@Averysimpleman2025

كن مع الله ولا تبالي ✊

Ask me anything Follow
Ask @Averysimpleman2025

Sort by:

LatestTop

Previous

بقالى فترة مش قليلة لما بكون بشتغل او بذاكر حاجه او بتفرج ع اى حاجه الاقينى بصيت ناحيه معينه كده مثلا ع النجفه او الدولاب او السرير وفضلت باصه مش بفكر فى اى حاجه خالص بيتكرر معايا كتييير لدرجه لما يكون حد بيكلمنى اوقات مش بركز ف كلامه ايه الحل!؟!

دا تشتت ونقص انتباه
ممكن يكون ناتج عن تفكير زيادة في موضوع ما
ممكن خوف زيادة من المستقبل
ممكن عدم رضا عن شخصية حضرتك وغياب الثقة ف الفترة دي
ممكن قلة النوم
الحل ف رأيي عكس الحاجات الل فوق
يعني لو تفكير زيادة نكتب أفكارنا ف نوتة عشان تبقى منظمة منسرحش فيها وهي طايرة كده
نتقبل نفسنا
ونعرف ان المستقبل بيد الله سبحانه
وننام فترات كويسة ونعدل يومنا يعني ننام بالليل ونصحى بالنهار وهكذا
ونجبر نفسنا ع التركيز يعني احنا ربنا خلقنا بحيث نقدر ننجز مهام ، فممكن نغير المكان مثلا أو نبعد عن المشتتات زي الموبايل والأضواء الكتير والحركة المبالغ فيها الخ
واحيانا بتكون فترة وتعدي ، لو مقدرناش نتعامل معاها ممكن (استشارة) طبيبة نفسية (لمجرد نصيحة مش علاج دوائي حتى)
بالتوفيق دايما وان شاء الله خير
1
Liked by: leil

بس انا شايفه نفسي صغيره ( تفكير وشخصيه) ومدركه ان ربنا بيرزقنا فالوقت المناسب لينا يعني صحابي تزوجوا واحنا فالكليه ومفوقين ما شاء الله بين بيتهم والمذاكره ولكن انا عارفه اني مستحيل هاقدر اوفق بين كليه وبيت.. انا لكيت كتير المهم اعمل اي فكلام الناس بيخلوني اعيط كتير وممكن يوميا هو انا ذنبي اي ان نصيب

٧.محدش مثالي كلنا بنجاهد نفسنا ، المثالي دا حالة غير موجودة بتسبب التعلق ، وعشان كده التعلق أكبر غلط ومختلف تماما عن الحب ، دا ذروة سنام الاسلام الجهاد ، (مش الكمال) الكمال لله وحده. ، ومحدش فينا ملك ولا نبي مرسل ، والعصمة انتهت بموت الحبيب صلى الله عليه وسلم ، لعله خير ، السير على طريق الوصول وصول ، سيروا إلى الله عرجى ومكاسير ، وبعدين مش شرط الالتزام يكون دراسة علوم شرعية ولا اجتهاد مطلق ف العبادات ، الالتزام ف رأيي ان لو حد خوفك أو رغبك بالله تخاف أو ترغب ، ويكون مقياس الدين هو دستور حياتك بغض النظر عن رضاك وتقبلك من عدمه
٨.لو حضرتك متأكدة من حد انه نفس المواصفات الل محتاجاها مش عيب ولا فيها حرج يكون فيه وسيط يدل ع حضرتك من غير تصريح أبدا ، ولعله خير ، دا رزق هيجي ان شاء الله لما ربنا يأذن ، ربنا يرزق حضرتك الزوج الصالح التقي النقي العفيف الكريم الل يبقى أمان ليكوا ف الدنيا والآخرة وياخد بإيدكم للفردوس الأعلى ان شاء الله 🙏🍃

View more

نسيت احط رمز لاني عايزه اكمل كلام انا مش مثاليه بس بجاهد علي قد ما اقدر وعايزه حد بيجاهد زيي .. عايزه شخص كويس خايفه اتعامل وحش وابقي زي ناس كتير حواليا ..وبسمع كلام وحش اوي اني متجوزتش لحد دلوقتي هو 23 كبيره اوي؟ يعني انا عنست؟ مش حابه ان الناس بيخلوني تفكيري كله منصب علي كده

