Ask @BnSamy:

كل فترة من حياتي بكون بافكار و اسلوب حياه وانواع كتب وحتي الوظيفه اللي عاوز اشتغلها. بس انا عارف انها رحله كده بدور فيها ع نفسي بس احيانا بخاف اني افضل كده وخصوصاً فكرة ارتباطي بشريك الحياه اخاف بعد فترة اتغير واحس اننا مش هنشترك في نفس الحجات لو انا اتغيرت .حد عنده تعليق علي حالتي دي ؟؟

ساعات بيكون تفكيرنا في الشيء هو اللي بيعقده، بص باختصار كده فكر في نفسك وطورها وحسنها وخليها أفضل شيء إنتا تقدر عليه، ومع الوقت هتلاقي ناس زيك وهتنجذبوا لبعض، الأرض فيها 7 مليار لا تقلق أكيد هتلاقي ناس تناسبك سواء كأصدقاء أو كشريك حياة

View more

ايه اللي بيخلي الواحد يعمل حاجه غلط وهو عارف انها غلط ?

كل شيء بيحصل لازم يكون وراه مكسب، فاللي بيعمل حاجة غلط وهو عارف إنها غلط فأكيد هو بيحصل على مكسب ما سواء معنوي أو مادي ، دي الفكرة باختصار فممكن الشخص يبقى عارف إنه غلط لكن يعمله عشان عاوز المكسب دا

View more

تقبل تتجوز واحده تخينه وعندها كرش

ههههه ما انا تخين وبكرش؛ مش بقول ان الشكل ملوش لازمة والكلام الهري دا؛ لكن العقل اهم حاجه وهو اللي بيدوم؛ بعد كام سنة نظرك هيروح ومش هتشوف لا تخن ولا كرش؛ واللي هيفضل العقل واسلوب التعامل وكده؛ الا لو جالي زهايمر بقي

View more

بتحب تسأل الاسئلة ولا تجاوب عليها؟

كل واحد له فائدة؛ لما بتسأل سؤال بتاخد معلومة مكنتش تعرفها؛ ولما بتتسأل بتتعلم تسترجع معلومات عارفها وترتبها في مخك وبالتالي متتنسيش ابداً؛ اظن انا بحب اكثر اتسأل؛ لان في اسأله بتبقي معرفهاش فبتخليني ادور وافكر

View more

جمله قرأتها او قيلت لك ولن تنساها ما حييت ؟؟

في مجال العمل " الوظيفة هي مانع من الفقر مانع من الغني" وفي الحياه " قلت استغفروا ربكم انه كان غفارا؛ يرسل السماء عليكم مدرارا؛ ويمددكم بأموال وبنين ويجعل لكم جنات ويجعل لكم انهارا" ... وكمان الجزء من الاغنية اللي بيقول " عيش؛ حب الناس وعيش؛ تلقي الناس قلوب؛ حب متتنسيش"

View more

قرار اخدته و كان لازم يتأجل والعكس برضوا قرار خدته متأخر ووقته كان عدي وفات ؟؟

بقالي كثير سايب السؤال دا لاني مش عارف له اجابه؛ في قرارات كثير غلط او مستعجله وندمت عليها لكن بعد سنين لقيت اني استفدت منها؛ فكل قرار اخدته وكنت شايف انه لازم يتأجل لقيت بعد فترة انه صح انه اتاخد فالوقت دا...

View more

Next