Ask @AsmaaHassan15:

يعني ممكن تكون اول ستيب الدبلومه دي لو مفيش اي حاجه في المجال قبل كدا ولا هكون الوحيده الي مش فاهمه حاجه لسه

لا عادي خالص مافيش اي مشكلة هما بيبداو من الاول خالص واحدة واحدة.. لو عندك خلفية عن البرمجة هيكون اسهل بس لو ماعندكيش عادي جدا.. بس عشان تسهلي علي نفسك يعني حاولي تعرفي اساسيات البرمجة قبل ماتروحي وكدا وخلاص

View more

L videos 3la l YouTube momken at3lm mnha c wla lazm anzl courses a7sn

البرمجة مافيش اسهل منها تتعلمها اونلاين.. لو الموضوع مقتصر علي ال سي يعني اشطا جدا مش لازم تنزل خالص.. خصوصا لو انت عارف برمجة اصلا وبتعرف تكتب اي لغة تانية الموضوع هيبقا سهل معاك جدا ومش هتتعب فيه اوي
واكيد مش اليوتيوب بس يعني في مواقع كورسات زي edx , coursera , udacity
وفي مواقع بقا تحل عليها مسائل كتير بالهبل مش فاكرة حاجة دلوقتي غير codeforces دا كنا شغالين عليه مع ACM

View more

عجبني ايمبيدد جدا بس تايهه فيه مش عارفه ابدأ منين فهماني

انتي ممكن تذاكري مع نفسك عادي بس اكيد الموضوع بيبدا سهل وبيصعب كل شوية فهتحتاجي مساعدة ف وقت من الاوقات عشان كدا اعتقد الكورس احسن وهتخرجي بشهادة وهتلتزمي اكتر ومش هتحسي بالتوهان دا وبالتالي هتوفري وقت وهتكسبي نظام اكتر
ف لو بجد ناوية انزلي كورس وماتضيعيش وقت
ولو محتارة تروحي كورس فين انا بدات دبلومة مع IMT
ولحد دلوقتي حلو والانستركتورز كويسين جدا وخريجين ITI
و شغالين ف فاليو وعارفين ينظموا الدنيا معانا وكدا
والمكان دا ريكومندد من ITI
وفي واحد اسمه محمد طارق برده معروف بيدي الدبلومة دي وصحابي يبيقولو كويس جدا برده
وبس يعني ربنا معاكي

View more

W yaret t2oly ns7tk 3l4an l wa7d ykrr hykml eh aw y3ml eh

انا مش اهل للنصيحة يعني بس احسن طريقة تقدر تقرر بيها انت عايز ايه هي انك *تجرب كتير لحد ماتلاقي الحاجة ال مريحاك* وتدور وتقرا وتسمع من ناس ف كل كارير وخليهم يحكولك بيشتغلوا ازاي وبيعملوا ايه وشوف انهي كارير فيهم هيشدك اكتر وركز عليه

View more

Leh nwya tkmly embedded w t4t8ly f valeo

انا لسه ف الاول يعني لسه بذاكر ال سي كويس وكدا ومش عارفة كل حاجة طبعا
بس الامبيدد مجال جميل و ممتع فشخ رغم انه تقيل بس كل ماهتقرا وتسمع عنه وتذاكر فيه كل ماهتحبه وتتشدله وهو داخل ف كل حاجة يعني ومستقبله عظمة
بس انا داخلاه عشان فاليو بالذات عشان انا من زمان بحب مجال الاوتوموتيف ونفسي ادوس فيه وكنت فاكرة نفسي زمان عايزة ادخل ميكانيكا عشان كدا بس اكتشفت بعدها ان انا عايزة ادخله من ناحية السوفت وير مش من ناحية ميكانيكا خالص

View more

what do you think made Nahla your best friend?

نهلة احلي حاجة في حياتي ونقطة😅❤ وهي ال مهونة عليا كل الارف ال انا فيه..
واما بكون زعلانة من حاجة وبعيط بتقعد تحكيلي حواديت لحد مانام.. وساعات بدل الحواديت تتصل بيا تقرالي قران❤
واما بكون متعصبة من حاجة بتتصل بيا وتسمعني وانا عمالة ازعق واعيط وتقعد تطبلي وتطلعني صح وكلامي مظبوط وتغلطلي كل الناس ال مضايقني لحد ماهدي😅
واما بكون مبسوطة بتتصل بيا عشان تسمع صوتي وانا فرحانة وبحكي زي الهبلة مع انها مابتفهمش مني حاجة وقتها😅❤
ولما بتاخر برا وموبايلي يفصل بروح الاقيها متصلة بيا وسائلة ماما عليا وقالبة الدنيا وفكراني اتخطفت🌚❤
واما بتعب بتفكرني بالدوا كل شوية❤
ومثلا النهاردة انا كنت تعبانة جدا ومش قادرة انزل ومافيش حد ينزل يجيبلي دوا وهي نزلت جابتلي الدوا وجابتهولي البيت وانا بحبها❤

View more

what do you think made Nahla your best friend

نفسي اعزف ع جيتار 😂 بس مش عندي

اتعلم من غير مايكون عندك في اماكن كتير متاح فيها كدا.. او خد جيتار من اي حد تعرفه اتعلم بيه ع ماتجيب واحد ورجعه.. او الاسهل اشتري واحد فيتنس او سوزوكي ع اد حاله اتعلم عليه مش هيكلفك كتير

View more

+1 answer Read more

هو محصلش حاجة ... ع حد علمي يعني 🙄... فجأة الكلام قل و تلاشي

اكيد مش بنتقابل ومش بنشوف بعض فعشان كدا الكلام قل..
بس انا والله مش بتجاهل حد ولا بتهرب منه يعني :" بس انا فعلا الشات دا اخر حاجة بعرف اتابع حد بيها وماسحة ماسنجر ومابفتحش اشوف رسايل الفيس الا للضرورة يعني والموبايل مافيهوش سبيس فالواتساب كل يوم يعمل باكب ويمسح ماسدجات اليوم كله سو في
ماسدجات كتير مابشوفهاش..
واحيانا اوقات كتير بكون تعبانة او مشغولة ومش قادرة ارد ولما اجي ارد يكون فات وقت كتير فالاقي توبيخ بقا ال هو انتي لسه جاية تفتكري وهكذا ماحدش بيقدر يعني فبقيت اخاف ارد خالص :"D
لو حد بيقدر وبيتفهم وكدا برد عادي لان دا الطبيعي يعني حد بعتلي وقت ماكان فاضي سو انا ارد وقت ماكون فاضية طالما مش بطنش حد ولو اي حد بعتلي ماسدج انه محتاجني ف حاجة هيلاقيني برد عليه ف ساعتها مهما كان فيا
فا يعني باختصار
i'm not good at social media

View more

+1 answer in: “كنا صحاب ولا كان بيتهيألي ؟؟”
Next