Ask @Bahaa_aldeen11:

_

في ڤيديو عن واحد خلي شخص كفيف يسوق عربيته ، الڤيديو دا كل ما أشوفه جسمي بيقشعر و عيني بتدمع و الله بالذات و هو بيقول "صورني ڤيديو" رغم انه مش هيقدر يشوفه و كل ما يحس ان العربية بتمشي يقول "الله أكبر" .. جبر الخواطر عظيم🌻

View more

انا بخاف م الحب ع الرغم من اني احيانا بحس اني محتاجاه جدا ومع ذلك مابثقش ف اي شخص وحاليا انا مرتبطة ومع ذلك بردو بخاف اسيب قلبي يحب حد لدرجة اني بحس اني مابحبش الشخص ده وف نفس الوقت مش بقدر ابعد يمكن تعلق ويمكن بيوحشني حد فاهم حاجه؟! اللي فاهم يقولي اعمل اي

الفتره إلاخيره لحد دلوقتي وممكن ده يكون اغلب الردود ال وصلت ليك ال هي - كلنا فترات ومفيش حتي صاحب لاخر وكدا وكمان أن new version عن الحب وان قد اي زفت وفخ وممكن تكون اكتر حاجه مسببه لزعل والتعب والكلام ال يشبه بده كتير . بس تمام هما مرو بتجربة فاشله يبقي المشروع نفسه فاشل .. لا خالص الاختيارات كانت غلط من البدايه...
انت توهت مني بس ال اقدر اساعدك فيه اختار صح وال يقدر شغفك ليه وكل صغير وكبير بتعمله و انك تحب نفسك وتتقبل شخصيتك وڜكلك حلو او وحش عشان تقدر تحب .. وان والله الحب ده أعظم حاجه في الدنيا والوحدة بايخه اووي وان محدش يقدر يعيش بين أربع حيطان ويبقي مبسوط والا السجن الانفرادي بقي جنه للسجين .
واسف لو طولت عليك . لو احتجت اي حاجه هبقي موجود هنا 🌵
يومك جميل 💙

View more

_

انا من موقعي هذا وخبرتي المحدودة أحب أقول -مع الأخذ في الإعتبار إن كلامي غير مُلزِم- إن مفيش حاجة في الدنيا دي بتريَّح غير الرضا، السعادة مفهوم واسع جدًا وبيختلف من شخص لغيره بس بيتفق في نقطة إن انتَ راضي فقابل وضعك فَإجمالاً مبسوط. لو هنعيش لهدف بشكل عام فهو إننا نرضى، وبس.💙

View more

_

لو انت مش بتصلي في الطبيعي متتكسفش انك تصلي في رمضان. لو ليك دعوة معينة متتكسفس انك تطلبها من ربنا طول الشهر. لو بعيد عن ربنا في الطبيعي متتكسفش تقرب منه الشهر دا لعلها تكون بداية لحال احسن بعدين! و لو سمحتوا ياجماعة ماتسمحوش ان حد يقلل من محاولاتكوا دي عشان هي عند ربنا كبيرة!💙

View more

_

عندى أعجاب كبير بالناس اللى عندها القدرة تقول كل اللى فى قلبها ، الناس اللى جريئه كفاية أنها تقولك شعورهم تجاهك و الكلام الغير منطوق و التساؤلات ، اللى بيتكلموا عن ماضيهم و يحكولك أحلامهم ، و يعرفوك دايما أنت فين فى حياتهم ، الناس دى قوية و مريح جداً و جودهم فى حياتنا .🌍

View more

_

القرآن هو الملجأ الوحيد للحقيقه المطلقه ف الأوقات اللي بنشعر فيها بالتصنع والتكلف والوهم اللي بيحيط بينا ف كل تفاصيل حياتنا اليوميه لأن الآيات بتعيد ترتيب الفوضي والمشاعر وبتدي كل أمر حقه وحجمه الحقيقي القرآن هو ضروره للثبات ف دنيتنا اللي بتدمر قلوبنا وروحنا.

View more

_

جملة ”كل حاجة بتبدأ صغيرة وبعدين تكبر إلا الزعل بيبدأ كبير وبعدين يصغر“ من أصدق الجمل اللي ممكن تسمعها في حياتك. الكلام عن الحاجة اللي زعّلتك بيبقى تقيل على قلبك في الأول؛ وبمرور الوقت بتلاقي نفسك لما بتيجي السيرة يا بتتكلم على إنها تجربة وعدّت يا بتكون حقيقي نسيت الموضوع أصلًا..

View more

_

لما تحطك الظروف مابين إختيارين الإتنين أسوأ من بعض ، أرفضهم الإتنين ، قول لاااأ صريحة ، لأن أي إختيار أقل بشاعة من التاني أبدًا مش هيخليه حلو ومقبول ، لأن الصح والمفروض إن الوحش بيترفض بكل أشكاله ..

