Ask @Atarek616:

_

_ ϻαriam Αsняαf.
حقيقي مش مضايقني اكتر من نفسنا اه مضايق مننا جدا مستغرب لكل الناس الل بتهزر وبتبعت كويسيشن ملهاش اي لازم او بتعيد او غيره مضايق جدا ان مفيش حد بيبعت دعوات لفلسطين محدش هنا بينزل او بيتضامن حتي بالكلمه حزين جدا ع التغيب الل احنا وصلنا ليه وقد اي احنا قلوبنا حرفيا بتموت بالبطئ احنا مش احنا من خمس او عشر سنين احنا حرفيا بنتغير بطريقه مخيفه وبنضيع بنضيع اوي والله واتمني اننا كلنا نفوق نفسنا شويه وبالذات ف اي قضيه مش هقول دينيه لا اي قضيه سياسيه اعمل الغلط الل ميأثرش ع غيرك اما الحاجه الل نتيجتها غيرك لا دافع عليها لان ده شرفك 💔💔 اتمني ان الناس تحس بفلسطين وميبقاش مجرد بوست وبعدها تهزر وترد ع ده وتضحك مع ده وشهوات الدنيا تاخدنا ف اوقات زي دي مش بقولك نبقي ملايكه لا اغلط براحتك بس ف الحاجه الل تخصك لوحدك اما فلسطين فهي واجب علينا كلنا غصب عننا اتمني انكم تتكلموا عن فلسطين اكتر واكتر 💔💔

View more

حقيقي مش مضايقني اكتر من نفسنا اه مضايق مننا جدا مستغرب لكل الناس الل بتهزر

عمري ما كنت تقيله علي حد ولا حبيت الشعور ده ودايما براعي شعور غيري ان يضايق او يكون حمل عليه اي حاجه من ناحيتي وبعامل الناس بحساسيه جدا مفيش ولا مره حد اتعامل معايا كدا ودايما كل ال حواليا بيحملوني فوق طاقتي انا معدتش قادره اتحمل اي حاجه والله وعندي حاجاتوكتير مفروض اعملها ومعنديش وقت بسببهم 💔

المشكله فيك مش فيهم لان انت الل مش عارف تبقي زيهم للاسف

View more

_🖤

أمــيــراآ علـــي ⁦⁦✿
شوفت من يومين واحده هنا بتنصح واحده بتسئلها عن الارتباط وان حد عايز يرتبط بيها وكده وكانت نصيحتها فعلا جميله وكانت بالنص كده ، لا الل عايزك يدخل البيت من بابه غير كده صديه والحقيقه ان المشكله بالنسبالي مكنتش ف النصيحه المشكله كان ف الشخص الل بيدي النصيحه والل انا عارفه معرفه قويه وعارف انها مرتبطه بشخص اعرفه ومش بس كده دا كان خروجات وغيره وحقيقي هنا فكرت هو احنا بنحب نرسم دور الملايكه قدام الناس طب هل هي كده بوشين والحقيقه ان انا بعد تفكير لقيت اجابه مختلفه جدا وان هي فعلا بتنصح النصيحه الصح ومش لازم تكون بتعملها بمعني انت لو بتعصي وبتعمل مصايب ومش قادر تبطلها بس بتقاوم فمفيش مشكله مادام مش بتفتخر او بتساعد غير يعمل نفس الغلط ده فاتا معنديش مشكله ان انا ابقي بغلط وبعصي بس لما هاجي انصحك هنصحك بالصح مش بالل انا بعمله ودا واجب وفرض ع كل شخص فينا اعمل الل تعمله ف حياتك الشخصيه وكل ابن ادم خطاء وفعلا النفس ضعيفه جدا قدام ملزات كتير بس الفكره كلها ف الستر استر نفسك ومتحرضش غيرك ارسم المثاليه قدام غيرك بس لو طلع بيعمل نفس غلطك متعايروش لانك رغم انك شخصيه جميله جدا ف عين نفسك الا انك بتغلط وبتعصي ومش قادر تبطل ده فياريت الكل يفكه من حتت ان الناس بوشين ياجماعه لان احنا كلنا بوشين وش مع نفسنا ومع ضعفنا قدام المعاصي ووش قدام الناس وف الحياه اليوميه وبالنسبالي ده مش شئ سلبي خالص بالعكس والله 💙💙

View more

انا مش عارفه عامله ايه في حياتي علي بختي الهباب ده

الاقتناع والرضا ف المصيبه هما سبب اساسي ف فرجها وديما الانسان بينول ع قد قناعته مفيش انسان ع وجه الارض مش مبتلي ومفيش انسان ع وجه الارض مش مرفه لكنها نسبه وتناسب بتختلف بين ان حضرتك وقت الابتلاء كنت راضي وصابر وبتحاول تتفائل ولا كنت بتلعن وبتتذمر ولازم تعرف ان ربنا عند حسن ظن العبد بيه فان ظن خير فهو خير وان ظن شر فهو شر ، وربنا ييسرلك حياتك ويفرحك ديما يارب

View more

Next