السيء الغير مترابط والناقص أما التالتة فهيا إني أعطش وكأني ماشربت من دهر وأنا قبل دقيقة أكون شربت والرابعة إني لما أعمل أو أسكب أكل أشبع بمجرد إني أسكبو إن أكلت انكتمت من الشبع وإن ما أكلت دوخت من قلة الأكل
😂😂😂😭 كنت أكتب وأنا مغمضة لكن لا الأخطاء اللي بالخطأ عادي بس الناس اللي يربطو التاء المفتوحة واللي بيحطو ألف ممدودة بدل المقصورة أو التاء المربوطة، اللي يضيفو ألف الجماعة في غير موضعها، واللي ما يعرفو متى يحطو هادي ( آ ) يقهر مرة ❤️🔥