باعتذر ع التأخير ظروف خارجة عن ارادتي
لعله خير
أولا شكرا ع الاطراء ربنا يبارك فيكم ويكرمكم ويرزقكم بالزوج الصالح التقي النقي عاجلا غير آجل
ثانيا السؤال فيه كذا شق :
١.كتابات الشخص على السوشيال ميديا لا تعبر الا عن جزء طفيف جدا من حياته يكاد يكون غير مهم ، ف مثلا منعرفش هل هو عصبي ولا هادي ، عنده قبول ولا مخيف ورخم ، التزامه ده هل هو معتصب ليه ولا بيناقش وبياخد ويدي ، هل هو كريم ولا بخيل ، هل أصلا يتماشى مع طباعنا واحتياجاتنا ولا لأ ، مهنته ايه وكسبه عامل ازاي وهكذا ...
مفيش حد كامل ، حتى سيدنا أبو بكر كان ضعيف البدن ، سيدنا عمر كان شديد الطبع ، وهكذا .. ف الحكم المسبق على شخص من خلال كتاباته ومنشوراته مش خطوة سديدة
٢.حضرتك ممكن تدي نفسك فرصة مع الل بيتقدموا وعادي ترفضي بنفسك بدل م يكون غيباني كده وممكن نندم اننا ضيعنا فرصة كويسة ، هو أصلا مفيش ندم المفروض بس طبائع البشر كده ، دا رزق وربنا بيجيبه ف وقته ، وحددي خطوط حمرا لو نزل عنها خلاص مينفعناش ، لو هو كويس فيها ف نديله فرصة وبالطبع بيظهر ف الخطوبة مهو مش هيبقى جواز ع طول
٣.بيكون فيه ناس م المتقدمين تفكيرهم والتزامهم بسم الله ما شاء الله اللهم بارك ، بس ماديا ضعيفين لسة بيبتدوا حياتهم ، طبيعي قضوا حياتهم تعليم وثقافة وتكوين شخصية (مش فطرة هي ولا جت بالساهل) بس دا ع حساب حاجة تانية زي جمع المال والكسب ، وممكن يكونوا جامعين بين الاتنين ، الفكرة ان جزء ضعف الماديات ده أحيانا بيخبي ناس تفكيرها رائع والتزامها اللهم بارك ، فممكن نديهم فرصة برضو ونشوف دنيتنا ايه وهل ليه مستقبل ولا لأ ، مهو برضو مينفعش نعيش عيشة طول عمرنا ونعيش أقل منها ف الزواج (فيه ناس بتتقبل ده لكن قليل ف ع حسب شخصية كل واحد وواحدة مفيش قواعد ف الزواج ولكن هم قاعدتين ، الدين والقبول وربنا بيبارك)
٤.يولع كلام الناس ، يولع كلام الناس ، يولع كلام الناس ، حضرتك لسة صغيرة ف السن ، السن دا الل ف طب مثلا بيكونوا بيعيطوا من امتحانات سنة رابعة 😅 وربنا بيكرمهم بعد كده بأزواج صالحين اللهم بارك ، ف احنا ناخد بأسباب الزواج وفقط ، وميكونش هم حياتنا منصب عليه ، فيه حاجات تانية زي برنا بوالدينا ، علاقتنا تبقى كويسة باخواتنا وصاحباتنا ، الكارير بتاعنا نبقى ناجحين فيه ، لغاية م يجي الزواج والبيت الل المفروض هيبقوا الأولوية بعد كده ان شاء الله
٥.اسباب الزواج زي اننا منقفلش ع نفسنا (ودي مش معناها نعرض نفسنا استغفر الله ، ولكن منكونش منطويين ، والدعاء ، والصدقة بنية كده ، ومساعدة المحتاج ، من كان في حاجة أخيه كان الله في حاجته ، والتعلم باستمرار عن حسن التبعل للزوج وتربية الأولاد.. الخ
٦.مفيش حاجة اسمها طالما صاحباتي ازواجهم وحشين انا نصيبي هيبقى شبههم ، دا اسمه confirmation bias ، دا بالضبط زي دكتور جتله حالة عندها صداع مزمن اداها اسبرين ، لأن كل الل بيجوله بيخفوا بيه ، والشخص دا عنده ورم ف المخ أصلا ، الناس مختلفة ، دا نصيب ورزق ، لا عدمنا الخير من رب يضحك ، ان شاء الله ربنا هيكرمنا ، خلق لكم من أنفسكم أزواجا ، الاجتهاد باننا نكون صالحين غالبا بيسوق ناس شبهنا ، الطيور على اشكالها تقع ، ان شاء الله خير

