Ask @Bara2h_95:

شلون تتعاملون بلحظات الغضب..؟ تكتفون بالصمت مثلا ، لو الموضوع اكبر ويوصل للضرب او الصراخ والشتم

• • ᗰᗴᖇᑎᗩ | مـيَرنـــآ • •
أكيد ما أسكُت ،
وبالمُقابل مـا أغلط ولا أضرب ولا أكسّر ولا أصرّخ
ولا مُمكن حتى أستخدم مثل هيچ أساليب وحشية
عندي قُدرة أگدر أسيطر بيها كُلش على توازنـي
ف اليصير بس أنُ أعصّب ، بشكل ينطاق " منطقي "

View more

هـل أصـبحـت مـثلما تـريد أنت ؟ كـيف ؟ ولماذا ؟ ♥️🤍

وأكثر مّما ردت ، ألف الحمَدللـه والشُكر 💙
" بـدون ليـش وشلـون "
كُل مرحلة چان ألها ظروف وأحداث وأسباب مختلفـة
عن الـ گبلها ، مراح أگدر أنطيگ إجابـة سهلـة وواضحة
توصف سنين من الشجآعة والخوف ، القوة والإيمان
الإرادة والضعُف ، التعب والأمـل ، الجُهد والتردد
الطاقة والإستنزاف والفشل حتى !

View more

برأيكم ليش البنية من تحب ولد و إذا صار خلاف بيناتهم واختلفوا على بعض تركو بعض بسبب أفعال واحد منهم آو بالأحرى هوة طلع نذل مورجال وعافهة ليش بعد متحب ولد غيرة وتفقد ثقتهة بالناس وتكوم تكره شيء اسمة ولد ؟

.
.
_
مـاله داعي التعميم ،
وحتى أكون واقعيـة وياچ ف نسبـة قليلـة جداً
أمّا سبب هالشي ف هـو ردّة فعـل حيل طبيعيـة ،
جَـربي تآمنين بشي وتنطين كُل ثقتچ بـي
وفجأة ينهدم كُلشي بنيتيه گدام عينچ !
راح تلگين الـ حچيتيه فوگ هذا أقل شي مُمكن تسويه

View more

♡- سُؤآل : هلِ الرُّجوع في الكلآم يُعتبر عيباً أم أنه أمرٌ عآدِيْ ..؟!

حنون وما يخون | مُلهم إحسآسِيْ
.
.
_
آنـي أعتبر الشخص ناقص من يسوي هالحركة ،
بغض النظر ولد أو بنية ، مو گد الحچي لتفرد عضلاتگ
لـو تكون گد كلامك لو تخلي كلامك على گدك !

View more

الله دينتقم للصين بسبب الايغور 🙂

باللـه العظيم عدكُم قُدرة عقلية مُختلّة إلى درجة !
بحيث تقرون الأحداث قِرآءة شرعية ، صدُگ تحچون ؟
منو وكلّكم توزعون عقوبات ع البشر ، شـ هالتألّي !
سُكان الصين مليار و300 مليون ، والمُصابين 24 ألف
ويـلّي توفوا 400 من أصل مليار !
من المنطق أنُ الرب بس أختار ذولـة الـ 24 ألف ؟
زيـن أكـو تقارير تگول أن كورونا وصل لـ الإيغور
يعني " للمُسلمين " ! شلون هيچ اللـه يسّوي بيهُم ؟
يـ أخي تفسرون تفسيرات تنسفه نسف لـ الدين
وما تقدم بـي أي رؤيـة كونيـة عادلـة ،
تنصفون بجهة مُعينـة وتهدمون بـ جهات أخُرى !

View more

شخصيات مواقع التواصل الإجتماعي .. هل تؤثر عليك او تتأثر بها في الواقع?

.
.
_
تأثـر علي أكيد بـ بعض الأمـور الـ أجهلها
وتغيّر من تفكيري ف حال چنت أنظر لـ الأشياء بـ نظرة
غير مُلائِمة أو مَ مُناسبة ، غير هيچ ماعتقد !

View more

هم تخلين جدول اهداف سنوي او شهري ؟ وتكعدين من الصبح تكولين حسوي كذا شغلة

أبـداً ..
مُجرّد أفكآر أجمّعها وأشتغُل عليها بنفس الوكت
جربت أتذاكى وأسوي حركة أخلي أهداف وخُطط
طاح حظي وما حققّت منها ولاشي الحمَدللـه
مثل متعرفون الأحداث تلعب دور ، مُمكن الوكت
حتى العقليـة تـرى تختلف ! والله جديات يَـعني !
عفيـة شگد حـلوُ وآنـي أقنع بـ نفسي 🌝

View more

‏هل جربت مرارة شعور أن تمتلك العديد من الأصدقاء، ولا أحد منهم صديقك؟!

☆: نجمْآٺ آلسُمْأ
.
.
_
جربته ولگيت حلآته بـي ،
هسه مُمكن يُعتبر مـَرآرة بـ حال إذا آنـي أريـد أصدقاء
ومدا ألگى ! بس آنـي شخصياً ملگيت أفضل منـه
وحياتي كُلها گضّيتها هيـچ بـ إعتبار رغبتي بـ هالشي

View more

برايكم ليش نركز على ما فقدناه وكاننا لم نسعد إطلاقًا ؟ ولا نرى غير الحزن و وننسى ما نملكه من أمل واشياء مفرحه موجوده ؟

Ꭿ ᎻᎷᎬᎠ. Ꭿ ᏞᎠᏫᏫᎡᎥ
.
.
_
لإن أحنا أبـد مانعرف نعيش ،
شغُلنا بـ الحياه شلون نباوع على أكبر عدد من غيرنا
نشوف شعدهُم شـ يملكون ف نتشبّع بـ أشيائهُم
لمّا نرجع على حياتنا ومنلگىٰ شي بيها من العدهُم ،
" مانگوم نشوف بس الأشياء المفقودة "

View more

• ‏هذا الشعور ثقيل بما فيه الكفاية ليجعلني متسمراً على سريري طيلة اليوم .. 💔 - شنو لـ شي لـى يخليـك تحس بهل شعور ؟ 🖤

Shahy• .
.
.
_
- الصـراحة ولا شي !
وعادةً من تمرغلني الحياه أبـد ما أنـام ولا أبقى بمُكاني
إما أطلـع أو أشغل نفسي بـ أي شي المُهم مـا أگعُد ،

View more

♦️سؤال ليش الكل يدعي المثاليه؟ زين الشغلات الي مو زينه منو يسويها برايكم ؟

Ꭿ ᎻᎷᎬᎠ. Ꭿ ᏞᎠᏫᏫᎡᎥ
مـو الكُل أكيـد وإنمّا فِئـة كُـلش چبيـرة من النّـاس
متتقبّـل فِكـرة أنُ آنـي مُلـوّث آنـي عندي أخطـاء
آنـي مـو زيـن آنـي مـو خـوش آنـي هيـچ سوّيت
" دائِماً يحبّون يظهرون نفسهُم بـ الشكل المِثالي "
طبعاً حتى تبقى صفحتهُم بيضـا گدام النـاس
فـ الأشياء الـ مـو زينـة ، فعليـاً كُلنـا نسويهـا " كُلنـا "
بس منقبل نگول أي ! والسبب حچيته بـ البدايـة

View more

Next