Ask @Asmaaadelnawfl:

حاولت تتعلم لغة ثانية غير الانجليزي؟ اللغات مش وسيلة تواصل بس، باللغة الي حتتعلمها حتكتشف شعوب جديدة وناس جديدة وطريقة تفكير جديدة، علي قد ما تعلم اللغات صعب الغريب منها خاصة إلا انه يوريك انك ماشفتش من العالم شيء. تعليقك بالخصوص : )

في 2014 حاولت مع الفرنسية وتقريباً ولا مرة ذكرت الحاجة هذه الا توا، كانت عطلة الثانوي مفروض، خشيت حتى كورس اونلاين لكن شاء القدر والبلاد خشت بعضها زي العادة :) فوقفت كل شيء وخلاص ومعاش رجعت لها، من البداية ماكانش عندي شغف ليها الحق كنت نبي نتعلم أي شيء وخلاص وكانت أكثر لغة ليها فيديوات مليحة وسهلة على اليوتيوب، الطليانية هي شغفي، نحب كيف تنطق حروفها ومهتمة بحضارة شعبها جداً بالذات إن ليبيا تماماً زي إيطاليا حتّى صاحب بابا المقيم غادي قال مافيش فرق بكل غير وحدة في أوروبا والثانية في إفريقيا من كثرة ما الشعبين متشابهين تماماً!

View more

حدثني عن الله

ديما موجود، نفكر في الملحدين، نفكّر في الشخص إللي مايعبدش في حد، هكي موجود ومؤمن إنه لا حياة أخرى بعد هذه، وإنه الدنيا تدور بفعل العلم أو الطبيعة ولا إلٰه يدبّر كل هذا، كيف يقدر يعيش؟ شن مخليه يكمِّل حياة أصلاً، والآخرين إللي يعبدوا في أكثر من إلٰه كيف عندهم القدرة إنه ممكن يقدر أكثر من حد يكون لهم في وقت حاجتهم، كيف يؤمنوا بأكثر من إلٰه!!!.
الحي الذي لا يموت، إللي لإننا تحت رحمته بخير وحنكونوا ديما بخير، إللي حرفياً *حرفياً* مش مجرّد كلام، لو قرّبت منه شبرًا حيقرّب منك ذراعاً ❤️

View more

If people can read your mind , What would they usually hear!¿ 😛😛

هلبا دعاء، كمّية كبيرة من الدعاء، هالفترة من النفسية اللي شوي طايبة لين نقدر نخشع ونبكي في أي ثانية، عارفة السؤال ماليشي علاقة بككككل بإللي نكتب فيه، لكن حيكون رائع إنه نرجع نقراه بعد فترة بسيطة ونلقى طلبي لبّاه ربّي ❤️

View more

كيف تقرا مادة كلها دش حفظ شن الطريقة اللي تسهل طريقة الحفظ في ذاتها وتقبل هالدش ؟

لو تقدري تقارني بين حاجة وحاجة حيسهل عليك الحفظ هلبا، أو أخدعي المادة بإنه تكتبي بألوان معينة لكل قسم فيها أو كل باب أو نوع باش دماغك يفهم إنه اللون كذا للحاجة كذا وهكذا، لكن المقارنات ديما ناجحة :)

View more

كيف نقدر نكسر الحواجز اللي مخليتني موخره في الكلية عندي شرح قدام المجموعة وهي بسيييطة حتى مش هلبا بس أنا هكي خايفة ومتلبكه و و على غير اول سمستر ليا كنت عاديه جدا ونشارك ف الشرح والآراء حول الموضوع وتوا بديت نحس ان في من احسن مني وانا عبيطة ☹️

قولي لنفسك: في مليون واحد أفضل منّي لكن مش مهم حنقدّم كل ماعندي قدام المجموعة، وذكري إنك مش محور الكون، ماحدش سائل عليك، ولو تلبكتي وماعرفتيش تكملي حيهدرزوا عليك يومين ومعاش حيتذكروا حتى شن قلتي بعد وقت قصير، + لو إنك تشرحي وتاخذي وتعطي أمر مش مهم ومش حيأثر على درجاتك والجو هذا، طز مش كلنا ونولدوا بموهبة فن الحديث والذكاء الاجتماعي، بالحق طز، لو عندك ثغرات ثانية تقدري تكسبي بيهم اللي حولك غير الطريقة هذه ديريهم همّا وخلّي الجو هذا للباقي، بالذات إنه الموضوع خارج عن سيطرتك!!، أنا نتعب وأنا نقول قداش نحب نهدرز ونأخذ ونعطي قدام عدد كبير من الناس، وحدة من أفضل الأشياء اللي نحبها ❤️❤️❤️، ياريت كل مشاكلي في الحياة اجتماعية الهم، بينما في أمور هللللبا لو تسمعي بيها حتقولي كيف حد من برا زيك هكي يعاني من أمور تافهة هكي!! بالحق كلنا على هالأرض عندنا شيء غيرنا فاقده وعند غيرنا شيء حنى فاقدينه، هكّي تمشي الحياة، إنتِ تخلي النقص متعك بسيط ومش مهم وإنتِ تكبريه وتخلّيه يخوف! الله ييسر لك ❤️

View more

حبي لكي لن يموت

لكِ*، الحب ينعاش، تعيشه مع حد يحبك وتحبه، المش متبادل هذه مشاعر بسيطة تصير نتيجة لإعجاب قوي لشخص ما تحسابه حاجة كبيرة وهو بالحق مجرد شخص عادي لا ميزات فيه غير هالة بعيدة، الإعجاب للصفات، والحب للذات قال زوج بَنَنْ :)

View more

Next