Ask @BeHelpful7:

💌

🍃جاهد نفسك ضد الإدانة .. جاهد نفسك ضد إصدار الأحكام على الناس جاهد نفسك ضد سوء الظن .. جاهد نفسك ضد الغيرة .. مع كل شخص مختلف عنك إفهم غضبك .. كن صادقا مع نفسك واسألها ماهو السبب الحقيقي لغضبك ؟؟؟
🍃لاتفتح سيناريو مع الشيطان .. لاتكسر المحبة لاتتسبب بألم للآخر سواء بالتجريح بالكلام ٲو الإساءة و القسوة بالتصرفات والأحكام
🍃•••حكّم عقلك .. ضع نفسك بموقع الآخر ..كم موقف حصل لك وٲول من وقف بجانبك ٲشخاص لم تتوقعهم !!! وكم موقف ٲول من خذلك به ٲقربهم إلى قلبك !!!! كثيرين لم يرزقوا نعمة وجود من يتقبلهم بكل مافيهم ربما ترى شيء كعيب الآن ، ومع الأيام تكتشف ٲنه من ٲكبر الميزات بهذا الشخص
🍃ربما معلوماتك السابقة صورت لك ٲنه عيب وفي الواقع هو من ٲجمل الصفات ..كلنا لنا عيوب والحب والعطاء وحده يجعلنا نتقبل عيوب الآخر .. وكلنا نكمل بعضنا البعض ،،،
ٲشكر الله على كل شخص دخل حياتك وامتن لوجوده .

View more

+1 answer in: “لماذا هم فى حياتى ؟!”

لماذا هم فى حياتى ؟!

ساعد غيرك
🍃افهم قاعدة مهمة ؛
ٲحيانا يضع الله في طريقك ٲشخاص تبتلى بهم هل تعرف ٲن سبب وجودهم هو حتى تصلح ما بداخلك .. تتعامل مع شخص عصبي فتتعلم الصبر ٲو شخص اناني فتتعلم الحكمة وقس عليها باقي الصفات المزعجة ولكن كن على يقين بأن الله سبحانه يعالجك ٲنت من خلال الأشخاص والمواقف المزعجة ...
انظر لكل شخص يدخل حياتك كأنه الخضر بالنسبة لموسى عليهم السلام وقل بداخلك ماذا سأتعلم من وجود هذا الشخص ٲو ماهي الرسالة التي ستصلني من مرور هذا الإنسان بحياتي ..
🍃وٲحيانا يحصل العكس تلتقي بأشخاص بغاية الروعة والطيبة والعطاء تعزهم ويعزونك وبعد ارتياحك لهم تنقلب الصفحة وتظهر ٲمور مزعجة وتتبدل الأحوال !!!
ما هو السبب ؟؟ ماهي الحكمة ؟؟!!
🍃أيضا هم علاج لك ..
إذا كان الناس كلهم رائعين كيف ستتعلم الصبر والحكمة والرحمة والتسامح والحكمة في التعامل .. لو رأيت ما يزعجك بهم من البداية كنت ابتعدت عنهم ورفضت صحبتهم بالعامية كنت "طفشت" ....
🍃مثلا شخص سريع الزعل يجعلك تنتبه لكلامك وتختار ٲلفاظك قبل التلفظ بها وهذا شيء طيب وهذه فضيلة لم تكن عندك .. غالبنا قلوبهم ضيقة بمعني لانُدخل قلوبنا إلا ٲشخاص بصفات محددة مسبقا والله يريد ٲن يوسع قلوبنا ويكون مصدر حب لكل الناس وتقبل لهم .. تأكد كل شخص مختلف عنك هو دواء لك تحتاجه برحلة علاجك .. الله قادر ٲن يحيطك بأناس تشابهك تماما ولكن هذا ليس بمصلحتك ..