View more

Related users

Omm_salama’s Profile Photo زهـراءْ الحـويني | قَسوَرة
anonast44r’s Profile Photo طيفٌ شارِد ...
khadegaGhaith’s Profile Photo Free Palestine..☁️..Aya Adel
samaranwar7230’s Profile Photo Samar Anwar
Duality
snowwhite333_’s Profile Photo يِقيِنَ☁️
Loza115’s Profile Photo Lo Za
kitab625’s Profile Photo كتاب ٦٢
hamodeh201016’s Profile Photo حمودِّهه آلعدنآنّ
Manoosha611’s Profile Photo أمَان
omarkamal890’s Profile Photo O M A R K A M A L

صلاة القيام 🌸 يقول رسولنا الكريم : أيها الناس، أفشوا السلام، وأطعموا الطعام، وصِلُوا الأرحام، وصلُّوا بالليل والناس نِيام؛ تدخلوا الجنة بسلامِ. 🤲 ويقول جبريل للنبي: وأعلم أن شرف المؤمن قِيامهُ بالليلِ وعزه استغناؤه عن الناس👌.

لا حرمنا الله تذكرتكم 🌿
بيض الله وجوهكم يوم القيامة 🌿
ومتعكم برؤية وجه الكريم سبحانه 🌿
2
Liked by: ༺ نَـفـحـاتُ الـقُـرآنْ ༻

الورد القرآني اليومي ليوم السبت 18 صفر 1443هـ - 25 سبتمبر 2021م https://ask.fm/al_werd_al_yawmi "لا وقت للأبواب المغلقة والفرص المنتهية، فصاحب القوّة الأعظم هو الله وصاحب الفتح الأعظم هو الله. متى ما اتّصلت بالمصدر، يصبح كل شيء ممكن."

al_werd_al_yawmi’s Profile Photoالورد القرآني اليومي ⭕
وكفى بالله 🖤
وكفى بالله 🖤
وكفى بالله 🖤
جزيتم الفردوس الأعلى من الجنة 🌿
1

ورد يوم السبت 🌷عندما تمتلك القُدرة على فعل الخير فافعل، وعندما يضع الله في يدك عطاءً قد ينفع غيرك فلا تبخل، وعندما يكون بإمكانك إضاءة طريق، أو تشييد بنيان، أو بناء روح، أو إقالة عثرة، أو بذل إحسان؛ فكن مبادر https://ask.fm/koran2020karem/answers/167959148670?utm_source=copy_link&utm_medium=android

koran2020karem’s Profile Photoمع كتاب الله
من كان في حاجة أخيه كان الله في حاجته
جزيتم الفردوس الأعلى من الجنة 🌿
اللهم اقض حوائجنا ويسر أمورنا وقنا عذابك يوم تبعث عبادك 🖤
1

وقال تعالى:{وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ} ما وُجِدَ القرآنُ في قلبٍ إلا وترَكَ فيهِ طيِّبَ الأثَرِ __الورد ياصحبة 🤍 https://ask.fm/adkar4471/threads/170185504425 متنساش تعمل لايك على اخر فقرة فى الثيرد عشان نتطمن انك قرأت الورد ويوصلك الورد يوميا بإذن الله🌼

adkar4471’s Profile Photoالطريق إلى الجنة
جزيتم الفردوس الأعلى من الجنة 🌿
لا حرمنا الله تذكرتكم 🌹
1

‏﴿ أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ ﴾ قيام الليل يا كِرام 🍇

عافانا الله جميعا من جميع أنواع الضر
وشملنا بلطفه ورحمته في الدنيا والآخرة
جزيتم الفردوس الأعلى من الجنة 🌿
أني مسني الضر وأنت أرحم الراحمين قيام الليل يا كرام
1

اعرف نوع شخصيتي ازاي

أنا باحذر الناس من الاختبارات دي 😅
محدش يعرف إلا الل جرب
(فيه ناس طفوليين جدا ف الموضوع ده ما بين عدم نضج أو تقليد أعمى)

