- وديني هناك
- طب ليه طيَّب ؟
- مش هقدر تاني إنْ ابقى معاك
أنا عايزه أروح .. الله يخليك .. وديني هناك
- طيّب هنروح
- شكلك مفضوح .. كداب يعني ... من إمتى قبلت تضيَّعني
بس انا محتاجة ابقي لوحدي .. صدقني الوضع فــ مصلحتي
- أنا آسف مش هقدر ألبّي
- أنا قادرة وهتحمل ذنبّي
- طيّب
- طب إيه
- أنا هفضل جنبك وقريّب
- الله يخليك .. مَا تصعبهاش
- الله يخليكي .. تخليكي
- أنا آخر واحدة هتبقالك
- مش هقدر اكمل غير بيكي
- أنا خايفة أروح .. وضعيفة هنا
- اليوم لو روحتي هَعيشه سنة
- طب حلك إيه ..
ومشبَّك إيدي في إيدك ليه ؟
- علشان أتطمن واتدفَّي
- لو بس كلامك يوم كفَّى
أنا كنت هعيش من غير ما اهتمّ
- لو روحتي الروح هتعَجْز هَمّ
- طيب هستني الليل يخلص
والفجر يشقشق وديني
- هو انتي هتقدري تنسيني ؟
- أنا عاميه ومش هعرف اشوفك
فيجوز أنساك
فأكيد أحسنلي إنْي ابقي هناك
- طب وانسى ازاي
- أول ما تبطل تشرب شاي
- مش وقت هزار
- ولَا وقت دموع
بطَّل تحتار
وانهِي الموضوع
- طب نامي خلاص
هعْملك اللّي انتي تحبيه ؟
- دا الصبح قريب !
- طب ايه طيب؟
- مش هقدر اسيبك وابقي هناك
الله يخليك .. خليني معاك
عن ديوان : بُعد رابع
محمود عصام
اي الجمال دا 💙
- طب ليه طيَّب ؟
- مش هقدر تاني إنْ ابقى معاك
أنا عايزه أروح .. الله يخليك .. وديني هناك
- طيّب هنروح
- شكلك مفضوح .. كداب يعني ... من إمتى قبلت تضيَّعني
بس انا محتاجة ابقي لوحدي .. صدقني الوضع فــ مصلحتي
- أنا آسف مش هقدر ألبّي
- أنا قادرة وهتحمل ذنبّي
- طيّب
- طب إيه
- أنا هفضل جنبك وقريّب
- الله يخليك .. مَا تصعبهاش
- الله يخليكي .. تخليكي
- أنا آخر واحدة هتبقالك
- مش هقدر اكمل غير بيكي
- أنا خايفة أروح .. وضعيفة هنا
- اليوم لو روحتي هَعيشه سنة
- طب حلك إيه ..
ومشبَّك إيدي في إيدك ليه ؟
- علشان أتطمن واتدفَّي
- لو بس كلامك يوم كفَّى
أنا كنت هعيش من غير ما اهتمّ
- لو روحتي الروح هتعَجْز هَمّ
- طيب هستني الليل يخلص
والفجر يشقشق وديني
- هو انتي هتقدري تنسيني ؟
- أنا عاميه ومش هعرف اشوفك
فيجوز أنساك
فأكيد أحسنلي إنْي ابقي هناك
- طب وانسى ازاي
- أول ما تبطل تشرب شاي
- مش وقت هزار
- ولَا وقت دموع
بطَّل تحتار
وانهِي الموضوع
- طب نامي خلاص
هعْملك اللّي انتي تحبيه ؟
- دا الصبح قريب !
- طب ايه طيب؟
- مش هقدر اسيبك وابقي هناك
الله يخليك .. خليني معاك
عن ديوان : بُعد رابع
محمود عصام
اي الجمال دا 💙