View more

+1 answer Read more

يارب يجعلها من نصيبى ونبقى خير لبعض ..وانا راضى جدا بأى حاجة ربنا يقدرها وانا اللى كنت بطمنها بالكلام دة قبل ما نبعد انا هركز دلوقتى على دراستى ولما ييجى وقتها اللى فيه الخير يقدمه ربنا ❤️ شكراً جدا ليك ربنا يجازيك كل خير ❤️

اللهم امين واياك
خير ماتفعل 👏 ربنا يوفقك فى دراستك
ربنا يرضى عنك ويراضيك

View more

+4 answers in: “جزاك الله خيرا هعمل زى ما قولتلى وهو دة اللى انا عايز اعمله بس كنت محتاج حد يشجعنى وانا الحمدلله بحاول اقرب من ربنا اكتر مش شاب طايش يعنى وحاسس بالذنب ..ادعيلى الله يكرمك”

بس انا وعدتها وهى ممكن يحصلها حاجة لو محصلش اللى احنا عايزينه انا خايف مالقرار دة بس ربنا يسهلنا الحال يارب

انا مقولتش انك تخلف وعدك
انت بتقول اللى احنا مش عاوزينه بس انت فكرت قبل كده أن ربنا بيقدر اللى فيه الخير لينا !! وان ربنا ليه حكمه ف كده !!
ونقول ياااه فعلا ربنا صرف عنى حاجه كانت مش خير ليا وكانت هتسببلى التعاسه!!
بص طالما رضيت ربنا فتأكد أنه سبحانه هيرضيك وفوق مما تتخيل
وربنا يثبتك انت وهى 🌸
شوف الفيديوهات دى جميله جدا 👇
https://youtu.be/VuCDORlNh9Q
https://youtu.be/6ttDM7iezEI
https://youtu.be/BZBLOLJ67pk
https://youtu.be/zzUjuRMuWro
https://youtu.be/ap8sLEruKt4
https://youtu.be/6ttDM7iezEI

View more

+4 answers in: “جزاك الله خيرا هعمل زى ما قولتلى وهو دة اللى انا عايز اعمله بس كنت محتاج حد يشجعنى وانا الحمدلله بحاول اقرب من ربنا اكتر مش شاب طايش يعنى وحاسس بالذنب ..ادعيلى الله يكرمك”

احنا بعدنا وهى وافقتنى فالقرار دة عشان حسينا بالذنب بس وعدتها انى هحاول لحد ما اخلص كلية واروح اخطبها وبدعيلها دايما وبدعى انها تكون نصيبى ..انا كدة صح؟

جميل جدا جدا
طبعا صح 👌
الحمد لله انها اقتنعت هى كمان
ادعى افضل اللهم انى أسألك من الخير كله عاجله واجله ماعلمت منه وما لم اعلم واعوذ بك من الشر كله عاجله واجله ماعلمت منه ومالم اعلم
اللهم آتنا فى الدنيا حسنه وفي الاخره حسنه وقنا عذاب النار
واكثر من الصدقه والاستغفار والصلاه على النبي
................
وان كانت خير ليك ربنا يجمع بينكم

View more

+4 answers in: “جزاك الله خيرا هعمل زى ما قولتلى وهو دة اللى انا عايز اعمله بس كنت محتاج حد يشجعنى وانا الحمدلله بحاول اقرب من ربنا اكتر مش شاب طايش يعنى وحاسس بالذنب ..ادعيلى الله يكرمك”

اقترحي عليا أفكار هدايا لصاحبتي بليز 😃

شوكليت أساسى ياريت يعنى 😅
ممكن تشوفى هى بتحب ايه او محتاجاه وتجبيه
ممكن سلسه أو خاتم فضه
ممكن البوم صور صغير فيه صورةمميزه ليها وصور ليكو انتوا الاتنين
ممكن نوت تكون عليها صوره مميزه ليها أو نوت عاديه شكلها حلوه وتخلى زمايلها يكتبولها ذكرى فيه وممكن عيلتها لو انتى مقربه ليها واساتذتها فكره جميله جدا وعجبانى ( هتفرح بالكلام وهييقى ذكرى )
ممكن تعمليلها فوتوسيشن مفاجأه وطبعا تكون الفوتوجرافر بنت 😅
انا جبت لزميلتى ادوات عنايه للبشره والشعر وفرحت بيهم جدا جدا

View more

+2 answers Read more

جزاك الله خيرا هعمل زى ما قولتلى وهو دة اللى انا عايز اعمله بس كنت محتاج حد يشجعنى وانا الحمدلله بحاول اقرب من ربنا اكتر مش شاب طايش يعنى وحاسس بالذنب ..ادعيلى الله يكرمك

انا شوفت سؤالك الاخير بس مردتش ارد عليه زى ماكنت عاوز قبل كده
دلوقتى انت وصلت لايه ؟!
لسه ثابت زى ماانت !!
ولا رجعت تكلمها تانى !!
مش انا قولتلك أن الموضوع هيبقى صعب ف البدايه ورضا الناس غايه لاتدرك ورضا الله غايه لاتترك !!

