أين محاضرة اليوم؟ ، لعله خيرا

بسم الله الرحمن الرحيم
بنسبة المحاضرات حضرتك، انا مفيش غير اتنين بس متابعين للدورة حرام المجهود اللي بعمله كل دا وبعطل نفسي وحياتي وعشان أكتب محاضرة في ساعتين واقعد افكر في طريقة واسلوب للشرح واطلع علي أكثر من كتاب للشرح عشان اشرح أفضل من كل الشروحات الموجودة في هذا الفن، وبعد كل هذا المجهود وتعطيل الذات ألاحظ أثنين فقط هم من يتابعون الدورة فكل هذا المجهود للشخصين فقط قليل جدا، بالنسبة ليه هذا الشخصين فوق رأسي ولكن انا مشغول جدا والله وهستمر في نشر المحاضرات تقديرًا لهم تقديرًا لطلب علوم الشريعة الإسلامية. ولكن كل هذا المجهود الذي أقوم به في هذه الدورة يصعُب علي الواحد أن يكون لشخصين فقط انا مش هغصب كل المتابعين متابعة المحاضرات لكن أنا بني آدم وأكيد بحزن علي وقتي اللي بيروح منه سعتين وأكثر كل يوم عشان شخص ولا شخصين فقط وانا حياتي مشغوله جدًا والله ويمكن صحابي اللي علي الأسك عرفين كده كويس جدًا.

غ.س انا واحدة متابعه المحاضرات وبحل الاسئلة عندي لاكن مش في وقتها يعني انا حاليا لسه في المحاضرة التالته 🌸

وانا عند كلامي مفيش غير اتنين فقط اللي متابعين للدورة واكيد حضرتك واحدة منهم وانا مستعد أعمل إشارة للمتابعين للدوره أعرفكم ان انا عارفهم وانهم اتنين فقط كما ذكرت، وحضرتك واحده منهم

المحاضرة كبييييرة جدا ومحتاجة مجهود ووقت كتييير وده مخلي الاغلب مش قادر علي الكمية دي فياريت اما الكنية تقل او ميبقاش كل يوم

حضرتك بالنسبة للكم أنا بشرح أساسيات ومبادئ فهي جزء نظري بحت لكن بعد كده لما دخلت في شرح الأحكام التطبيقية أنا أشتغلت حكم بحكم بدأت بأسهل حكم وهر الإظهار ولم اتجاوزه فقط شرح وتطبيق وكل محاضرة سيكون فيه حكم واحد فقط تعريف وشرح وتطبيق إن شاء الله

كده صعب جدا اني استوعب واخد الاستفادة الكاملة من المحاضرة 🌸 واسف للاطاله وتجزئة الكلام

خلاص حضرتك أوعدك من بداية الشرح التطبيقي الكمية هتكون بسيطة جدا جدا هو حكم وتطبيق فقط ليس أكثر ولا أقل بالإضافة طبعًا لأسئلة المحاضرة

وانت بقا بتقول مشغول مشغول محسسني أنك مهم وانت ولا تساوي اتنين جنيه ياعم غور متعملش فيه مهم

اولًا: حضرتك إسلوبك الغير محترم دا المفروض مردش عليه بس كلام حضرتك ولا يفرق معايه وهرد علي حضرتك عشان اللي بيحترم بيحترم نفسه قبل اي حد.
ثانيًا: عن أشغالي انا هرد عليه بس مش ليك لأ للمتابعين حضرتك أنا مدرس ابتدائي واعدادي وثانوي لغة عربية وقرآن كريم ومواد شرعية بشرح في مركزين في بلدين مختلفتين + مقراءه لتحفيظ القرآن الكريم وشرح مواد علوم الشريعة للثانوية الأزهرية كل هذا من يومي حضرتك اللي انت شايف اني مشغول في ايه في الأسبوع كل ثلاثة أيام في سنتر شكل كل هذا الشرح يحتاج تحضير لستُ متصفح البحث جوجل عشان الدرس اللي عليه الدور في الشرح اشرحه تلقائياً علي الأقل هقرأ الدرس مرتين قر،بالنسبة ليه انا طالب لسه في الجامعة يعني مش دكتور ومكتفي بالعلم اللي عندي لأ انا لسه بتعلم وبقرأ جديد وأكيد كل الثقافة اللي عندي في الإجابة علي أسئلتكم دي مش هتكون من فراغ أكيد بشتغل علي نفسي عشان اطور من نفسي حضرتك، عرفة حضرتك أنا مشغول في أيه، وأخيرًا حضرتك أنا مش باخود مقابل علي الدورات التدريبية دي ولا علي وجودكم علي الأسك ولا حتي علي اي شيء انا بعمل كل دا لله فقط فمش بطلب من حضرتك لا فلوس ولا مقابل غير الإحترام اللي حضرتك حتي دا مستكتر عليه هذا المقابل، وعلي العموم مفيش مشكلة حضرتك.