أنا الحمد لله متعمق فيها بشكل كبير
عشان باحب ال psychology بصفة عامة
فهو وسيلة لفهم البشر
لو حابين لازم تعرفوا حاجتين :
١.الغرض هو فهم نفسنا أكتر وتعزيز نقاط قوتنا وإصلاح عيوبنا
٢.منحكمش على أي حد خالص خالص خالص
خطيئة هذا العصر : الحكم على الآخرين
...
دي نظرية ف علم النفس اسمها Myer Briggs personality types
ابحثوا ف جوجل ع اختبار الشخصية 16
هتطلع نتيجة من اربع حروف وليكن enfp
هنبحث عنها نقرأ عن نفسنا
وملحوظة صغيرة : مش دايما الاختبار دقيق
(نجاوب بصراحة الل بنعمله ، مفيش صح ولا غلط ، دي personal preferences)
بالتوفيق 🌿
3
Liked by: ناظــم ༺ نَـفـحـاتُ الـقُـرآنْ ༻

هل فيه حل للمثالية ومنع الخزي الناتج عن عدم الوصول للكمال مع العلم أنا مدركة تماما أني لا يمكن أكون مثالية تماما ولا كاملة تماما لكن تظل النفس لا تقبل ترويضي ..هنا لو سمحت👀

خطر ع دماغي حاجة مش عارف هتكون متقبلة لحضرتك ولا لأ
(لأن ناس كتير وخصوصا الملتزمين مش بيحبوه ، ولكن أنا باعتبره storyteller ومستحيل أتأثر بالسم ف العسل أحيانا بتاعه)
بس انا استفدت منها الحلقة دي جدا
حلقة للدحيح اسمها : حلقة مش وحشة
عن الperfectionism
اعتقد رغم عيوبه الا انه من احسن الناس الل اتكلموا عنها
وعلى aj plus
مش new media academy عشان التطبيع وكده
...
أنا عانيت أثناء م انا ف الكلية من الموضوع ده
بس طالما intj
أحسن حل حضرتك تدرسي احتمالات المستقبل
لأن Ni بيحصر نفسه ف احتمال واحد بعييييد
عكسه Ne ، احتمالات كتير
ف هنحس لما نتعرف عليها بالرضا والتسليم وانها مش مستاهلة
ليڤيل الوحش بالنسبة لل Ne ف الل اعرفهم هو الشيخ الشعراوي
ممكن حضرتك تسمعيه ف أي فيديو بيتكلم فيه عن الرضا والتسليم واليقين ومعرفة الله
الراجل ده الNe عنده مش طبيعية
وبرضو د النابلسي الل اعتقد انه infp
يعني هو مش حل سحري
دا نمط شخصية ونتاج تربية معينة
...
خفض سقف التوقعات وتقسيم المهام الكبيرة لمهام صغيرة وواحدة واحدة هتيجي
....
نبص ونتأمل كتير ف الل عندنا عشان منركزش بس ف الل مش عندنا
...
بالنسبة للذنوب ، نملا القلب بالذكر ، خاتم تسبيح والزمي نفسك بأعداد كبيرة بحيث ميفضاش وقت للذنوب
ولو حصلت
دش صغير ، وضوء ، ركعتين توبة بعياط ، استغفار
وابشروا
غفرت لك على ما كان منك ولا أبالي
أتمنى أكون أفدت