View more

+4 answers Read more

..

ايه اللي قالته ف الاول؟
حضرتك صح جدًا وانا قلتلك انه هتتعب وجدًا كمان
ع البنت هتاخد الامر من بدايته إنه عاطفي ومتعشمة
وممكن تحاول تستعطفك بكلام زي هكره نفسي والكلام ده
بنات وانا عارفاهم 😂
اللي بحاول أقوله متتأثرش وده طبيعي جدًا
وانا سبق وقلت لك اثبت ع موقفك ع انا عارفة رد فعلها وطبعا حضرتك هتحس بندم وتصعب عليك لكن لا
انتو الاتنين غلطانين وانتو لوحدكم هتستحملو نتيجة خطأكم ولو ينفع أكلمها معنديش مشكلة ع تفهم إن الخطوة دي لابد منها وإن الخطأ اللي حصل مينفعش يستمر ومحدش غلطان دونًا عن التاني
انتو الاتنين غلطانين لان حتي لو حد فيكم هو اللي بدأ فالتاني هو اللي عطاله فرصة
فبالتالي خليك ع موقفك عادي وسيب البلوك لا تتهاون ولا تتراجع واستعين بالله وامشي علي اللي قلناه ولو في أي مساعدة احنا معاك
ربنا ييسرلك أمرك ويهديك لطاعته 🌹

View more

..

بالنسبة للنظام فمفيش لخبطة ولا حاجة
هما غالباً في محاضرات اتعملت ف الاول ع تفهموا النظام
اللي انا فهمته انهم 5سنين بنظام السمستر يعني الترم هتخلصه وتمتحن عليه وده أفضل وأريح، لكن احنا كنا بنمتحن السنة كلها وده بصراحة بيشكلنا ضغط كبير جدًا فوق الطاقة ونظام حرفيًا فاشِل، وهيظبطوا المناهج بالمفيد بس مش الحشو اللي عندنا
لو عايز تفاصيل أكتر ممكن تروح الشئون واسألهم وهيفهموك بإذن الله
احضر المحاضرات والدكتور اللي متفهمش منه كويس وفيه اجماع عليه اطلبو تغييره عادي
لو متغيرش فاسمع تسجيلات احسن ومتضيعش وقتك في محاضرات مبتفهمش منها
اسمع الشرح كويس وانتبه وحاول تكتب اي كلمة مهمة ولو فيه رسمة ارسمها هتسهلها عليك وانت بتذاكر وتفتكر الشرح ع طول واسأل الدكاترة لو مش فاهم حاجة مش شرط فيه في المحاضرة ممكن تروح مواعيدهم ف المكاتب واسأل
متراكمش حاجة عليك وذاكر اول بأول وحط هدف
شوية بشويةالامور هتوضح وتفهم وتعرف تتعامل اكتر
واحنا معاك برده اول ما تبدأ مذاكرة نتابع بإذن الله🌹

View more

..