View more

عايز حل ديما بخاف اعمل اي حاجه عامه عشان نظرات الناس ف مجتمعنا بقت بايخه ياريت لو حد يقدر يساعدني ؟

هي الفكره ان مش شرط يكون شكلك حلو عشان تتصور ، وصوتك حلو عشان تغني ، اي حاجة عاوز تعملها اعملها لنفسكك مش لازم تعجب حد ابداً. فكر ف ده قبل اي حاجه وان محدش لي عندك حاجه بدان مش بتسبب لي اي ضرر كدا كدا كلام الناس مش بيخلص. يبقي اعمل ال يريحك هات سماعه وعالي الصوت جدا ل حاجه بتحب تسمعها وامشي ف قلب الشوارع بليل وتندن واتنطط عادي جدا انا بعمل كدا لو عندك
اسكيت تعال نلعب سوا كمان ومتحسش انك لوحدك ونتصور ونبقي اصحاب 🌏

View more

_

أنا محتاج حد يفهمنى ، يستوعب إنى مُش دايماً ببقى عارف أتكّلم ، وانى مُتقلب المزاج جداً لدرجة إنى ممكّن ابقى بضحك و اتخنق و أعيط فجأه ، وإنى بتعشم جداً فِ الناس إللى بحبها مش ببقى مستني حاجة أكتر مِن إنُهم يقدروا حُبي و متأذيش منهم ، ولما بحب بقع ع وشى ، و بحب بكل طاقتى.🌍

View more

_

بحب العائلات الكبيرة اللى تلاقى البيت فيه عيال كثير بتجرى والستات واقفه بتتفنن فى الطبخ و جد و حواليه الرجالة بيلعبوا طاولة وبيتكلموا فى الكورة والجدة عمالة تطمن كله أكل و لا لأ و سهر للفجر و ضحك مسمع وباب الشقة مبيتقفلش كل شوية جار أو قريب يدخل،نفسى جداً فى النوع ده من الانبساط.

View more

_

الكلمة الحلوة بتقصر مسافات ، بتظبط يوم حد كان تعبان من ظروفه ، بتغير ساعات فكرته عن نفسه فى أوقات شكه فى نفسه وفى قدراته أو قيمته
الكلمة الطيبة صدقة ، صدقة عظيمة يا جماعة والله فى الوقت اللى احنا فيه ده وسط مشاكلنا اوعوا تتاخروا عن حد محتاج منكوا كلمة حلوة ممكن تغير فيه حاجة ❤.

View more

_

مفيش حاجه اسمها انت غامض .. في حاجه اسمها ف جزء جواك مبيبنش إلا للقريبين منك والي يستحقوه بس مش لأي حد، مش كل حاجه لازم الناس تبقي عرفاها عنك ولا تدي الي عندك لأي حد، سيب حاجه attractive للي بره يحب يقربلك عشان يعرفها من جواك وحاجه تعرف تقدمها للناس المميزه ف حياتك.💙

View more

_

الدنيا كانت هتبقى احسن لو كان فيه ديماً حد في انتظارنا في الاوضه لما ندخلها و احنا زعلانين و مش قادرين نواجه العالم ، ف ياخدنا بالحضن و نعيط كتير لحد مانهدى من سكات ، بعدين يقعد جمبنا يقولنا كلام يدينا طاقة نواجه العالم.. من غير لوم او اي ضغوطات ..

View more

_

خليك مؤمن بإن كل حاجه كنت عايزها تحصل ومحصلتش ف هى مكنتش خير ليك، وإن اى شخص سابك ومشي ف انت تستحق أحسن منه، وإن لو نفسك ف حاجه ومانولتهاش ف هيجيلك اللى احسن واحلى منها، وإن اى دعوة دعيتها لربنا ولسه ماستجابش ف ده له حكمه هو عارفها بس انت لسه عينك مجتش عليها.💎

View more

_

أكتر حاجة بقيت مؤمن بيها هو إن أقدار ربنا جميلة فعلاً وإنه كل ما يأتي من الله جميل، حتي لو إحنا مش شايفين، مش مُدركين أو حتي بنمر بحاجات صعبة جداً، بس جمال لُطف الله في أقدارنا مُحيط بينا من كل جانب. اليقين أو الأمل في ربنا حياة في حد ذاته حرفياً وبيه وحده بس بيهُون كل شئ.💙

View more

_

لما تلاقي حد مخنوق ومضايق ، مينفعش تفضل تقوله انت اللي عملت ف نفسك كده ، وانت اللي غلطان من الاول ، قولتلك كذا مره تسمع كلامي ، هو اصلا فاقد الوعي هو معاك بجسمه بس عقله تايه ، بيبقي محتاج طبطبة ، انا جنبك ، مافيش حاجه ملهاش حل ، ان شاءالله خير ، عارف ان كله كلام بس بيفرق والله .🌻

View more

Next