Ask @AymanShams223:

وجهه نظر 👌

Ayman shams
وجهه نظر بذكر بيها نفسي قبل أى حد
لما يجى وقت و تحس انه مش مرغوب فيك او انت نفسك لا ترغب التواجد مع اللى حواليك سواء كان أهلك،قرايبك،صحابك،زمايلك، اى حد
بدأت تحس الفتور من كل حاجه حواليك !
فى الوقت دا " عيش نفسك " فكك من كل حاجه شايف انها بتسحبك ناحيه التفكير دا و فكر بس فى نفسك و زووم عليها شويه شوف إيه اللى هيريحك و اعمله و ابعد عن مخك اى فكره فانك تلوم اللى حواليك على اللى انت فيه
لانك بنسبه كبيره هتشوفهم غلطانين فى شيء ما
بس للاسف مينفعش تلومهم مهما كانوا بالنسبالك لانهم مش هيكونوا طول الوقت كدا طبيعى اتغيرت حاجات كتير هما من ضمنها او مش لازم تغيير ممكن يكون دا طبيعتهم و مكنتش واضحه قبل كدا " شيء وارد " تقبلتهم او متقبلتهمش ايا كان مينفعش تبقى هى الشماعه اللى هتعلق عليها حالتك
مش مطلوب فى الوقت دا غير انك " تراجع نفسك " 👌 ورقه و قلم و افتكر انت عاوز ايه ووصلت فين من كل جوانب حياتك هو دا الوضع اللى كنت بتتمناه فى حياتك هى دى اهدافك و انت ماشي فى طريقك فعلا و لا بدأت تفكر فى فرعيات و مشيت ع الهامش و فضلت تكتب ع اول السطر ومكملتش ولا سطر !
واجه نفسك و استرجع ايمانك بربنا و بنفسك و جدد
نيتك و هتتحل بإذن الله
وافتكر إن كل واحد فيه حاجات كتير تغنيه عن عتابك
حاجه مدايقاك من حد كلمه بشكل مباشر نحاول بلاش اللوم بطريقه غير مباشره
وتتسببله فى اذى نفسي قد يكون سبب فى ان حالتك تسوء اكتر !
وفى نفس الوقت حاول تتعود انك تحسن الظن و تسامح و تعدى عشان ترتاح
سطّح علاقاتك الاغلبيه و تقبل ع قد ما تقدر تصرفات غيرك و افتكر انها دنيا
اللهم يا مقلب القلوب ثبت قلبى على دينك و ردنا اليك 💙
Focus_on_your_self
believe_in_your_goals
just_keep_trying
انت اكبر سبب فى حالتك مش هما

View more

Next