View more

+ 2 💬 messages

read all
4
Liked by: سبحانك ربي ناظــم مَقْدِسِيُّ الهَوَىٰٓ

حاسة أني في دايرة مفرغة ..أتمنى ترد هنا وبعتذر عن الإطالة👀

وعليكم السلام ورحمة الله وبركاته
مفيش ازعاج ولا حاجة انا هابعد تاني بعد الفجر أصلا ، فأنا فاتح أفيد أكبر قدر من الناس والحمد لله ربنا بارك
...
أولا ربنا يتمم شفا حضرتك ع خير
بس ايذاء النفس الجسدي بصفة عامة دا بيكون صورة من التجاوب مع الاكتئاب (التنفيس عن الغضب أو الإحباط من النفس) مينفعش
دا غلط ، ربنا بيقول ولا تلقوا بأيديكم إلى التهلكة ، بيقول : ولا تقتلوا أنفسكم
حضرتك تعرفي من نصايح انقطاع التمرينات ، انك لما ترجع متقولش هاعوض بأني أعمل تمارين أكتر المرادي ؟ لأن دا بيضعف قوتك الذهنية وبيعزز صورة العقاب في العقل الباطن ، غلط طبعا (دا اكتئاب)
حبيت أقول رأي الطب ف البداية لأنه تخصصي
زائد دي شخصيتي Intj 1w9
1w9 ف علم النفس (perfectionist)
ف أنا عارف باقول ايه وأول خطوة ع الطريق الصح : استشارة طبيب حضرتك بسبب الايذاء ده (أو نحاول نوقفه من نفسنا لأنه ملوش ستين لازمة ولا هيساعد بحاجة) ، زائد نوقن اننا مش ملايكة ونوطي سقف توقعاتنا
...
ثانيا : ربنا يبارك لحضرتك ترتيب الأولويات ده ، بس فعلا احنا بشر ، حضرتك مقتنعة بالحجج الدينية بس بتعملي عكسها ، أعتقد دي المشكلة
المسيحيين المتطرفين بيجلدوا ذاتهم بعد كل ذنب ، عارفة ليه ؟ لأنهم كفرة أصلا معتقدين ان كل حاجة تحت سيطرتهم ، كل شيء هم مسئولين عنه بغض النظر عن وجود قوة قاهرة فوق
احنا مش كده ، هافكر حضرتك بكلمة واحدة :
ولا أباااالي
ولااااا أبااااالي
مين الل بيقول كده ؟
رب العالمين
السياق ؟
غفرت لك على ما كان منك ولا أبالي !
ذنوبي كبيرة ؟ الله أكبر
ذنوبي كثيرة ؟ الله أكثر
احنا فيه عندنا قوة قاهرة ، كراسة حياتنا كل م ينخط فيها ذنوب فيه استيكة وراها اسمها الاستغفار والتوبة
دي الخدعة الل الشيطان بيحاول يخبيها عننا
لا شيء أحب للشيطان من حزن المؤمن
دلوقتي يقول ايه ؟ البنت دي مش هاعرف ادخل لها من باب العبادات والأولويات ، هادخل لها من باب العقيدة نفسه(أخطر باب والله)
نصيحتي هنا تسمعي سلسلة عن أسماء الله الحسنى ، حضرتك ملتزمة وممكن تكوني بتسمعي دروس بانتظام ، خلي دي السلسلة القادمة ، د النابلسي (لو حضرتك عقلانية أو عندك وقت كبير لأنها أطول) او د حازم شومان(لو حضرتك عاطفية أو وقت حضرتك قليل لأنها أقصر)
وربنا يريح بالك حضرتك وأمورك من هنا ورايح تمشي من أحسن لأحسن ان شاء الله
نصيحة من التجارب بقى : الذكر ده ، لا اله الا الله ، والصلاة ع النبي ، دول أثرهم سحري في تعلق القلب بالطريقة الصح ، ولعله خير 🌿

View more

4
Liked by: ناظــم مَقْدِسِيُّ الهَوَىٰٓ

أسأل سؤال وميظهرش ازاي

تقريبا تقصدوا الثريد صح ؟
الاسك العادي بيظهر الكيوهات ع صورة شات
نزلوا اسك لايت ، وابعتوا ثريدات زي زمان
او فيه حل أصعب
نبعت كيوهات في أخرها رمز ونطلب انه ميتجاوبش عليها
وبعدين نبعت رمز ف الآخر يتجاوب عليه
5
Liked by: ناظــم مَقْدِسِيُّ الهَوَىٰٓ ༺ نَـفـحـاتُ الـقُـرآنْ ༻

قولوا نصايحكوا ف ال Relationships غير أننا مندخلهاش💙

ayama7moud631’s Profile Photoآيــه
لا نصايح كتير :
*بين نفس الجنس :
١.اعذر
٢.التمس العذر
٣.اخترع عذر لو ملقتش عذر
٤.متتدخلش ف خصوصيات حد مهما كنتوا قريبين من بعض
٥.تهادوا تحابوا
٦.الكلمة الطيبة صدقة
٧.التقدير
...
بين الولد والبنت :
١.أول خطوة الخطوبة
٢.مفيش كلام من ورا الأهل قبل كده ، حرام وضحك ع الدقون وكسر قلوب ع الفاضي
٣.أول خطوة الخطوبة
٤.التقدير ، محدش واخد التاني سوبر مان ولا سوبر وومن
٥.أول خطوة تبقى خطوبة
٦.المصارحة من البداية
٧.تحمل عيوب الطرف الثاني والإصلاح من عيوب النفس على قد ما نقدر
٨.علاقاتنا زي المثلث ، احنا على القاعدة وكل ما طلعنا لفوق هتقرب من بعض
بالمثل كل ما قربنا من ربنا هنقرب من بعض
٩.احترام اهالي كل طرف وعدم التقليل منهم
١٠.أهم حاجة ، قبل الزواج نقدر جدا ان الشخص ده اختارني من كتير ، وهي رضيت بيك من كتير
بعد الزواج : ولا تنسوا الفضل بينكم
..
لعله خير
قولوا نصايحكوا ف ال Relationships غير أننا مندخلهاش