عارفين طبعاً وحضرتك أكيد فيك خير كبير جدًا وإلا مكنتش دوّرت علي اللي يرضي ربنا
وهحكيلك موقفين اختار منهم أيهم تكون:
كان فيه شاب وبنت علي علاقة وهو التزم قالها اسف اللي بنعمله ده غلط وحرام وسابها فعلاً وهو مؤمن بإن من ترك شيئًا لله عوضه الله خيرا منه
ونقل من مكانه وبدأ في حفظ القرآن والدعوة وتقدم جدًا وبقي إمام وشيخ ومرت السنين وسمعوا فجأة إن فيه معلمة قرآن في مسجد جنبهم والدته قالت هروح اشوفها لعلها تكون خير ليك وراحت وجت منبهرة بأدبها وأخلاقها ودينها وجمالها وراح فعلا يتقدم وكانت منتقبة في الرؤية بترفع النقاب لقاها هي نفس البنت ومازال حبها في قلبه :')
بعد ما تزوج بيحكي لصاحبه عارف آية( من عمل صالحًا من ذكر أو أنثي وهو مؤمن فلنحيينه حياة طيبة)
قاله والله أنا أحيا حياة طيبة :')
ده جزاء اللي بيتقي الله فعلا
ومثال تاني ع النقيض
كان معايا اتنين زمايل كانو بيحبوا بعض وكانو بيتكلمو من ثانوي وكان هيحصل خطوبة ف اول سنة كلية بس والده رفض ع سنهم صغير لسه وقال يستني شوية فعلًا
عايزة أقولك إنها حاليًا متزوجة من حد تاني خالص وحرفيا الخطوبة والزواج حصلو في 6شهور بس
فاعرف انك قدامك خيارين
اما تكمل وهيحصل حاجة من الاتنين
اما ربنا يجمع بينكم فعلا بس حرفيًا هتلاقي البركة منزوعة تمامًا وهتلاقي عدم توافق ويمكن. يحصل تغير ف المشاعر يعمل انفصال لاقدر الله بعد كده
او هيحصل عدم التوافق ده قبل الخطبة اصلا وهتلاقي نفسك زهقت ومعنتش شايف فيها اللي شايفه دلوقتي
والالم هيرد ألف
كل ده ليه؟
مش قلنا ما عند الله لا ينال بمعصية ؟
طيب والحل التاني انك تصبر علي التعب وهي كذلك
خايفين تتعبوا؟ اها هيحصل
بس مع التعلق والانشغال بالله كل ده هيزول
وحطو هدفكم قدامكم لو عايزين بعض فعلاً يبقي نتقِ الله ونتجنب اي معصية ممكن تحرمنا الذنب وافتكر
"ولا يحملنّكم إستبطاء الرزقِ علي أن تطلبوه بغير طاعته فإن ما عند الله لا ينال إلا بطاعته"
و "أنّ من ترك شيئًا لله عوّضه الله خيرًا منه
إذا كان المخطوبين لازم بينهم حدود وتجاوز تلك الحدود والله وبالله بيعمل مشاكل رهيبة شفتها بأمّ عيني
فبالله إنتو في غِني عن الكلام ده
ولا تتهاون في أي خطوة وهي كذلك
إحنا معاك ف كل خطوة ولو حابب تتابع مذاكرة او جدول عبادة بحيث نمشي صح فإحنا معاك
ووافينا بكُل خطوة وهنبقي معاك دايمًا
ربنا ييسرلك الخير ويهديكم لطريقه🌹

View more

..

بلوك بعد ماتقولها ان كلامكوا حرام وميرضنيش ربنا ف رساله والبلوك يبقى بعدها علطول متستناش هترد عليك تقول ايه
واعزم النيه انك تقرب من ربنا وتبتغى رضاه
اها من حق لو فضلت على كده واتكلمتوا اكاد اجزم ان علاقتكوا هتبقى فاشله ومش هتبقى من نصيبك لان هيبقى عقاب من ربك انك اتعلقت بحاجه حرام فيحرمك منها
من الحالات اللى شايفاها حواليا بعد حب فوق السبع سنين *والحب ولع فى الذره *والكلام ده لاما سابوا بعض قبل الخطوبه لاما يدوب سابوا بعض بعض الخطوبه بشهر مثلا او اقل ومعدوش طايقين بعض
اعقلها كده
يعنى تكسر بقلب حد زى مابتقول ولاتغضب ربك
ثانيه كده هو ضامن عمرك !!! بنسمع كل يوم عن شباب بيموتوا مش بتتعظ !!! مش بتخاف يجى عليك الدور
هتقابل ربنا تقوله ايه !!!! اصل كنت خايف اكسر قلبها 😒
بص نصيحه والله صحبه صالحه هتلاقيها ف المساجد شباب زى الورد حافظين قرآن وبيعبدوا ربنا حق عبادته روح اتصاحب عليهم والله هيغيروا حياتك جدا وهتلاقى اللى انت فيه ده ضلال والشيطان بيوسوسلك انك هتكسر قلبها !!
يبنى قلبك وحالك كله انت وهى بايد ربنا يقلبها كيف يشاء
ف لمحه بصر هتكسر هى قلبك لان ربنا اراد كده
" لو كان خيرا ابقى " نصيبكوا عند ربنا متعرفش فين نصيبك !!!
متعملش حاجه حرام تغضب ربنا احنا بنتشعبط ف رضا ربنا ورحمته وستره الجميل
ربنا بيسترنا ويعفو عنا واحنا لسه بنعصيه ونقاوح !!!

View more

..

