احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟
انا من رأيي متستنيش حد مقالكيش حاجه سهله اوي لو كان عايز يلمحلك او يقولك تعرفي علي الاقل بس خليكي مع ال شاريكي لأنك هتتعبي اوي لو فضلتي كدا عايشه علي احتمالات جايز تحصل وجايز لا
بقاله سنتين معجب بيا وميشوفنيش غير اما يقعد يبصلي ويضحكلي ومره كان عاوز يدفعلي في المواصلات لما ركب معايا صدفه وانا فاهمه إعجابه. بس سنتين مدخلش كلمني يصارحني ولا حتى اتقدملي ومش فاهمه ليه؟! انا كمان معجبه بيه بس مش عارفه ليه مخدش خطوه لدلوقتي. مستنيني اتخطب طيب واروح منه 🥀عاوزه رأيك ضروري
رأي انه كل ده هوا ومفيش اي دليل لاي حاجه جايز يكون بيتسلي مبسوط بالشعور ده او مش جاهز لخطوه دلوقتي فمتستنيش حد مقالش حاجه لغايه دلوقتي مع انه في ايده يكلم علي الاقل يلمح
كلمة اسف ترضيكى؟؟
لو مفاتش الاوان هترضيني
هخسر اهلي عشانه ، بس هو بيحبني ويمكن ملاقيش حد بيحبني كدا ☹️ اوافق بيه ولا ارفض انا محتارة ومخنوقة اوي ومش عارفة اتصرف ومش عارفة فين الصح
والله يابنتي أي حاجه تتعوض الا اهلك اوعي تخسريهم عشان حد هو اول حد هيسكرك وهترجعي لأهلك بعدها بردو لو بيحبك مش هيبعدك عنهم والله دي نصيحتي
تقدير البنت في الكلية بيفرق في الخطوبة ؟ يعني مثلاً اللي بتجيب امتياز كل سنة بيجيلها ناس كتير، ولا مش شرط ؟
لا دي خطوبه مش تنسيق يعني
شخصيتك رايقه وهاديه اوي ❤️
♥️
ما هو اسوأ خبر سمعته بحياتك؟
لما جدتي اتوفت وبابا كان رايح يجيبلها دكتور ورجع كنت فاكراه جاي يقولي خفت بس كان جاي يقولي انها اتوفت كنا اربعه الفجر وكنت اول مره احس ان عقلي اتشل وقعدت نص ساعه مش قادره لا اعيط ولا اكلم متنحه بس
لو حد اتقدم و كان متقبلك و بعدها بشهرين من التعارف قبل الخطوبه سابك وعرفت من برا انه علشان الشكل و محسش بالحب اوي و رجع بعد فتره راجع نفسه و اتقدم تاني ، هتوافقي ؟
لا مش هوافق لأنه شخص هوائي وكل يوم بحال وانا مقبلش بكدا