+ 1 💬 message

read all
7
20
Liked by: ناظــم مَقْدِسِيُّ الهَوَىٰٓ Amany El-henawy شُّرُوقْه ༺ نَـفـحـاتُ الـقُـرآنْ ༻

غداً بداية الأيام البيض ١٣، ١٤ ،١٥ حيث قال الرسول ﷺ : (مَنْ صَامَ يَوْماً فِي سَبِيلِ الله بَعَّدَ الله وَجْهَهُ عَنْ النَّارِ سَبْعِينَ خَرِيفًا). ومن يصم هذه الثلاث أيام من كل شهر فكأنه صام الشهر كله وبذلك صام الدهر كله لأن الحسنة بعشرة أمثالها واللَّه يضاعف لمن يشاء 🌺🌺💪. هَلُمَّ 🌹

youssefgamal4816’s Profile Photo༺ نَـفـحـاتُ الـقُـرآنْ ༻
جزيتم الفردوس الأعلى من الجنة 🌿
بيض الله وجهك يوم القيامة 🖤🌷
ومتعك بالنظر لوجهه الكريم 🌿✨💜
غدا بداية الأيام البيض حيث قال الرسول ﷺ من صام يوما في سبيل الله بعد الله

+ 2 💬 messages

read all
5
20
Liked by: ناظــم شُّرُوقْه ༺ نَـفـحـاتُ الـقُـرآنْ ༻

حضرتك دكتور،!؟ متخرج

أينعم ، الحمد لله
بس محبذش حد يسألني ف الطب
مش لحاجة الا لأنها حياة وأرواح ناس
ف مسئولية كبيرة مش تتحدد بقرار من كيو ع الاسك
ع الأقل ع الأقل
محدش يسأل آخد دوا إيه (مستحيل أكتب علاجات هنا)
ولعله خير
5
Liked by: سبحانك ربي ناظــم ༺ نَـفـحـاتُ الـقُـرآنْ ༻

هو لو انتحرت اكيد ربنا هيسامحني علشان حاسس بيا

قل أتخذتم عند الله عهدا ؟
حضرتك لو ف امتحان وصعب جدا على الكل
حضرتك تعتقدي التصرف السليم انك تقطعي الورقة وترميها م الشباك وتقولي ان رئيس القسم هيحس بيا ؟
ولله المثل الأعلى
...
استشارة طبيب نفسي واجبة
كلنا بنحتاج الاستشارة دي مش وصمة ولا حاجة
وناخد قرار ان فيه مشكلة ف نفسيتنا ولازملها علاج
...
ربنا يهون عليكم ويريح بالكم ويجبر بخاطركم ويراضيكم ويجعلكم من السعدا دنيا وآخرة يارب 🌿
4
Liked by: ناظــم

لو بحب واحد أووي وهو مايعرفش ومحترم جداً وبدعي ربنا دايما إنه يكون من نصيبي ده غلط ولا اي ؟!

مش حرام بس غلط ف حق نفسك
لأن ربنا مبيتجربش
حضرتك مش واخدة على ربنا عهد انه هيستجيبلك بالشخص ده
الاستجابة ليها ٣ صور :
١.تحقيقها دنيويا
٢.دفع شر ومصائب بيها
٣.ادخار الأجر ف الآخرة
يعني نسبة الاحتمال الأول ٣٣٪
طيب لو حصل الاحتمال ، ممكن ميطلعش الل ف بال حضرتك ، وترجعي تندمي ان حضرتك دعيتي أصلا ، هو كده كده أقدار ربنا خير ، بس عدم حفظ القلوب ده هو المشكلة
ممكن تتفاجأي ف أي وقت بخبر خطوبته من واحدة تانية وترجعي تفقدي ثقتك ف ربنا
الل وهب حضرتك حياتك والنعم دي كلها ميستحقش منك تتخلي عن الثقة فيه مقابل حد معشتيش معاه ولا عاشرتيه ولا تعرفي عنه إلا انطباع خارجي
يارب يحفظ لحضرتك قلبك وثقتك بالله
يارب يبقى نصيب حضرتك لو خير
ربنا يبعده عنك لو شر ويرزقك بالل أحسن منه
ادعي بالخير دايما أفضل ، ولعله خير 🌿