يعنى لو حضرتك مش فاضى ومضايق إن وقت حضرتك بيروح ع متابعين اثنين فقط ، ممكن حضرتك ترتب لنا أسماء المحاضرات بالترتيب الصحيح للتعلم وإحنا نعمل بحث ونعرف ، وجزاك الله خيرا

والله حضرتك لو تحبه ارتب لكم المحاضرات انا معنديش مانع بس أغلب الكتب الشرح صعب انا ببسطة خالص بس لو عوزين انزلكم شرح معين بس مش شرحي الخاص هو كويس بس مش شرحي ممكن انزله PDF لكم معنديش مانع خالص وهو مرتب جوه كل بحث وشرحه بس مش بالتفصيل زي شرحي اعتقد ذلك.

لان يهدي بك الله رجلا واحدا خير من الدنيا وما فيها..

اذا كان عندي وقت والله ما اتأخر عن اي شخص ولو شخص واحد فقط معنديش مانع لو تلاحظون حضرتك أنا بنزل المحاضرة كل يوم قريب الساعة 2 بليل عشان محدش سأل نفسه ليه بتنزل في الوقت دا او اقل شويه علي حسب المحاضرة باختصار حضراتكم انا يومي بيبدأ الساعة 8 الصبح بفطر وأجهزة نفسي لبداية الدروس، الساعة 9 في المقراءة لتحفيظ القرآن للساعة 11، ومن 11 الساعة 7 دول عربي وبليل ومن 8 ونص للساعة 10 او 11 شرعي ثانوي أزهري. هذا هو الجدول اليومي علي مدار الاسبوع بس في ثلاث أيام خاليه من الشرح ليلًا فيهم بحضر الشرح لباقي الاسبوع لجميع للمواد وقراءة بعض المواضيع الدراسية الخاصة بيه، وبعد الساعه 11 ببدأ اجهز المحاضرة لحضراتكم واكتبه واشرحه واحط أسئلة عليه واقوم بنشرها وكمان ببعت اللينك لحضراتكم كل دا بيجعلني انام بعد صلاة الفجر يوميًا بعد كل هذا العناء يكون رد فعل شخص انه يغلط فيه النهارده، ويكون عدد المتابعين اتنين او تلاته بالكتير بس اللي اعرفهم متابعين المحاضرة اتنين فقط. يعني كل مجهودي وانام في اليوم 4 سعات بس عشان يوصل الدوره لشخصين فقط، هل هذا يرضي الله.

اذا المحاضرة هتأثر على حضرتك كل يوم ممكن تخليها يوم او يومين في الاسبوع واذا لم ترد لا تكملها وبالنسبة لمن سب حضرتك لا تعره اهتماما

إن شاء الله هتكمل لو علي متابع واحد فقط كفايه عليه والله وان شاء الله هكملها وهنزل باقي المحاضرة كل يومين او تلاته محاضرة ان شاء الله هنزل محاضرتين في الإسبوع عشان وقتي وعشان اللي بيشتكي من طول المحاضرة وعشان يكون في وقت اطول للتطبيق علي كل حكم من أحكام التجويد تطبيق كافي

للأسف من يقدر ما تفعله هم قلة؛ وذلك لأن الناس للاسف أصبحوا ف غفلة ربنا يزيدك من علمه ، ويوسع ع حضرتك من واسع عطاؤه ، ويرزقك العلم النافع والعمل الصالح والذرية الصالحة ، بارك الله لك وعليك لما يحب ويرضى

ولكم بالمثل ويزيد يارب أضعاف مضاعفة، وبالنسبة للي بفعله دا مش لشخص وانما لله واحب شيء الي قلبي نفع الناس في علوم الشريعة وحبهم لها، بفرح جدًا لما ألاقي حد مهتم بعلوم الشريعة وهقوله صريحة أغلبهم وقد يكون كلهم عندي اللي مهتمين بالشريعة هم بنات بفرح جدًا لما وصل إليه بنات المسلمين من تمسك بالدين من حجاب و خِمار ونقاب، ويزيدون علي ذلك بحفظ القرآن وعلوم الشريعة الإسلامية نعم الإسلام قادم كما كان والليل مهما طال لابد من طلوع الفجر.