طيب هنتكلم بالعقل والدين تمام؟
نعترف ان الطريق كان خطأ من البداية، مينفعش اصلنا اخوات وبنساعد بعض وبنحكي لبعض
ربنا قال (ولا مُتخذاتِ أخدان)
وكذلك علي الرجل (ولا متخذي أخدان)
خْدن يعني تاخد من الطرف التاني صديق وصاحب ده لا يجوز
واذا كان ربنا حرّم الإختلاط، هيُحلّ الحديث بينهم؟
حضرتك مش متأكد من مشاعرك كمان الطريق طويل لسه وانتو لسه صغيرين، إحتمالية مشاعركو تتغير دي وارِدة وبالتالي حضرتك مش قادر تجزِم علي وفاءك بالعهد
واي بنت لازم تتعلق وتتعشم لانهم بنات
عشان كده ربنا قال (ولا تتبعوا خطواتِ الشيطان)
كل اللي كان ف البداية ده كان خطوات شيطان
والامر لو استمر ع كده هيتفاقم
وتعلقها بيخليها تختلق اي سبيل للحديث
فحضرتك لازم تعرف أن من ترك شيئًا لله عوّضه الله خيرًا منه
فحضرتك لو كلمتك تاني هتقول:
بعتذر اللي بنعمله ده غلط وحرام وربنا مش هيباركلنا في اي خطوة ولو لينا خير ف بعض هيكون
وحضرتك تعملها بلوك فورًا من اي مكان هي عليه
وافضل لو قلتلها كده تعملو بلوكات لبعض عشان تمنعوا التعلق، لان التعلق سئ جدًا وعواقبه سيئة و(من تعلّق بغير الله عُذّب به ولا بُدّ)
ولازم هي تفهم ان ده حرام بجد وتفهموا معني الحديث ده
(ولا يَحمِلنّكم استبطاء الرزقِ علي أن تطلبوه بغيرِ طاعته فإن ما عند الله لا يُنال إلا بطاعته)
ترضي تُحرم رزق بسبب ذنب زي ده؟
حضرتك متخيل انك ممكن تْحرم من ان ربنا يجمع بينكم بسبب الذنب ده؟
يبقي لازم فورًا تتاخد إجراءات حاسمة وكل الابواب المتفتحة تتقفل مفيش رقم ليها يتساب عندك وهي كذلك ولازم تفهم ده
ولا اي اكونت حتي
والله ما عند الله لا ينال بمعصية أبدًا
ولو حضرتك عايزها يعني *مش بتلعب ولا تسلية*
فحضرتك اتقِ الله فيها وهي تتقِ الله فيك
وتتخذوا الدعاء وسيلًا للوصول للحلم
لا تسأم الدعاء ولو ليكو خير ف بعض ربنا هيجمعكم ولكن ركزوا في الدراسة وحفظ القرآن وطلب العلم
اشغلو وقتكو بما ينفع دينكم ودنياكم
اشغلو وقتكو هتنسو، مبقولش تتخلّو عما تريدون ولكن الطريق طويل محدش عارف نهايته
حضرتك ممكن تلاقي حد أفضل، هي وبالرغم من كل ده ممكن تتخطي فعلاً وتلاقي حد أفضل
فالطريق قدامكم مُبهم حاليًا ملوش اي حدود
لسه طلبة صغيرين فيه حاجات اهم ودراستكو هتشغلو كتير وانا واثقة من ده لان الكليات دي مش سهلة
بس اهم حاجة ميحصلش العكس والتعلق ده يشغلكو عن الدراسة
فياريت حضرتك تكون متفهم ده وتعمل كل ده ومفيش تهاون ف خطوة ع لو قفلت كل الابواب وسبت باب مفتوح هترجعوا تاني للغلط واحنا مش عايزين ده
وخلي بالك الشيطان بيستني الغلطة ويرجعك لأسوأ مما كنت عليه فمش عايزين نسيب باب مفتوح
ينفع اقول بطلت اغاني ولسه حاطط بلاي ليست عندي ؟
يبقي نقطع الخطأ من جذوره
حضرتك هتتعب؟ اها شوية
هي هتتعب؟ اها اوي
وده فرق مهم جدًا ع البنت حساسة وشديدة التعلق
بس ده ف البداية
متخليش اي تصرف منها يُرغمك او يرجعك عن خطوة
هتتعب اها وممكن تحاول توصلك بس متسمحش لده
وافتكر دايمًا إنك مش عايز تعصي الله فيها
ولازم هي تفهم وتتفهم ده وقولها مهما حصل مش هنتكلم تاني وانتهي
وامشي بالخطوات وبلّغنا أول بأول وهنكون معاك
ربنا يهديكم لطريقه ويهدي قلوبكم 🌹🌹

View more

Next