+ 6 💬 messages

read all
5
20
Liked by: ༺ نَـفـحـاتُ الـقُـرآنْ ༻ Areej( فلسطين القلب)

احط صورتي الشخصية على البروفايل؟

طبعا المنطقي ان الل سألت السؤال ده بنت
نتخيل موقف معين
حضرتك ماشية ف الشارع وحد من الولاد وقف حضرتك ف الشارع وفضل يبحلق ف وشك ويجي يمين وشمال كده وحضرتك مش عارفة تعملي ايه
حتى لو حطيتي guard عليها هيعمل سكرين ويكبرها عنده
زائد ان درء المفسدة مقدم على جلب المنفعة
احنا الل هنستفاده طبعا اننا فطرة فينا حب الجمال واننا نكون مرغوبين وصاحباتنا يقولولنا كلام لطيف وحاجة تكون واجهة للبروفايل تعبر عننا
لكن المفاسد كتير وهاعدد منها
١.الحسد (العين حق ، والعين بتسبق القدر ، تخيلي تفني عمرك ف اجتهاد او سعي او دعاء وخلاص الرزق هيقرب من حضرتك وهتاخديه ، هوب نفقده بالعين وياريت تيجي ع قد كده بس ، ربنا يعافينا)
٢.الفتنة
٣.محاكاة للموقف الل فوق ده من شباب كتير نفوسهم مريضة
٤.ناس مجرمين محترفين تركيب صور وابتزاز وفضائح وبتحصل والله العظيم
"درء المفسدة مقدم على جلب المنفعة"
ربنا يجبركم ويراضيكم ويحفظكم

+ 15 💬 messages

read all
4
20
Liked by: ༺ نَـفـحـاتُ الـقُـرآنْ ༻ Areej( فلسطين القلب)

ممكن استفسار ..لو بنت منتقبة ومتقدم لها شاب تقعد معاه وتعرفه لأول مرة .هل هي المفروض تقعد معاه بوشها ولا المفروض دي قاعدة تعارف ويشوفها لما يتعرفوا الأول

تقعد بوشها عادي (دي اسمها رؤية شرعية ، رؤية)
عادي جدا ، دا رأي الدين على فكرة ، مفيهاش حاجة ، بعد ال٣ مرات لو طلب ٣ كحد أقصى ، يرجعوا أغراب تاني ، وان شاء الله يحصل نصيب لغاية كتب الكتاب تفضل لابساه لأنه غريب
ألف مليون مبروك مقدما ربنا يراضيكم ويجبركم
3
20
Liked by: ༺ نَـفـحـاتُ الـقُـرآنْ ༻

متزعليش ياماما لما شوت مخل او اباحي يجيلك كده كده انت مش ملاك واغلب اللي هنا بعرضوا نفسهم وصورهم باينه لليعاكس ويتمسخر ومتقولش تحضر وحريه وانت فلاح لا مهو جزء من القباحه ميتسكتش عليه بردو منقولش ده عادي والتاني مش عادي زي تؤمن بجزء من الكتاب وتكفر ببعضه لموا نفسكم كفايه والله ربنا يخرجنا فعلا علي خي

حيلك حيلك
متفهم كلامك ويمكن تكون نيتك سليمة
بس انت فاهم الآية غلط
الآية الصح ف الموقف ده هي :
لا تزر وازرة وزر أخرى
يعني افصل في المواضيع
البنات الل بتحط صورها وخصوصا المتبرجات أو الكاسيات العاريات غلطانين ، مذنبين ف حق ربنا ، ف حق الناس الل بيتفتنوا ، وأكيد ف حق نفسهم
لكن أصحاب الأكونتات الاباحية ربنا ينتقم منهم ، المتبرجات ممكن مبيتفاعلوش ، لكن التاني زي الكلب المسعور ما بيصدق أي بنت يستفرد بيها ، اعتبرهم اخواتك ، ترضاها ليهم ؟
هترضى بنتك تيجي تعيطلك وتقوللك موقف مشابه حصل ليها ؟ هتقول ساعتها ما فيه بنات متبرجات برضو ؟ حتى لو بنتك نفسها هي الل متبرجة ؟ هتبرر له وتقول معلش أصل حالته النفسية وحشة ؟
المتبرجات مذنبين ف حق ربنا ، ف حق الناس الل بتتفتن ، ف حق نفسهم أكيد
لكن أصحاب الأكونتات الاباحية كلاب مسعورة حرفيا مفيش أي مبرر لفعلهم وياريت ربنا يهديهم جميعا عشان الاسك ينضف
...
الموقف دا بيفكرني بنقاشات التحرش
مين الل غلطان ؟!
كمية كبيرة من العبط مفكرين ان لبس البنت مبرر للتحرش وسبب وكله حاجة
دول كلاب مسعورة برضو
البنت غلطانة (عشان لبسها كده ، وعرضت نفسها للتحرش كمان (دي حقيقة مفيش بنت تقدر تنكرها) ، لكن هي مسكت الولد من ايده وقالتله تعالى اتحرش بيا ؟ ما يمكن ثقافتها كده ! انت لو ف بلد تلت سكانها مسيحيين مثلا واللبس عندهم مش اسلامي ولا ساتر ، المفروض نطيح فيهم بقى بحجة لبسهم ؟)
لكن ذنب التحرش الذنب كل الذنب على الل بدأ ، الولد لو اتحرش بيها يبقى الذنب عليه ١٠٠٪ .. هي مش مسكته من ايده قالت تعالى اتحرش
زي م فيه والله العظيم بنات بتتحرش بالولاد ف المجتمعات المنحلة وهنا هيبقى الذنب ع البنت بنسبة ١٠٠٪
منظومة القيم ومنظومة الثواب والعقاب ف مجتمعنا محتاجة تتعدل ، ربنا يهدي الناس كلها

View more

+ 17 💬 messages

read all
3
Liked by: سبحانك ربي

لو الواحد عمل ذنب و ندمان عليه ومش هيتكرر تاني ربنا هيسامحه ويغفر له ؟

ألف ألف مليون مبروك والله 🖤🌷🌿
هو دا سؤال أصلا ؟
ربنا جل جلاله بعظمته ورحمته يجيبك :
وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا (110)
طيب ذنبي كبير والله
برضو ربنا يجيبك هنا :
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
أخدت بالك من كلمة جميعا ؟ جميعاااا
مبروك التوبة وتجديد العهد 🖤🌷
إن الله يباهي الملائكة بالشاب التائب
مستنيين ايه عشان ربنا يباهي بينا ؟؟؟
يا سالكين إليه الدرب لا تقفوا ✨✊
https://m.youtube.com/watch?v=YAqabc3K5PMAverysimpleman2025’s Video 168348423070 YAqabc3K5PMAverysimpleman2025’s Video 168348423070 YAqabc3K5PM
2
20
Liked by: ༺ نَـفـحـاتُ الـقُـرآنْ ༻

ربنا هيغفرلي ذنب ندمانه عليه من السما للارض ولا 🥺

ألف ألف مليون مبروك والله 🌿
بيخطر ف بالي هنا الآية :
ما قدروا الله حق قدره
حضرتك ف ظنك ربنا هيعجز يغفر ذنبك ؟ 😅
حضرتك أشركتي بيه ؟
لأ
يبقى هيغفره ذنبك بلاااا أدنى شك
ربنا نفسه هيجيبك ع السؤال ده :
وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا
اخدنا بالنا من : يجد الله غفورا رحيما ؟
هو ربنا أصلا كده والله
غفور رحيم قابل التوب غافر الذنب ودود لطيف بعباده
طيب ذنبي كبير اعمل ايه ؟
برضو ربنا هيجيبك على السؤال ده :
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ
يغفر الذنوب جميعااااااا
النبي بيقول :
ما من شيء أحب إلى الله من شاب تائب
وبيقول : إن الله يباهي الملائكة بالشاب التائب
مستنيين ايه عشان ربنا يحبنا ويباهي بينا الملااااائكة
الله ينتظرك
هاسيب فيديو ان شاء الله يفيد حضرتك
مبروك التوبة وتجديد العهد 🌿
https://m.youtube.com/watch?v=YAqabc3K5PMAverysimpleman2025’s Video 168349796254 YAqabc3K5PMAverysimpleman2025’s Video 168349796254 YAqabc3K5PM

View more

Averysimpleman2025’s Video 168349796254 YAqabc3K5PMAverysimpleman2025’s Video 168349796254 YAqabc3K5PM

+ 2 💬 messages

read all
2
10
Liked by: ༺ نَـفـحـاتُ الـقُـرآنْ ༻

Next

Language: English

4.1

1,266,418 reviews
© Ask.fm 2024